BMC_TV

تەندروستیی سلێمانی: لە ماوەی مانگی رابردوو لە رۆژی 1 بۆ 31ی ئابی 2026 لە نەخۆشخانەی شار 31 هەزار و 615 نەخۆش سەردانیان كردووە، لەو ژمارەیە 24 هەزار و 334 نەخۆش سەردانی بەشی فریاكەوتن و شەش هەزار و 259 نەخۆش سەردانی بەشی ئۆپی دی و 948 نەخۆش سەردانی بەشی گورچیلەی دەستكردیان كردووە و چارەسەری پێویستیان بۆ كراوە.

🔴وەزارەتی دارایی و ئابووریی هەرێمی کوردستان رێنمایی ژمارە (6)ی ساڵی 2026ی دەرکرد. بەپێی رێنماییەکە، کەمترین مووچەی مانگانەی خانەنشینی بۆ کرێکارانی کەرتی تایبەت بە 500 هەزار دیناری عێراقی دیاریکرا.

🔴وەزارەتی دارایی و ئابووری هەرێمی کوردستان ڕێنمایی نوێی لەبارەی پێدانی «مۆڵەتی ئاسایی بێ مووچە» بۆ فەرمانبەران بڵاوکردەوە، کە ئەم خاڵە سەرەکییانەی خوارەوە لەخۆدەگرێت: 🔴پێدانی مۆڵەتی ئاسایی بێ مووچە بە مەرجێک دەبێت کە ماوەی مۆڵەتەکە لە 2 دوو ساڵ تێپەڕ نەکات. 🔴ئەو فەرمانبەرانەی پێشتر مۆڵەتی بێ مووچەیان وەرگرتووە، مۆڵەتەکەیان بۆ نوێ ناکرێتەوە. 🔴ماوەی مۆڵەتی بێ مووچە بۆ هیچ مەبەستێکی خزمەت و خانەنشینی هەژمار ناکرێت.

وەزارەتی سەرچاوەکانی ئاوی عێراق ڕایگەیاند، ئاستی ئاوی دیجلە و فورات بەراورد بە ساڵی 2025 بەڕێژەیەکی بەرچاو زیادی کردووە و دەشڵێت، ئامادەکاری تەواوی کردووە بۆ زیاترکردنی یەدەگی ستراتیژی. زیادبوونی ئاوی بەنداوی موسڵ خالید شیمال، وتەبێژی وەزارەتی سەرچاوە ئاوییەکانی عێراق ئاماژەی بەوەکردووە، ئاوی بەنداوی موسڵ گەیشتووەتە 641 مەتر سێجا لە چرکەیەکدا (بەرامبەر 192 مەتر سێجا لە 2025). ئێستا یەدەگی دەریاچەکە حەوت ملیار و 250 ملیۆن مەتر سێجایە، لە کاتێکدا ساڵێ رابردوو تەنها 1.6 ملیار بوو. گەشەکردنی یەدەگی بەنداوی حەدیسە ئەوەشی خستەڕوو، هاتنی ئاو بۆ بەنداوی حەدیسە بۆ 896 مەتر سێجا لە چرکەیەکدا بەرزبووەتەوە (بەرامبەر 158 مەتر سێجای ساڵی پێشوو)، هەروەها بەردانەوەی ئاو بووەتە 500 مەتر سێجا. وتەبێژی وەزارەتەکە باسی لەوەشکردووە، داهاتی بەنداوەکە شەش هێندە زیادی کردووە و یەدەگەکەی گەیشتووەتە 5.1 ملیار مەتر سێجا، لەگەڵ بونی شوێن بۆ گلدانەوەی سێ ملیاری دیکە.

ماریا زاخارۆڤا، وتەبێژی وەزارەتی دەرەوەی رووسیا، ڤۆلۆدیمیر زێلینسکِی، سەرۆکی ئۆکراینای تۆمەتبار کرد بەوەی کیێڤی گۆڕیوە بۆ نموونەیەکی هەناردەکردنی تیرۆر و لە ڕووی قەبارەی هەڕەشە بۆ سەر ئاسایشی نێودەوڵەتی، ئـ.ـوسـ.ـامە بـ.ـن لادنـ.ـی سەرۆکی پێشووی رێکـ.ـخراوی قاعـ.ـیدە تێپەڕ کردووە. رژێمی کیێڤ مەترسییەکی راستەقینەیە بۆ سەر جیهان زاخارۆڤا رایگەیاند؛ رژێمی کیێڤ مەترسییەکی راستەقینەیە بۆ سەر هەموو جیهان، واشنتۆن، لەندەن و پایتەختەکانی دیکەی هاوپەیمانی باکووری ئەتڵەسی (ناتۆ) پێشتر بن لادنیان بە هەڕەشە بۆ سەر ئاشتیی نێودەوڵەتی دەزانی. بەڵام وەک دەزانن، زێلینسکِی بـ.ـن لادنـ.ـی تێپەڕ کردووە و خۆی لە هەموو شوێنێک سەلماندووە. هێرشەکانی کیێڤ بۆ سەر سەرچاوەکانی وزە زاخارۆڤا ئەم تۆمەتانەی بەو هێرشانەوە بەستەوە کە بۆری نەوتی دەریای قەزوین و ئەو کەشتییە نەوتهەڵگرانەیان کردە ئامانج کە نەوتی کازاخستان دەگوازنەوە، بە جۆرێک کە ئەو هێرشانە هەڕەشە لە ئاسایشی وزەی ژمارەیەک وڵات دەکەن. هەوڵەکانی کیێڤ زیان بە وڵاتانی هاوپەیمانیشی دەگەیەنێت ناوبراو ئاماژەی بەوەشکرد، هەوڵەکانی کیێڤ بۆ زیان گەیاندن بە رووسیا، لە هەمان کاتدا دەبێت

🔴موحسین رەزایی، سکرتێری ئەنجومەنی باڵای ئاسایشی نەتەوەیی ئێران رایگەیاند: ناوچەیەکی قەدەغەکراو لە دەرەوەی گەرووی هورمز رادەگەیەنین، کە لەو هێڵەوە دەست پێ دەکات کە ئەمریکا گەمارۆی دەریایی تێدا سەپاندووە. 🔴ئاماژەی بەوەشکرد، ئەو ناوچە قەدەغەکراوە بەشێک لە کەنداو دەگرێتەوە و هەر کەشتییەک بچێتە ناوی، دەخرێتە لیستی سزاکانەوە. 🔴دەشڵێت، ئەو دەنگۆیانەی باس لە کەمیی کەلوپەلە سەرەکییەکان لە وڵات دەکەن بەهۆی سزا و گەمارۆ ئابوورییەکانەوە، دوورن لە ڕاستییەوە.

بنیامین نەتەنیاهوو، سەرۆکوەزیرانی ئیسرائیل رایگەیاند؛ ئەم رژێمەی ئێران بەرەو کۆتایی دەچێت، رژێمێکی لاوازە و بۆ مانەوەی خۆی دەجەنگێت. ناوبراو جەختی لەوەشکردەوە، هێشتا یەک ئەرک ماوە و ئێمە سوورین لەسەر جێبەجێکردنی، ئەویش رووخاندنی ئەو رژێمەیە. ئەمە لە کۆتاییدا رووخساری رۆژهەڵاتی ناوەڕاست و رێڕەوی مێژوو دەگۆڕێت. ئاماژەی بەوەشکرد، ئیسرائیل لە هەر کاتێکی دیکە بەهێزترە و دوژمنەکانیش لە هەر کاتێکی دیکە لاوازترن. ئێمە لەگەڵ ئەمریکادا، دەستکەوتی گەورەمان لە بەرەنگاربوونەوەی رژێمی ئێران بەدەست هێناوە.

عەلی فالح زەیدی، سەرۆکوەزیرانی عێراق، پێشوازیی لە ستیڤن ڤەیگن، هەڵسوڕێنەری کاروباری باڵیۆزخانەی ئەمریکا لە بەغدا کرد. ناوەڕۆکی کۆبوونەوەکە بەگوێرەی راگەیەندراوی نوسینگەی سەرۆکوەزیران: لە کۆبوونەوەکەدا باس لە بەهێزکردنی پەیوەندییە دووقۆڵییەکان و فراوانکردنی هاوکاری هاوبەش لە تەواوی بوارەکان کرا، بە جۆرێک کە خزمەت بە برەودان بە بنەمای هاوبەشی نێوان هەردوو وڵات بکات. تاوتوێکردنی پێشهاتەکانی ناوچەکە هەر لە کۆبوونەوەکەدا، باس لە پێشهاتەکانی ناوچەکە کرا؛ تێیدا هەردوولا دووپاتیان لە گرنگی گفتوگۆ و چارەسەری دیپلۆماسی بۆ تێپەڕاندنی گرژییەکان کردەوە، کە خزمەت بە ئاسایشی و سەقامگیری ناوچەکە دەکات و بەرژەوەندی گەلانی ناوچەکەش دەپارێزێت.

وەزارەتی کارەبای حکومەتی هەرێمی کوردستان داتای پسووڵەکانی مانگی حەوتی لە چوارچێوەی پڕۆژەی رووناکی بڵاوکردەوە و دەڵێت، نیوەی هاوڵاتییان بۆ مانگی حەوت کەمتر لە 29 هەزار دیناریان بۆ گەڕاوەتەوە.

قوباد تاڵەبانی، لێپرسراوی مەکتەبی سکرتارییەتی سەرۆک مام جەلال بۆ مەسعود بارزانی، سەرۆکی پارتی: لە دڵەوە پرسە و سەرەخۆشی خۆمان ئاراستەی بەڕێزتان و بنەماڵەکەتان دەکەین و خۆمان بە هاوبەشی خەمتان دەزانین. دواکارین خودای گەورە رۆحی کۆچکردوو بە بەهەشتی بەرین شاد بکات و ئارامی و سەبووری و سەلامەتی بە ئێوە و هەموو لایەک ببەخشێت.

قائیمقامیەتی قەزای دەربەندیخان بڵاویکردەوە، کاتی کارکردنی سەرتاشخانەکان دیاری کرا و لە کاتژمێر 8:00ـ بەیانی تاوەکو بانگی عیشا دەبێت، رۆژانی هەینیش پشوو دەبێت. ئاماژەی بەوەشکردووە، هەر سەرتاشخانەیەک پابەندی بڕیارەکە نەبێت و جێبەجێی نەکات، رووبەروی داخستن و سزای پێ بژاردن دەبێتەوە .

عـ.ـەلی عـ.ـەبدوڵڵاهی، سەرۆکی ئەرکانی گشتی هێزە چەکدارەکانی ئێران رایگەیاند، ئەمریکییەکان زیاتر لە 80 ساڵە لە هیچ وڵاتێکەوە وەڵامی نەخێریان نەبیستووە، چاوەڕوانییە هەڵەکەیان پێش پەلاماردانی ئێران ئەوە بوو کە ئەم گەلە مەزنە تەسلیم ببێت؛ ئەوە خەیاڵێکی پووچە و هەرگیز نایەتە دی. لە جەنگی نەرمیشدا شکست دەهێنن ئاماژەی بەوەشکرد، ئەمریکا و ئیسرائیل هەوڵ دەدەن شکەستەکانیان لە ڕێگەی "جەنگی نەرم، جەنگی زانیاری و فشارە ئابوورییەکان" قەرەبوو بکەنەوە، بەڵام پێی وایە لەو بوارەشدا شکست دەهێنن. جیهان شایەتی داڕمانی هێزی ئەمریکا دەبێت عـ.ـەلی عـ.ـەبدوڵڵاهی، جەختی لەوەشکردەوە، هێزە چەکدارەکانی ئێران لە ڕێگەی "بەرەنگاربوونەوەی نایەکسان" لەگەڵ ئەمریکا و ئیسرائیل، کۆنترۆڵی مەیدانییان بەدەستەوە گرتووە و وتیشی: داهاتووی جیهان شایەتی داڕمانی حەتمیی هێزی ئەمریکا دەبێت.

🔴بەڕێوەبەرایەتیی هاتووچۆی گەرمیان بڵاویکردەوە، نیوەڕۆی ئەمڕۆ یەکشەممە ئۆتۆمبێلێکی جۆری 'جێب واز' بە ئاراستەی بەنداوی باوەشاسوار رۆیشتووە و ماتۆڕ سکیلێک بەپێچەوانەوە بۆ ناوشار گەڕاوەتەوە پێکیانداداوە. بەهۆی رووداوەکەوە لێخوڕی ماتۆڕسکیلەکە کە لەدایکبووی ساڵی 1997بە سەختی برینداربوو، دوای گەیاندنی بە نەخۆشخانەی شەهید خالید گەرمیانی گیانی لەدەستدا. تیمی هاتووچۆ هێڵکارییان بۆ ڕووداوەکە ئەنجامداوە و لێکۆڵینەوە لە بارەی شێواز و هۆکاری ڕووداوەکە بەردەوامە.

محەمەد باقر قالیباف: لە شەڕی ئابووریشدا لووتی دوژمن دەشکێنین سەرۆکی پەرلەمانی ئێران رایدەگەیەنێت، لە شەڕی ئابووریشدا لووتی دوژمن دەشکێنن، ئاماژە بەوەشدەکات، سەرکردەکانی ئەمریکا بێهیوا بوون و پەنایان بۆ دروستکردنی وێنە و ڤیدیۆی ساختە بە ژیریی دەستکرد بردووە. ئێران لە شەڕی ئابووریدا سەردەکەوێت ئەمڕۆ یەکشەممە 6ی ئەیلولی 2026، محەمەد باقر قالیباف، سەرۆکی پەرلەمانی ئێران رایگەیاند، "دوژمن هەموو توانایەکی بۆ گوشار خستنە سەر گەلی ئێران خستووەتەگەڕ، بەڵام بە هەوڵی هەموولایەک و خۆڕاگریی خەڵک، لە شەڕی ئابووریشدا لووتی دوژمن دەشکێنین". ئەمریکا پەنا بۆ ژیری دەستکرد دەبات ئاماژە بەوەشدەکات، "ئەمریکییەکان تێگەیشتوون سەردەمی وەڵامدانەوەی هاوسەنگ کۆتایی هاتووە، ئێستا لە ناوەڕاستی جەنگێکی گشتگيرداین، بەهۆی لێدانە قورسەکانی هێزە سەربازییەکانی ئێران بۆ سەر بنکەکانی ئەمریکا، سەرکردەکانی ئەو وڵاتە بێهیوا بوون و پەنایان بۆ دروستکردنی وێنە و ڤیدیۆی ساختە بە ژیریی دەستکرد بردووە".

🔴وەزارەتی دارایی عێراق وردبینی لە لیستی مووچەی هەرێمی کوردستان دەست پێ دەکات سەرچاوەیەک لە وەزارەتی دارایی عێراق ڕایگەیاند، ئەمڕۆ یەکشەممە ڕێکارەکانی وردبینی لە لیستی مووچەی فەرمانبەران و تەرازووی پێداچوونەوەی مانگی ڕابردوو دەستی پێ کردووە. دۆخی مووچەی مانگی ئابی مووچەخۆران ئەو سەرچاوەیەی وەزارەتی دارایی عێراق ئاماژەی بەوەکردووە، ناردنی مووچەی مانگی ئابی مووچەخۆرانی هەرێمی کوردستان هیچ کێشەیەکی یاسایی یان تەکنیکی لە بەردەمدا نییە. هۆکاری دواکەوتنی ناردنی مووچە بەهۆی تەواونەبوونی دابەشکردنی مووچەی بەشێک لە وەزارەت و دەستەکانی ناوخۆی عێراق، پێدەچێت پرۆسەی ناردنی مووچەی هەرێم بکەوێتە هەفتەی داهاتوو..

🔴بەڕێوەبەرایەتیی پۆلیسی گەرمیان رایگەیاند: بۆ دەستگیرکردنی ئەو کەسانەی کە لە تۆڕەکۆمەڵاتیەکان دەبنە هەڕەشە بۆ سەر هاوڵاتییان بەشی پۆلیسی نەهێشتنی تاوان توانیان تۆمەتبار (ا - د) تەمەن 21 ساڵ دانشتووی قەزای کەلار بە تۆمەتی خراپ بەکارهێنانی ئامێرەکانی پەیوەندی بە هەڕەشەکردنی بڵاوکردنەوەی وێنەو ڤیدیۆی ئافرەتان دەستگیر بکەن. 🔴پاش لێکۆڵینەوە لەگەڵی و پشکنینی مۆبایلەکانی دەرکەوت کە تۆمەتباری ناوبراو شەش هەژماری لە بەرنامەی تیکتۆک و سناپ چات بەکارهێناوە بەمەبەستی هەڕەشە کردن و بڵاو کردنەوەی ڤیدۆ و وێنەی تایبەتی ئافرەتان. 🔴لەئێستادا تۆمەتبار بەپێی مادەی 2 لە یاسای خراپ بەکارهێنانی موبایل راگیراوە پەڕاوی لێکۆڵینەوەی بۆ کراوەتەوە و لێکۆڵینەوە لەگەڵی بەردەوامە و تۆمەتبار بەو ئەکاونتانە هەڕەشەی لە خەڵکی کردووە کە لەسەر وێنەکە دانراوە. 🔴پۆلیسی گەرمیان داوا لە هاوڵاتییان دەکات، هەرکەس سکاڵای لە دژی هەیە سەردانی بەشی پۆلیسی نەهێشتنی تاوانی گەرمیان بکات و سکاڵا تۆمار بکات.

🔴دانا شێخ سەیدا، زەڕەنگەر لە بازاڕی زەڕەنگەرانی سلێمانی بە BMC راگەیاند: خواست لەسەر زێڕی عیارە 9 تەنها ماوەیەک بوو، ئێستا خەڵک لێی دوورکەوتووەتەوە و خواست زیاتر لە سەر زێڕی عیارە 21 و 19یە.

🔴 پێنجشەممەی داهاتوو ئەنجوومەنی وەزارەتی پەروەردەی هەرێمی کوردستان بۆ دیاریکردنی ساڵی نوێی خوێندن کۆدەبێتەوە

🔴تەندروستیی سلێمانی: مانگی ڕابردوو لە نەخۆشخانەی سووتاوی و نەشتەرگەری جوانكاری 212 نەشتەرگەری ئەنجام دراوە و 15 نەشتەرگەری سەرووگەورە و 181 نەشتەرگەری گەورە و 10 نەشتەرگەری ناوەند و 6 نەشتەرگەری بچووك بووە.

سێنتکۆم تێکشکاندنی کەشتییەکی نەوتهەڵگری ئێرانی لە کەنداوی عومان راگەیاند فەرماندەیی ناوەندیی هێزەکانی ئەمریکا 'سێنتکۆم' ئاشکرایکرد، کەشتیی نەوتهەڵگری 'MT Kilo' لە کەنداوی عومان تێکشکاند و نقومبوو، هەروەها دوو هێرشی ئێران بۆ سەر دوو کەشتیی جەنگیی ئەمریکا شکستیهێناوە. لە کەنداوی عومان کەشتییەک نوقمبوو ئەمرۆ یەکشەممە 6ی ئەیلوولی 2026، فەرماندەیی ناوەندیی هێزەکانی ئەمریکا 'سێنتکۆم' لە رێگەی 'ئێکس' رایگەیاند، "هێزەکانی ئەمریکا بە وردی لە کەشتییەکی نەوتهەڵگری (MT Kilo)یاندا و ئەمڕۆ لە نزیک کەنداوی عومان نقومبوو". فەرماندەیی ناوەندی رایگەیاند هێزەکانی ئەمریکا چەند خاڵێکی هەستیاری کەشتییەکەیان پێکاوە و بە تەواوی لەکاریان خستووە، ئەمەش دوای ئەوەی فەرمانیان بە ئەندامانی کەشتییەکە کردبوو کە چۆڵی بکەن. هێرشی سوپای پاسداران بۆ سەر دوو کەشتی جەنگیی ئەمریکی ئاماژە بەوەکراوە، سوپای پاسدارانی ئێران مووشەکی بالیستیی بەرەو دوو کەشتیی جەنگیی ئەمریکی تەقاندووە کە خەریکی دەوریەدان بوون لە ناوچەکەدا، دوای شکستهێنانی هێرشەکانی ئێران، هێزەکانی ئەمریکا هەردوو کەشتیی نەوتهەڵگری "داونی لە نزیک دوورگەی خارک و ستارک 1" لە نزیک جاسک