" وَإِيّاكَ نَسْتَعِينُ ".

تم ✅ اللي عاوز شيء يرسل هنا @dr_allam97 العرض ساري لمدة ٢٠ دقيقة ✌️

يا الله أنا اتكلمت كتير اوي 😁 سنبدا في حذف ما لا فائدة فيه 🏃‍♂

صلوا على النبي استغفروا

المفروض ممارسة مهنة الطب تزيد الطبيب رحمة وإحسان وأدب وحسن خلق بالناس! الحقيقة أنا حتى الآن مش بفهم ليه دكتور يعامل مريض بشكل سيء! إيه عذره غير إن المريض يقل أدبه ويتجاوز؟ انا بستغرب من اطباء هم شهود عيان على بلاءات الناس واوجاعهم.. وفي نفس الوقت بيزيدوها، ان مكانش هم سببها اصلا! أمي كانت مريضة فترة طويلة ربنا يخفف عنها ويبارك لي فيها ويحفظها يا رب فيه دكتور عاملها بشكل مش كويس، طبعا انا بهدلته اوي رغم انه أكبر مني.. بس يفيد بإيه العمر لو مش محترم ومش سوي! الشاهد: أمي من وقتها بتكره المكان كله، مش بتتقبل مجرد ذكر اسم الدكتور، أحيانا تدعو عليه.. وهي والله صاحبة قلب أبيض طيبة جدا الله يبارك فيها ويحفظها، بس هو أذاها في موطن هي محتاجة فيه انه هو بالذات يطمنها أكيد فيه هنا أطباء براحة على الناس واسمعوهم ابتسامة منك مش هتغرمك حاجة، بس هتفرق معاهم كلمة حلوة منك والله هتبقالك وهتظبط نفسية المريض جدا العامل النفسي مهم اوي مبتعرفش تقول كلام حلو؟ ادعيله مبتعرفش تدعيله؟ ادعي لنفسك ربنا يستعملك في تخفيف الام الناس النفسية قبل الجسدية اتصرف اعمل اي حاجة بس بالله متبقاش سيء الخلق كفاية على الناس أوجاعها

فضل ربنا لأن انت في وضع جديد في نظام جديد في مكان غريب وبعيد عن أهلك، وتجربة جديدة كليا وفي نفس الوقت بتمر.. بلطف ربنا وفضله مشاكل كتير وتعب أعصاب ومكر من ناس كتير وحوارات اللهم لك الحمد اللهم لك الحمد

الواحد بيفرح إن الناس بتحبه! دي نعمة حلوة اوي ربنا لا يحرمنا منها محض فضل من ربنا اللهم لك الحمد

عاوز أقول كمان: حبوا الخير لبعض واتعلموا اللطف اتعلموا الرحمة اتعلموا الأخلاق النبيلة احنا بنفتقد لحد لطيف وسط اليوم والله جالي بنوتة صغيرة تقريبا سنتين في العيادة اللهم بارك اللهم بارك ببصلها تضحك اكلمها تضحك اكشف عليها تضحك اللهم بارك لا أنساها، غيرت لي جو اليوم بجد هيحصل إيه لو كنا حلوين وبنتكلم بلطف وأدب زي الاطفال؟ مش كل الاطفال طبعا ^^

بالنسبة للناس الخبيثة هكلمهم نفسهم والله انتم تقريبا مش عايشين، انصحكم بجد بترك هذا الامر، لا تسيئوا الظن، لا تسيئوا النية والعمل،لا تحتالوا صدقوني مهما كنتم حاسين انكم عايشين ومرتاحين فلا والله، مبيرتاحش غير النضيف اللي بيتمنى الخير لغيره.. مش اللي بيمكر له! مبيرتاحش غير اللي نفسه هادية وبيساعد الناس ويهمه مصلحة الكل وبيزعل لزعلهم، مش اللي بيكون هو سبب قلقه وتوتره ومشاكله!

بالنسبة للتكليف بردو ففيه شيء من شغلنا وهو مناظرة حالات الوفاة بتروح تقول مات او لا الموضوع دا متعب جدا بغض النظر عن تفاصيل كتير في الإداريات والشغل وإلى ءاخره بس أنا بتكلم عن الجانب الإنساني بحاول معتادش الامر من فضل ربنا إن كل حالة وفاة لها ظروفها اللي بتجعلك تمعن فيها وتفكر فيها لوحدها مش كله مات وكله بيموت وخلاص دا جانب الجانب التاني إنه انا اللي بقرر ببقا نفسي أقوله قوم يا حاج انت لسه مموتش رغم يقيني الكامل بانها اعمار وءاجال بس ثقيلة حد فاهم حاجة؟ الله المستعان -_-

بعد التخرج قابلت زمايل لي لسه هيبدأوا امتياز، لسه وراور صغيرين فرحت من نفسي أني لم أكتم شيئا عرفته هيوفر عليهم طريق طويل وتفكير معقد وقلق وتوتر احنا بنفتقد لكدا في حياتنا حاولوا يا كرام أي حاجة تعرفوها وشفتوا حد محتاجها متبخلوش بيها، ربنا هيبارك لكم والله ربنا يعافينا من سوء النية والفعل، ومن الناس الخبيثة