هاوسانی :: Hawsani

https://youtu.be/y5WC6TSGvnY?si=RPvHXNfRNRK154Tb هەنگاوێکی زۆر گرنگە لە تەمەنێکی بچووکەوە دەست بە تەدەببوری قورئان بکەن. قورئان ئەو شتە نییە کە لە کۆتایی تەمەنماندا بگەڕێینەوە بۆی، بەڵکو دەبێت لە سەرەتای ژیانمانەوە دەستی پێ بکەین. #نایف_بن_نەهار وەرگێڕان: #نوها_ئەمیر #هاوسانی

مامۆستا نووسینی: شێخ عەلی تەنتاوی وەرگێڕانی: ئازاد حسێن

کاتێک گەیشتینە ئاوایی ساریتا تازە خۆر هەڵاتبوو و ڕۆژ هەناسەی دەدا، هەر کە گەیشتینە یەکەم دەرگا ڕاستەوخۆ لێمان دا. دوای ئەوەی بۆمانیان کردەوە و لەو ژوورەی بۆ میوانیان ئامادە کردبوو داڵدەیان داین، لەتاو ئازار و ماندوویی، چەشنی مردوو کەوتینە سەر زەوی و زۆری نەخایاند چووینە نێو قووڵایی خەوێکی شیرینەوە. ئەم هیلاکییەمان سەیر نییە، چونکە بەدرێژایی شەو بە پێ ڕێمان کردووە، بەسەر شاخێکدا سەر دەکەوتین و دواتر شۆڕ دەبووینەوە بۆ نێو دۆڵێک ...

  درێژەی بابەتەکە لێرەیە: https://www.hawsani.org/view?n=43731

پێش تۆفان، لۆبی زایۆنی تەنها 17 ملیۆن دۆلاری خەرج دەکرد بۆ لەناوبرنی گشت نەیارەکانی لە تەواوی ویلایەتە یەکگرتووەکانی ئەمریکادا، بەڵام ئەمڕۆ 42 ملیۆن دۆلاری بۆ شکستپێهێنانی تەنها هەڵبژێردراوێک خەرج کرد، لەگەڵ ئەوەیشدا نەیتوانی شکستی پێ بهێنێت، تۆفان هێشتا بەردەوامە. #نایف_بن_نەهار #نوها_ئەمیر #هاوسانی

دەکرا پادشایەکی تاجلەسەر بێت گەر ماستاوی بۆ دووژمنەکانی ئوممەتەکەی کردبا، دەیتوانی دوای گەیشتن بە دەسەڵات لەنێو ناز و خۆشی و نیعمەتەکانی دونیادا قەرەبووی ئەو بیست ساڵەی زیندانی بکردایەتەوە، بەڵام هەموو دونیای کردە قوربانی بۆ تۆفان، مسوڵمانان درکی ئەمە دەکەن ئەگەرچی درەنگیش بێت، کە ئەوە ئەو ساتە بوو ڕێگای ئوممەتی بەرەو سەربەخۆیی برد. #نایف_بن_نەهار وەرگێڕان: #نوها_ئەمیر #هاوسانی

نوێترین کتێبی هاوسانی غەیب نووسینی: شێخ محەمەد متەوەلی شەعراوی وەرگێڕانی: دیار ئیبراهیم سەنگەسەری

https://youtu.be/mc6dfah_yTM?si=62ad_4JZ9ob6QnD9 ئێوە گومانی چی بە خودا دەبەن؟ #فیدائەددین_یەحیا وەرگێڕان:#ڕۆزی_ئەمیر #هاوسانی

چۆن هەڵمەتێکی سەربازیی بەڕیتانیا بۆ داگیرکردنی میسر بوو بە یەکێ لە شەرمەزاترین شکستەکانی لە مێژوویدا؟ چۆن پارێزگای (ڕەشید) بوو بەو کۆسپەی کە بەڕیتانیا حیسابی بۆ نەکرد؟ چیرۆکەکە لە ساڵی 1807ەوە دەست پێ دەکات، کاتێک بەڕیتانیا ویستی ئەو شەڕەی نێوان مەحەمەد عەلی و مەمالیک بقۆزێتەوە، بە ئامانجی داگیرکردنی ئەسکەندەرییە و ڕێکەوتن لەگەڵ مەمالیکدا و تێکشکاندنی مەحەمەد عەلی و داگیرکردنی میسر، هەڵمەتێکی سەربازی بە سەرکردایەتی ئەلیکسەندەر فرێزەر نارد. لە سەرەتادا بەڕیتانییەکان توانییان بە ئاسانی ئەسکەندەرییە داگیر بکەن، فرێزەریش وای زانی کە ڕێگاکە کراوەیە و داگیرکردنی میسر ئاسانە. بەڵام کۆنترۆڵکردنی میسر ئاسان نەبوو، چونکە بەڕیتانییەکان پێویستیان بە خۆراک و پاراستنی ڕێگاکە بوو بۆ چوونە ژوورەوە، لێرەدا ناوی پارێزگای (ڕەشید) دەرکەوت، ئەمەیش بە هۆی شوێنە ستراتیژیەکەیەوە. فرێزەر  بۆ داگیرکردنی پارێزگای ڕەشید هێزێکی بە سەرکردایەتی جەنەڕاڵ پاتریک نارد، لە 31ی ئازاردا کە چوونە ژوورەوە، لە هێمنی شارەکە سەرسام بوون، چونکە جادەوکۆڵان کەسی لێ نەبوو تا بەرگری بکات، تەنانەت هێزێک نەبوو بەرامبەریان بوەستێ، دەرگاکانیش داخرابوون، پاتریک وایزانی کە خەڵکی ڕەشید ترساون و خۆبەدەستەوەدانیان هەڵبژاردووە، بۆیە سەربازەکانی لە کۆڵانەکاندا بڵاوە پێ کرد. لە بەرامبەردا پارێزگاری ڕەشید (عەلی بەک سلانکلی) لەگەڵ هێزەکانی و خەڵکی شارەکە ڕێکەوتبوو کە لە  ماڵەکانیان بمێننەوە تا ئەو کاتەی ئینگلیزەکان ئەچنە قووڵایی ڕەشیدەوە، ئەو کاتەی لە شەقامەکانی شاردا بڵاو بوونەوە، لە لایەن خەڵکەکەوە لە پەنجەرە و سەربانەکانەوە تەقەیان لێ کرا، بەڕیتانییەکان لەناو کۆڵانەکاندا خۆیان بە گەمارۆدراوی بینییەوە. پاتریک کوژرا و سەدەها کەسیش مردن و زۆرێک بریندار بوون، ئەوەیشی کە ڕزگاری بوو، بۆ دەرەوەی شارەکە هەڵهات، سەرچاوەکانی بەڕیتانیا ئاماژە بەوە دەکەن کە زیانەکان لەو شەڕەدا گەیشتە 185 کوژراو و 281 بریندار. لە بەرامبەر ئەم شکستەدا جەنەڕاڵ فرێزەر لە نیسانی ساڵی 1807دا بڕیاری دا دووبارە هێرش بکاتەوە سەر ڕەشید، کە ئەم شەڕە بە شەڕی حەماد ناسرا، ئەم جارە بە هێزێکی گەورەتر، هەموو شارەکەی تۆپباران کرد، بەڵام هێزەکانی میسر و خەڵکی (ڕەشید) لە کاتی گەمارۆدانی شارەکەدا هێرشیان کردە سەر بەڕیتانیەکان و تووشی شکستێکی قورسیان کردنەوە،  بەهۆی ئەوەوە هەندێک لە سەربازەکان کوژران یاخود بە دیل گیران، ئەوەیشی کە مایەوە کشایەوە. - لە لایەکی ترەوە محمد عەلی باشا جوولەی بە هێزەکانی کرد و بۆ وەستانەوە لە دژی بەڕیتانیا کۆی کردنەوە، لە کاتێکدا کە عومەر موکرەم و زانا و سەرۆکەکان خەریکی پڕچەککردنی میسڕییەکان بوون، لەگەڵ شکستی بەڕیتانیەکان لە ڕەشید و حەماددا، هاوکات حاڵی هەڵمەتەکەیان زۆر خراپتر بوو، تا ناچاری کردن لە ئەیلوولی 1807دا لە ئەسکەندەرییە بکشێنەوە و میسر بە جێ بهێڵن. وەرگێڕان: #هاوڕێ_هیدایەت #هاوسانی سەرچاوەکان: عبد الرحمن الجبرتي - عجائب الآثار في التراجم والأخبار عبد الرحمن الرافعي - عصر محمد علي

چۆن قورئان گرنگی بە دروستکردنی هۆشیاریی دەدات زیاتر لە زانیاریی، تۆیش وەکو توێژەر دەبێ گرنگی زیاتر بە دروستکردنی هۆشیاری لە کۆمەڵگەدا بدەی، نەک نوقمی نێو زانیارییان بکەیت! چونکە زۆربەی توێژەران -بەتایبەت مێژوونووسان- خەڵکی نوقمی زانیاری دەکەن، بەڵام هەوڵی دروستکردنی ئاگایی نادەن. بۆیە هەندێک مێژوونووس دەبینیت زانیاری مێژوویی لایە، بەڵام ئاگایی و هۆشیاریی مێژوویی نییە، بۆیە زانیاری زۆر پەخش دەکات. ئەمەیش گرفتێکی گەورەیە لای خەڵک، چونکە زانیاری مرۆڤ مەست و سەرسام دەکات! زانیاریی هێزی کێشکردنی هەیە. ئەمەیش داوێکە زۆربەی ڕۆشنبیران دەکەونە ناوی، کاتێک لە شوینێکدا دادەنیشن، خەڵکی "زانیاریباران" دەکەن تا بڵێن واو واو زانیارییەکانی فراوانە و مەوسوعییە و قسەگەلی تریش! بەڵام خەڵک سوودێکی ڕاستەقینەیان لەو زانیارییانە نەدیوە. بۆیە ڕۆشنبیر نابێ هەڵبخەڵەتێ بە پرسیاری هەواداران، چونکە خەڵکی -عادەتەن- بەدوای زانیاریدا دەگەڕێن.. چی ڕووی دا لەوێ؟ بەرزی ئادەم چەند بوو؟ ئەمانە و وردەکاریی تریش کە هیچ ئاگاییەکییان بۆ ناخولقێنێ. ئەرکی ڕۆشنبیرە کە پرسیاری هەوادارانی ڕاست بکاتەوە و سەرلەنوێ ئاڕاستەیان بکاتەوە. خەڵکی پرسیارانێکت لێ دەکەن کە هیچ بەهایەکی نییە، تۆش دەبێ وایان لێ بکەی پرسیاری بەهادارت لێ بکەن، تا لەڕێی ئەو پرسیارانەوە ئاگایی تەندروستیان بۆ دروست بکەیت. د. #نایف_بن_نەهار وەرگێڕانی: #زەکەریا_ئیبراهیم_پیرۆمەری

قورئان لە هۆشیاریی پیاوانی داهاتوودا. کۆڕی ئەقوەمییەتی قورئان. پشتیوان بە خودا بەم زوانە لە هاوسانی بە ژێرنووسی کوردی بەردەست دەبێت.

زەویی وشکی عادەت و ئاسمانی تەڕی ئازار ئەگەر ڕاهاتن، دنیا خامۆش دەکات، دەردوبەڵا هەمدیسان ئاوازی وەبەر دەکاتەوە. عادەت، ئێمە لە دیتن تەرە دەکات. شتانێک کە ڕۆژانێک ئێمەیان سەرسام دەکرد، هێندە پاتە دەبنەوە کە ئیتر هیچ شوێنێک لە هۆشی ئێمەدا ناگرن. هەڵاتنی خۆر، دەنگی باران، قاقای دۆستێک، یا تەنانەت هەناسەکێشانیش، کەم کەم دەبنە وێنەیەکی نەجووڵاوی ژیان. ئازار، ئەم بێدەنگییە دەشڵەقێنێت. پاش وێرانبوونێک، شکست یا دەردێکی قووڵ، هەر ئەو دنیا هەمیشەییە ئیدی چەشنی ڕابردوو نابینرێت. ئیستیکانێک کە ڕۆژانە لەسەر مێز بوو، لەناکاو مانایەکی تر وەردەگرێت. دەنگێک کە دایمەی خوا دەتبیست، بوونێکی تازەی دەبێت. ئازار، ئەو بەهایانەی کە کەوتبوونە ژێر داروپەدووی عادەتەوە، دووبارە وەبەر تیری سەرنجی ئینسان دەخاتەوە. عادەت، دنیا بەرەو بێدەنگی دەبات. دەرد، ئەو بێدەنگییە دەشکێنێت. شیدە شەریف کوردییەکەی: یەحیا خەلیل

نوێترین کتێبی هاوسانی ئەرووپا؛ لە تەکنۆلۆژیاوە بەرەو ڕۆحانییەت نووسینی: دکتۆر سەعید ڕەمەزان بووتی وەرگێڕانی: دیار ئیبراهیم سەنگەسەری

بە ئاسن و ئاگر لەگەڵیاندا دەجەنگین، ئەگەر ئەوەیش بەس نەبوو، با برسی بن تا چۆک دادەدەن. (لە یادەوەرییەکانی ئەدۆڵف هیتلەرەوە) هیتلەر وتی و ئیـسـ.ڕائیلی داگیرکەر لە سەردەمی مۆدێرنەدا کە جاڕی مافی مرۆڤ لێ دەدات، جێبەجێی کرد. هێشتا لە غەززە ئاگر و ئاسن دەبارێت. وەرگێڕان: #نوها_ئەمیر #هاوسانی

کتێبی بەربەرەکانێی حەق و باتڵ نووسینی: مورتەزا موتەهەری وەرگێڕانی: م. قانع خورشید

بەردەوامییەکانی پڕۆژەی یەکەم جار کۆتا جارە بۆ هۆشیارکردنەوەی لاوان لە چوارچێوەی هەڵمەتە بەردەوامەکانمان و وەک بەشێک لە پڕۆژەی نیشتمانیی یەکەم جار کۆتا جارە، خۆشحاڵین کە لەم مانگەدا توانیمان لە سێ ڕۆژی جیاوازدا، شەش سیمیناری گرنگ و پڕ زانیاری بۆ قوتابیان و خوێندکارانی خۆشەویست پێشکەش بکەین. ئامانج لەم پڕۆژەیە، هۆشیارکردنەوەی گەنجانە لە مەترسییەکانی ئالوودەبوون و بونیادنانی کەسایەتییەکی تەندروست. ئەم سیمینارانە لە سێ ناوەندی خوێندنی جیاواز بەم شێوەیە پێشکەش کران: 📍 پەیمانگای پیشەیی کفری 🔹 م. یووسف محەمەد: تێگەیشتن لە ئالوودەبوون؛ پاڵنەرەکان و مەترسییەکان. 🔹 م. ئازاد حسێن: ئالوودەبوون؛ چێژ، ئازار و سیستەمی پاداشتی مێشک. 📍 ئامادەیی چیای کچانی ئێواران 🔹 م. جووتیار حسن: گەنج و دووکەڵ؛ لە کاتبەسەربردنەوە بۆ کۆیلایەتی. 🔹 م. ئەسما عەلی: بڕیاری ژیرانە؛ داهاتوویەکی گەش (دەربازبوون لە تەڵەکانی سەردەم). 📍 ئامادەیی کاوەی تێکەڵ 🔹 م. بێستوون عەبدولکەریم: هۆکارەکانی ئالوودەبوون، گرنگیی مانا لە ژیانی گەنجاندا. 🔹 م. ئەحمەد محەمەد: خۆپاراستن لە ئالوودەبوون. #یەکەم_جار_کۆتا_جارە #هاوسانی #گەنجان #پەروەردە #گەرمیان