𝗦𝘄𝗮𝗱𝗵𝘆𝗮𝘆 𝗲 𝗟𝗲𝗮𝗿𝗻𝗶𝗻𝗴

आज नाशिक येथे झालेल्या आंदोलनात मी स्वाध्याय अकॅडमीचा प्रतिनिधी म्हणून नाही, तर एक विद्यार्थी म्हणून सहभागी झालो. आणि मनात एकच प्रश्न आहे — काही लढाया या आपल्या हक्कासाठी आणि न्यायासाठी लढाव्याच लागतात. या लढाईमागे हजारो प्रामाणिक विद्यार्थ्यांची मेहनत आहे. अनेक वर्षांचा अभ्यास आहे, त्याग आहे, कुटुंबाच्या अपेक्षा आहेत. आणि जर कोणी पैसे देऊन किंवा चुकीच्या मार्गाने आमच्या हक्काची पोस्ट आमच्यापासून हिरावून घेत असेल, तर त्याविरोधात आम्ही आवाज उठवणारच. आज लढावं लागेल, उद्याही लढावं लागेल आणि गरज पडली तर शेवटपर्यंत लढावं लागेल. माझ्या मते, या संपूर्ण प्रकरणात फक्त अध्यक्षांचा राजीनामा हा मुद्दा नाही. पूर्णपणे स्ट्रक्चरल चेंज होणं गरजेचं आहे. शिपायापासून ते अध्यक्षांपर्यंत, या प्रकरणाशी संबंधित प्रत्येक स्तराची निष्पक्ष आणि पारदर्शक चौकशी झाली पाहिजे. सध्याची पूर्ण बॉडी बरखास्त करून, विश्वासार्ह आणि सक्षम अशी नवीन MPSC बॉडी तयार झाली पाहिजे. आणि या प्रकरणात जो कोणी दोषी असेल, मग तो कितीही मोठ्या पदावर असो — त्याची पारदर्शक चौकशी होऊन कायद्यानुसार कठोर कारवाई झाली पाहिजे. कारण आम्हाला कोणावर उपकार नकोत. आम्हाला फक्त आमच्या मेहनतीचा आणि हक्काचा न्याय हवा आहे. आज हा प्रश्न माझा नाही, तुमचा नाही… हा प्रत्येक प्रामाणिक विद्यार्थ्याचा प्रश्न आहे. आणि म्हणूनच ही लढाई थांबता कामा नये. विद्यार्थ्यांच्या हक्कासाठी, त्यांच्या मेहनतीच्या सन्मानासाठी आणि पारदर्शक व्यवस्थेसाठी — ही लढाई शेवटपर्यंत लढू. ✊ अमोल महाले