MS SCHOOL NURSURY-UKG

ከውይይቱ በፊት፤ 1. በውይይቱ ላይ ለመገኘት ከወዲሁ ኘሮግራምዎን ያስተካክሉ፡፡ 2. የሚከተሉትን ጥያቄዎች ልጅዎን ይጠይቁ፡፡ በትምህርት ቤት ውሎህ የበለጠ የሚያስደስትህ ምንድን ነው? በትምህርት ቤት ውሎህ የገጠመህ ችግር አለ? 3. ማስታወሻ ይያዙ የልጅዎን መምህር ስም ይወቁ፡፡ ከልጅዎ መምህር ጋር ሊነጋገሩባቸው የሚችሉአቸውን ነጥቦች መዝግበው ይያዙ፡፡ በውይይቱ ወቅት 1. በጽሞና ያዳምጡ • ልጅዎ በትምህርት ቤት ውስጥ ያለው ተሳትፎ ምን እንደሚመስል ለማወቅ ለእርስዎ ይህ መልካም አጋጣሚ ነው፡፡ • የልጅዎን መምህር አመለካከት ለመረዳት ይሞክሩ፡፡ • ከመምህሩ የሚነሱ ሃሣቦች በሙሉ ልጅዎን ከመርዳት እና ስኬታማ ከማድረግ አንፃር ታስበው የሚነሱ መሆናቸውን ይገንዘቡ፡፡ 2. የሚከተሉትን ጥያቄዎች ሊጠይቁ ይችላሉ፡፡ •  ልጄ ጥሩ የንባብ ችሎታ አለው? • የልጄ የሂሳብ ችሎታ እንዴት ነው? • የትኛውን የትምህርት ዓይነት ነው የበለጠ የሚወደው? • እርዳታ የሚፈልግባቸው የትምህርት ዓይነቶች አሉ? - ስለ የቤት ሥራ አሰራሩ ማወቅ ያለብኝ ነገር ምንድነው? • ልጄ በትምህርት ወደኋላ ከቀረ ምን ማድረግ አለብኝ? • ልጄ ድክመት ያሳየባቸውን የትምህርት ዓይነቶች እንዲያሻሽል እንዴት ልረዳው እችላለሁ? • የልጄን ድክመት ሊያሻሽሉ የሚችሉ ኘሮግራሞች በትምህርት ቤት ውስጥ አሉ? • በቤት ውስጥስ ምን በማድረግ መርዳት እችላለሁ? • የልጄ የትምህርት ብቃት ከሌሎች የቀደመ ከሆነ ምን ማድረግ አለብኝ? • ልጄ ለአእምሮው የሚመጥን በቂ ትምህርት እያገኘ ነው ወይስ ከአቅሙ በታች እየተማረ ነው? • የተለየ ችሎታ ላላቸው ልጆች ትምህርት ቤቱ ኘሮግራም ያዘጋጃል? • በአጠቃላይ ልጄ ምን ያህል እየሰራ ነው? • ልጄ ከክፍል ጓደኞቹ ጋር በመተባበር ይሰራል? • ልጄ በክፍል ያለው ባህሪ ምን ይመስላል? በውይይቱ ወቅት • ልጄ እንዴት እየሰራ እንደሆነ እንዴት ማወቅ እችላለሁ? 3. ስለልጅዎ የሚያውቁትን በመንገር ልምድዎን ያካፍሉ • መምህሩ ልጅዎን እንዲያውቀው ያግዙት፣ • የልጅዎ መምህር ከልጅዎ ጋር ችግር ካጋጠመው ከልምድዎ በመነሳት እና ከዚህ በፊት ልጅዎን ለማሻሻል የተጠቀሙበትን መንገድ በመንገር ልምድ ያካፍሉ፣ ከውይይቱ በኋላ • ከልጅዎ ጋር ይወያዩ፤ የቤት ውስጥ ስራዎችን ከመምህሩ በተነገርዎት መሠረት ለመስራት ይሞክሩ፣ • ልጅዎ ተገቢውን እርዳታ እያገኘ መሆኑን ለመረዳት ከመምህሩ ጋር ጥብቅ ግንኙነት ይኑርዎት፤ • መምህሩ እርስዎን ማናገር በፊለገ ጊዜ ማግኘት የሚችልበትን ሁኔታ ያመቻቹ፣ • ወቅታዊ የሆኑ ጥያቄዎችን ይጠይቁ፤ የቤት ስራና ልጅዎ ሌሎች ወላጆች ስለልጅዎ መምህራን፣ የአስተዳደር ክፍሎች፣ ስለትምህርት ካሪኩለሙ፣ ስለየቤት ሥራ አሠጣጡ እና ስለማህበራዊ ጉዳዮች ከእርስዎ የተሻለ መረጃ ይኖራቸዋል እና ያነጋግሯቸው፡፡ ስለልጅዎ ትምህርት ቤት እና የትምህርት ሁኔታ በይበልጥ ከሌሎች ጋር በተወያዩ ቁጥር ልጅዎ በት/ቤት ያለውን ልምምድ ሊያውቁ ይችላሉ፡፡ የሚሰጡ የቤት ስራዎች ለልጆች ትምህርት ወሣኝ ሚና አላቸው፡፡  ልጅዎ የሚሰጡትን የቤት ሥራዎች በአግባቡ መሥራቱ ኃላፊነት መሸከምን ከማስተማሩም በላይ ነገሮችን እንዴት መስራት እንዳለበት እና ትዕዛዝ መቀበልን እንዲማር ያግዘዋል፡፡  በተጨማሪም የተሰጠውን ስራ ጀምሮ መጨረስ እና በክፍል ውስጥ የተማረውን የሚለማመድበት ጊዜም እንዲያገኝ ይረዳዋል፡፡