Antikorrupsiya.uz

❗️Хориждаги юртдошларимиз диққатига! Ўзбекистонликларнинг чет давлатлар ҳарбийлашган тузилмаларига ёлланиши жавобгарликка сабаб бўлади Ўзбекистон Республикаси Жиноят кодексининг 154-моддаси биринчи қисмига кўра ёлланиш, яъни низолашаётган давлатнинг фуқароси ёки ҳарбий хизматчиси ҳисобланмаган ёхуд назорат қилиниб турган низолашаётган давлат ҳудудида доимий яшамайдиган ёки ҳеч қандай давлат томонидан қуролли кучлар таркибида расмий топшириқни бажариш ваколати берилмаган шахснинг моддий манфаатдорлик ёки бошқа бирон шахсий манфаатни кўзлаб, ўзга давлат ҳудудида ёки унинг тарафини олиб қуролли тўқнашувда ёхуд ҳарбий ҳаракатларда қатнашиш учун ёлланиши беш йилдан ўн йилгача озодликдан маҳрум қилиш билан жазоланади. Шунингдек, Жиноят кодексининг 154-1-моддасига кўра, Ўзбекистон Республикаси фуқаросининг чет давлатларнинг ҳарбий хизматига, хавфсизлик, полиция, ҳарбий адлия органлари ёки шунга ўхшаш бошқа органларига хизматга кириши 3 йилгача ахлоқ тузатиш ишлари билан, ёлланиши эса 5 йилгача озодликдан маҳрум қилиш билан жазоланишига сабаб бўлади. Шунга кўра, чет мамлакатларда бўлиб турган ҳамюртларимиздан ҳарбийлашган тузилмаларга ёлланмасликка, ҳарбий ҳаракатларда иштирок этмасликка чақирамиз ва бундай ҳаракатлар жиноий жавобгарликка сабаб бўлиши ҳақида яна бир бор огоҳлантирамиз. Telegram I Twitter

Korrupsiya o'ldiradi, millatni, jamiyatni sekin qirib boradi. Poytaxt hokimiyati tayyorlagan videolavha. @antikorrupsiyaUZ

​​Vatanimiz mustaqilligining 31 yillik bayrami muborak bo'lsin aziz vatandoshlar! Mustaqilligimiz mustahkamlanib boraversin! @antikorrupsiyaUZ

Tibbiy uskunalarni qimmat narxlarda sotib olib, budjet mablagʻlarini talon-toroj qilgan tibbiyot muassasalarining mansabdor shaxslariga nisbatan jinoiy jazo choralari qoʻllanildi Korrupsiyaga qarshi kurashish agentligi tomonidan 2021-yil iyul oyida Qashqadaryo viloyatida oʻtkazilgan oʻrganish natijalari boʻyicha 10 ta tibbiyot muassasasi tomonidan 75 dona jami 7,8 mlrd soʻmlik tibbiy uskunalar Qarshi shahridagi “D.М.” MCHJdan shartnoma asosida juda qimmat narxlarda budjet mablagʻlari hisobiga sotib olinganligi aniqlanib, mazkur holat yuzasidan toʻplangan materiallar Bosh prokuratura huzuridagi Iqtisodiy jinoyatlarga qarshi kurashish departamentiga yuborilgan. Departamentning viloyat boshqarmasi tomonidan tibbiy uskunalarni asl narxidan 3 mlrd. 150,6 mln. soʻmga qimmat narxlarda sotib olinganligi holati boʻyicha 2021-yil 16-dekabr kuni “D.М.” MCHJ rahbari va Qashqadaryodagi 10 ta tibbiyot muassasasi mansabdor shaxslariga nisbatan jinoyat ishi qoʻzgʻatilgan. (Qashqadaryo viloyati 1-son asab ruhiy kasalliklar dispanseri, viloyat Perinatal markazi, Respublika sud-tibbiy ekspertiza ilmiy-amaliy markazi Qashqadaryo viloyat filiali, Nishon tuman Tibbiyot birlashmasi, Qashqadaryo viloyat bolalar koʻp tarmoqli tibbiyot markazi, Qashqadaryo viloyat Ftiziatriya dispanseri, Qashqadaryo viloyat Keksalar va nogironligi boʻlgan shaxslar urush va mehnat faxriylari uchun sanotoriyasi, Qashqadaryo viloyati 2-son asab ruhiy kasalliklar dispanseri, Respublika ixtisoslashtirilgan narkologiya ilmiy-amaliy tibbiyot markazi Qashqadaryo viloyat mintaqaviy filiali, Teri tanosil kasalliklari dispanseri) Misol uchun, viloyat bolalar koʻp tarmoqli tibbiyot markazi “Ультразвуковая диагностическая система E-CUBE 8 с 4 датчиками” tibbiy uskunasini 500,0 mln.soʻmga (aslida 251,1 mln.soʻmlik) yoki 200 foizga (249,9 mln soʻm) ustama qoʻyilgan holda sotib olgan. Shuningdek, viloyat Teri tanosil kasalliklari dispanseri tomonidan haqiqiy bahosi 386,6 mln.soʻmlik tibbiy uskunalarni 944,1 mln.soʻmga xarid qilganligi, ya’ni 557,5 mln.soʻmga yoki 244,2 foizga qimmat narxlarda sotib olinib, budjet mablagʻlari talon-toroj qilinganligi sudning hukmi bilan oʻz tasdigʻini topdi. Umuman, yuqorida qayd etilgan 10 ta tibbiyot birlashmasida 7,8 mlrd. soʻmlik harid qilingan tibbiy uskunalar bozor bahosiga nisbatan 3 mlrd. 150,6 mln. soʻmga qimmat narxlarda xarid qilinib, budjet mablagʻlari talon-toroj qilinganligi tergov jarayonida aniqlanib, aybdor shaxslardan 3 mlrd. 150,6 mln. soʻm budjetga undirildi. Mazkur jinoyat ishi doirasida 10 ta tibbiyot muassasasining 11 nafar mansabdor shaxslari hamda “D.М.” MCHJ rahbari Jinoyat ishlari boʻyicha Qarshi tumani sudining 2022-yil 4-avgustdagi hukmiga asosan Jinoyat kodeksining tegishli moddalari bilan aybdor deb topilib, ularga nisbatan jinoiy jazo choralari belgilandi. Shuningdek, ular 1 yil muddatga mansabdorlik lavozimlarida ishlash huquqidan ham mahrum etildi. Korrupsiyaga qarshi kurashish agentligi Axborot xizmati @Durdona_Ochilova @antikorrupsiyaUZ

Namozlaring qabul bo‘lsin. Qurbon bayrami muborak bo‘lsin!

Энг кўп пора миқдори 2 млн. АҚШ доллари, энг кам пора миқдори 50 АҚШ долларини ташкил этган бўлса, ўртача пора миқдори 37 819 АҚШ доллардан иборат бўлган. 2021 йилда содир этилган 91 та пора олиш жиноятларининг 75 таси тезкор тадбир,16 таси терговга қадар текшириш давомида фош этилган бўлиб, пора предмети бўлган пуллар 5 та ҳолатда воситачилар ва 86 та ҳолатда тўғридан-тўғри мансабдор шахслар томонидан олинган. Manba.

​​#Расмий_муносабат Kun.uz ахборот нашрида "Тошкентдаги тиббиёт “мафияси”: собиқ вазирлар давридаги манфаатлар тўқнашувига барҳам бериш бошландими?” сарлавҳаси остида эълон қилинган мақола юзасидан Коррупцияга қарши курашиш агентлиги томонидан Kun.uz ахборот нашрида "Тошкентдаги тиббиёт “мафияси”: собиқ вазирлар давридаги манфаатлар тўқнашувига барҳам бериш бошландими?” номли сарлавҳа остида эълон қилинган мақола юзасидан манфаатлар тўқнашувига йўл қўйилганлиги ҳолатлари бўйича ўрганиш ўтказилди. Ўрганиш натижаларига кўра, Тошкент шаҳар соғлиқни сақлаш бош бошқармаси мансабдор шахслари фаолиятида манфаатлар тўқнашувига йўл қўйилганлиги ҳолатлари аниқланди. Хусусан, Тошкент шаҳар соғлиқни сақлаш бош бошқармаси бошлиғи ўринбосарлари ва мазкур муассаса ҳузуридаги “Ҳўжалик ҳисобидаги тиббий кўрик бўлими” ДУК директори лавозимида фаолият юритиб келаётган мансабдор шахслар таъсисчилигида “Тошкент шаҳар соғлиқни сақлаш тиббий диагностика лабораторияси” (“SS-LAB”) МЧЖ ташкил қилиниб, аҳолига пулли тўлов асосида клиник диагностика лаборатория хизматларини кўрсатиш шаклидаги тадбиркорлик фаолияти йўлга қўйилган. Бунда корхона томонидан оилавий ва кўп тармоқли поликлиникаларда ўз филиаллари ташкил қилиниб, пулли хизмат билан боғлиқ фаолият амалга ошириб келинган. Ваҳоланки, Ўзбекистон Республикаси Вазирлар Маҳкамасининг 2016 йил 2 мартдаги ВМҚ-62-сонли Қарори билан “Давлат бошқаруви органлари ва маҳаллий ижро этувчи ҳокимият органлари ходимларининг одоб-ахлоқ намунавий қоидалари” тасдиқланган бўлиб, унда давлат хизматчилари фаолиятида коррупцияга оид ҳуқуқбузарликлар ва манфаатлари тўқнашуви юзага келишининг олдини олишга қаратилган мажбуриятлар белгиланган. Шунингдек, Ўзбекистон Республикаси Соғлиқни сақлаш вазирининг 2022 йил 24 мартдаги “Тиббиёт ходимларининг одоб-аҳлоқ кодексини тасдиқлаш ҳақида”ги (янги таҳрирдаги) 88-сонли буйруғида манфаатлар тўқнашуви тиббиёт ходимларининг шахсий манфаатлари уларнинг ўз хизмат вазифаларини холисона ва беғараз бажаришига таъсир кўрсатадиган ёки таъсир кўрсатиши мумкин бўлган ҳолатларда пайдо бўлиши ҳамда тиббиёт ходимлари хизмат вазифаларини бажаришда манфаатлар тўқнашувига сабаб бўладиган шахсий манфаатдорлик ҳолатларига йўл қўймаслигига доир аниқ қоидалар билан тартибга солинган. Юқоридагиларга асосан, Коррупцияга қарши курашиш агентлиги томонидан ўрганиш натижалари бўйича аниқланган ҳолатлар юзасидан Соғлиқни сақлаш вазирлигига тақдимнома киритилди ва тўпланган ҳужжатлар қонуний чора кўриш учун Бош прокуратурага юборилди. Facebook | Telegram |YouTube| anticorruption.uz

⚡️Президент Шавкат Мирзиёев Фарғона вилоят фаоллар йиғилишида коррупция муаммосига тўхталиб ўтди Давлат раҳбарининг таъкидлашича, ҳатто жазо чоралари кучли бўлса ҳам ер сотиш каби жиноятлар учраб турибди. — Бу давлатнинг ҳар бир амалдори — мен ҳам, вазирлар ҳам, бошқа амалдорлар ҳам халқ хизматкори. Мен бу гапни кўп такрорлайман. Аммо мансабдорлар орасида ҳали ҳам халқ орасига кирмаганлар бор. Ер сотишлар ҳали ҳам учраяпти. Ўша жинояти учун йигирма йилга қамалишини билса ҳам барибир қиляпти. Ўзи кичкина бюрократ амалдор, аммо керак бўлса ҳокимнинг имзосини сохталаштириб, ер сотяпти. Биз уйғонишимиз керак. Уйғонмасак, ишламасак фарзандларимиз бизни кечирмайди. Нима учун таълим ҳақида ҳар сафар гапираман. Чунки нажот шу, бундан бошқа нажот йўқ биз учун, — деди Шавкат Мирзиёев. Facebook | Telegram |YouTube|anticorruption.uz

⚡️Муҳокамаларда фаол иштирок этинг! 📌Хабар берганимиздек, жорий йилнинг 10 май куни давлат идораларида манфаатлар тўқнашувини аниқлаш, олдини олиш ва тартибга солиш механизмларини аниқ белгилашни назарда тутувчи қонун лойиҳаларининг жамоатчилик муҳокамасига старт берилди. 📝Хусусан, Ўзбекистон Республикасининг "Манфаатлар тўқнашувининг олдини олиш тўғрисида"ги Қонуни лойиҳасида Коррупцияга қарши курашиш агентлиги манфаатлар тўқнашувининг олдини олиш соҳасидаги махсус ваколатли давлат органи сифатида қайд этилмоқда. ✅Мазкур инфографикада бу ҳақдаги маълумотлар батафсил акс этган. 🗓Эслатиб ўтамиз, жамоатчилик муҳокамаси жорий йилнинг 25 май санасига қадар давом этади. 💬Муҳокамаларда таклифларингиз билан иштирок этинг, мамлакатда коррупциянинг олдини олиш ва уни бартараф этишга фаол ҳисса қўшинг! Facebook | Telegram |YouTube| anticorruption.uz

9-may – Xotira va qadrlash kuni! Bugungi yaxshi kunlarimiz uchun jon bergan bobolarimiz va buvilarimizni oxirati obod bo‘lsin. Hozirda yashayotganlarining umri uzoq va quvonchga to‘la bo‘lsin! Davlatimizga bugungi kunda tinchlik va adolat qadriyatlariga dushman bo‘lgan korrupsiyaga qarshi kurashda ham g‘alaba qilish nasib qilsin. Telegram | Facebook | www.antikorrupsiya.uz