قرآني حياتي

قل اللهم اغفر لي، وارحمني، وعافني، وارزقني، فإن هؤلاء تجمع لك دنياك وآخرتك.

السلام عليكم ورحمة الله وبركاته. أغلبنا داخل على الفاينل خلاص ويعتبر في مننا مش عارف أصلًا المنهج بيتكلم عن إيه! هنقل لكم تجربة صغيرة كانت معايا الترم اللي فات. الترم اللي فات كان أول ترم ليا بعد انقطاع تقريبًا ٤ سنين فأنا مش فاكرة كنت بذاكر ازاي أصلًا ولا عارفة نظام الكلية إيه ولا بحضر محاضرات ولا معايا كتب! وداخلة الترم فوق كل دا متأخر:)) تايهة مش عارفة بنذاكر منين ولا بنستدرك ازاي أصلًا وزميلتي بقولها هجيب امتياز بتضحك عادي اللي هو بتذاكري يعني ولا إيه؟ الحقيقة يا جماعة إني فرقلي على الامتياز ١٪؜ بس! برغم كل العثرات اللي فوق دي" بعد المقدمة دي أقول عملت إيه: في حاجة مقولتلهاش؛ تقريبًا كل المواد ماعدا أول مادة كنت بفتحهم ليلة الامتحان^^ لدرجة كان في مواد بفتحها بالليل وامتحانها تاني يوم العصر ودا مش نصيحة هو دا عشان لو حد في مكاني يعني مش يقلق لسه فيه وقت المهم، قبل أي شيء استعنت بالله وحده لو أنك هممت بإزالة جبل واستعنت بالله لأعانك! بس الامتحان كمان دقيقة بعيد عن الإهمال لكن لو استعنت بالله حق الاستعانة فصدقًا هتشوفوا العجب. بعد كدا حددت مصدر واحد للمذاكرة. يعني هسمع محاضرات؟ ولا هذاكر من الكتب؟ ولا هجيب ملازم؟ اختارت حاجة منهم ودي بتختلف من كلية لكلية وتخصص لتخصص. ومن دكتور لدكتور ونظام الامتحان فعادي مادة هسمع محاضرتها ومادة تانية أذاكرها من الملزمة عادي يبقى أول شيء حددت مصدر واحد وبس للمذاكرة. تاني شيء امتحاناتي كانت بابل شيت ودا كان سهل عليا جدًا حاجات كتير يعني مش مضطرة أبدًا أقعد أحفظ حاجة ولا أقعد أذاكر عناصر حاجات ولا كل دا فبالتالي كنت بقرأ بتركيز وأجمع الخطوط ببعضها يعني مثلًا في معلومة كانت بتلغبطني كنت بربطها ببعضها بحروف برسمها مثلًا في دواير وألوان كان عندي في مادة بتتكلم عن تقسيمة للتغذية وألوان فربطت كل عنصر فيهم بلون في الامتحان كان دا سهل جدًا تذكرهم بالألوان ولو غمضت عيني بسترجع شكل الصفحة والكتابة فيها ودا طريقة تحفة للذاكرك كذلك كان عندي مادة فيها تواريخ كتير وفيها بنود كتير ربطت كل تاريخ تبع كلمة معينة حرف معين بحيث يكون سهل أتذكره القاعدة الأولى والأهم مش هدخل الامتحان وفي حاجة مش مذكراها المادة لازم تخلص وعشان مكنتش بحضر فمكنتش واثقة في حد في نقطة الملغي فكنت بذاكر المادة بالملغي الطريقة المتبعة كانت طريقة البومودورو ودي اللي هي طريقة ٢٥ دقيقة ودقيقة راحة أو ٤٥ دقيقة وربع ساعة راحة. في شيء مهم هنا بردو إني ولا مرة قررت أقول هذاكر الشابتر دا لا بقرر هي ٢٥ دقيقة وبس خلص شابتر خلص ٢ خلص ١٠ مش مهم المهم بحدد وقت طول ما أنا ملزمة بوقت بكون مركزة كل جهودي أحصل أكبر كمية في الوقت دا! ودا بيعطي حافز اللي هو واو بعد ٢٥ دقيقة لقى نفسه مخلص كم كبيرة جدًا مش متخيل! كنت بستغل كل دقيقة مش بقعد ألعب وأنا في وقت بدل ضايع باخد حاجتي في الشغل وبقعد أذاكر هناك عادي خالص ويعني ٩٠٪؜ كان من مذاكرتي كان هناك وكنت بلاقي تركيز عادي خالص عن البيت الامتحانات السابقة يعني والله دا كرم من ربنا والله! في مادة في امتحان حليته كان هو امتحاني بجد برغم إن دكتور المادة دي مش أحسن شيء وشديدة وفي امتحانات لها تخض إلا إن الامتحان اللي حليته جه بنفس الترتيب في النموذج بتاعي! كان في مادة مش مجمع معايا شيء خالص برغم إني خلصتها إلا إن كان الامتحانات اللي حليتها واحد منهم كان فيه كتير من امتحاني بس معكوس الإجابات! ومادة تانية عشان عندي خلفية في الرياضة والتغذية لقيت إن نص الامتحان حليته بيها! كل دا فضل من ربنا والله أنا مش واو وكان عندي متسع للمذاكرة بس اتخاذلت وهذكركم مش كل مرة هتسلم أهم من كل اللي فات بقا! القرءان يا جماعة والله القرءان بيعطي بركة رهيبة كنت أقرأ حتى لو الوجه اللي بحفظه في الطريق للامتحان أو بين المذاكرة بفتح المصحف وأقرأ مش بقول في كل فاصل نعمل كدا المهم يكون فيه في النص لو وجه واحد بس في كل فاصل يزاحم ويعطي بركة وكمان ترتيب الوقت على الصلاة. هصلي الفجر وهذاكر شيء هصلي الظهر وهذاكر شيء الطريقة دي فعالة هتنظموا وقت الصلاة وتبطلوا تخاذل وكمان هتنظموا حياتكم بشكل مش طبيعي! المهم دلوقتي نقوم نقفل الموبايل نمسك ورقة وقلم ونقرر هنذاكر منين؟ وازاي والطريقة المناسبة لينا واللي جربناها ونفعت ونحاول حتى لو فشلنا للمرة المليون! ونحدد هدف واحد بس أنا هنا عشان المكان دا عشان ربنا يستعملني عشان أكون مُسلم ويُسد بي الثغر! وأن لا أكون حمل ثقيل على الأمة ..

إيّاك أن تفقد اليقين لحظةً، ولو زادَ الشّر في طغيانه، واشتَدّ الليل في ظُلمته، الفجر آتٍ ولو بعد حين، اللّه لا يخلف وعده، ولا يترك أهله، نزيف الطّريق مطلوب، والثّمن العالي لا يستطيعه كلّ أحد، لذلك كانت الجنّة درجات، على قدر المكابدات، لا على قدر الأمنيات.

نكتفي بهذا القدر من صراحه، ان شاء الله نُكمل في القريب العاجل، الإنسان عنده مُذاكرة دعواتكم. _ بالنسبة لأي رسالة صراحة مضمونها 'ادعيلي' مش بنزلها، لكن عيوني لكم لن أنساكم إن شاء الله ادعوا لكم جميعًا. الله يرضى عنكم ويراضيكم ويراضي قلوبكم ويسعدكم.💚

«ثمَّة مشاعر في القلب لا يواسيها إلَّا القُرآن؛ مهما حاولت أن تواسي نفسك، وأن تمسح على قلبك المكلوم، فلن تجد أبلغ من كلام الله لترميم هشاشة القلب، وإعادة ضبط بوصلة الطريق، وترتيب المشاعر والأفكار، لا مواساة كمواساة القُرآن أبدًا» #رسائل_تشجيعية _تشجيعية

اللهم زد وبارك^^ الڤيديو يشرح الصدر صدقًـا. https://fb.watch/oPjpo9n7lw/?mibextid=7i0OJ8

"الصبر على مشقة الحفظ يعقبها برد العيش مع القرآن ولذة سرده بإتقان.. #رسائل_تشجيعية

••• من كانت له صحبة مع القرآن.. سواء كان حافظًا أو له وِرد منه مداومًا عليه، ثم انشغلَ عنه بالدنيا= فسيظل مستوحشَ القلبِ مشتتًا مهما أخذ من حظوظ الدنيا، فلن تطمئنَّ نفسُهُ ولنْ تَسْكُنَ حتى يُرِجِعَ نصيب القلبِ من القرآن! "ففراغ القلب من القرآن= لا يملؤه إلا القرآن" ولا حول ولا قوة إلا بالله. ••• ⏳وِرد القرآن لا يُترك وما دونه يُدرك، فلا تغفلوا عن وِردكم يا كِرام (تلاوةً مراجعةً حفظًا تدبرًا) والموفّق من وفّقه الله. #رسائل_تشجيعيه

https://chat.whatsapp.com/D6M5VmDE8wK7qr5bHoZAx6 جزاكم الله خيراً.🌿

https://t.me/ash_mary_1312 انضمي هنا وابعتي على بوت القناه.

طب اسألوا معايا طيب!😔

.السلام عليكم ورحمة الله وبركاته. .محتاجه بنوته تكون في سنه رابعه أصول دين قسم حديث ضروري فضلاً! ( دراسات إسلاميه كفر الشيخ). @Rienooo

وعليكم السلام ورحمة الله وبركاته. _ عيوني حاضر . جزاكم مثله وزياده 🌿

وعليكم السلام ورحمة الله وبركاته. الحمدالله يحبيبتي بخير. - متقلقيش خالص خالص هنشوف حل بأمر الله. - بس مش هعرف اتكلم هنا ف أفضل ابعتيلي وغيري إسم اليوزر وابقي امسحي الشات لو تحبي ! او تبعتيلي للينك صراحه ونتكلم هناك عشان بس اقدر ارد عليكِ أو اوصلك بدكتوره .

الجُمعة التاسعة.. مشاعرنا أوَّل جُمعة، هي ذاتها الآن، إن قَلَّت أو مَلَّت فنَحنُ إلىٰ الرَّخاء والمُيوعة أقرَب، لا نألف المُصاب، هذا ثأرُنا!

صُبّحتم بالفردوس الأعلى. النهاردة ألطف يوم في الأسبوع، اليوم إللي هتشحن فيه طاقتك وتجددها عشان تبدأ إنجازات أسبوعك الجديد .. متنساش تبدأ يومك بالأذكار وصلاة الجمعة وقراءة سورة الكهف والصلاة على النبي صلى الله عليه وسلم. ماتنساش أساسيات اليوم، وبعد كده ابدأ يومك وخطط لأسبوعك الجديد وكافيء نفسك على تعبك وشغلك إللي عملته طول الأسبوع أنت محتاج تتكافأ ياصديقي: ")

‏عبادة السر وترك ذنوب الخلوات من أعظم أسباب تكفير السيئات وتعظيم الحسنات. {مَنِ ٱتَّبَعَ ٱلذِّكۡرَ وَخَشِیَ ٱلرَّحۡمَـٰنَ بِٱلۡغَیۡبِۖ فَبَشِّرۡهُ بِمَغۡفِرَةࣲ وَأَجۡرࣲ كَرِیمٍ} - الشيخ عبد العزيز الطريفي.

تقريبا إنت لما بتذنب ذنب مهما كان هو إيه - بالذات ذنوب الخلوات - وتيجي تذاكر مثلا، عاوز تعمل أي شيء مفيد. تحس إن فيه شيء ضاغط على صدرك، وجاتلك حالة كسل رهيبة ومش قادر تعمل أي حاجة! مع إنك قبل الذنب ده، كنت ناوي تذاكر أو تتمرن أو تقرأ كتاب، أو تعمل الشيء المفيد ده، لكنك دلوقتي مش هتعمله. بتمسك تليفونك تتسحل معاه شويتين تلاتة، ويجري منك الوقت، وبالمرة ممكن متصليش بقية الأوقات، ويومك ينقضي بدون شيء يذكر، خرجت منه بالسالب، مش صفر كمان! ده ينبهك لشيء في غاية الأهمية! إنك لازم ولا بد تلحق المعصية بالطاعة. إنت مش بتبقى مرتاح ونفسك هادية وقلبك مطمئن لما تبقى مصلي كل صلواتك وقارئ وردك؟ أهو ده اللي لازم تعمله مع كل ذنب هتذنبه، تدخل تتوضأ وابعد عنك الشيطان، امسك مصحفك واستغفر ربك. لا تحِد يمينًا أو شمالًا، أذنبت يبقى تستغفر في ساعتها وتمسحها بالطاعة في ساعتها. متستناش عليها لأن والله ذنوب الخلوات بالذات مَحْق، بتهلك الوقت والبركة والنفس. وانوِ بإخلاص إنك مش هتعمل ده تاني. واوعَ لوجه الله تقرر التوبة قبل المعصية، والله وبالله من كثرة انغماس الإنسان في معاصيه، هي النقطة دي، إنه يقول هتوب بعد ما اعمل الذنب. قُم شوف اللي كان وراك واعمله، واللّه العظيم هتحس بتغيير رهيب.