هاوسانی :: Hawsani

زیاتر لە هەزار ڕۆژ تێپەڕی و هێشتا غـ.ـەز.زە خوێنی لێ ئەچۆرێ هەزار و یەک ڕۆژ تێپەڕی و هێشتا ئاسمان دەنگی بۆردومانی لا ئاشناترە وەک لە ئارامی. هەزار و یەک ڕۆژە هێشتا دایکان ماڵئاوایی لە منداڵەکانیان دەکەن. منداڵەکان بە ترسەوە گەورە دەبن، 1001 ڕۆژ لە دەستدان، لە برسییەتی، لە ئاوارەبوون، لە چاوەڕوانیکردنی هەواڵێک دڵ ئارام بکاتەوە. 1001 ڕۆژ خەڵکی ماڵەکانیان و خەونەکانیان وخۆشەویستەکانیان لە دەست دەدەن، سەرەڕای هەموو شتێکیش هێشتا دەست دەگرن بە ئیمانەکەیانەوە، چەند منداڵ منداڵێتی خۆی لێ حەرام بووە؟ چەند دایک خەوتووە و نازانێت لە هەڵهاتنی خۆردا منداڵەکەی دەبینێتەوە؟ چەند باوک بە دوای پاروویەک نان یان قوومێک ئاودا لە ماڵ دەرچووە و بە دەستی بەتاڵ گەڕاوەتەوە؟ 1001 ڕۆژە و جیهان سەیر دەکات. وەک ئەوەی ئەم ئازارە بووبێتە هەواڵێکی ئاسایی. بەڵام سەرەڕای هەموو شتێک. غـ.ـەز.زە دەبێتە نموونەی خۆڕاگری و ئازایەتی. چیرۆکگەلێک دەمێننەوە کە خاوەنەکانیان شایەتی هێزی مرۆڤن کاتێک دەست بە هیوا و ئومێدەوە دەگرن. وەرگێڕان:#ڕۆزی_ئەمیر # هاوسانی

هەزار ڕۆژە لە غەز٭زە ئاگر و ئاسن دەبارێت دووگیانم و سکم نۆ مانگە، هەستم بە ئازاری منداڵبوون کرد، بە مێردەکەم و ماڵی خەسووم وت: هەست بە ئازاری منداڵبوون دەکەم، جانتای ئامادەکاریی منداڵبوونم کۆ کردەوە و پاشان خەوتم. لە کاتژمێر 10:15 خولەک خانووەکەمانیان بۆردومان کرد، هاوسەرەکەم و دووانەکەی لەگەڵ دایکی و خوشکەکەی و کچە دووساڵانەکەم مردن. تەنها وێنەی لاشە پارچەپارچەبووەکانیانم لە خەیاڵە، پاشان منیش هۆشم لە دەست دا. دوای 48 کاتژمێر بە هۆی برینداربوونمەوە لەژێر چاودێری چڕدا بووم، قاچێکم بڕایەوە، دکتۆرەکانیش نەیانتوانی کوڕەکەم ڕزگار بکەن. گشتیان بە خاک سپێردران بە بێ ئەوەی ماڵئاوایی لە یەک کەسیان بکەم. منیش بە تەنها مامەوە. ئێرە غەززەیە، لێرە شەو و ڕۆژ ئاگر و ئاسن دەبارێت. وەرگێڕان: #نوها_ئەمیر

مسوڵمانی تەواو، ژیر و وریایە، دوو جار لە کونێکەوە ناگەسترێ. با لە ڕووداوەکانی ڕۆژەوە پەند وەرگرین و بچینەوە خزمەتی قورئان و فەرموودە و لەهەناوی واندا، بەدوای سیفاتی زانا و پێشەوای سەرڕاستدا بگەڕێین. ئەخر ناکرێ دوای ئەو هەموو ئاماژە ڕوونانە، هێشتا لەژێر کاریگەری زماندا شوێنی لەبلەبانان بکەوین! د. نایف بن نەهار لە پۆدکاستی: "چۆن قورئان دەرگاکانی خۆیمان بە ڕوودا دەکاتەوە؟" دەڵێت: " یەکێک لە ڕێساکانی سوودوەرگرتن لە قورئان ئەوەیە، نابێ سەیری کەسایەتییەکانی قورئان بکەیت وەکو کەسایەتیی سەربەخۆ و ئاسایی کە ژیاون لە سەردەمێکدا و نەماون، بەڵکوو دەبێ سەیری بکەیت وەکو نموونە و مۆدێل، کەسایەتییەکانی ناو قورئان نموونەگەلێکن دووبارە دەبنەوە لە هەموو سەردەمێک." خوای گەورە لە سوورەتی ئەعرافدا نموونەی زانایەکی لاسارمان بۆ دەگێڕێتەوە، کە بەهۆیەوە دەتوانین لە واقیعماندا، زانای بەد و دونیاویستی پێبناسینەوە: " وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانْسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ (175) وَلَوْ شِئْنَا لَرَفَعْنَاهُ بِهَا وَلَٰكِنَّهُ أَخْلَدَ إِلَى الْأَرْضِ وَاتَّبَعَ هَوَاهُ فَمَثَلُهُ كَمَثَلِ الْكَلْبِ إِنْ تَحْمِلْ عَلَيْهِ يَلْهَثْ أَوْ تَتْرُكْهُ يَلْهَثْ ذَٰلِكَ مَثَلُ الْقَوْمِ الَّذِينَ كَذَّبُوا بِآيَاتِنَا فَاقْصُصِ الْقَصَصَ لَعَلَّهُمْ يَتَفَكَّرُونَ(176) " سەیری ئەو وەسفانەی قورئان کە: "آتَيْنَاهُ آيَاتِنَا": خودا دەڵێ: ئەمن زانستم دایێ. بەڵام: "فَانْسَلَخَ مِنْهَا": کاتێ بەرژەوەندی خۆی کەوتە مەترسی، زانستەکەی وەلانا و خۆی لێ داماڵی و حەقی پۆشی. ئەدی دوایێ؟ "فَكَانَ مِنَ الْغَاوِينَ" هاتە ڕێزی گومڕایان، دوای ئەوەی خوا بە زانست گەورەی کردبوو. "وَلَوْ شِئْنَا لَرَفَعْنَاهُ بِهَا " زانست مایەی بەرزیی دونیا و دواڕۆژیی بوو، بەڵام ئەو بەرزییەی نەویست. ئەدی چی لێهات؟ "وَلَٰكِنَّهُ أَخْلَدَ إِلَى الْأَرْضِ" بەڵام ئەو پەست و نزم بوو، شایەنی پێگەی بەرزیی زانایان نەبوو. "وَاتَّبَعَ هَوَاهُ" شوێنی کەیف و سەفای خۆی کەوت! لەباتی کار بە ناوەڕۆکی زانستەکەی بکا، زەوقی خۆی کردە پێشەوا و بەدوویدا ڕۆشت. "فَاقْصُصِ الْقَصَصَ لَعَلَّهُمْ يَتَفَكَّرُونَ" ئەو چیرۆک و نموونانەیان بۆ باس کە، هەتا چاک سەرنجی بدەن و تێی بفکرن٧. قورئان دەڵێ ئەوە نموونەی "زانای بەد"ـە، دە ئەتووش جوان بیرکەوە و لە ژیانی خۆتدا چاوبگێڕە، بزانە ئەو وەسفانە لە چەندان کەسی بەناو زانادا دەبینییەوە؟ پێوەرەکانی قورئان سادە و بێگرێن، بەڵام چاوی دڵ و هۆشی عەقڵییان دەوێت. #زەکەریا_ئیبراهیم_پیرۆمەری

مسوڵمانی تەواو، ژیر و وریایە، دوو جار لە کونێکەوە ناگەسترێ. با لە ڕووداوەکانی ڕۆژەوە پەند وەرگرین و بچینەوە خزمەتی قورئان و فەرموودە و لەهەناوی واندا، بەدوای سیفاتی زانا و پێشەوای سەرڕاستدا بگەڕێین. ئەخر ناکرێ دوای ئەو هەموو ئاماژە ڕوونانە، هێشتا لەژێر کاریگەری زماندا شوێنی لەبلەبانان بکەوین! د. نایف بن نەهار لە پۆدکاستی: "چۆن قورئان دەرگاکانی خۆیمان بە ڕوودا دەکاتەوە؟" دەڵێت: " یەکێک لە ڕێساکانی سوودوەرگرتن لە قورئان ئەوەیە، نابێ سەیری کەسایەتییەکانی قورئان بکەیت وەکو کەسایەتیی سەربەخۆ و ئاسایی کە ژیاون لە سەردەمێکدا و نەماون، بەڵکوو دەبێ سەیری بکەیت وەکو نموونە و مۆدێل، کەسایەتییەکانی ناو قورئان نموونەگەلێکن دووبارە دەبنەوە لە هەموو سەردەمێک." خوای گەورە لە سوورەتی ئەعرافدا نموونەی زانایەکی لاسارمان بۆ دەگێڕێتەوە، کە بەهۆیەوە دەتوانین لە واقیعماندا، زانای بەد و دونیاویستی پێبناسینەوە: " وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانْسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ (175) وَلَوْ شِئْنَا لَرَفَعْنَاهُ بِهَا وَلَٰكِنَّهُ أَخْلَدَ إِلَى الْأَرْضِ وَاتَّبَعَ هَوَا

شیرکی تەوحیدنوێن ئەو بابەتەی مامۆستا #قانع_خورشید لە چەند شوێنێکدا دەربارەی دەڵێت: یەکێکە لەو نووسینانەم کە ئامادەم بە کتێبێکمی بگۆڕمەوە. «ترسناكترین بت ئه‌و بته‌یه‌ كه‌ دیار نییه‌، ونه‌، له‌ دووتوێی سینه‌دا خۆی حه‌شارداوه... به‌خۆسه‌رسامبوون، به‌كه‌مڕوانین له‌وانی دی، ‌گیردان به‌ ڕووكه‌شه‌وه‌، كه‌ هه‌موو سرووته‌كان -به‌ نوێژیشه‌وه‌- ڕووكه‌شن و دڵپێخۆشكردنیان، ئاماژه‌ی مه‌ترسین، نیشانه‌ی شیركێكی ڕیشه‌دارن، كه‌ وه‌ک وه‌ره‌مێكی پیس له‌ بنه‌وه‌ له‌ گه‌شه‌دان و له‌پڕ له‌ پێت ده‌خه‌ن و ده‌تكوژن. بـرخیز تـا یک‌سو نهیم ایـن دلـق ازرق‌فام را بـر بـادِ قلاشـی دهـیم ایـن شـرک تقـوا‌نام را هر ساعت از نو قبله‌ای با بت‌پرستی میرود توحید بـر مـا عرضه کن تا بشکنیم اصنام را "هه‌سته‌ تا وه‌لای نێین ئه‌م كونجكه‌ شینڕه‌نگه‌یه‌، بیده‌ین به‌ ده‌م بای بێده‌ربه‌ستییه‌وه‌ ئه‌م شیركه‌ ته‌قواشێوه‌یه‌. هه‌ر ساته‌و سه‌رله‌نوێ له‌ته‌ک بتپه‌رستیدا ده‌ڕوات، خۆت ته‌وحیدمان پێ ببه‌خشه‌، تا بته‌كان بشكێنین" (سه‌عدی)» لێرەوە خوێنەر بن: http://hawsani.org/View.aspx?n=25241&m=1

گەر لە سوورەتی «ص» تێبگەیت، هەموو ژیانت دەگۆڕێت. بەم ئایەتە دەست پێ دەکات (ص وَالْقُرْآنِ ذِي الذِّكْرِ) سوێند به‌م قورئانه‌ پیرۆزە که‌ خاوه‌نی ئامۆژگاری و شکۆمه‌ندی و قه‌در و ڕێزه‌. تەنها پیتێک {ص} وەک بڵێی مشتێک بکێشێت بە ناوەڕاستی مێزێکدا، یان دەنگێکی بەرزی تۆقێنەر بێ و دڵەکان ڕاچەڵەکێنێت. ناوەڕۆک و فیکری زاڵی سورەتەکە باس لە یەک شت دەکات، ئەویش ئەوەیە کە لوتبەرزی و خۆبەگەورەزانین کرۆکی شکستە، ملکەچبوون بۆ خودایش تەنها ڕێگای سەرکەوتنە، گشت چیرۆکەکانی نێو ئەم سورەتە خزمەتی ئەم فیکرە دەکەن. ئەگەر جوان لەم سورەتە ڕابمێنی، وا هەست دەکەیت لەنێو دادگایەکی گەردوونیدایت، جەنگی نێوان خۆبەگەورەزانین و ملکەچبوون، لە نێوان دەنگی بەرزی شەیتان و دەنگی ملکەچبوون بۆ خودا، سورەتێک کە دڵ دەهەژێنێت. ناساندنی سورەتەکە بەشێوەیەکی گشتی: سورەتێکی مەککییە. ژمارەی ئایەت 88. ناوەڕۆک: دۆسیەی حەق لە ڕووبەڕووبونەوەی خۆبەگەورەزانیندا. دیمەنی یەکەم: خۆبەگەورەزانینی قوڕەیشییەکان، سورەتەکە بە وەڵامدانەوەی قوڕەیشییەکان دەست پێ دەکات، کاتێک خۆیان بەسەر پێغەمبەرداﷺ هەڵدەکێشا. (بَلِ الَّذِينَ كَفَرُوا فِي عِزَّةٍ وَشِقَاقٍ) بەڵكو كافران خۆبەگەورەزان و لووتبەرزن، بێ فەرمانی و سەرپێچى خوای گەورە ئەكەن و حەق وەرناگرن. {عِزَّةٍ} لێرەدا بە واتای شکۆمەندی ڕاستەقینە نایەت، بەڵکۆ شکۆیەکی درۆینە کە بنەڕەتەکەی خۆبەگەورەزانینە. ڕاستییان ڕەت نەکردەوە لەبەر ئەوەی ڕوون نەبوو، بەڵکو لەبەر ئەوە بوو کە ئامادەی ملکەچبوون نەبوون. لێرەدا یەکەم پەیام ئەوەیە: هەندێ جار کێشەکان لە تێگەیشتندا نین، بەڵکو لە دڵدایە. دیمەنی دووەم: چیرۆکی داود سەلامی خودای لێ بێت، تاقیکردنەوەی دەسەڵات و دادپەروەری. چیرۆکی دوو کەس دەگێڕێتەوە کە دوژمنی یەک بوون، هاتنە لای پێغەمبەر داود و ئەویش بە بێ ئەوەی بەتەواوی گوێ لەوی تریان بگرێت حکومی دا. ئەو پێغەمبەرە، لەو کاتەی زانی لە حوکمدان پەلەی کردووە و هەڵەکەی خۆی بۆ دەرکەوت (فَاسْتَغْفَرَ رَبَّهُ وَخَرَّ رَاكِعًا وَأَنَابَ بۆیە داوای لێخۆشبوونی لە خوای گەورە كرد، چووە ركوع و سجود و كڕنوشی بۆ خوای گەورە برد و گەڕایەوە بۆ لای و داوای لێخۆشبوونی لێ كرد. لێرەدا گەورەییەکە بە تەواوی دەردەکەوێت، نەک لە خۆپاراستن لە تاوان، بەڵکو لە زووگەڕانەوە و تەوبەکردن. سوچێکی قووڵ لە باسەکە: داود پێغەمبەر پاشایەکی بەهێز بوو، بەڵام ئەو کاتە شکۆی زیاتر بوویەوە کە لە سوجدەدا بوو بۆ خودا. ڕەنگە دوو نەیارەکە نیشانەی نەفسی مرۆڤ و ئارەزوو بێت، لە ناخی مرۆڤدا دوو دەنگ هەیە، هەمیشە یەک دەنگیش سەردەکەوێت، مرۆڤی چاکیش کاتێک درکی بەهەڵەکەی کرد ڕاستەوخۆ دەگەڕێتەوە بۆ لای خودا. ڕامان_ لە_سوورەتێک وەرگێڕان: #نوها_ئەمیر #هاوسانی

ئەمە بۆ ئێوەی گەنج زۆر موهیمە. م.قانع خورشید #هاوسانی

🌟 وەرگێران، کلیلی دەروازەی دەرفەتە نوێکانە. ئەمڕۆ دەست پێ بکە! 📚 زمان بزانە، وەرگێران فێر ببە، داهاتووت بنیات بنێ. 🎯 بە کۆرسی وەرگێران، هەنگاوێک لە سەرکەوتنەوە نزیک ببەوە. 🌍 فێری هونەری گواستنەوەی مانا ببە و زمانەکان بەیەک ببەستەوە. 🔴 سوود لە پشوی هاوین ببینن و کاتەکانتان بە باشترین شێوە بەکار بهێنن. بەشداریی ئەم کۆرسە بکەن، فێری لێهاتوویی وەرگێران بن و هەنگاو بنێن بۆ ئەوەی ببنە خاوەنی داهاتی خۆتان. 💼📚 ✨ وەرگێران تەنیا شارەزایی نییە، دەرفەتێکی نوێیە بۆ ژیان بۆ بەشداریکردن بەم داشکاندنە تایبەتەوە هەر ئێستا نامەیەک بنێرە. T.me/HawsaniAcademy #کۆرسی_وەرگێڕان لە ئەکادیمیای هاوسانییەوە

ئەگەر تەزکیە ڕێگایەکی دوور بێت، ئەوە قورسترین بەشی ئەوەیە لەسەری سەقامگر بیت. کێشەکە تەنیا ئەوە نییە پێش دەکەوین یان نا، بەڵکو لە پاراستنی ئەم پێشکەوتنەدایە. لێرەدا گرنگیی ئامرازە کردارییەکان دێتە ئاراوە کە گەشتەکە تۆکمەتر دەکەن و مەترسیی پاشەکشەی لەسەر کەم دەکەنەوە. ١. هاوڕێی باش: نەفس بەتەنیا لاواز دەبێت و، لەتەک کۆمەڵێک کە یادی بخەنەوە و دەستباری بن، بەهێز دەبێت. ٢. ویردی ڕۆژانەی بەردەوام: لە زیکر یان خوێندنەوی قورئان یان نوێژە سوننەتەکان، ئیتر بارودۆخ هەرچەند بگۆڕێت، ئەوانە دڵت بە حەقەوە گرێ دەدەن. ٣. لەخۆپرسینەوە: هەموو ئێوارانێک وچانێکی ڕاستگۆیانە بدەیت، حساباتت ڕێکوپێک بکەیتەوە پێش ئەوەی لادانەکەت درێژە بکێشێت. ٤. بیرهێنانەوی ئامانج: هەمیشە بە بیری خۆتی بێنیتەوە کە تەزکیەی نەفەس بۆ خۆشی نییە، بەڵکو ڕێگەی نەجات و ڕزگارییە لای خوای گەورە. ٥. دوعای بەردەوام: چونکە هیچ سەقامگرییەک بەبێ پشتیوانیی پەروەردگار بوونی نییە و، هەرکەسێکیش پشت بە پەروەردگاری ببەستێت یارمەتیی دەدات. بنەمایەکی گرنگ: سەقامگری ئەوە نییە هەرگیز نەکەویت، بەڵکو ئەوەیە هەر جارێک کەوتیت خێرا هەستیتەوە. نموونەیەکی کرداریی سەردەمییانە: ئامرازێک لەم ئامرازانە هەڵبژێرە و بۆ ماوەی هەفتەیەک پێیەوە پابەند بە، کاریگەرییەکانی لە خۆتدا دەبینیت. وەرگێڕانی: ئەحمەد سەرکەوت #هونەری_خۆپەروەردەکردن #عەبدولکەریم_بەککار #هاوسانی

یەکێک لە مەترسیدارترین هەڵەکان ئەوەیە کە خەڵکی بە پێی توانای قسەکردن و زمانپاراوی هەڵسەنگێنین، نەک بە پێی ڕاستگۆیی و ئەخلاق و کردارەکانیان. ئەمە بۆ هەموو کەسێ وایە، بەڵام بەتایبەتی کەسی دیندار دەبێت ئاگاداری ئەم خاڵە گرنگە بێت. لە روانگەی قورئانەوە، ئەکرێت مرۆڤ قۆز و جوان بێت، زمانێکی شیرین و کاریگەری هەبێت و بتوانێت خەڵک سەرسام بکات، بەڵام لە ڕاستیدا دووڕوو بێت. خوای گەورە لەبارەی دووڕووان دەفەرموێت: ﴿وَإِذَا رَأَيْتَهُمْ تُعْجِبُكَ أَجْسَامُهُمْ وَإِن يَقُولُوا تَسْمَعْ لِقَوْلِهِمْ﴾ واتە: کاتێک دەیانبینیت، جەستە و قەڵافەت و سیما و لەشولاریان سەرسامت دەکەن، کاتێکیش قسە دەکەن (ئەوەندە قسەزان و ڕەوانبێژ و زمان پاراون)، گوێ لە قسەکانیان دەگریت. سەرنج بدەن ئایەتەکە هەردوو سیفاتی جوانی ڕواڵەت و توانای دەربڕینی پێکەوە کۆکردووەتەوە، بەڵام ئەو سیفاتانە مانای فەزیلەتی ئەخلاقی نین. وەکو ئەوە وایە ئایەتەکە پێتبڵێ بە ڕوخسار و ڕیش و جبە و عەمامە و نازناوی دکتۆر و پرۆفیسۆر و ڕۆشنبیر و هونەرمەند و توانای دەربڕین و ڕەوانبێژی تێمەکەون، بەڵکو سەیری کار و کردەوەی مرۆڤەکان بکەن. بە پێچەوانەی ئەو دوو سیفەتە زەق و دیارەی دووڕووەکان، هەر قورئان باسی پێغەمبەرێکی مەزنی وەکو موسا دەکات کە خۆی دانی بەوەدا ناوە کە هارونی برای زمانی پاراوتر و فەسیحتر بووە لەو. کەچی لەگەڵ ئەوەشدا، خوا موسای بۆ پەیامی ئاسمانی هەڵبژارد و لەگەڵی قسەی کرد. کەواتە، لە ڕوانگەی قورئانەوە، قسەزانی و توانای دەربڕین و توانای قەناعەت پێکردن مانای ئەوە نییە کەسەکە لەسەر حەق بێت، چونکە کەسانی ڕەوانبێژ توانای ئەوەیان هەیە ناحەقت لێبکەنە حەق و حەقیشت لێبکەنە ناحەق. بە مانایەکی دیکە، پێوەری قورئان بۆ هەڵسەنگاندنی مرۆڤەکان جیاوازە لە پێوەری زۆرێك لە مرۆڤەکان. لە قورئاندا، ناخ و نیەت و دڵ و کردەوە گرنگن، بەڵام لای زۆرینەی مرۆڤەکان ڕواڵەت و ڕەوانبێژی گرنگن. هەر هی ئەوەیە ئەوانەی کە قسەزان و لەبلەبانن و خاوەنی سەروسیما و ڕوخسارێکی جوانن و بەناوبانگن، لە هەڵبژاردندا ئەگەری سەرکەوتنیان زۆرە لە هەموو دونیادا. نەك هەر ئەوە، چەندین لێکۆڵینەوە هەن کە باس لەوە دەکەن ئەو تاوانبارانەی کە قۆز و جوانن بە بەراورد بەو تاوانبارانەی کە ناشیرینن، ئەگەری ئەوەیان هەیە سزای سوکتر وەربگرن و لە چاوی کۆمەڵگەشەوە کەمتر وەکو تاوانبارێکی مەترسیدار دەبینرێن. بە کورتی، قسەزانی و زمانپاراوی و توانای دەربڕین بەهرەیەکی گەورەیە و دەکرێت بۆ باش و بۆ خراپیش بەکاربهێنرێ، بەڵام خۆی لە خۆیدا بەڵگەی ڕاستگۆیی و چاکی و پاکی نییە. هەر بۆیە دەکرێت کەسێك خاوەنی سیمایەکی سەرنجڕاکیش بێت و قسەکانیشی زۆر کاریگەر بن، بەڵام لە ناخیدا دووڕوو بێت. لە بەرانبەردا، دەکرێت کەسێکی دیکە جەستەیەکی لاوازی هەبێت و ڕەوانبێژ و لەبلەبانیش نەبێت و زمانیشی بیگرێت، کەچی لە ڕاستیدا کەسێکی ڕاستگۆ بێت ولەسەر حەق بێت. کەواتە، بەهای مرۆڤ بە جوانیی قەڵافەت و سەروسیما و جوانی قسەکردنی ناپێورێت، بەڵکو پێوەرەکە بریتییە لە ئەخلاق و ڕاستگۆیی و هەڵوێست و کردارەکانی . ئەگەر ئەم پێوەرە قورئانییە بەکاربێنین، بە ئاسانی فریوناخۆین و فێڵمان لێناکرێت. د. نەوشیروان حسێن سەعید

دەربارەی پیشە و خۆتەرخانکردن د. بێستوون عەبدولکەریم #پۆدکاستی_بتیات https://youtu.be/nBlge5MAHxg?si=4Qe1BQ4EX59OOefN

تکاکار و تکالێوەرگیراوە. م.قانع خورشید لینکی تەواوی زنجیرەکە لە کۆمێنتە . #گوڵستانی_سەعدی #هاوسانی

هەموو گواستنەوەیەک کۆچکردن نییە، کۆچی پێغەمبەر ﷺ لە شوێنێکەوە بۆ شوێنێکی تر نەبوو، بەڵکو کۆچکردن بوو لە قۆناغێکەوە بۆ قۆناغێکی تر، لە لاوازییەوە بۆ بەهێزی، لە سەختییەوە بۆ ئاسانکاری. لە دەستپێکی ساڵی نوێدا دەبێ لە خۆمان بپرسین، ئەو شتەی کە لە دڵماندایە و دەمانەوێ جێی بهێڵین چییە؟ بێهیوایی، ترس، وابەستەبوون بەوەی لە دەستمان داوە؟ ڕێگای دەربازبوون بە ناڕەحەتیدا دەڕوات. کۆچکردن ڕاستەوخۆ گەیشتن بە شارێکی تر نەبوو، بەڵکو بە خۆشاردنەوە و شونێکەوتن و ترس لە داهاتوو بوو. ئەمەیش بە بیرمان دەهێنێتەوە کە ئەو ناڕەحەتیانەی ئێستا پێیدا تێپەڕ دەبین، بەشێکی بچووکی ئەو کۆتاییەیە کە نایبینین، بەڵام خودا دەیبینێت. ساڵەکان تەنها بە ژمارە ناپێورێن، ساڵی نوێی هیجری تەنها زیادبوونی ژمارەیەک نییە لە ڕۆژمێردا، بەڵکو پێداچوونەوەیە بۆ ئەو شتانەی کە ڕۆژەکان لەنێو دڵماندا بە جێی هێشتووە. چی فێر بووین، چ شتێکمان تێدا گۆڕا، چۆن لەنێو کرۆکی ئازار و ناڕەحەتییەکاندا لە خودا نزیک بووینەوە؟ یەقین لە ناوەڕاستی نادیارییدا، لەنێو ئەشکەوتەکەدا پێغەمبەر ﷺ بە هاوڕێکەی فەرموو: خەم مەخۆ خودا لەگەڵمادایە. ڕەنگە ئەمە گەورەترین وانەی کۆچ بێت، نزیکبوونت لە خودا واتای ئەوە نییە ناڕەحەتی و ناخۆشیت توش نابێ، بەڵکو واتای ئەوەیە لەو دۆخە سەختانە بە تەنها بەجێت ناهێڵێ. لە دوای هەموو لەدەستدانێک سەرەتایەکی نوێ هەیە، کۆچ لە دوای چەندین ئازار و لەدەستدان ڕووی دا، لەگەڵ ئەوەیشدا سەرەتای وەرزێکی نوێ بوو، ئەمەیش واتای ئەوەیە زۆری ناڕەحەتی و لەدەستدان هیچ ڕێگر نییە لەوەی خودا سەرەتایەکی نوێت بۆ بنووسێت، ئەوەی ئەمڕۆ دەڕوخێنرێت و لەناو دەدرێت، ڕەنگە سبەی زۆر جوانتر لەوەی وێنای دەکەیت بونیاد بنێرتەوە. کۆچکردن لە ماڵ و ژیانی ڕۆژانە، هەمان ئەو کۆچکردنەی خەڵکی غەز٭زەیە، تاقیکردنەوەیەکە بۆ ئارامی، هەروەک چۆن خەڵکی غەز٭زە گشت چرکەیەک لەنێو ئەو تاقیکردنەوەیەدان، بەڵێنکە کە لە دوای هەموو ناڕەحەییەکەوە خۆشی و ئاسودەیی دێت، ئەم بەڵێنەیش دڵەکانی پێوە پەیوەست بوون و چاوەڕێی ڕۆژی ڕزگاری و ئازادین بۆ هەموو دیلەکان، ڕزگارکردنی بست بە بستی خاکە داگیرکراوەکان. وەرگێڕان: #نوها_ئەمیر