ب،چرپێنە

چاوت، وەک شەو پڕ لە ڕازە و خەندەت، وەک ڕۆژ ئەفسووناوی! من ڕێبوام، داڵدەم بدە ئەمشەو پەنام بۆ هێناوی! #ب،چرپ

​لەم پێچوپێچە بێباکەی تەمەندا هاوکێشەکە ڕوونە من جگەرە، خودا، و فەلسەفە چوار هێڵی تەریب کە لە خاڵێکی نادیاردا یەکمان گرتووە پێکەوە کۆڕی هاوڕێیەتییەکمان بەستووە کە پڕە لە شەڕی فیکری تامی خۆشی و قورسیی ناخۆشییەکان ​ئێمە ویقاری تێڕامان و وتارە نەبیستراوەکانی گەردوونمان لە نێوان خۆماندا بەش کردووە مێشکم گۆڕیوە بۆ دۆزەخێکی گڕگرتوو نەک بۆ سوتان بەڵکو وەک کوورەیەک بۆ دۆزینەوەی ئەو زێڕە شاراوەیەی کە لە ناخمدایە ژیان لە کەناری ئەم دۆزەخەدا، نامۆییەک بە ڕوخسارم دەبەخشێت کە خەڵکی ناوی دەنێن شێتی بەڵام چی لەوە چاکترە؟ من لە قوولایی ئەم شێتییەی خۆمدا، ئاسوودەییەکی متمانەپێکراوم دۆزیوەتەوە

وەکوو بێژی ئێمە چواردەورمان زۆر پڕە وە ناشکوری نەوێ! 😄

کێشەی مرۆڤی مۆدێرن ئەوەیە، لەنێوان ڕۆحانی بوون و پووچگەرایی نازانێت کامەیان هەڵبژێرێت.

​"کارل گۆستاف یۆنگ "کتێبی سوور

بە بۆنەی ڕوژی لە دایک بونی ماموستای زێدە ئەزیز پێشکەشتان ئەم هونراوەیە پێشکەشی ئەو زاڵم بابەی زێدە لە دڵما شرین 🙏😍

هاوڕێیانی ئازیزم ئەمشەو دەمەوێت لەم گۆشە بێدەنگەی تەنیایی خۆمەوە قسەیەکی زۆر قووڵ و پڕ لە ژان لە دڵمەوە بۆ دڵتان بکەم من وەک گەنجێکی ئەم خاکە کاتێک سەیری ئەم دۆخە دەکەم ڕوحی گەلەکەم وەک ئاگر لە ناخمدا دەسوتێت زۆرجار غەمێکی گەورە دامدەگرێت کاتێک دەبینم چۆن نەوەی نوێ لە مانا ڕەسەنەکانی خۆی دابڕاوە چەند ڕۆژێک لەمەوبەر کاتێک لە شوێنێکدا بەوپەڕی شانازی و یەقینەوە وەسفی دیانەتە کۆن و پاکەکانی کوردی خۆمم بۆ چەند کەسێک کرد نەک هەر لێم تێنەگەیشتن بەڵکو منیان بە بێدین و لادەر لە دین ناساند و گاڵتەیان بە ئەقڵم کرد ئەمە نیشانەی تێنەگەیشتنێکی قووڵە لە مێژوو چونکە ئەم بیروباوەڕە دێرینانەی ئێمە وەک زەردەشتی و یارسانی و ئێزیدی پاکترین جۆری ناسینی خودا و یەکتاپەرستی بوون کە پێش سەدان ساڵ لەسەر ئەم خاکە هەبوون و سروشت و مرۆڤایەتییان لا پیرۆز بووە ​ئەم دیانەتە کۆنانەمان پەیوەندییەکی ڕاستەوخۆیان بەو خاڵ و هێمایانەوە هەیە کە پێی دەڵێین کوتان دایکان و خوشکانمان لە مێژوودا ئەم شتانەیان لە پای ئازارێکی قووڵ دروست کردووە و وەک ڕەهەندێکی گەلەریی نیشتمانی پێشکەشیان کردووین ئەوان لە سەردەمێکدا دەژیان کە هیچ زمانێک و چاوێک نەبوو لێیان تێبگات و هاوسۆزیان بێت بۆیە ئەوان ئازار خۆشی تەڵسمی پاراستن و کاتی سەرسامیی خۆیان لەسەر گۆشت و پێستی خۆیان دەکوتا بۆ ئەوەی بە ناخی خۆیان و بە جیهانی دەرەوە بڵێن ئەوەتا ئەمە ئازاری ئێمەیە ئەمە برینی ژیانی ئێمەیە و ئەمەش خۆشیی ناو دڵمانە ​ئەوان نەخشی جۆراوجۆریان دەکێشا وەک هێمای خۆر لە نێوان برۆکاندا کە نیشانەی ڕووناکی و پاکی خودایی بوو یان نیشانەی گەڵا و درەخت لەسەر دەست و بازو وەک بەرەکەت و پێوەندی بە سروشتەوە شێوازی دروستکردنەکەشی زۆر سەیر و پڕ لە ژان بوو شیری ئەو ژنەیان بەکاردەهێنا کە کچی یەکەمی ببوو لەگەڵ دووکەڵی ڕەشی ژێر مەنجەڵ تێکەڵیان دەکرد و بە سێ دەرزی تیژ پێستیان پێ کونکون دەکرد ئەمە تاتۆیەکی کاتی نەبوو بەڵکو باوەڕێکی قووڵ بوو لەگەڵ مێژوودا ​بەڵام ئەوەی ئێستا لە سۆشیاڵ میدیا دەیبینین تەنیا چاولێکەرییەکی کوێرانە و ڕووکەشانەی گەنجی ئەمڕۆیە گەنجانمان زۆر بە ڕوتینی لە بابەتەکە تێگەیشتوون تەنیا کاتێک سەرسام دەبن بە ڤیدیۆکانی ئینتەرنێت دێن بە قەڵەمی ماکیاژ چەند خاڵێک لەسەر ڕووخساریان دەکێشن تەنیا بۆ وێنەگرتن و پۆز لێدان و خۆدەرخستن بێ ئەوەی یەک تۆز بزانن مانای ئەو کوتانە چییە و چ ژانێک لەپشت دروستبوونییەوە بووە کاتێک مێژوویەکی ئاوا قووڵ دەبێتە کەرەستەی ترێند ڕوحی خۆی لەدەست دەدات من لێرەدا دژایەتیی کەس ناکەم بەڵکو حەز دەکەم فێری قووڵبوونەوە ببین ​لەکۆتاییدا من وەک گەنجێک زۆر پێم خۆشە کە گەنجەکانمان کچان و کوڕانمان هێمایەکی جوان لەو نیشانانە بکێشن کە تەعبیر لە ئازار و خۆشی و سەرسامیی ناخی خۆیان بکاتەوە بەڵام با بە یەقین و باوەڕەوە بێت نەک وەک چاولێکەری با بە کوتان و خزمەتی ڕاستەقینە بێت نەک بە قەڵەمی کاتی بۆ لایکی شاشە ساردەکان کورد بن و فەخر بە دین و ئایینە کۆن و پاکەکانی خۆتانەوە بکەن کە پڕن لە مرۆڤایەتی و پاکی با ئیتر بەس بێت ڕووکەشگەرایی و بگەڕێینەوە بۆ ناخی ڕەسەنی خۆمان

​ئازیزانم لێرەوە دەمەوێت غەمێکی تری تایبەتی خۆمتان بۆ باس بکەم کە ڕەنگە غەمی زۆرێک لە ئێوەی هۆشیاریش بێت من بە درێژایی تەمەنم ڕەنگە تەنیا دوو جار جلی کوردیم لەبەر کردبێت بەڵام کێشەکە لەوەدا نییە کێشەکە لەو ئازارە دەروونییە قووڵەدایە کە کاتێک لەم سۆشیاڵ میدیایەدا سەیری ئەم بەناو کورد پەروەرانە دەکەم و ئەو هەموو ڕووکەشگەرایی و نمایشە بێ مانا و درۆینەیان دەبینم خەریکە لە ناخەوە سارد دەبمەوە تەنانەت کاتێک گوێم لە سروودی نیشتمانیی ئەی ڕەقیبیش دەبێت ئەو تاوانکارییە دەروونییەی ئەوان دەیکەن وای کردووە کە مرۆڤی ڕەسەن هەست بە جۆرێک لە نامۆبوون بکات چونکە کاتێک پیرۆزییەکان دەبنە کاڵایەکی بازرگانی ئیتر مانای خۆیان لەدەست دەدەن ​لەم ڕووەوە فەیلەسۆفی گەورە فریدریش نیچە دەست دەخاتە سەر برینەکە کاتێک باس لە چەمکی مێژووی شوێنەواری دەکات و دەڵێت کاتێک مرۆڤەکان ڕابردوو و نیشتمان تەنیا وەک مۆزەخانەیەکی مردوو سەیر دەکەن و دەیپەرستن بەبێ ئەوەی ژیانی پێ ببخشن ئەوا ئەو ڕابردووە دەبێتە هۆی خنکاندنی داهاتوو و ژیانی ڕاستەقینە ئەم نمایشکارانەی سۆشیاڵ میدیاش ڕێک ئەم کارە دەکەن ئەوان هێندە کوردبوونیان سووک و ڕووکەش کردووە کە وایان لە ئێمە کردووە لە ناسنامەی خۆمان بێزار ببین چونکە مرۆڤی خاوەن مەدبەئ حەز بە تێکەڵبوون لەگەڵ درۆ و پێشانگای خۆدەرخستندا ناکات ئەم داڕمانە بەهاوییە مەسعود محەمەدی بیرمەندی گەورەی کوردیشمان بیر دەخاتەوە کاتێک باس لە کۆمەڵگایەک دەکات کە فیکر و مەنتیق تێیدا پاشەکشە دەکات و دەڵێت مرۆڤی سەرپێیی و فەرامۆشکار تەنیا لە ڕووکەشدا دەژی و ناتوانێت مانا قووڵەکانی نیشتمان و زمانەکەی تێبگات بۆیە دەبینین عاتیفەی درۆینە شوێنی مەبدەئی گرتووەتەوە ​دکتۆر عەلی شەریعەتیش قسەیەکی زۆر قووڵی هەیە کاتێک دەڵێت ئەگەر دەتەوێت بیرۆکەیەک یان ناسنامەیەک تێکبشکێنیت بە خراپ لێی مەدە بەڵکو بە خراپی بەرگری لێ بکە ئەمڕۆش لە سۆشیاڵ میدیادا بەو شێوازە ناشرین و بازرگانییە بەرگری لە کوردبوون دەکرێت کە وای کردووە گەنجی هۆشیار لە سرودی نیشتمانیش کاڵ ببێتەوە شێرکۆ بێکەسی شاعیری گەورەشمان هەر لەم غەمەوە بوو کاتێک هاواری دەکرد و دەیگوت کاتێک نیشتمان دەبێتە دروشمی سەر زمانەکان و لە دڵەکاندا نامێنێت ئیتر شیعر و سروودەکانیش ڕوحیان تێدا نامێنێت و دەبنە کەرەستەیەک بۆ خۆهەڵکێشان ​ئەگەر ئەمڕۆ ئەدیبێکی ڕەسەنی وەک مامۆستا هێمن لێرە بووایە و ئەم واقیعەی ببینیایە بێگومان بەو زمانە پڕ لە سوێم و غەمگینەی خۆی پێی دەگوتین کە نیشتمانپەروەری ڕاستەقینە پێویستی بە دڵێکی پڕ لە جۆش و خەمخۆری واقیعی هەیە نەک بەم ڕووکەشگەراییە مۆدێرنە بۆیە ئازیزانم کاتێک من یان تۆ بە تەمەنی خۆمان دوو جار جلی کوردیمان لەبەر کردووە بەڵام لە ناخەوە خەمخۆری ڕاستەقینەی خاک و زمان و ئەخلاقیاتین زۆر شەرەفمەندترە لەوەی ڕۆژانە نمایشی جلی کوردی بکەین و لە پشت شاشەکانەوە خەریکی سووککردنی بەهاکان بین بۆیە تکایە ڕێگە مەدەن وێنە کاتییەکانی ئینتەرنێت پێناسەی کوردبوونتان بۆ بکەن و مەنتیقی خۆتان لەدەست مەدەن چونکە نیشتمانپەروەری ڕاستەقینە لە دڵدایە نەک لەسەر شاشە ساردەکان

​ژنی کورد، زۆر ساده چی ڕەنگ خوا خەڵقی کردبوو، لەبەریان دەکرد، جاری وا بوو بە کراسی زەرد و سوورەوە دەمردن تێبینی: نیشانی پورەخان و دایەخانی بە دەیووت: ئاکەم کراسی کوردیی ڕەش بکە، ئەمجاریان وەنەوشەیی یان سەوزێکی قەسیلی بکڕە ​ئاسەوارێک بێ ڕوح نمایشێک بۆ ناوبانگ ​ئێمە نەوەیەکین کە فۆلکلۆر و ڕابردوومان کردووە بە تابلۆیەکی بێدەنگ بە دیواری سۆشیاڵ میدیاوە تەنیا کاتێک یادی دەکەینەوە کە پێویستمان بە لایک و ناوبانگ بێت! ​داخی گەورە لەوەدایە ئەوانەی ڕوحی ڕاستەقینەی ئەم خاکە بوون بەرەو مەرگ دەچن و ئێمەش لە جیاتی پاراستنی مەبدەئەکانیان خەریکی مۆمیاکردنی یادەوەرییەکانیانین لە پشت شاشە ساردەکانەوە کوردپەروەرییەک کە تەنیا لە ڕیڵزی ئینستاگرام و تیکتۆکدا بژی و لە واقیعدا هیچ مەبدەئێکی لەپشت نەبێت تەنیا بازرگانیکردنە بە ڕابردووەوە کاتێک هەموو شتێک دەبێتە نمایش تەنانەت ناسنامەش ڕوحی خۆی لەدەست دەدات و دەبێتە تەنیا وێنەیەکی بێ ڕوح بۆ خۆدەرخستن!

“إِنَّ اللَّهَ لَا يُصْلِحُ عَمَلَ الْمُفْسِدِينَ” بەڕاستی خودا کاری گەندەڵکاران ڕاست ناکاتەوە سورة یونس ئایەتی ٨١

​مایەی سەرنجە کە ئەسڵزادەکان هەرگیز نابنە سەرچاوەی بریندارکردنی دڵی خەڵکی ئەمەش نەک لەبەر ئەوەی خۆیان تامی ئازاریان نەچەشتبێت بەڵکو ڕێک بەپێچەوانەوە چونکە خۆیان بە قووڵی لە ئازار تێگەیشتوون ئەوان چاک دەزانن دڵێکی بریندار چەندە غەمگینە بۆیە ڕێگا نادەن هیچ کەسێکی تر تامی ئەو تاڵاوە بکات ​تەنانەت کاتێک خۆشیان ڕووبەڕووی برینداری و نادادپەروەری دەبنەوە برینەکانیان وەک چەکێک بۆ تۆڵەسەندنەوە بەکارناهێنن چونکە ئەسڵزادەیی و گەورەیی لە توانای تۆڵەکردنەوەدا نییە بەڵکو لەو هێزە مەزنەدایە کە بتوانیت زنجیرەی ئازاردان و خراپە لە ناخی خۆتدا بوەستێنیت و نەهێڵیت پەرە بسێنێت

وەک حەزرەتی مەحوی دەفەرموێیت دڵ کونی تێبوو نەبزوا مەیلی دڵداری نەما مرۆڤی دڵشکاو و ڕەسە

هەرچەندە ناخی بریندار بێت ناخی خۆی ناکاتە سەرچاوەی ئازار بۆ ئەوانی تر بەڵکو زنجیرەی ئازار لە سەرەی خۆیدا دەبڕێتەوە و نایگوازێتەوە بۆ دڵی کەسانی تر ​ئەو کەسەی بە ئازار وەڵامی ئازار دەداتەوە تەنها برینەکانی کۆمەڵگا قووڵتر دەکات بەڵام ئەو ناخە پاکەی سەرەڕای هەموو برینەکانی هێشتا بە میهرەبانی و جوانی دەمێنێتەوە بە کردەوە نیشانی جیهانی دەدات کە ڕەگ و ڕیشەی مرۆڤایەتی لە ناخیدا زۆر لە هەر ئازار و مەینەتییەک بەهێزترە