Multaqa-😍 الملتقى 💖

-تخيل إن اللِ بتدعي بيه كل يوم هو اصلا مكتوبلك🥺💙🦋"

مش عيب إتك تصالح حبيبتك حتي لو هي غلطانه مش ضعف و لا حاجه بس إنت بتثبتلها إنك بتحبها و مش هتقدر ع زعلها مش غلط لما تفضل وراها علشان تصالحها لو مش طايقه تتكلم معاك و تقولك سبني لوحدي متقولهاش طب أسيبك تهدي و أبقي أكلمك لا ده غلط أقف جمبها شوفها مالها إتحايل عليها كتير صدقني هتكبر ف نظرها جامد أوي و هتحكيلك ساعتها إنت السند ليها ف الدنيا و أخوها و أبوها متعملش حاجه تضايقها منك متزعلهاش إللي هي شايفاه تعملوا متقولهاش لا و متكلمش بنات غيرها مدام ماليا عينك متبصش لغيرها متخسرهاش بسبب حد ميستاهلش حافظ عليها إحتويها خدها كابنتك مش حبيبتك ساعتها ربنا هيقف جمبك لحد ما تبقوا مع بعض ف بيت واحد لو بتحبها فعلا إتعب علشانها و صدقني ربنا هيقف جمبك و تبقوا لبعض .

وانا بوصل مهند ابن اخويا المدرسة لقيته في نص الطريق قالي لو عاوز تمشي انت امشي وانا عارف الطريق قولتله لا طبعا مينفعش اسيبك لازم اوصلك لحد المدرسة قالي انا مش عايز اتعبك انا كل يوم بروح لوحدي قولتله انا مش تعبان لقيته بينفخ قولتله انت مضايق اني بوصلك طب وانت ايه اللي مزعلك في اني اوصلك قالي بصراحة فيه واحدة زميلتي مستنياني ومش عاوزها تشوفني ماشي معاك عشان مبقاش ف نظرها صغير قولتله وانا ميرضنيش اطلعك قدامها صغير ف خدت بعضي ومشيت وانا في الطريق افتكرت ان المصروف بتاعه معايا ف رجعت لقيته واقف مع بنت ف بقوله الفلوس بتاعتك اهي قالي خلاص بقا مش اخدت ال فيه النصيب الله يسهلك يلا ف البنت اللي معاه سألته مين دا قالها دا واحد جارانا كل يوم بعطف عليه عشان معندهوش اهل..!

مع بداية هذا اليوم نحمدك يا الله فنحن فى فيض من النعم فلك الحمد حتى ترضى ولك الحمد بعد الرضا ♥️".

أنا ملاحظ إن التفكير عند بعض الستات والبنات بقى مشوه بطريقة كبيرة هو إيه اللي بنشتغل عشان مانبقاش أقل منهم؟ وعشان مانبقاش عالة على الرجالة ! يعني إنتِ هتبقي شايلاله بيته وبتربيله عياله وتنزلي تشتغلي عشان ماتبقيش عالة؟ (أنتي كدا هتبقي آلة مش عالة) مين قالك إنه لو بيصرف عليكِ تبقي عالة؟ ده غصب عنه وحق من حقوقك وواجب عليه ولو ماعملهوش يبقى آثم وربنا هيحاسبه! ويعني إيه عشان لو غدر بيكِ في يوم؟ لو هتتجوزي واحد مش مآمناله وخايفة يغدر بيكِ ماتتجوزيهوش أصلًا، إنت بتتجوزي عشان تحسي بآمان وسكينة .. لو مش حاسة بدا يبقى بلاها جواز. عزيزتي المرأة، عايزة تشتغلي اشتغلي، ده حقك .. كل واحد عنده شيء بيخليه يحس بقيمته الذاتية، لكن لو هتشتغلي وتضغطي نفسك في بيت وشغل لمجرد إن اتزرع جواكِ أفكار مغلوطة إنك عالة أو المجتمع وصلك كدا فاسمحيلي أقولك إنك غلط والمجتمع غلط، والعالة الحقيقي هو اللي مابيقومش يعمل كوباية شاي لنفسه...

انا نفسي اعيش شعور حماقي وهو بيقول وادي اللي في خيالي بيحصل قصادي حبيبي جنبي في حضني الليلادي والله وبقيت معاه

عيب المرأة تطلب من جوزها يقوم يجبلها حاجة وهي قاعدة، حتى لو كانت مريضة! مينفعش الرجل يساعد مراته في البيت.. مصالح البيت خاصة بالستات بس الرجل اللي يساعد مراته في أعمال البيت = في رجولته نقص لو زوجتك اتهورت وطلبت منك تجبلها حاجة وهي قاعدة، رنها علقة خليها تفوق لنفسها.. أيوه يابا الرجل رجل والست ست طبعاً كل اللي فوق ده جهل وحمق وسذاجة وقلة مروءة، وبعيد كل البعد عن مفهوم الرجولة ومفهوم الإسلام.. وللأسف الشديد هو فكر منتشر في بعض البلدان.. يا صديقي الرجولة لا تقاس بمدى قسوتك على أهلك، الرجولة أن تكون رجلا لأهلك لا أن تكون رجلا عليهم الإسلام لم يأت بهذا.. سيدنا النبي ﷺ كان في مهنة أهله، وكان يخيط ثوبة ويساعد أهله. - عبدالله الأزهري

من أيام الخطوبة وأنا عارف إني خاطب بنت ماينفعش أسييها لدماغها، بترمي اللوم علي نفسها بطريقة مؤذية جدًا، وطول الوقت حاسة إنها مش كفاية، مش كفاية إنها تكون مسؤولة عن علاقة ولا كفاية ليا كزوجة ولا كفاية في مجال دراستها ولا كفاية كأخت أو صاحبة أو إبنة. مش بتعرف تشوف الجانب الحلو فيها، بتركز بس علي سلبياتها وإنها لازم تكون أحسن إنسان وترضي كل اللي حواليها، لدرجة إنها حتي لما تكون الطرف اللي معاه حق بتحاول تدي للطرف التاني أعذار، مش عارف دي قلة ثقة في نفسها أو محاولة تحدي إنها تثبت نفسها. بس الأمر كل فترة كان بيأثر علي علاقتي معاها، لأن دا كان مسسببلها ضغط نفسي كبير جدًا فكان مأثر علي نومها وعلي مزاجها وعلي كل حاجة المفروض تكون بينا، إتجوزنا وعشت كام أسبوع في رضا وسعادة ماعشتهمش قبل كدا، وكنت بحاول أبعدها عن اي ضغط قدر الإمكان، بحاول أمدح فيها طول الوقت وأوصّلها إنها مالية دنيتي مش بس عيني وإنها جميلة وأنا مبسوط بعلاقتي معاها وإنها سوبر هيرو، بعد فترة مش كبيرة جه أهلي عندنا، وهي طبختلهم وجهزت سفرة جميلة ومشروبات وكانت عايزة تطلع كل حاجة بأحسن حال وماكنش ناقص غير صنيتين فراخ كبار حطاهم لسه في الفرن، بدأ يظهر عليها التوتر وبدأت ترتبك لأن العدد كان كبير والأطفال عاملين دوشة وملهية في كذا حاجة وأنا كل ما أجي أساعدها تقولي أقعد معاهم. حسيت إنها أخرت شوية دخلت المطبخ أشوفها أخرت ليه، لقيتها واقفة ووشها مصّفر وبصتلي بعيون أقرب إنها تدمع، بصيت علي رخامة المطبخ لقيت الفراخ محروقة والمفروض إن السفرة إتجهزت وهما قعدوا وباقي الفراخ. مع أي شخص تاني كان المفروض نقف نفكر نعمل إيه، بس مع شخصية مراتي فالأمر أصعب لأن الموضوع مش هايخلص في إنه موقف وإنتهي، نفسيتها هاتسوء جدًا وهتتأكد فعلاً إنها مش قد المواقف اللي بتتحط فيها وهاتقلل من نفسها، قولتلها سيبي الصواني وأطلعي أقعدي علي السُفرة، رفضت نهائي فأصريت عليها، طلعت قعدت معاهم وأنا جيت وراها وقولت "علي فكرة أنا اللي عاملكم الفراخ بنفسي، كُلوا عبال ما أستني لما تستوي الفراخ لأني حطيتها في الفرن متأخر" ولأني وسط عيلتي ماكنش في كسوف كنت عارف إنهم مش هياكلوا من غيري، ف مع أصرارهم قعدت أكلت معاهم، مافتش كام دقيقة وقولتلهم إني قايم أشوف الفراخ. بعد ثواني كنت مطلّع الصواني وحطتها قدامهم وقولت بإحراج "تقريبًا علّيت النار عليهم مع إن مراتي قالتلي سبني أنا أعملها، أهو أخرة العند والإصرار" عاتبوني وهزرنا وحاولنا نطلع من الصنيتين أي حاجة ناكلها وكانت أحلي فراخ محروقة وسط سفّ وتريقة وضحك بصتلي وكانت عايزة تشكرني إني مأحرجتهاش قدام الناس ولا سبتها تتعامل مع الموقف لوحدها، مع إني مش عارف أنا لو كنت مع شخص تاني كنت هاعمل نفسي التصرف ولا لا، بس الأكيد إني كان لازم أنقذها هي خاصةً بعد ما مشيوا أنا أول مرة أسمع كلمة "شكرًا" بكل الإمتنان دا فقولتلها "حتي السوبر هيرو بيحتاجوا شوية مساعدة أحيانًا" أميمة عبدالله

- بس سيب الفيلم ده --طب لو الفيلم طلع مُمل اعمل فيكي ايه؟! - مش عارفه قول انت -- امم تعمليلي فشار وتغيري اسمي ع موبيلك وتكتبيه اسم له وقار كده بدل اسم الاطفالي اللي مسميهولي ده ، دلوقت لما ابوكي يشوف الاسم ده يقول عليا ايه ها اااايه؟! - ونبي ؟ ماشي يا سيدي ها شغل الفيلم -- لا استني وتلبسي الخاتم والاسورة وبقيت الشبكه واحنا خارجين مانا مجبش ليكي شبكة بالشئ الفولاني وف الاخر تقوليلي "اصل انا مبحبش الدهب كفايه الدبله" ها ! - امممممم حاضر حاضر شغل الفيلم بقى -- يوه متكروتنيش لسه .. وتُطبخيلي مكرونة بشاميل ، وتشربي معايا الجوافه باللبن ، عشان انا بشرب اللمون بنعناع بتاعك وانا حاطط جزمه ف بوقي مع اني بكرهُه.. - لا لا ده حكاية تخوف ، بس ماشي يا سيدي يالا شغل الفيلم بقى -- هاه ماشي هو عموماً لو حدوتة الفيلم طلعت مُمله انا هفرح انها مش حكايتنا حتى لو كان اللي بنا مليان مشاكل وخناقات بس عمره ما كان مُمل ، وكده كده الافلام بتحلو مع اللي بيشاركك في فرجتها .. يعني تصوري اني هفضل احب الفيلم الهندي ده ، عشان له ذكرى انه اتشاف معاكي ..يالا ركزي فيه وانا هركز ف عيونك وريأكشناتكً، لان دي الحاجه اللي هبقى ضامن انها متبقاش مُمله . الحوار لـ #حمد الشامي

عامل فكرة جديدة على الفيس بوك عاوز اعرف رأيكم بجد دا لينك البوست https://m.facebook.com/story.php?story_fbid=pfbid02esDLcKvymCfTrmmB1cKAQxkviHqACNMuTH8wk6Krp6yt4gupBMtjPHqCWT3CJ7El&id=100086567755515&mibextid=Nif5oz

لقيت مراتي بصالي وعينها فيا لمعة وعلى وشها بهجة .... قولت لها ؟ قالت لي : عارف إيه أعظم انتصاراتي ؟ قلت لها : إيه ؟ قالت لي : غسالة الأطباق اللي إنت جبتهالي من شهرين ... أنا حاسس إن فيه جلطة بتتكون في قلبي

العلاقات ال Healthy دي طلعت مخيفه وتخض والله يعني ايه مديني مساحتي واقولك نازله تقولي اتبسطي وهخرجك وهدلعك وهجبلك كذا عشان عجبك وسايبلك حياتك ف حالها ومحترمك فين المعاناة فين ضيق التنفس فين العياط يخربيت الر.عب

مرﺽَ ﺍﻹ‌ﻣﺎﻡ ﺃﺣﻤﺪ ﺫﺍﺕ ﻳﻮﻡ ﻭﻻ‌ﺯﻡ ﺍﻟﻔﺮﺍﺵ، ﻓﺰﺍﺭَه ﺻﺪﻳﻘُﻪ ﺍﻹ‌ﻣﺎﻡ ﺍﻟﺸﺎﻓﻌﻲ. ﻓﻠﻤَّﺎ ﺭﺃى ﻋﻠﻴﻪ ﻋﻼ‌ﻣﺎﺕ ﺍﻟﻤﺮﺽ ﺍﻟﺸﺪﻳﺪ أﺻﺎﺑﻪ ﺍﻟﺤﺰﻥ، ﻓﻤﺮﺽ ﺍﻟﺸﺎﻓﻌﻲ ﺃيضًا، فلمَّا عَلِمَ ﺍﻹ‌ﻣﺎﻡ ﺃﺣﻤﺪ ﺑﺬﻟﻚ ﺗﻤَّﺎﺳﻚ ﻧﻔﺴﻪ ﻭﺫﻫﺐ ﻟﺮﺅﻳﺔ ﺍﻟﺸﺎﻓﻌﻲ ﻓﻲ ﺑﻴﺘﻪ.. ﻓﻠﻤَّﺎ ﺭﺁه ﺍﻟﺸﺎﻓﻌﻲّ ﻗﺎﻝ: "مرﺽَّ ﺍﻟﺤَﺒﻴِﺐ ﻓَزُﺭﺗﻪ ﻓﻤﺮﺿﺖُ ﻣﻦ أﺳَﻔﻲ ﻋﻠﻴﻪِ، ﺷُﻔﻲ ﺍﻟﺤَﺒﻴِﺐ ﻓﺰﺍﺭﻧﻲ ﻓﺸُﻔﻴﺖ ﻣِﻦ ﻧﻈﺮﻱ إليه!"

- انتي تعرفي ان انا بكرهك ياماما -- نعم سلمى انتي اتجننتي ؟ - لا عقلت وقررت اصارحك واكسر الصورة اللي رسمتهالي ف عينك ، انا حبيت كريم عشان بكرهك ، وحبيت طنط خديجة عشان بكرهك ، انا سافرت من وراكي عشان بكرهك .. -- انتي قليلة الادب ومتربتيش ، ونمروده ده انتي عايشه احسن عيشه .. - لأ ، انا حتى كرهت كلمة لأ من كتر ما كُنت بسمعها منك ، ياماما هخرج مع صحابي اخر يوم الامتحانات لأ ، ياماما عايزه اشتغل لأ ياماما انا بحب كريم لأ ، مكنتش بحس بحنيتك الا بعد كل عريس يتقدملي وعشان كده حسيت انك بتكرهيني .. -- هي الام لما تخاف ع بنتها م الغلط تبقى بتكرها ، والله عال دي خيبة اي دي ياربي - ايوه يا ماما خوفك ده خلاني احب ناس مؤذيه لمجرد انهم حنينين ، خوفك ده خلاني اخبي عليكي ميت مُصيبه عملتها ، خوفك ده خلاني اغلط ومعرفش اجيلك اقولك الحقيني انا غِلط لانك اول حد هيعاقبني .. -- بس انا بحبك وماليش غيرك يا سلمى ، انا يمكن صعبه بس محدش حبك قدي .. - انا مش محتاجه ياماما حُبك يكون مخفي ، انا عايزاكي تظهرهولي محتاجه تُحضنيني ، محتاجه مشحتش الحنيه من حد ، انا جايه اقولك ان انا سيبت كريم لاني اكتشفت اني بحب حنيته مش بحبه ومش عايزه اشحت حنيه تاني وانتي عايشه .. ماما؟ -- ايه يا سلمى؟ - انا بحبك سامحيني ، ممكن اعيط ف حُضنك؟ ..... الحوار لـ احمد الشامي

مبعرفش قيمة القرآن إللي حِفظته غير لما أسمع قرآن بالصُدفة و ألاقي نَفسي بكمل معاه .

صباح الخير يُحيي العِظامَ وهيَ رَميم .. فكيفَ بقلبِك !

الواحد من غير الصلاة ضعيف وفي نفس الوقت قلبه قاسي ومتشتت وعقله مشغول، الصلاة بتقوي الواحد وفي نفس الوقت بتحنن قلبه وبتمنعه من حاجات غلط تانيه كتير وبتهدي عقله، ربنا يرزق كل الناس بنعمة الانتظام في الصلاة حقيقي؛ اللهم ثبت أقدامنا علي الصلاة #الصلاة

انت عبيط يابني بقولك كل سنة وانت طيب برايفت تنزلها ستوري ومتردش عليا

- كانت جدتي تقول لي … عندما تتزوجين لا تجعلي الأواني تلمع أكثر منك …عيشي حياتك بطولها و عرضها".😌