Дөрес сүзгә җавап юк!

Нинди генә очракта да жиңәргә өйрән. Көчле рухлылар гына максатларына ирешә алалар. Түземнәр генә бәхеткә лаек. Фәнис Яруллин

Башкаларга караганда яхшырак булырга түгел, кичәгегә караганда яхшырак булырга кирәк. Бу стратегия җиңелләрдән булмаса да, иң отышлысы.

Әгәр хыял канатларың өтелмәсен дисәң, үз биеклегеңнән төшмә! Нәбирә Гыйматдинова

Кирәкмәгән (урынсыз) сүзләрне тешләрең артына кысып калдыра алмыйсың икән, киләчәктә протезың артында яшереп калдырасың булмагае.

Сезнең иң төп хатагыз — кеше күзен бәяләп бетермәү. Аңлагыз, тел дөреслекне яшереп калдыра ала, ә күзләр — беркайчан да! Михаил Булгаков

Савыгырга теләге көчле булган кеше иң яман чирне дә җиңә. Мәкаль

Бер-беренә "песием" диючеләр песинең юлбарыска, "кошчыгым"ның аҗдаһага, "матурым"ның убырлыга әйләнә алуын тора-бара гына аңлыйлар...

Кешенең шатлыктан елмаюын күрү күңелле. Аның елмаю сәбәбе син үзең булсаң, ике тапкыр күңеллерәк.

Бер чир эләккәч тә урынга ятсаң, икенчесен дә табарсың. Мәкаль

Яз кебек күңелегезгә җылылык, тормышыгызга бәрәкәт һәм илһам юлдаш булсын🌼 Һәр көнегез якты уйлар һәм шатлыклы мизгелләр белән тулып торсын🌸

Хисләргә ирек бирә белергә кирәк: йөрәгең дә, акылың да шулчак җиңел сулап куяр.

Һәр кеше үз салават күперен үзе ясый. Төсләрне кызганмагыз!

Сый-нигъмәтләр тулы өстәлләр яныннан ераг­рак йөрсәң, күп чирләрдән азат булырсың. Мәкаль

Бөек кеше генә үч сакламый. Бөек кеше генә үзен рәнҗеткәннәрне гафу итә белә. Туфан Миңнуллин

Әгәр җаның кемгә дә булса тартыла икән, каршы килмә. Бары ул гына безгә нәрсә кирәген төгәл белә.

Авырмаган кеше саулыгының кадерен белмәс. Мәкаль

Гомер итәр өчен бер-береңә тиң булу кирәк. Бернинди байлык, зур дәрәҗә җан тынычлыгын, бәхетне алыштыра алмый. Вакыт узу белән, кешелек кыйммәтләренең бәһасез икәнен аңлый кеше. Әмма әйткән сүзләр, кылган гамәлләр хәтердә мәңге саклана...

Иң мөһиме — үзеңә ышану. Әйләнә-тирәдәгеләрнең фикере көн саен үзгәрә.

Бала – синең йортыңдагы кунак. Ашат, тәрбиялә һәм иреккә җибәр. Һинд әйтеме

Ике җырның берсендә мәхәббәт язларда килә дип җырлана. Әгәр синең сөюең көзләрдә туса, моңсуланма. Үз җырыңны яз! Һәр көзнең үз төсе, үз көе, хикәясе... хисе.