Дөрес сүзгә җавап юк!

Бәхет кошын сатып та, атып та булмый. Габит Садыйков

Үз фикереңне үткәрергә тырыш. Бәхәскә кер, якла: ләкин аны көчләп башкаларга бөти итеп такма! Нури Арсланов

Вакытында әйтелгән сүз генә асыл. Алда әйтелсә — көлке, соңга калса — төссез. Факил Сафин

Берәү чит бер телне өйрәнәсе булса, башта үз телен яхшы белсен! Каюм Насыйри

Югалган дусларыңны эзләү — үзеңне эзләү ул. Разил Вәлиев

Балаларың, оныкларың туган телендә сөйләшмәсә, "Мин — татар!" дип лаф оруыңнан ни файда?! Ләбиб Лерон

Барлык ябык ишеккә дә шакырга һәм барлык ачык ишеккә дә керергә кирәкмәгәнен яшь барган саен аңлыйсың...

Тел — халыкның акылын, гореф-гадәтен дөньяга карашын, фәлсәфәсен, тарихын, кыскасы, бөтен күңел байлыгын, мең еллар буена үзенә сеңдерә килеп, безнең заманнарга җиткергән чиксез кадерле хәзинә. Гомәр Бәширов

Өч нәрсә күңелгә кайгы китерер: яман юлдаш, яман хатын, яман холык. Әбелмәних Каргалый

Булырдай кечкенәдән "мин баш" дияр, булмастай үлгәнче "мин яшь" дияр.

Әгәр сез кем өчендер начарга әйләнгәнсез икән, димәк сез аның өчен артык күп яхшылык эшләгәнсез. Лев Толстой

Мәгънә турында уйла, сүзләр үзләре барлыкка килер. Льюис Кэрролл

Башка берәүгә ярдәм итү өчен бай һәм көчле булу кирәк түгел. Бары игътибарлы һәм ихтирамлы булу да бик җитә.

Ана теле дип сөйләшмисез. Ул бит ана теле. Бөтен төрки халыклар "анам теле" дип сөйләшә. Татар теле, туган тел гыйбарәсе ана телен үтерергә тиеш түгел. Рабит Батулла

Хис һәм гамәлләрдә үзгәреш булсын өчен иң башта фикерләрне үзгәртергә кирәк.

Ызгыш-талаш юлы — мең, килешү юлы — бер генә. Татар халык мәкале

Язмышның иң зур бүләге — "булуың өчен рәхмәт" дип әйтерлек кешеләр. Эрсин Тәзджан

Эш сөйгән бәхетен табар.

Мәхәббәт — яшьлекнең иң матур бизәге.

Кеше надан булса, ул аннан котыла алмый. Ул надан профессор, надан академикка хәтле күтәрелә ала, әмма наданлык барыбер кала. Мөхәммәт Мәһдиев