مسابقات الجهاز المركزي للتنظيم والإدارة

شكرا جداا ع تعبكوا معانا انا كان امتحاني انهارده 29/5 حاولوا تروحوا قبل الامتحان بوقت كافي ع ما تضغطوش نفسكوا ويبقي معاكو صوره شخصيه. الامتحان كويس والوقت كافي جداا انا اتبقي معايا وقت ف كل المراحل. اولا الجدرات دي اسأله عن نفسك حاولوا تجاوبوا بصراحه 134 سؤال ف 35 دقيقه. وبعدين القدرات سهله واغلبها من الماتيريال جالي بتاع البيتزا والفصوليا الصلصال والحجج والشجر والاشكال بتاع المربع والمثلث وجالي قص الورق كتير حاولوا تركزوا ف اتجاه الورقه وجالي مصفوفات كانت كويسه وفي سؤال كان مترتب عليه كذا سؤال بعده فحاولوا تركزوا ف السؤال. الانجليزي كان سهل جدااا حرف الجرب on قبل الايام الصور الأبيض والاسود بتاع الناس old fashion Many.,much better than العربي جايب الاعداد والهمزات واجمع ضرب مهندس الري هحاول افتكر الباقي. الحاسب صعب شويه اختصار mos واسأله ع الهوامش والanimation والtransation المعلومات جالي تحيا مصر ومدينه الجمال 2023 والصواميع جامعه الجلاله التأمين الشامل والرمال السوداء مرتين مره اسم البلد ومره المحافظه مبادره مستوره مبادره مكافحه الارهاب التخصص انا انجليزي كان 15 سؤال عربي عن الموازنات والباقي انجليزي وكله نظري مجالبش غير مسأله بسيطه خالص مش محتاجه آله حاسبه انا مكنتش مزاكره التخصص كويس فاللي مزاكر هيجاوبها بكل سهوله واخيراا ادعولي بالتوفيق واني اعوض ف مسابقه البريد ولو افتكرت حاجه تانيه هبعتها

مهم لمسابقة البريد برضو، استعدوا للتخصص 🔊🔈

لو سمعتوه بتركيز، هتتفاجئوا من السهولة وكمية المعلومات اللي اخدتوها 💯

اسهل وابسط ملخص لمحاسبة التكاليف الجزء النظري ♥️🤟

السلام عليكم حبيت انقل تجربتي امبارح عن الامتحان اولا الجدارات السلوكية والمعرفيه دي حاجات عن رأيك ونفسك فسهله الاي كيو سهل من الماتريال اللي موجوده بس حل كتير عشان تحفظ الاجابه وتنجز في نفسك الوقت بالنسبه للمعلومات العامه مكنش من اي ماتريال وبالنسبالي كان رخم لانه كان بيسأل ع حاجات افتتحت السنين اللي فاتت وحاجات غريبه كدا بالنسبه للعربي والانجلش ٢٠ سؤال سهلين انا مذاكرتش اصلا قبل ما اروح بالنسبه للحاسب مجاش من اي ماتريال موجوده وحاجات غريبه مكنتش فاهمه السؤال اصلا بس جه اسئله عن برنامج الاكسس بالنسبه للمحاسبة انا تجاره عربي هي سهله وجات اسئله عن الموازنه السنادي وتكاليف كتير بس محتاج انك تكون حالل كتير عشان هما ٥٠ سؤال في نص ساعه تقريبا فالوقت مكفاش خالص

الله يباركلكم ياخى والله الحمد لله الاكيو بالنص من الفيديوهات الاخيره والعربى والإنجليزي سهل المعلومات العامه مش كتير من الماتيريال بس جت مبادره حياه كريمه وتحيا مصر ومبادره انتشار المخدرات وجه كمان ع هيئه صح وغلط مبادره مستوره تبع بنك مصر صح ولا غلط والتكاليف بصراحه كانت مش احسن حاجه ومكتر من الموارد والاستخدامات ده ال متذكره فيد الناس بدون ذكر اسم يا غالى وربنا يجازيكم خير والفايل بتاع فاصوليا جه بالنص وكمان الاسئله ال قولت تبع زراعه من ضمنهم

اولا القدرات السلوكيه كانت كويسه اوى ومواقف كلها عن نفسك والوقت كان كافى. ثانيا الجدرات السلوكيه كانت منها شويا مواقف شويا مصفوفات شويا الاشكال اللى حضرتك بتنزلها ع طول واللى الزملاء بتسال فيها انا كنت حافظه الاجابات حقيقي فكنت بختار ع طول من غير ما اقرا السؤال كان ف عمر و البيتزا والاشجار اخضر و حيوانك يفضل ع الحجات المكرره دى ... بس ف الاخر جاب حبة حجات غريبه كدا ومسأل عاوزه وقت بس حقيقي اختارت عشوائي عشان مش اضيع الوقت ف الحبه اللى مش عرفاهم. ال لاي كيو نصه بالظبط شفته قبل كدا والنص تانى اول مره اشوفه، جالى كمان قص الورقه دا كتير اوى واول مره اشوفهم جالى ست مصفوفات منهم تلاته عرفت احلهم وتلاته كدا اختارت عشوائي. العربي بشع حرفيا مش زى اى حاجه زاكرتها الانجليزي كله تافهه وهتحله من غير اى مجهود. الحاسب رهيب ولا شفت حتى سؤال واحد منه ف اى ماتريال والله ما فاكره اى حاجه منه فاختارت عشوائي ط. المحاسبه انا انجلش جالى كل أبواب الحكوميه ومكنتش مذاكرها والمصروفات كام جالى الجزء الانجليزي كله نظرى كله نظرى ولا مساله واحده. _____________ السلام عليكم امبارح امتحنت خبير حسابي اول حاجة ١٣٩ ف ٣٥ دقيقة مواقف وتعمل ايه فيها وكده. تاني حاجة ٩٧ سؤال ف ٣٥ دقيقة فيهم حاجات كتيرة مكررة من اللي حضرتك منزلها بس عاوز سرعة رهيبة بجد اللي عارفه اختاره ع طول متفكرش. تالت حاجة الحاسب كلها حاجات مش من الماتريال للأسف وبرده المعلومات العامة حاجات كتيرة مش من الماتريال وسألني ع اسم مستشفي اتجددت ف ٢٠٢٣ مكانها محافظة ايه وكوبري اسمه غريب كده بيربط ايه بايه واسم مركز موجود فين والبغدادي موجودة فين دي الاقصر. بالنسبة للتخصص كان تشكيلة من كل حاجة شوية موازنة دي كانت اسئلتها بالعربي والتكاليف والمالية بالانجلش ذاكروا ربنا يوفقكوا ومتركزوش اوي ع المسائل ركزوا ع النظري وافهموه كويس لأن المحاسبة اغلبها نظري كان تخصصي انجلش.

انا امتحاني كان امبارح والحمد لله ال iq كان حلو جداا كله من الماتريال اللي بتنزل والمحاسبة كانت صعبة جداا كلها تكاليف وحكومية ومسألة وجيبالك ارقام كبير وكتير فالمسألة والمطلوب حاجة مش متوقعة الحقيقة ومكنتش فاكرة القوانين أو مش عارفه اطبقها. والحاسب ذكرت كتير وبرضو جه حاجة مختلف عايز حد متمكن صعب فعلاً. والمعلومات العامة حاجة مكنتش موجود والحاجات اللي بتنزل مفيش منها غير يمكن سؤال او اتنين بس وكلها حاجات جديده واللي فكراه بيقولك توالي الرئيس السيسي حكم الاتحاد الأفريقي امتي ،اكتشف البترول مش عارفة في بلد ايه وجيبالك كفر الشيخ وأسوان وسيويا واسكندريا ومين الشباب اللي اخترعوا محطات لتوليد الكهرباء في انهي بلد ونفس البلاد برضو فمعظم الأسئلة وحاجات كتير انا كنت بجاوب كدا وخلاص عشان الوقت ..بس الحمد لله عدا وخلاص

كنا نتمني نبقي متفرغين اكتر ونساعدكم بفيديوهات كتير، لكن للاسف بسبب ظروف الشغل مش بنقدر نعمل كدا 🥲

كانت عندي مبادرات وأماكن كلها الامتحان كان في مجمله حلو وكويس بس الحاسب كان مش احسن حاجة محتاج مذاكرة الiq  كلها من ماتريال المتفائلون كلها بس المصفوفات هي اللي جت صعبة شوية محتاجة تقعد تحسب الارقام الناقصة والوقت كان قليل جدا معاها إنما مجمل الiq كان كويس الحمد لله أما بالنسبة للعربي والانجليزي كان سهل جدا التخصص انا كنت انجليزي فالاسئلة فيه منها عربي حوالي ١٥سؤال كانوا موازنة شوفوا الفيديو ليها عل اليوتيوب والانجليزي جالي مالية وشركات وتكاليف مجمل التلاتة 😑 نظري وعملي بس كانوا سهلين الي حد ما بس يا جماعة نصيحة الآلة الحاسبة ماتقعدوش تختاروا رقم رقم بالماوس لان هيبقي تقيل معاكم اكتبوا من الكيبورد احسن هتسرع معاكم بكتير

متنسوش تعملولنا اشتراك في قناة اليوتيوب الأساسية https://youtube.com/@motfalwon?si=iy6Ny7ybqjp55ZHT

سلام عليكم استاذ ابانوب انا امتحانى كان النهاردة قبل كل حاجة حابة اشكر حضرتك ع كل المجهود اللى بتعمله معانا ثانيا الناس هناك محترمة ومنظمة  و سألت عن قصة الفيش وانه قدمت بيه ف ااخبرا والبريد فقالولى تعملى واحد تانى وقت امتحان البريد وحاجة كمان انا غيرت بطاقتى لعنوان زوجى  ف محافظة غير بتاعتى وقدمت بيها بس اما روحت لقيتهم مسجلين  عنوانى القديم ف محافظتى الاصلية  ومغيروش للعنوان الجديد نيجى للامتحان ال iqكله من الحاجات اللى حضرتك نزلتها تقريبا وكان فى حاجات اضافية زى شكل كدا صغير وبيقلك طلع اللى شبه من الاختيارات العربى والانجلش كان بسيط المعلومات العامة مكانش فيها مبادرات خالص ..كان مصانع ومدن تبع محافظة ايه الحاسب كان مختلف عن الماتيرال التخصص كان 15 سؤال عربى كلهم موازنة نقريبا والباقى انجلش وكان فى مسألة واحدة وتقريبا كله تكاليف الوقت كان كافى جدا وكنت بخلص قبله كمان ..فمفيش داعى للتسرع

وصل البنك لازم الوصل اللي اترفع ع الموقع ساعة التقديم لو مش مطابق بتدفع ٢٦ ج ليهم هناك وطبعاً لكل وظيفة وصل بالنسبة للفيش فبياخدوا الأصل وسألتهم أعمل اييه ف البريد قالولي اعملي ساعتها واحد جديد

لو حد يا شباب عنده إجابة عن تجربة يبعتلي، أو يجاوب علي الجروب

خدى فكره بس عن الجدرات والسلوكيات لانه الحل بتاعه بيعتمد على انتى ازاى بتفكرى أما بالنسبه لل iq ادخلى على قناه المتفائلون وشوفى كل الفيديوهات ال تخصه كل فيديو مش هياخد معاكى ربع ساعه وهتخلصيم بسرعه أما العربى ركزى ان واخواتها وليت ولعل والاعراب مثلا يقولك الكلمه دى منصوبه ولا مجروره ويديكى كذا اختيار يعنى والإنجليزي لحد دلوقتى الاكتريه قال إنه معتمد على الكلمات وبالفعل امتحانى كان انهارده ومعظمهم كلمات أما المعلومات العامه ركزى على المبادرات هيا مجاتليش غير مبادره واحده بس فيه نماذج تانيه جاتلها اكتر من سؤال فى المبادرات بالاضافه بقى الانجازات ال السيسى عملها والتخصص ركزى على الميزانيات وشوفى قوانين محاسبه التكاليف واقرى كام مسأله وطبقى عليها ذى مسأله النسب فى شكركه 2:1:3 مثلا

نقاط مضمونة في الانجليزي 🤟 (١) ادوات الاستفهام (نقطة او اتنين) (٢) حروف الجر (نقطة او اتنين) At - in - on - - - Etc (٣) استخدام will - may (٤) سؤال عن استخدام a - an - the (5) المقارنة والتفضيل As .... as More than Most The best Better The ...est ...ier

انا هقول تجربتي علشان حاسه بالناس ال ممتحنتش وببقا عارفه قد اي فارق معاها دا. امتحاني كان انهارده الجدرات وال iq كان كويس اغلبه م الماتريال ال بتنزل بس عيبه الوحيد الوقت ..كت عاوز تختار وخلاص علشان التايم هيخلص ...عينك اهم حاجه ع الوقت. الحاسب حاجه كده مشوفتهاش ف ماتريال فيها ال يتحل وفيها ال متفهمش هو عاوز اي اصلا .. المعلومات العامه بسيط م الماتريال جه التامين الشامل وعام المرأه وميناء اكتوبر الجاف ومستوره تابعه لبنك اي. الانجليزي كان معتمد ع فهمك للجمله مفيش جرامر خالص. كان كويس والعربي كانوا لطيف الا حد ما مفيش مشكله الا نقطتين تلاته مثلا التخصص بقااااا ذاكروا ي جماعه المواد المباشره زي اي وال غير مباشره زي اي مش بتيجي صريحه كده وتعويض وخلاص لااا انت بتختار وبيحط بنود كتير علشان يلخبطك الوقت كان ضيق اوي ف المحاسبه ونصه مسائل والنظري جه نقطتين ع النظام المحاسبي الموحد معرفش اي هو الصراحه واغلب الباقي نظري موازنه بيدخل فيها بتفاصيل