Оналар Канали

ҚАЛБИ СИНГАНЛАРГА...    Италиялик машҳур актриса Софи Лорен режисёр Витторио де Сика билан дўст эди. Иккаласи ҳам Италиянинг Наполи шаҳридан эди. Иккаласи ҳам ниҳоятда камбағал оиладан чиққан эди.    Лондонга боришганда Софи Лорен бор йиққан тақинчоқларини ўғирлатиб қўйди. Йиғлашга тушди. Шунда Витторио унга шундай деди: - Эй Софи! Йиғиларингни яшириб қўй. Иккимиз ҳам Наполининг энг фақир оиласидамиз. Куллар орасидан чиқиб ўзимизни бунёд қилдик. Мол келиб-кетадиган нарса. Илтимос, нарсалар учун йиғлама!    Софи Лорен баттар йиғлаб Витториога деди: - Сен ҳеч нарсани тушунмайсан. Улар менинг ажралмас бўлагимга айланиб қолган эди!   Шунда Витторио ўзининг ҳикматга айланиб қолган жумласини айтди: - Ҳеч қачон сен учун йиғлай олмайдиган нарсалар учун йиғлама!    Зиён кўриш ҳаётнинг бир қисми эканлигини тушунишимиз лозим. Ўрнини тўлдиришнинг иложи бўлган нарсалар узоқ хафа бўлишга арзимайди.    Бошимизга зиён тушганда ўзимизга назар солайлик. Агар оёқда тик турган бўлсак демак ҳали Аллоҳнинг раҳмати бизни тарк қилмабди! Абдулқодир Полвонов Барча, онасини яхши кўрадиганлар учун канал👇 @Onalar_kanali https://telegram.me/+TvtkEzLNY9xZb6Jw

Ҳаёт берар кўп синов, Барчасидан фикр қил Бунда йўқдир хеч алдов, Нолимасдан шукур қил. Хаёл билан ҳаётни Хечам қўйма алмашиб, Бу ҳаётнг йўлида Қолма яна адашиб Бу дунёдир паст баланд, Баланд тутгин кўксингни, Харом билан нон ема Халол тотгин тузингни. Уч кун бўлар бу дунё Омонатдир танда жон, Сиқилганда худо де Худо ўзи меҳрибон Яхшилик қил қўлдан келса Кибр отин минмагин Бу дунёда яхши бўл У дунёни ўйлагин. Ёш Бобурбек ҳаётда Кўрди кўпнинг қисматин Сунг дўстларга атайлаб Йўллади ўшбу хатин! © Бобурбек Зиё Барча, онасини яхши кўрадиганлар учун канал👇 @Onalar_kanali https://telegram.me/+TvtkEzLNY9xZb6Jw

⚡️Умр ҳафтаси. Душанба - Ният қил. Яхшисига умид қил, мағлубиятларни унутма, ҳеч нарсадан қўрқма. Аллоҳдан қанчага тайёр бўлсанг ўшанча сўра. Энг асосийси олий мақсадни эсдан чиқарма. Сешанба - Манзил томон сени етаклайдиган устоз қидир, Шошилма, тажрибасиз йўлбошчиларга эътибор берма, уларга вақтингни сарфлама. Узоқ йўлга чиқиш учун катта кемага чиқилади, кичкина қайиқчага эмас. Чоршанба - Тайёрлан. Режалар туз, хато қилишдан қўрқма, бошқаларга эътибор берма, режаларда заҳирага эга бўл. Ота-онангни ва устозингни дуоларини ва маслаҳатларини ол, уларга амал қил. Унутма мўжиза содир бўлмайди. Пайшанба - Бошла. Аллоҳ сени режа билан тақдирладими зудлик билан ишга кириш, мукаммалликни унут, бор неъматларни қадрла. Асосийси бошладингми, ташлаб қўйма, нуқсонларни тўғирлаш мумкин аммо таслим бўлсанг бу тамом дегани. Бизни ўлдирмаган нарсалар бизни кучлироқ қилади. Жума - Кўп хатолар сени тажрибали қилди. Энди эса ўргат. Тажрибангни бошқалар билан бўлиш. Хатолар ҳақида огоҳлантир, саволларга жавоб бер. Эслаб қол, жавобларинг бошқалар тақдирини ҳал қилади. Шанба - Катта ишларни шогирдларга топшир, уларни тўғри йўлга бошла. Энди сен кема бўл узоқ сафарга йўловчилар билан бирга чиқа оладиган кема. Бағрингдаги инсонларни денгиз тўлқинларидан асра. Якшанба - Дам ол. Қилган ишларингни сарҳисоб қил, гуноҳлар учун тавба қил, савоблар учун таббассумнинг ўзи кифоя. Барокатли умр учун Аллоҳга ҳамд айт. Барча, онасини яхши кўрадиганлар учун канал👇 @Onalar_kanali https://telegram.me/+TvtkEzLNY9xZb6Jw

🍀Ассаламу алайкум!🍀 Чоршанба тонги муборак бўлсин🕊 🌤 Аллоҳ таоло бугунги кунингизни тинчлик офиятда, яхши кайфиятда, савобли амаллар билан тўла бўлиб ўтишини сизга насиб қилсин! https://telegram.me/+TvtkEzLNY9xZb6Jw

AKAM... Кичиклигимда ота-онам ўтиб кетишган. Акам менга ҳам ота, ҳам она ўрнида эди. Қийналиб-қийналиб мени одам қилган, ўзлари ўқимаган бўлсада, мени ўқитган. Ота-онам уканга ғамхўрлик қил деб у кишига васият қилганлари учун оғир меҳнат қилиб бўлсада мени ҳеч нимага зориқтирмай катта қилдилар. 28 ёшида уйландилар. Икки фарзандлик ҳам бўлишди. Акам мени жуда яхши кўрардилар. Гоҳида янгам ҳазиллашиб: "Акангиз мендан ҳам кўпроқ сизни яхши кўради", дерди. Нима топсалар менга илинарди. Мени уйлантириш ниятлари бор эди. Ҳаммаси ўша кунлардан бошланди. Даставвал анча тоблари қочиб бир-неча кун ишга чиқмадилар. Кейин бир кун ҳушидан кетдилар. Шифохонага обордик. Доктор кўзимга боқиб, ташвишли нигоҳда биттагина сўз айтди: рак... Мен умримда бундан даҳшатли сўзни эшитган эмасман. Бутун вужудим музлаб кетди. Бир неча кун ўзимга келолмадим. Акам бу ҳақда янганг билмасин деди. Докторлар умид жуда кам, деярли давоси йўқ дейишди, 99 фоизга. Бир фоиз умид бор экан-у деб Худога шукр қилдим. Докторлар агар операция қилиниб илик кўчириб ўтказилса, уни сақлаб қолиш мумкин дейишди... Янгам билиб қолиб, йиғлади. Жиянларим ҳали ёш. Улар биз каби отасиз ўсмаслигини Аллоҳдан сўрардим. Акам уларга керак эди. Суяк кўчириб ўтказишса фақат меники унга мос келиши мумкин. Ягона муаммо бу операция туфайли менинг ҳаётимга ҳавф туғилиши мумкинлигида эди. Мен ҳали ёшман. Уйланмаганман. Акам учун шундай қилишим керак эди. Доктордан бу ҳақда акамга айтмаслигини сўрадим.. Операция куни яқинлашарди. Лекин хотиржам эдим. Ахир жондан ортиқ жигарим- акамни сақлаб қолишим мумкин эди. Акамга донор топилганини айтишди. Бироз севиндилар. Охирги ойда акам анча қийналди. Айниқса болаларини кўрганида бошқача эзиларди. Билдирмасада мендан бекитолмайди. Бир вақтлар мени оч қолмасин, кийими бут бўлсин деб елиб-югурганида, касал бўлиб қолганимда кечаси билан бошимда бедор ўтириб чиққанларида нигоҳида шу қўрқув бор эди. "Акажон, сиз ҳали яшайсиз! "Мен борманку". Ниҳоят ўша тонг отди. Иншоллоҳ, бу тонг акамга янги ҳаёт ато этади. Мен... насиб қилган бўлса яшайман! Шифохонага келсам доктор акамни палатаси ёнида ўйчан турарди. Саломлашдим, операцияга тайёрлигимни айтдим. У: "Энди операциянинг фойдаси йўқ" деди. -Акангиз оламдан ўтди, бандалик ука, бардам бўлинг... Совуқ тер чиқиб кетди танамдан. Ўтириб қолдим. Доктор акамни кечаги бир кунлик дорисини ичмаганлигини, ярим тунда жони узилганини айтди, қўлимга қоғоз тутқазди. Йиғлаб юбордим. Бор овозим билан йиғладим. Кўзимда ёш билан акамнинг сўнгги ёзувларини ўқидим: "Укагинам, сендан розиман. Тугаб бўлган одам учун ҳаётингни ҳавф остига қўйишнинг кераги йўқ. Янганг ва жиянларинг сенга омонат. Худо ёр бўлсин!" Акам билган экан.. Эҳ, акажон! Сизга бир мартагина ғамхўрлик қилмоқчийдим. Сизни қанчалик яхши кўришимни исботламоқчийдим. Қаранг акажон, барибир сиз мени кўпроқ яхши кўраркансиз.... Барча, онасини яхши кўрадиганлар учун канал👇 @Onalar_kanali https://telegram.me/+TvtkEzLNY9xZb6Jw

ОНА! Она қаранг йиллар ўтмоқда, Юзларингиз гўзал, ажойиб. Қўлларингиз суртай кўзимга, Сизга фарзанд бўлдимми лойиқ? ОНА! Юринг бирга бозор борамиз, Олиб берай гулли кўйлаклар. Этагида жимжимадор ним, Пушти, гўзал, оқ, капалаклар. ОНА! Дийдорингиз соғиндим  бугун, Кўзларимдан ёшлар  тўхтамас. Олам бир ён, ўзингиз бир ён, Ҳеч бир инсон сизга   ўхшамас. ОНА! Ҳеч қиймати йуқки дунёда, Дийдорингиз дилимга малҳам. Ўзиз емай, бизга едирган, Ҳар луқмани кўргансиз  баҳам. ОНА! Айланамиз кенг кўчаларни, Кабобхўрлик қиламиз бугун. Қолсин майли дунёнинг иши, Дийдорингиз ҳар недан устун. ОНА! Меҳрибоним, жаннатим, Сизсиз, Бойлигимсиз оламларга  тенг. Сиз бахтимсиз, Дунёйим сиз  сиз, Хокисорим қалби, бағри кенг. ОНА! Айтмаганман бир сўзни дилдан, Балки ғўрман, буни биламан. Қалбим бугун ҳайқириб айтар, Сизни жуда яхши кўраман. Барча, онасини яхши кўрадиганлар учун канал👇 @Onalar_kanali https://telegram.me/+TvtkEzLNY9xZb6Jw

Умр барака билан узаяди. Умрдаги барака эса солиҳ амалларга муваффақ бўлмоқдир... © Шайх Юсуф Қарзовий https://telegram.me/joinchat/TvtkE6oET_SJ2DTx

Сизга борини бера олган аёлдан қўрқинг: Агар у қайтариб олса, борингизниям қўшиб қайтариб олади! Масала шуки: борини бера оладиган аёл- йўғида яшаб кўрган аёлдир! Сездириб сездирмай сизга бириккан қўлдан ҳазир бўлинг! Сизга бириккан жондан! Бирикиб, аллақачон қўшилиб кетган вужуддан... У ажралишни истаса, ярмингизни ўпириб, жонингизни жойидан суғуриб кетади! Агар мендан бу дунёда ким ҳавфли деб сўрашса, айтардим: Қийинчилик кўрган ва курашувчанликка кўникиб қолган одам- ҳафвли! Бўйи баравар чоҳга отмайсизми? Аро йўлда қолдириб кетмайсизми? Оғирингизни ортиб-ортиб, вужудини майиштириб, кейин тилка-пора этиб, кераксиз нарсадек улоқтирмайсизми?! У чоҳлардан қандай чиқишни билади! Қийналиб юриб, барибир йўлини топиши ҳам мумкин! Яна бир яҳлитликка келиб, парчинланган жойидан ҳам оёққа қалқа олади... Аммо билиб қўйинг-ки, курашишга ҳафсала қилган одамнинг ори ҳам кучли бўлади! Бир мартага бўлсин, сиз турган нуқтани қидириб келиб, юзингизга ўхшатиб тупуриб кетишни ҳам бажара олса ҳайрон бўлманг... Хаттоки йўл-йўлакай сиз кўтариб юрадиган чиройли рамкага аллақачон ярашиқли бўлишга-да улгурган бўлса... Кўряпсиз, мана у- ўша тарк этилган пайтидаги ҳолатига ўхшайдиган турқи-тароватда ҳам эмас... Яна ўйлайман-ки, ақллилар бу- вафолилар, садоқатлилар, мардлар ва муросакорлардир! Чунки уларнинг яшаб қолиш ҳусусияти ва миссияси- шу! Пешонасига битиб қўйилган одам ёмон бўлса ҳам унга нисбатан у барибир яхши бўлишга уринади... Ҳиёнаткор бўлса ҳам вафо кўрсатади, жанжаллар-у, тўс-тўпалонларни у ўз муросаси билан юмшатади! Нега шундай?! Нима унда ор, номус, ҳамият йўқми? Балки у ўта сабрли деб ўйларсиз? Тўғри, сабрнинг албатта чегараси бор! Қачон-ки, ўша сабр деганлари соб бўлганда ҳар қанақа одам- кўзини чирт юмганча ўзи учун қарор қабул қилади. Мен сизга айтган ўша оқиллик мана шу нуқтада ўзини кўрсатади; Мардини йўқотган ким? Вафосизидан айрилган-чи? Бу ерда ўзи ким ютқизиқда? Хатто аҳмоқ ҳам давраларга Клеопатрадек тахтда қўр тўкиб киришни уддалаши мумкин, аммо "чиройли кетиш" ни фақат ақлиларгина уддалай олади! ©️ Ummu Zaynab Ummu Барча, онасини яхши кўрадиганлар учун канал👇 @Onalar_kanali https://telegram.me/+TvtkEzLNY9xZb6Jw

🌦 Ассалому алайкум! Сешанба тонги муборак бўлсин! ХАЙРЛИ ТОНГ! Бугунги бошланаётган янги кунингиз файзли ва барокатли бўлсин! Сиз ва яқинларингизни яхши кайфият асло тарк этмасин! https://telegram.me/+TvtkEzLNY9xZb6Jw

Олти ёшлардаги болакай Меҳрибонлик уйи раҳбарининг хонасига киргач, унга уриниброқ қолган ўйинчоғини узатди. -Илтимос, буни кеча ўзингиз айтган болалардан биттасига юборинг... Рахбар бош қашлади, кеча нима деганди ўзи... - Ха, - деди, бироздан сўнг, - Роҳинжараларгами ёки Суриялик болаларгами? У бош силкиб тасдиқлаш баробарида яна ўтинди: . - Илтимос. Албатта жўнатинга! Бу энг яхши кўрган ўйинчоғим эди. Сизга ишондим. Бировга совға жўнатмаганига анча бўлган раҳбар ўйинчоққа тикилганча кечаги кунни эслади. Бешинчи гуруҳдаги тўполончиларни эсини киргизиб қўйиш учун уруш бўлаётган мамлакатлардаги ахволни эслатишга мажбур бўлганди. - Сенлар тўқликка шўхлик қиляпсан. Давлат шунча шароит яратиб берсаю қадрига етмасанг. Ана кеча Мьянмада нималар бўлганини биласанларми? Қочоққа айланган болаларнинг қанчаси майиб - мажрух, етим. Сурияликларчи? Бир неча йиллардан бери жанг-жадал ичида. Улар қочоққа айлаб, бошқа давлатларда яшашга мажбур! Улар ҳам етим, лекин сендардака шароитлари йўқ. Э, ношукурлар... «Ношукурлар»нинг боши эгилди. Рахбарга «ёзда кетганларни соғиниб қолдик, шунга кўришиб хазилакамига кураш тушиб кетгандик» дейиша олмади. ... Оғир эшикнинг ёпилишидангина ўзига келган рахбар сакраб ўрнидан туриб ташқарига отилди. Хозиргина хонасидан чиқиб кетган болакайга етиб олгач, тўхтатиб бошини эгди, ўйинчоқни эгасига узатиб хўрсинди: - Акмалжон, кечаги гапларимни оғир олма! Қизишиб гапирвордимда.... Ўйинчоғинг эса ўзингда қолсин. Ахир сенларнинг бошингдан ҳам кўп нарса ўтган болам. Етимлик қурсин.... У ўйинчоқни олмади. Мижжасига сизган ёшни сездирмайгина артар экан қатъий бош чайқади. - Буни албатта юборинг. Oта- оналари ўлдирилгани ҳам бор дедингизку! - Ха бор. Жудаям кўп, аммо сениям... Рахбарнинг оғзидан аранг чиқаётган сўзлар бўлдинди, боланинг овози эса момоқалдироқдай гумбурлади: - Мен отамни кўрмаганман, онам ташлаб кетган. Уларники эса ўлдирилган! Буни фарқи бордир?! Қўлимдан келганида ҳаммасига совға жўнатар эдим. Мана кўрасиз, хали катта бўволай, ўша урушларни ҳам тўхтатаман! Рахбарнинг хай-хайлашига қарамай чопиб кетган болакай кўз ёшларини тўхтата олмас, лекин қўлини мушт қилганча йиғи аралаш пичирларди: - Урушларни тўхтаман! Ҳеч қайси бола етим қолмайди! Ҳеч ким ўлмайди! Оналар кўўўп яшайди! Оталар ҳам! ... Ўйинчоқни Суриялик болакайлардан бирига етказишни бўйнимга олар эканман, худа беҳуда ишлатиладиган «ношукур» деган сўз луғатимиздан буткул ўчишини ва барча урушларни тўхтата оладиган Акмалжон тезроқ катта бўлишини сўраб Яратганга илтижо қилдим. Барча, онасини яхши кўрадиганлар учун канал👇 @Onalar_kanali https://telegram.me/+TvtkEzLNY9xZb6Jw