ፈለከ ኢትኤል🔭

🌑ግንቦት 8/2014 ዓ.ም. ሙሉ ጨረቃ በኢትዮጵያ በሌሎች ሃገራት ደግሞ የደም ጨረቃ ግርዶሽ ይከሰታል🌒 ✍️ በመጋቤ ሐዲስ ዶክተር ሮዳስ ታደሰ 💥 እንደሚታወቀው ሙሉ የጨረቃ ግርዶሽ የሚከሰተው ጨረቃ ሙሉ ለሙሉ በመሬት ጥላ ውስጥ ስታልፍ ነው፡፡ ሙሉ ለሙሉ በተጋረደችባቸው ሰዓታትም ቀይ ሆና የደም ጨረቃ (ብለድ ሙን) የሚባለውን ቀለም ታሳያለች፡፡ በጨረቃ ግርዶሽ ጊዜ ሰማያዊ ብርሃን በመሬት ከባቢ አየር ሲበተን ቀዩ ብርሃን ብቻ ጨረቃ ላይ ይደርሳል። 💥 የደም ሙሉ ጨረቃ ደም ግርዶሽ Super Blood Moon total lunar eclipse በሃይማኖት፣ በሳይንስ እጅግ ብዙ ምሳሌዎችና ትርጉሞች ያሉት ሲኾን በማዛሮት መጽሐፌ ላይ በስፋት ስለተተነተነ አንባብያን መጽሐፉን አንብበው እንዲረዱት በመጋበዝ በዚህ ላይ ግን ክስተቱን ብቻ ጠቅሼዋለሁ። 💥 ይህ የደም ጨረቃ ግርዶሽ (Super Blood Moon) በምሥራቅ ፓስፊክ፣ በአሜሪካ፣ አንታርክቲካ፣ በአውሮፓ በደንብ ይታያል። በአህጉራችን አፍሪካ ቢታይም በኢትዮጵያ ግን አይታይም ምክንያቱም በኢትዮጵያ ማታ 12:02 ላይ ስለምትጋረድ በዚህ ሰዓት ደግሞ ጨረቃ ከአድማስ በታች በመኾና ለማየት አዳጋች ስለሚኾን ነው። 💥 ቢሆንም ግን በሀገራችን ሰኞ ግንቦት 8 ሙሉ ጨረቃ በመሆኗ ወደ መሬትም በጣም በመጠጋቷና መጠኗና ብርሃኗም ከወትሮው ስለሚጨምር “ሱፐርሙን” (ታላቋ ጨረቃ) super moon ተብላ የምትታወቅበት ወቅት ላይ መሆኗ ነው፡፡ 💥 በተለይ ጨረቃን ፎቶ ማንሣት እንደኔ ለሚወዱ ውብ የሆነ የሙሉ ጨረቃን ፎቶ ለማንሣት ይህ የሙሉ ጨረቃ (ፉል ሙን ፌዝ) እና ሱፐር ሙን ወቅት ከሁሉም ጊዜ በተለየ በጣም ተመራጭ ጊዜ ነው፡፡ 💥 ፀሐይ እንደጠለቀች ምሽት ላይ ጀምሮ እስኪነጋ ድረስም ደምቃ አብርታ ጎልታ ስለምትታይ ለአድናቂዎችና ለተመልካቾች ጥሩ ጊዜ ይሆናልና ፎቶ እያነሣችሁ መደሰት ትችላላችሁ፡፡ 💥 ግርዶሹ በሚታይባቸው በምሥራቅ ፓስፊክ፣ በአሜሪካ፣ አንታርክቲካ፣ በአውሮፓ ሀገራት ያላችሁ ደግሞ ደመና ከሌለ በስተቀር ግርዶሹ በምሽት ስለሚታይ የሚታይበትን Space.com በመጠቀም ያላችሁበትን ከተማ በመሙላት ማታ እያያችሁ መደሰት ትችላላችሁ።