Multaqa-😍 الملتقى 💖

لا اخفي عليكم سر يجماعه بس حوار انك تلاقي حد تعرف تخوض معاه محادثه حقيقيه عن نفسك وت open up معاه بأفكارك اللي بتهلكك ، وتعرف تبينله حقيقه المشاعر المكلكعه اللي جواك نعمه لا تُقدر بثمن ، نسأل الله انه ينعم علينا بيها يوماً ما بجد عشان الواحد مبقاش قادر يشيل كل ده لوحده .

‏أول إمبارح مؤذن المسجد اللي جنبنا كان بيأذن لـ صلاة العصر زي كل يوم لإنه بيأذن للخمس صلوات فـ قال أشهد أن لا إلهَ إلا الله أشهد أن لا إلهَ إلا الله .أشهد أن محمدًا رسول الله .. أشهد أن محمدًا رسول الله .. وسكت بعدها بثواني سمعت صوت شاب صغير بيكمل الأذان من أول حي على الصلاة ‏لآخر الأذان بعدها قالوا في ميكرفون المسجد إن المؤذن توفى بعد أن أنهى الشهادتين يا الله على حسن الختام على عباده الصالحين اللذين اصطفاهم ، اللهم ارزقنا حسن الختام

- اشتقت لك ❌ "فهل تُداوينَ قَلبي باللّقا كرمًا؟ فمَا لقَلبي دواءٌ غيرَ لُقياكِ" ✅

واخدين اجازه اد صباع الرجل الصغير وعايزين يتعلموا لغه جديده ويقروا عشرومية كتاب، افصِل ياحبيبي اتنفِس يابابا ، مطحون بقالك ترم محبكِتش الثقافة في الاجازه اللي حيلتك يابن الحلال ، دلع نفسك كده واتبسط وهيص ولما يجي الترم بإذن الله نبقي نحط عادات صغيره جنب المذاكره العمر أدامنا بإذن الله ♥️

الكَذب🖤. لم تكُن تلك الصفة شيئاً مُعتاد بين البعض، ولكننا جعلناها شيئاً معتاداً. قد تؤدي كذبة صغيرة إلى الكثير من المسارات المُختلفة ولكن جميعها مؤذية إلى حد ما. تجعل الشخص بعد إكتشاف الكذبة لم يوجد بداخلهُ أى ثقة تجاه الكاذب وعدم الثقة يؤدي إلى توتر بعض العلاقات إلى أن تُصبح علاقات سامة وغير آمنة. الكذب شيئاً غير مُعتاداً وعن النبي صلىٰ عليه وسلم: مَنْ كَذَبَ عَليَّ مُتَعَمِّداً فَلْيَتَبَوأ مَقْعَدَهُ مِنَ النَّارِ🖤. يصعب علينا الثقة في الآخرون حين نكتشف أن كان لدينا أشخاص يقومون بخداعنا، و إستغفالنا، تصعُب علينا الثقة مرة أخرى🖤🥀.

من حوالي سنة وشوية كُنت متعوّد أقعد أذاكر ف كافيه ف المنصوره هادي وجميل، وف يوم قعدت أذاكر هناك لحد ما الوقت اتأخر وكان لازم أمشي، ف قُمت عشان أحاسب، حسابي كان ٤٥ جنيه بالظبط، طلعت المحفظة عشان أحاسب واكتشفت إن معايا ٥٠ جنيه بس، مع إنّي كُنت فاكر إن كان معايا أكتر من كده، وبعدين افتكرت إنّي كُنت حاطط ١٠٠ جنيه ع المكتب ف أوضتي وكُنت ناوي أحُطّها ف المحفظة بس نسيت، اضايقت جدًا وتخيلت لو حسابي كان أكتر من كده، كُنت هتحط ف موقف مُحرج جدًا، المُهم، حاسبت ونزلت وأنا مضايق عشان كان في حاجات مُهمّة كُنت عايز أجيبها وأنا مروّح، وفضلت أنفخ وأنا متعصب لإنّي كُنت محتاج الحاجات دي ضروري، مشيت حبّة حلوين وبعدين حطّيت إيدي ف جيبي عشان أطلّع الموبايل وأشوف الساعة كام، بس اكتشفت إن جيبي كان فاضي، طبعًا اتخضّيت ع الموبايل وقلبي اتقبض للحظة، وبعدين افتكرت إنّي نسيته ع الترابيزة ف الكافيه ومخرجتش بيه أصلًا، اتعصبت أكتر وقُلت "يووووه، لسّة هرجع كُل ده تاني؟! هو أنا ناقص؟!"، بس مكانش قُدّامي حل تاني للأسف، الدنيا كانت ضلمة والشارع كان فاضي ومفيهوش حد، وفجأة، طلع من العدم موتوسيكل ووقف قُدّامي بالظبط، نزّل منّه تلاتة، واحد ماسك فرد خرطوش وباين عليه إنّه الزعيم بتاعهم، والتاني ماسك مطواة قرن غزال، والتالت كان واقف ساند الموتوسيكل وجاهز عشان يتحرك بيه ف أي لحظة، اللي معاه المطواة رفعها عليّا وقالي "موبايلك يلا بُسرعة ومن غير صوت"، ردّيت عليه بصوت فيه شوية قلق "معيش موبايل"، راح الزعيم بتاعهم وجّه الخرطوش ف وشّي وقالي "إنت هتستعبط يا روح أمّك؟! هو في حد بيمشي من غير موبايل؟!" وبعدين قال لصاحبه يفتشني، ف صاحبه سمع كلامه وفتشني فعلًا، وملقاش الموبايل، ف ابتسمت ابتسامة متوترة وقُلت "مش قُلتلك؟! مش هكدب عليك يعني"، الزعيم اتضايق، ف اللي بيفتشني خد محفظتي وراح ادهاله، قُلتله إنّه مش هيلاقي فيها غير ٥ جنيه كُنت هروّح بيها، وفعلًا لمّا فتحها ملقاش غير ٥ جنيه بس، اتعصّب أكتر وبصلّي بغضب وبعدين رمالي المحفظة ع الأرض، وركبوا هُمّا التلاتة وجريوا بالموتوسيكل، وطّيت خدت المحفظة وحمدت ربنا إنّها عدّت على خير، وطلعت على الطريق بسرعة ركبت ميكروباص وروّحت.. تاني يوم رُحت الكافيه وسألتهم ع الموبايل، ف لقيتهم كانوا شايلينه عندهم ف الأمانات، شكرتهم وخدت الموبايل ورُحت أقعد عشان أذاكر، لسة هقعد لقيتهم معلقين لوحة جديدة ع الحيطة، عليها مقولة مكتوبة بخط عُثماني جميل، المقولة بتقول.. (لو عُرِضَت الأقدار على الإنسان لاختار القدر الذي اختاره الله له) - أيمن حبيب

سألتني أثناء رؤيتي الشرعية وكانت متدينة جداً : ما رأيك في التعدد ..؟ أجبتها بحسن نية قائلاً : سنة مهجورة ، رحم الله من أحياها . قالت دعني اصلي استخارة .. مرت ثلاثة أعوام .. ولا اعلم نتيجة صلاتها للاستخارة حتى الآن ..

يقول: كنت آخر من يغادر قاعة الإمتحان بين زملائي، آخر من يتزوج بين أصدقائي، آخر من رزق بالأطفال بين إخوتي، لكني كنت الأول على دفعتي في تخصصي الجامعي، الأكثر سعادة في زواجي، الأكثر فخراً بأولادي. "فَعَسَىٰ أَن تَكْرَهُوا شَيئًا ويَجْعَل الله فِيهِ خَيْرًا كَثِيرا"

حدث خلاف بيني وبين والدي حتى وصل إلى ارتفاع الأصوات، وكان بين يدي بعض الأوراق الدراسية رميتها على المكتب وذهبت لسريري. وضعت رأسي على الوسادة كعادتي كلما أثقلتني الهموم حيث أجد أن النوم خير مفر منها.. خرجت في اليوم التالي من الجامعة فأخرجت هاتفي وأنا على بوابة الجامعة، فكتبت رسالة أداعب بها قلب والدي الحنون فكتبت: "سمعت أن باطن قدم الإنسان ألينُ وأنعمُ من ظاهرها، فهل يأذن لي قَدَمُكم بأن أتأكد من صحة هذه المقولة بشفتيّ؟" وصلتُ البيت، فتحت الباب، وجدت أبي ينتظرني في الصالة ودموعه على خديه. قال: "لا لن أسمح لك بتقبيل قدمي، وأما المقولةُ فصحيحةٌ، وقد تأكدت من ذلك عندما كنت أقبِّل قدميك ظاهرًا وباطنًا يوم أن كنت صغيرًا" ففاضت عيناي بالدموع.. سيرحلون يوما بأمر ربنا، فَتقربوا لهُم قبل أن تفقدوهم، وإن كانوا قد رحلوا فترحّموا عليهم وادعوا لهم. - علي الطنطاوي.

الحمد لله ع احساس المسؤولية وانت راجع للبيت وجايب ب ١٠ج عيش فينو من فلوسك وتشوف اخواتك وهما بياكلوا من الفينو ال انت جايبه ب ١٠ج من فلوسك وتشوفهم مبسوطين بالفينو ال انت جايبه من فلوسك، الحمد لله الواحد بيتعب وبيشتغل عشان يشوف اخواته مبسوطين بال ١٠ج فينو ال انا جيبتهم بفلوسي.

السلام عليكم ورحمة الله وبركاته محتاج تلتزم بالصلاه والأذكار وقيام الليل وتسمع اقتباسات عن الدين انضموا هنا 💜🌿 ليست مُجرد جروب إنَّها بيتُك الآمن، كُل ما يدُور بعقلك وينبِضُ به قلبك. 💜 تَجدُ هنا خيرًا كثيرًا  ، لن تمِلَّ، ولن ترحَل. 💜 دا الأول https://chat.whatsapp.com/GAMRNTsFqpHBdXRxH585z1 لو مدخلكش علشان العدد دا الجروب التانى https://chat.whatsapp.com/ChOGRq6ZF5m3OSKkveUa2J تشرفونا ❤️

عندما تطبخ المرأة في مطعم أو مؤسسة فهي "طباخة"، أما إذا طبخت لأسرتها فهي "بلا عمل".. عندما تربي أولاد غيرها في روضة فهي "مربية" ، أما إذا ربت أولادها واعتنت بهم فهي "بلا عمل".. إذا قامت بتنظيف مكاتب مؤسسة فهي "منظفة"، أما إذا نظفت بيتها فهي "بلا عمل".. إذا علمت أولاد غيرها فهي معلمة، أما إذا علمت أولادها فهي "بلا عمل"!! المادية الرأسمالية عجزت عن تقييم عمل المرأة في بيتها، فاعتبرت ذلك كله "لا عمل" و أقنعت المرأة أن تحقيق ذاتها لا يكون إلا إذا كان عملها خارج حدود البيت لأنه عمل له "سوق" تحدد "سعره".. أما عمل المرأة في بيتها فهو " لا يقدر بثمن" ، و بالتالي فالرأسمالية التي لا تحسن التعامل مع "الجوهري و المعنوي " ألغت من حسابها عمل المرأة في بيتها. -د. خالد بن حمد الجابر. بودكاست سكينة/ الأم الناجحة.

‏يقول أحدهم : جلستُ أحفظ سورة المطففين أكثر من ثلاث ساعات ولمّا اشتكيت ذلك .. قال لي أحدهم  : يا سعدك تجلس مع القرآن أكثر منّا !! -ولربما أنت أيضًا في اصطفاء ولكنك لم تلحظ! إنمّا هيَ أرزاق 💚

من أوسخ المرات الي ابويا عزقني فيها علقه وحشه وعمري فحياتي ما أنساها هي يوم وفاة خالتي الكلام ده وانا 7 أو 8 سنين بس والله فاكر أحداثه بظبط ذي ما تكون امبارح اليوم بدء اننا كنا صايمين بس مش فاكر كنا صايمين ليه لأننا ما كناش فرمضان المهم وبعد المغرب وقبل ما امي تبدء تحط الأكل جه تليفون لأمي الحقي اختك فالمستشفي كله قام يلبس انا دخلت الحمام وفضلت عامل نفسي مش قادر اطلع لحد ما هما يزهقو ويمشو المهم مشيو ف انا طلعت ولعت التليفزيون وغرفت أكل وقعدت مع حالي وبعد كام ساعه كتير لقيت الباب بيرزع قمت فتحت لقيت اختي الكبيره بتعيط خالتك ماتت وكلهم جاين وجايبينها ودي كانت أول جنازة احضرها فحياتي ومفيش أي معلومات عندي أو المفروض اعمل ايه ومعملش ايه المهم اعمل ايه أعمل ايه المهم أخش البس وسبت كل الهدوم الي عندي ودخلت طلعت جلابية وشال وجلابيه سوده مفتوحه الي هي بتتلبس فوق الجلابية البيضا ولبستهم وطلعت قعدت اطبطب علي بنت خالتي الكبيره واقولها لا تحزني يا ابنتي لا تحزني فهي بصتلي كدا مش فاهم كاتمه الضحك ولا بتسب الدين فسرها ومره وحده ابويا جه من ضهري شالني أو مش شالني لا جرني ورماني فالاوضه ورزعني كام قلم وقالي ماتطلعش من الاوضه واقلع الهدوم دي وطلعلي لبس عادي بعدها بشويه كدا جم طلعوني من الاوضه عشان هيحطو خالتي جوه وأمي خدتني علي جمب وقعدت تقولي معلش أن أبوك ضربك أصل الي انت عملته ده غلط ومش عارف ايه المهم انت راجل دلوقتي اطلع ساعد أبوك فا قولتلها أساعد ابويا اذاي قالتلي شوف الناس بتعمل ايه فالجنازه وقلدهم هي كان قصدها أقلد الناس إلي برا إنما انا فهمت غلط المهم قعدت أفكر مع نفسي شويه افتكرت فيلم هندي كدا شوفت فيه جنازة وأنهم بيغنو فالجنازه وبيحرقو الميت وانا كنت مفكر أن ده الي هيحصل فا رحت مجمع عيال خالتي الي من سني وطلعنا الشارع نلم خشب ومش عارف ايه وبعدها طلعت انا والرجاله لابويا هو والناس وفوسط ما هما قاعدين بيقسمو مين هيعمل ايه ومين هيروح يجيب العربيه ومين الي هيبلغ فالجامع وكدا ادخل انا واقولهم يا جماعه انا جيبت الخشب تحت اطلعه هنا ولا هتنزلو خالتي تحت فا ستي أم امي قالتلي خشب ليه ف قولتلها عشان نحرق خالتي وبعد نحرق خالتي دي لقيت قلم مش عارف ابويا اتلافاني اذاي رغم أني كنت بعيد عنه وقعد يهبد ويشيل فيا ويرميني فالأرض بمعني الكلمه وطلعوني من تحت أيده بالعافية

أقولكم سر؟ أنا عمري ف يوم ما خوفت حد ياخد مكاني ولا حاولت أنافس على غلاوتي عند حد، لأني بكون متأكدة إني عامله اللي عليا ف كل حاجه و إني حتى لو حصل و غلطت ف حق حد بكون قدام الغلط ده عامله ١٠٠ حاجة حلوة و صادقة تغفرلي الغلط، فا بالتالي مابقلقش من حاجه ولا على حاجه و بيكون جوايا يقين إن لو حد خد مكاني استحاله يملاه زي منا كنت مالياه ❤️ دنيا الغرباوي

انا دكتوره متجوزه مهندس كهربا من 6 شهور فترة الخطوبة كان خطيبي ديما يقولى بحب الرقص ويقولی ضروری تجیبی معاکی کام بدلة رقص كنت فاكرة بیهزر وكده بس هوا صمم وجبت بدلتين لما اتجوزنا لقيته عامل في الشقة ركنة كانها كبارية ومعلق كهارب وبتاع. المشكلة لقيته عايش الدور ولابس خليجي وبيخليني ارقص وينقطني بفلوس والشهادة لله كريم ومبياخدش الفلوس تانی بس مستغربة كده طبيعي ولا مريض واعالجه انا حاسة اني بخرج عن وقاري 😭

التوبة للَّهِ في مرحلة العشرينات جميلة جدًّا؛ مرحلة عُمرية تُلقب بمرحلة الفُتوح.. إن اللَّه يُباهي الملائكة بالشاب التائب.

في مرة كنت رايح اعيد ع خطيبتي بسأل عليها ابوها بقوله هي فين قالي تحت ببص من البلكونه لاقيتها بتلعب مع العيال ف الشارع بمسدسات الخرز عسكر وحرامي ف بقول لابوها ينفع كده يعمي المفروض كبرت ع الكلام ده بقااا لاقيتها طالعه السلم جري وبتقول لابوها انت روحت فين العيال ضربو علينا وهربوا.

شوفت مسلسل لن أعيش في جلباب أبي و مش عارفة بجد جلباب إيه اللي عبد الوهاب مش عايز يعيش جواه و هو أصلاً معشش فيه ، يعني أتعلم أحسن تعليم ، سافر برا مصر و جرب يدرس أكتر من حاجة ، و بعدين رجع مصر أتجوز بفلوس والده و عاش في بيت والده ، و كل ده و هو عاله مش بيشتغل و لما مراته قالتله "هنصرف منين؟" قالها و هو محموق كده و كله عزة نفس "إحنا مش هنحتاج لحد أنا باخد مصروف كبير أوي يعيشنا حلو" لأ راجل يا بودي أقنعتني.