Ethiopian Architecture Construction and Urbanism

የሚዘጉ መንገዶች። የ1445ኛው የኢድል አል አድሃ (አረፋ) በዓል ሶላት ተጀምሮ እስከሚጠናቀቅ የተወሰኑ መንገዶች ለተሽከርካሪ ዝግ እንደሚሆኑ አዲስ አበባ ፖሊስ አስታወቀ፡፡ ሰኔ 9 ቀን 2016 ዓ/ም የ1445ኛው የኢድል አል አድሃ (አረፋ) በዓል ይከበራል፡፡ በዓሉን አስመልክቱ በአዲስ አበባ ስታዲዮም እና በዙሪያው በሚገኙ ዋና ዋና መንገዶች ላይ የሶላት ስነ-ስርዓት ይካሄዳል፡፡ ፕሮግራሙ በሚካሄድበት ወቅት የትራፊክ መጨናነቅ እንዳያጋጥም ከለሊቱ 11:00 ሰዓት ጀምሮ ፕሮግራሙ እስከሚጠናቀቅ የተወሰኑ መንገዶች ለተሽከርካሪ ዝግ እንደሚሆኑ አዲስ አበባ ፖሊስ አስታውቋል፡፡ ስለሆነም • ከፒያሳ በቸርችል ጎዳና ወደ ለገሃር የሚወስደው መንገድ ቴዎድሮስ አደባባይ ላይ • ከጎተራ ማሳለጫ ወደ ስታዲዮም የሚወስደው አጎና ሲኒማ ላይ • ከሜክሲኮ ወደ ለገሃር የሚወስደው መንገድ ሜክሲኮ አደባባይ ላይ • ከብሔራዊ ቤ/መንግስት ወደ መስቀል አደባባይ የሚወስደው መንገድ ፓርላማ መብራት ላይ፡፡ • ከኦሎሚፒያ ወደ መስቀል አደባባይ የሚወስደው መንገድ ኦሎምፒያ አደባባይ ላይና ታች እንዲሁም ግራና ቀኝ • ከመገናኛ ወደ ኡራኤል ቤተ ክርስቲያን የሚወስደው መንገድ 22 መስቀለኛ መንገዱ አካባቢ • ከ ጥቁር አንበሳ ሼል ወደ ለገሀር የሚወስደው መንገድ ጥቁር አንበሳ ሼል አጠገብ • ከሲግናል እና ከአቧሬ ወደ ካዛንቺስ የሚመጣው መንገድ አቧሬ ሴቶች አደባባይ ላይ • ከመስቀል ፍላወር ወደ መስቀል አደባባይ የሚመጣው መንገድ ጋዜቦ አደባባይ ላይ • ከቄራ በአዲሱ መንገድ ወደ ቂርቆስ ቤ/ክርስቲያን የሚወስደው መንገድ ቂርቆስ ቤ/ክርስቲያን መገንጠያ ላይ • ከጌጃ ሰፈር በሰንጋተራ ወደ ለገሐር ለሚመጡ አሽከርካሪዎች ሰንጋ ተራ 40/60 የጋራ መኖሪያ ቤት አካባቢ • ከአብነት በጌጃ ሰፈር ወደ ብሔራዊ ቴአትር የሚወስደው መንገድ ጎማ ቁጠባ አጠገብ • ከተክለ ሐይማኖት አካባቢ በሜትሮሎጂ ወደ ብሔራዊ ቴአትር ሜትሮሎጂ መ/ቤት ላይ • ከተክለ ሐይማኖት አካባቢ በጥቁር አንበሳ ሆስፒታል የኋላ በር ወደ ብሔራዊ ቴአትር ለሚሄዱ ጥቁር አንበሳ ሼል ድሬንስ አካባቢ • ከተክለ ሐይማኖት አካባቢ በጎላ ሚካኤል ውስጥ ለውስጥ ወደ ለገሐር ለሚሄዱ አሽከርካሪዎች ጎላ ሚካኤል መስቀለኛው ላይ ይለፍ ለሌላቸው ተሽከርካሪዎች ሰኔ 9 ቀን 2016 ዓ/ም ከለሊቱ 11:00 ሰዓት ጀምሮ ዝግጅቱ እስከሚጠናቀቅ ድረስ ለተሽከርካሪ ዝግ በመሆኑ ህብረተሰቡ ከፖሊስ የተሰጠውን መረጃ ተገንዝቦ የትራፊክ ፖሊስ አባላት በሚጠቁሙት አማራጭ መንገዶችን እንዲጠቀም እና ለትራፊክ ፖሊስ አባላት ትዕዛዝ አስፈላጊውን ትብብር እንዲያደርግ የአዲስ አበባ ፖሊስ ጥሪውን አስተላልፏል፡፡ ለእምነቱ ተከታዮች በሙሉ በዓሉ የፍቅርና የሰላም እንዲሆን መልካም ምኞቱን ይገልፃል፡፡ ምንጭ። አዲስ አበባ ፖሊስ። @ethiopianarchitectureandurbanism

ጥፋታችንን ሳናውቅ ነው የባንክ አካውንታችን የተዘጋው ሲል ፐርፐዝ ብላክ ኢትዮጵያ ገለጸ። ፐርፐዝ ብላክ ኢትዮጵያ የድርጅቱ የሂሳብ አካውንት እና የስራ አስፈጻሚው አካውንት መዘጋቱን በዛሬው እለት በሰጠው ጋዜጣዊ መግለጫ አስታውቋል። የድርጅቱ ሶስት አካውንቶች ሙሉ በሙሉ መዘጋታቸውን የገለጸው ፐርፐዝ ብላክ፣ የሚደርሰውን ኪሳራ እርምጃውን የወሰደው አካል ይወስዳል ብሏል። ምንም አይነት ወንጀል ሰርተን አይደለም አካውንታችን የተዘጋው ያለው ድርጅቱ፣ ጥፋት ሰርተን ከሆነም በግልጽ ይነገረን ብሏል። የባንክ አካውንታችን ያለ በቂ ምክንያት ከተዘጋ 72 ሰዓታት አልፎታል፣የሀገሪቱ ህግ የሚከበርበት ሁኔታ መረጋገጥ አለበት ሲልም ነው የገለጸው። መንግስት ህግ የማክበርና የማስፈጸም ሀላፊነት አለበት ያሉት የፐርፐዝ ብላክ ስራ አስፈጻሚ ዶ/ር ፍስሀ እሸቱ፣ እኛም ለህግ ተገዢ የማንሆንበት መንገድ የለም፣ነገር ግን ስርአቱን በጠበቀ መንገድ መሆን ይገባል ነው ያሉት። ከየትኛውም አካል የደረሰው ምንም አይነት ደብዳቤ አለመኖሩን የገለጸው ፐርፐዝ ብላክ፣ ለከፍተኛ ችግር መጋለጡን አስታውቋል። ይህ በመሆኑም ተቋሙ የሰራተኞች ደሞዝ ጨምሮ የፕሮጀክቶቹን ስራ ማስኬድ እንዳልቻለም ገልጿል። የተሽከርካሪ ነዳጅ እንኳን መግዛት የማይችልበት ደረጃ ላይ እንደደረሰም ነው ያስታወቀው። ስራ ከጀመረ ሶስት አመታትን ያስቆጠረው ድርጅቱ በአጭር ጊዜ ውስጥ በርካታ ስኬቶች ማስመዝገቡን አስታውቋል። ባለፉት ሶስት አመታት ተቋሙ ካስመዘገባቸው ስኬቶች መካከል የተቋሙ መነሻ ካፒታል ከ1 ቢሊዮን ብር ወደ 2.4ቢሊዮን ብር ካፒታል መድረሱን አስታውቋል። አሁን ላይ ድርጅቱ 1 ሺህ 300 የሚጠጉ ቋሚሰራተኞች ሰራተኞች እንዳሉት ገልጧል። ምንጭ። Ethio FM 107.5 @ethiopianarchitectureandurbanism

ለፈገግታ ያህል! 😂

አሁናዊ ህንጻ አሶሳ ስታዲየም። በቀጣይ ሶስት አመታት ለማጠናቀቅ እየተሰራ የሚገኘው የአሶሳ ስታዲየም የግንባታ ሂደት አሁናዊ ገጽታ። ምንጭ። Ethiopian Press Agency @ethiopianarchitectureandurbanism

አዲስ መጽሀፍ "የአዲስ አበባ ሰፈር፣ እድር  እና ግቢ" አንተነህ ተስፋዬ (ፒኤችዲ ፣ ህንጻ ነዳፊ/ የከተማ ነዳፊ) በመጽሀፍ የተጠናቀረውን የምርምር ውጤታቸው በበይነ መረብ ቀርቧል። "ሰፈር፣ እድር እና ግቢ" በሚል ርዕስ የጻፉት መጽሀፍ  የኢትዮጵያን የከተማ ኑሮ፣ ስፍራ  የማበጀት እና የንድፍን ንድፈ ሀሳብ  የሚያሳይ መጽሀፍ ነው። መጽሀፉ ይህንን የሚያሳየው የአገር ውስጥን ማህበራዊ መስተጋብር እና አገራዊውን ስፍራ ማበጀትን በመጠቀም የከተማ ቅርጽን ትርጉም እንደ አዲስ ከአለማቀፋዊው የደቡብ ንፍቀ ክበብ  እይታ በማመላከት ነው። የመጽሀፉን ለስላሳ ቅጂ (soft copy) ከታች ለብቻው ተያይዟል። አንብበው ይጠቀሙ። በዚህ አጋጣሚ ለ አንተነህ ተስፋዬ (Phd) እጅግ ምስጋና እናቀርባለን። @ethiopianarchitectureandurbanism

የቆዩ የከተማ ምስሎች። አብዮት አደባባይ 1982/83 @ethiopianarchitectureandurbanism

ዜና እረፍት። ፉሚሂኮ ማኪ ፣ ጃፓናዊ አለምአቀፍ ህንጻ ነዳፊ። ዝነኛውን ፕሪትዚከር ሽልማት በ1993  እኤአ የተቀበለ እንዲሁም 67ኛውን AIA ሽልማት በ 2011 እኤአ የተቀበለ ስመጥር ነዳፊ ነበር። ፉሚሂኮ ማኪ ከሳምንት በፊት በጁን 6 በ95 አመቱ ያረፈ ሲሆን የምዕራባውያኑን ዘመናዊነት እና የጃፓኑን ባህል በስራዎቹ ከማዋሀድ ባለፈ አዳዲስ የግንባታ መሳርያዎችንም ይጠቀም ነበር። ለምሳሌም "ኦኩ" የተባለውን የጃፓናውያን የንድፍ እሳቤ በንድፎቹ ላይ ያስገባል። ይህም የስፍራ ዝርጋታዎችን በተመለከተ ሲሆን በ"ኦኩ" መሰረት ስፍራዎች በአንድ መዋቅር ዙርያ እንዲዞሩ ተደርገው ይነደፋሉ። ከስራዎቹ ስፓይራል የተባለውን በ1985 እኤአ በአዎያማ፣ ቶክዮ  በሜታቦሊዝም እሳቤ ተቃኝቶ የነደፈውን የብዝሀ አገልግሎት ህንጻው ምስሎች ተያይዘዋል። ህንጻው የአሜሪካዊው እንደአሜሪካዊው ሪቻርድ ሜየር በገጽታዎች ቢጫወትም፣ የብተና ዘይቤ ያለበት ቢመስልም የንድፍ አደራደሩ ስርአት ያለው ሆኖ እናገኘዋለን። ዋና የንድፍ ይዘቱም መግብያው ላይ ያለው ተንሳፋፊ ክብ ተዳፋቱ ሆኖ እናገኘዋለን። ነፍስህ በሰላም ትረፍ። @ethiopianarchitectureandurbanism

የ ከተማ ጫካ ጥቅሞች። ምንጭ። UN Habitat @ethiopianarchitectureandurbanism