مسابقات الجهاز المركزي للتنظيم والإدارة

مصر ♥️

السلام عليكم 🤍 حابه انقل تجربتى واقول وجهة نظرى ف الامتحان.. التعامل هناك محترم بصراحه والناس متعاونه جدا الجهاز كويس والتعامل سهل للى متعود على ماوس اللاب. الوقت كويس جدا ومش بيقفل ولا حاجه انا كان بيتبقى معايا اكتر من 10 دقايق ف الاسئله بتاعة النص ساعه وبتاع7 دقايق ف الاسئله بتاعى تلت ساعه. اولا ال139 سؤال عن نفسك وخدو باااالكم بيتكررو جدا وخدو بالكم برضو بيغير مكان الاجابه يعنى مثلا بيبقى السؤال وتحت أ موافق ب محايد ج الى حد ما وهكذا ممكن انت تنخدع وتحفظ مكان اجابه معينه وتثبت عليها الماوس لا بيغير ترتيبهم وده حاجه انا وقعت فيها. بعد كده93 سوال غالبا دول اللى هما بتوع البيتزا والفاصوليا والكلب والiq للامانه مخدوش معايا وقت خااالص وحليتهم بسرعه لانهم هما هما اللى بينزلو ف الفديوهات والماتريال وساهلين ب اختلاق خمس او ست نقط بس جداد. المصفوفاااااات دى ارخم حاجه كانت عندى صعبه جدا وكان جايبلى يمكن اكتر من خمس ارقام ناقصين العربى والانجلش حلوين جدا لاى حد متأسس او ذاكر حتى الايام دى حاجات بسيطه اوى بصراحه المعلومات العامه ولا حاجه من الماتريال ولا مبادره ولا اى تاريخ كانت صعبه جدا ف اقراء بعيد من الماتريال عن مصر شويه. الحاسب ده من كوكب تانى خااالص ي جماعه ولا ماتريال ولا فديوهات ولا غير حاسب اول مره نشوفه . التخصص ي جماعه تكااااااااااليف ثم تكاااااليف انا جالى اكتر من 25 مسئله تقال بجد نسب وارقام يدوب اتنين ولا تلاته بس كانو مباشرين وجالى 12 سؤال عن الموازنات وكام نقطه حكوميه وكام نقطه نظرى تكاليف اهتمو بالعملى بتاع التكاليف والموازنات.. . وتانى ي جماعه الوقت كويس جدا ومش بيقفل محتاج هدوء بس ومتقفش كتير عند نقطه معينه مش عارف عديها وشوف اللى بعدها... اسفه ع الاطاله وربنا يوفقنا جمعيا🤍🤍

حاجات بسيطه تبقي عارفها احضر قبل المعاد بشويه ساعه مثلا عشان يراجعوا الورق الي معاك ولو ناقص حاجه وترتاح شويه م المشوار خصوصا لو مسافر . متتعبش نفسك وتاخد حاجه ولا قلم ولا ورق ولا حتي اله حاسبه كل دا بيتسلم ف الامانات حتي السجاير والولاعات بتتسلم .الامتحان طويل شويه بس نسبه كبيره منه هنا ع الجروب  خصوصا ال iq والحاسب  بالتوفيق للجميع

عشان في ناس بعتالي بتسال ايه جه ف الحاسب افتكرت كذا سؤال كيفيه عمل فاصل بين الصفحات Ctrl+ shift Alt+ shift واختيارين كمان مش فكراهم برنامج متخصص لعمل الجداول طبعا اكسيل ايه منهم برنامج الورد Docs.exe Mwords.exe واختيارين كمان ازاي نعمل مكالمه جماعيه هتكون video chat ايه استخدام كلمه السر ؟ انا عملتها حفاظ ع المعلومات

شكرا ليكي لانك حاولتي بقدر الإمكان تنقلي الصورة كاملة، هتنجحي باذن الله ♥️

امتحانى كان النهارده 25/5 السبت معاون خبير حسابى روحت قبل الامتحان بساعتين دخلنا بالبطاقة الشخصية على طول  اول حاجه فى ناس بتراجع الورق  و تدخلى بعدها ناس هتكتبلك على صورة البطاقة اسم القاعة اللى هتمتحن فيها و تمضى قصاد اسمك هتقعدوا شوية و بعدها تطلعوا فوق في ناس هتشوف الورقة و تستلمه منك و سألنى محافظة ايه و تجارة عربى ولا انجليزى وسلمنى البطاقة و بعدها قاعدنا فى قاعة دخل واحد قال بعض التعليمات قبل ما ندخل الامتحان و لما جا وقت الامتحان كل واحد دخل القاعة بتاعته بيمضي قصاد اسمه فى قاعة الامتحان  فى حد بيتكلم عن نظام الامتحان و بعدها بنبدأ الامتحان ..... على فكرة يا جماعة مسموحلك وقت الامتحان تطلبى ورقة وقلم بس انت و خارجه تقريباً بتسلميهم تانى . ***ندخل بقا على اسئلة الامتحان 1-## المهارات و القدرات السلوكية و الشخصية دي كلها اسئلة بتعتمد على شخصيتك أنت . 2-##اسئلة iQ فعلاً و حرفياً من ماتريال المتفائلون . 3-## اسئلة المعلومات العامة انا مش فكراها بصراحة قوى بس كان في سؤال  ١- التأمين الصحى الشامل فين بورسعيد ٢-  صندوق تحيا مصر فين  ٣- مدينة ساحلية اتصنفت من اجمل المدن تقريبا سنة 2022  بس مش عارفه هى ايه  ٤- مدينة بناخد منها الرمال السوداء ٥- دهب موجودة فين (شمال سيناء - جنزب سيناء ..........) 4-## اللغة العربية  جاب عن جزم الفعل المضارع و كمان سؤال ١-  اي الافعال الاتيه به حرف عله ( يقرأ- يدعو - .......)  انا اختر يدعو ٢-  من اخوات كان (لعل -ليت -ظن - صار) الاختيارات كانت كدا و كنت محتاره اختار صار ولا ظن فاخترت صار ٣- اى من آلاتى مكتوب بطريقة صحيحة (عما يتسألون - عما يختلفون - الهاكم اله واحد - ..... ) مش عارفه الاجابة ٤- اي الكلمات الاتيه همزتها مكتوبة صح (عبأ - عبئاً - عبءً- ......) الصح هى عبئاً ٥- ضرب مهندس الري جمع هذه الكلمات  (ضربوا مهندسوا الري - ضربوا مهندسو الري- ضربو  مهندسوا الري - ضربو مهندسو الري) أنا معرفش ايه الاجابة الصح  ، بس انتوا محتاجين تعرفو مين اللى بيكون اخره الالف و مين لا . ٦- سؤال الاختيارات بتاعته (ثما -ثمه-ثمة -ثمى) الكلمة دي اللى بمعنى هناك  مش فاكره السؤال   الاجابة تقريبا هتكون ثمه 5-## اللغة الانجليزية  ١-  in tanta ?........... الاجابة هتكون السؤال اللى يبدأ ب where علشان بتسأل عن مكان ٢- سؤال فيهl'm at the age seven ,my perents ........ تختاروا الزمن اللى بييجي مع at tha age انه في عمر ..معرفش الاجابة الصح ٣- سؤال as.......as  مش فاكرة الباقى بس تقريبا دي ليها قاعدة. ٤- سؤال آخره........ what do you  تختار الفعل  (mean-means-......) اعتقد الاجابة الصح mean علشان قبلها you ٥- سؤال الاختياري بتاعه ( will-may -.......) فاكره معناه بيقول  هي ...... تسافر  لكن انا غير متأكدة  . فاعتقد الاجابة هتكون may بمعنى ربما  6-##  الحاسب الالي  ملحوظة__ قبل بدأ امتحان الحاسب بتختار اللغة عربى أو انجليزى لامتحان  ١- سؤال ال Rom مش عارفه او ال Ram بيكون عليها(البرامج المجانية - البرامج الثابتة.........) ٢- سؤال اي من آلاتى ليس من محركات البحث ( ياااهو - جوجل - firefox - ........) الاجابة هتكون الاختيار الرابع بس أنا مش فكراه ٣- سؤال لو عندي فقرة مكتوبة بخط معين و لون معين و عايزة اخلى فقرة تانية بنفس التنسيق (نسخ التنسيق - نسخ -........) أنا اخترت نسخ التنسيق ٤- سؤال  يحفظ البيانات إلكترونيا في جداول ( قاعدة البيانات - ورقة العمل ......) 7- ## التخصص محاسبة عربي كانت المسائل كلها عن التكاليف  و خد بالك ممكن يكرر نفس السؤال بكل المعطيات مع مطلوب جديد ( دا اللى حصل معايا) يعنى السؤال كان فيه معطيات كتير و في الآخر المطلوب التكاليف المباشرة  بس ضغط التالى لقيته هو هو السؤال بالظبط بس عايز التكاليف غير المباشرة ضغط التالى هو هو برضو بس عايز التكاليف الثابتة ١- سؤال هيتم تقسيم ارباح الشركة على الشركاء أ ،ب،ج بنسبة ٢:١:٣  و الأرباح تقريبا مبلغها كان  20000 المطلوب نصيب الشريك ب ٢- سؤال عدد ابواب الاستخدامات في الميزانيه (٥ ، ٧ ، ٨ ، ٩) الاجابة الصح 8ابواب استخدامات أما الموارد 5 ابواب ٣- سؤال المصروفات في بند رقم كام (٥،٦   ولا  ٧و ٨   .......) معرفش الاجابة  ٤- سؤال لو فيه فائض او عجز بيروح خزينة الدولة او خزنة موحدة .. صح ولا خطأ ٥- سؤال مخصص الديون المشكوك فيها الذي تم  تكوينه اكبر من مخصص الديون المشكوك فيه الفعلية يبقا هنعمل ايه الزيادة هتروح قائمة الدخل و لا الميزانية ......و تحت مسمى ايه ٦- سؤال قام محاسب بخلط التكاليف المباشرة بتكاليف تسويقية  ( الارباح تقل - الأرباح تزيد - الارباح لا تتأثر  .......)

السلام عليكم امتحاني كان النهارده ال iQ جه من الي بيتني ويتقص واساله من الماتريال و المحاصيل والبيتزا وجه حاجه غريبه نفس الشكل تختاريه من الاختياريات وكل الاختيارات زي بعض ممكن الاختلاف يكون ف حاجه صغيره جدا جدا عاوز ملاحظه شديده ومصفوفات المعلومات العامه مش من الماتريال الانجليزي عباره عن كلمات ايام الاسبوع بتاخد حرف on Where were you born? In tanta الناس القديمه اسمهاold fashioned - Lent from bank الاقتراض من البنك

شكرا ع تعبك معانا امتحاني كان انهارده IQ اغلبه من الورق الحاسب حاجات اول مره اشوفها مع اني كنت مذاكره التخصص دا بحد كان صعب مجاليش غير نقطه نظري ماليه وكله تكاليف وحكومية ف المجمل الامتحان مكنش سهل عايز مذاكره جامده وحد يكون نايم كويس وميكونش متوتر

انا امتحنت النهارده الا IQ  حلو وسهل كله من الماتريال بالنص اسئله الجدارات السلوكية عايزه تركيز ومترتبه علي بعض العربي كويس والانجلش عايز حصيله كلمات الحاسب ماشاء الله مشفتش ولا سؤال مذكراه 😀 المعلومات العامه عايزه تبقي عارف كتير معلومات المحاسبه نصها تكاليف وشركات وماليه اسئله نظري و اسئله موازنه بس اسئله الموازنه مش بتعمق خالص اساسيات وعناوين وربنا يوفق الجميع

مساء الخير يارب حضرتك تكون بخير انا لسه طالعة من الامتحان ..و الصراحة بالنسبالي مكانش صعب اوي و لا سهل اوي يمكن عشان مكونتش مركزة اوي لاني مكونتش نايمة و عشان مذاكرتش كويس...فاللي ذاكر كويس هيقفله ان شاء الله . اول حاجة الجدارات السلوكية كانت سهلة خالص ..سألني اسئلة بجاوب عليها حسب قدراتي العقلية و النفسية و دي اكيد بتختلف من واحد للتاني . تاني حاجة ال IQ جه من الماتريال بنسبة كبيرة خالص ..اللي مذاكر ماتريال حضرتك هيقفله ان شاء الله . جاتلي الفاصوليا و البازلاء و راندة اكبر من علي ..اللي هي البيتزا. الحاسب الآلي للاسف مجاش حاجة من الفيديوهات اللي علي القناة غير جملة او اتنين بالكتير . العربي كان سهل شوية ..ركز علي الاعداد و ان و أخواتها..و شوية كلمات عادية و الاعراب بسيط . الانجلش ركز علي الكلمات ..يعني اللي حافظ كلمات كتير هيعدي و شوية علي حروف الجر و جزء بسيط خالص قواعد. التخصص بقي. . انا تجارة انجلش..فجاتلي الأسئلة شوية منها عربي و كانت كلها في الموازنة و الباقي كان انجلش بنسبة كبيرة.  بس مجابش مسائل غير ٣ او ٤ بالكتير...و تافهة اوي اي حد يحلها ...و تلت تربع التخصص كان تعريفات بالانجلش.. اللي يذاكر مادة الكلية هيعدي فيها . بالنسبة للمبادرات مجاش منها كتير للاسف من الماتريال ...بس ركز علي المبادرات اللي حصلت في المحافظات و مراكز المحافظات

اسئلة ومسائل المحاسبة لتجارة انجلش اهم أسئلة المحاسبة الجزء الاول https://youtu.be/WpviFG2PD-g اهم أسئلة المحاسبة الجزء الثاني https://youtu.be/JHq2RrgxO2Q اهم مسائل المحاسبة الجزء الاول https://youtu.be/THeG8ucDoEY اهم مسائل المحاسبة الجزء الثاني https://youtu.be/1gQJhxLGsTA #المتفائلون #ريمون_رضاني #ابانوب_سامي

علي صفحتي الشخصية علي فيس بوك اتشرف بمتابعتكم جميعا ♥️

ملخص قوانين محاسبة التكاليف

و قناتكم ثم قناتكم ثم قناتكم حرفياً والله العظيم القناه و الخطه بتاعتكم اللي بسال بعت ليه الرابط ع طول و أكد المتابعه اول بي اول

و اعتمد الرسالة دي فعلا و أكد عليها لأن دا اللي حصل معايا

السلام عليكم انا امتحاني كان امبارح المعلومات العامة اتغيرت شوية. مافيش غير بتاعت عامة المراة اللي جات وفي حاجات فاكراها زي كان بيسال عن تطبيق شارك مين اللي اطلقه او تحت رعاية مين وزارة الثقافة ولا وزارة الاتصالات وتكنولوجيا المعلومات ولا وزارة التخطيط وكان في اختيار رابع. وفي سؤال بيسال عن باخرة تجارية افتتحه السيسي في ٢٠٢٣ رفع علم مصر فيه كانت في انهي ميناء الاسكندرية ولا الغردقة ولا اسوان ولا بورسعيد. وفي سؤال عن افتتاح متحف ثقافي سنة ٢٠٢٠ كان فين. وفي سؤال عن افتتاح اكبر مركز للتجميع وعلاج البلازما كانت فين. وفي العربي النحو كان الف وصل والف قطع والاعداد وجيه سؤال لماذا كتبت همزة النبأ هكذا. والانجليزي كان معتمد علي الكلمات وكان في سؤال عن a/an /the. وسؤال عن المقارنات better /most والحاسب كان في سؤال عن شاشة اللمس وكان في سؤال لعمل امر ما (مش فاكرة الامر كان ايه )بس الاختيارات كانت استخدام f1,f1١,f2فنعرف استخداماتهم. وكان في سوال بيقول لو عندنا فقرة متظللة ومكتوبة بخط عريض عاوزة اعمل نفس الامر في قطعة تانية هنستخدم امر ايه. والاي كيو متكرر نفس كل امتحان مافيش اختلاف. وبالنسبة للتخصص كانوا اكتر من ١٠ اسئلة بالعربي والباقي انجليزي وكله مفاهيم ومصطلحات اغلبهم تكاليف  ماكنش في غير مسألتين  بس.

فايل الموازنة العامة 💯