Ethio Fm 107.8

የነገ የሰኔ 8 ቀን 2016 ዓ.ም የኢትዮ ኤፍ ኤም 107.8  ፕሮግራሞቻችን

ፍቃድ የሌላቸው የውጭ ሀገር ዜጎች በጥበቃ ስራ ላይ ተሰማርተው ይገኛሉ ተባለ፡፡ በኢትዮጵያ የመኖርያ እና የስራ ፍቃድ የሌላቸው የውጭ ሀገር ዜጎች በጥበቃ ስራ ላይ ተሰማርተው እንደሚገኙ ተገለጸ፡፡ የኢትዮጵያ የጥበቃ አሰሪዎች ማህበር ሆነው ኢትዮ የጥበቃ አሰሪዎች ማህበር ዘርፉ ላይ ህገወጦች እየተሳተፉበት በመሆኑ ስጋት ላይ ወድቀናል ብሏል፡፡ ሶስት ማህበራት የሚገኙበት ይህ ጥምረት ማለትም አባይ የጥበቃ አሰሪዎች ማህበር ገዳ የጥበቃ አሰሪዎች ማህበር እና ኢትዮ የጥበቃ አሰሪዎች ማህበር ያካተተ ነው፡፡ ማህበራቱ ላለፉት 40 አመታት የኢትዮጵያ መንግስት የሰጣቸውን ሃላፊነት በህጋዊ መንገድ እየተጠቀሙ ባለበት ሁኔታ በህገወጥ የጥበቃ ስራ ላይ እየተሳተፉ ባሉ ዜጎች ምክንያት ስራቸው አደጋ እንደተጋረጠበት ነው የተገለጸው፡፡ ከማህበራቱ መካከል አባይ የጥበቃ አሰሪዎች ማህበር ዛሬ በሰጠው መግለጫ የሰራተኛ ማህበራዊ ጉዳይ ሚኒስቴር የግል ስራና ሰራተኛ አገናኝ ኤጀንሲዎች በሃገር ውስጥ የስራ ስምሪት አገልግሎት ስለሚሰጡበት ሁኔታ ለመወሰን በወጣው መመርያ በኢትዮጵያ የመኖርያ ፍቃድ እና የስራ ፍቃድ የሌላቸው ሰዎች በዘርፉ እንዳይሳተፉ የደነገገ ቢሆንም ደንቡ ተጥሷል ብሏል፡፡ ማህበሩ አጣራሁት ባለው መረጃ መሰረት በርካታ ድርጅቶች ህጋዊ ፍቃድ ሳይኖራቸው ጥበቃዎችን አሰማርተው በጥበቃ ስራ ላይ ተሰማርተው ይገኛሉ ሲል አስታውቋል፡፡ እነዚህ ድርጅቶች ላሰማሯቸው ጥበቃዎች ደሞዝ ሲከፍሉ ጡረታ እንደማይቆርጡ ለመንግስት ግብር እንደማይከፍሉና የስራ ግብርም እንደማይከፍሉ ነው የተነገረው፡፡ ከፍተኛ ጥንቃቄ የሚጠይቀውን ስራና ሙያ የሃገሪቱን ህግና ደንብ ወደ ጎን ብለው በገቡ ተቋማት ምክንያት ስራችንን አክብደውብናል በስራችን ላይ ጫናም አሳድረውብናል ሲሉ ተናግረዋል፡፡ የሰራተኛ ማህበራዊ ጉዳይ ሚኒስቴር ይህንን በሚደነግገው አዋጅ ቁጥር 632/2001 እና አዋጅ ቁጥር 1156/2011 ላይ እንደሰፈረው ማንያውም ኢትዮጵያዊ ዜግነት የሌለው ወይም በኢትዮጵያ ቋሚ የመኖርያ ፍቃድ ለለው የውጭ ሃገር ዜጋ በምንም አይነት የጥበቃ ስራ ላይ አይሳተፍም የሚለው መመርያ ወደ ጎን በማለት ዘርፉ ላይ ተሰማሩ ዜጎች መኖራቸው ነው የተገለጸው፡፡ በመሆኑም መንግስት በነዚህ ድርጅቶች ላይ አስፈላገውን ማጣራት አድርጎ አስፈላጊውን እርምጃ እንዲወስድ ሲል ማህበሩ አስታውቋል፡፡ በሔኖክ ወ/ገብርኤል ሰኔ 07 ቀን 2016 ዓ.ም

የዛሬ የሰኔ 7 ቀን 2016 ዓ.ም የኢትዮ ኤፍ ኤም 107.8 የከሰዓት እና የምሽት ፕሮግራሞቻችን

የዛሬ የሰኔ 7 ቀን 2016 ዓ.ም የኢትዮ ኤፍ ኤም 107.8 የከሰዓት እና የምሽት ፕሮግራሞቻችን

ሜሊስ ፋሽን እና ትሬድንግ ኢንተርናሽናል ሞዴል ጆዝሳ እስዝተር ኒኮሌቴን የድርጅቱ ብራንድ አምባሳደር አድርጎ ሾመ፡፡ ሜሊስ ፋሽን እና ትሬድንግ በሀገራችን ኢትዮጵያ የሜሊስ ፋሽን እና ትሬዲንግ ልዩ ልዩ የፋሽን እና የዲዛይን ምርቶች የሚቀረቡባቸው ሱቆች መከፈቱን በማስመልከት ዓለም ዐቀፍ እውቅና ያላት የሃንጋሪይ ተወላጅ ከሆነችው ኢንተርናሽናል ሞዴል ጆዝሳ እስዝተር ኒኮሌቴን ጋር አብሮ ለመስራት የድርጅቱ የብራንድ አምባሳደር አድርጓታል። ሜሊስ ፋሽን እና ትሬድንግ በኢንተርናሽናል ሞዴል እና ዲዝይነር ሜላት ሚካኤል የተመሰረተ ሲሆን ፤ በቻይና ጉዋንዡ ሆንግኮንግ እና ሻንጋይ አለም ዐቀፍ ደረጃቸውን የጠበቁ ዕውቅ የፋሽንና ዲዛይን ምርቶችን እንዲሁም ብራንዶችን ለአለም ገቢያ የሚያቀርብባቸው ሱቆች ከፍታ እየሰራች ትገኛለች። ሜላት ለፋሽን ያላትን ፍቅር ያነሳሳው እናቷ ጎበዝ ዲዛይነር በመሆኗ ነው ብላለች። በእናቷ ውርስ የተገፋፋችው እና በአለም አቀፍ የፋሽን መድረክ ላይ የእሷን አሻራ ለማሳረፍ ባላት ጉጉት ሜላት አስደናቂ ጉዞ እንጀመረች ተናግራለች። በአለም አቀፍ ሞዴልነት ስራዋ ከታዋቂ ታዋቂ ምርቶች ጋር እንድትተባበር መንገዱን ከፍቶላት በአለም ዙሪያ ያሉ የፋሽን ካፒታል ማኮብኮቢያዎችን አስገኝታለች። ከቅርሶቿ በመነሳት እና በኢትዮጵያ ባህል ውበት በመነሳሳት ወደ ንድፍ አውታር ገብታ የሥሯን ፍሬ ነገር በየሥፌቱ ለመጠቅለል የወሰነችው። በዚህም ልዩ እይታ እና ድንቅ የእጅ ጥበብ አድናቆትን በማትረፍ በአለም አቀፍ ደረጃ እውቅና ካገኙ ጥቂት ኢትዮጵያውያን ዲዛይነሮች መካከል አንዷ መሆን እንደቻለች ተነግሯል። በሔኖክ ወ/ገብርኤል ሰኔ 07 ቀን 2016 ዓ.ም

ካውሰር PLC( ሻሊና ሄልዝ ኬር) 4 የቆዳ መንከባከቢያ ምርቶችን አስተዋወቀ ካውሰር PLC( ሻሊና ሄልዝ ኬር) በአለም አቀፍ ደረጃ ትልቅ ተቀባይነትን ያተረፈ ድርጅት ሲሆን በኢትዮጵያ ይዟቸው የመጣቸውን አዳዲስ ምርቶች ሰኔ 6/2016 ዓ.ም አስተዋውቋል። ከነዚህ ምርቶች ውስጥ አንዱ ሞናሊሳ ሲባል ይህም የቆዳ እንክብካቤን ለመጠበቅ የሚያስችል ሎሽንና ክሬም ነው ኤፒግሎው የተሰኘው ደግሞ ለአፍሪካ ቆዳ የተዘጋጀ ሲሆን እንደ ጥቁር ነጠብጣቦች እና ዥንጉርጉር ፊትን እና የተለመዱ የቆዳ ስጋቶችን በ28 ቀናት ውስጥ በመቀነስ ብቻ የሚታይ ለውጥ የሚሰጥ የቆዳ መንከባከቢያ እንደሆነ ተገልጿል ሌላው ፍሎደንት የተባለው የጥርስ ሳሙና ምርት ሲሆን በፍሎራይድ ለተጠቃ ጥርስ፣ ለአፍ ጤንነት፣ የጥርስ መቦርቦርን የሚታደግ እንደሆነ ተነግሯል። የመጨረሻው ምርት ጀርሞል የተሰኘ ሳሙና ሲሆን  ሰውነትን ከጀርሞች ለመከላከል የሚረዳ ነው ተብሏል። ሻሊና ሄልዝ ኬር 40 አመትን ያስቆጠረ ድርጅት ሲሆን እስካሁን በ22  የአፍሪካ ሀገራት ላይ ሰርቷል። ድርጅቱ በአሁን ሰአት በአዲስ አበባ ላይ 6 ክፍለ ከተሞች ላይ ስራ የጀመረ ሲሆን 1000 ለሚደርሱ ሰዎች የስራ እድል ፈጥሯል።

የነገ የሰኔ 7 ቀን 2016 ዓ.ም የኢትዮ ኤፍ ኤም 107.8  ፕሮግራሞቻችን

ኤዲን ቴርዚች ከሀላፊነታቸው መልቀቃቸው ይፋ ተደርጓል። ጀርመናዊው የቡንደስሊጋው ክለብ ቦርስያ ዶርትመንድ ዋና አሰልጣኝ ኤዲን ቴርዚች ከክለቡ አሰልጣኝነታቸው መልቀቃቸው ይፋ ተደርጓል። አሰልጣኝ ኤዲን ቴርዚች ከቦርስያ ዶርትመንድ ጋር በጋራ ስምምነት መለያየታቸውን በይፋ አስታውቀዋል። የ 41ዓመቱ አሰልጣኝ ኤዲን ቴርዚች ቦርስያ ዶርትመንድን እየመሩ የዘንድሮው የአውሮፓ ሻምፒየንስ ሊግ ፍፃሜ ተፋላሚ እንደነበሩ ይታወሳል።

1ኛ ለወጣ 50 ሺህ ብር የሚያስገኝ የአሸናፊዎች አሸናፊ ሀገር አቀፍ የሒሳብ የትምህርት ውድድር ሊካሄድ ነው፡፡ "የሂሳብ ትምህርት ይከብዳል" የሚል የተሳሳተ አመለካከት በማስወገድ "ጉብዝና ያሸልማል" በሚል መሪ ቃል የ2016 ዓ.ም ሀገር አቀፍ የሒሳብ የትምህርት ውድድር የመዝጊያ መርኃግብር በአዲ አበባ ሊካሄድ መሆኑ ተነግሯል። በኢትዮጲያ ብቸኛው የሆነው የሒሳብ ትምህርት አወዳዳሪ ተቋም ማይሶሮባን ኢትዮጵያ ኃ/የተ/የግ/ ማህበር ከ አንድ ደቂቃ ጋር በመሆን፤ ሀገር አቀፍ የትምህርት እና የስሌት ውድድር በሀገራችን በሚገኙ ሁሉም ትምህርት ቤቶች መዘጋጀ ተገልጿል። ተቋሙ መጠሪያ ስያሜውን ያገኘው ከጃፓንኛ ቃል ሲሆን፤ ትርጓሜውም አባከስ ማለት መሆኑን የተቋሙ ዋና ስራ አስኪያጅ አቶ ከበደ አጥናፉ በዛሬው ዕለት በነበረው ጋዜጣዊ መግለጫ ላይ ተናግረዋል። ውድድሩ የሚከናወነው ከ3 እስከ 12ተኛ ክፍል ድረስ ሲሆን፤ ተማሪዎቹ የሚፈተኑበት ቋንቋ መንግስት ባዘጋጀው መማሪያ መፀሀፍ ላይ ያተኮረ መሆኑን እና 30 ሺህ የሚሆኑ ፈታኞች መዘጋጀታቸው ተጠቁሟል። ስድስት ዙሮች ያሉት ውድድሩ ፤ አምስቱ ዙሮች በየከተሞቹ የተከናወኑ ሲሆን የመጨረሻው እና የስድስተኛው ዙር የፍፃሜ ውድድር፤ የየከተማው አሸናፊ ተማሪዎች በተገኙበት ከሀምሌ 26 እስከ ነሀሴ 1 ቀን 2016 ዓ.ም ድረስ በአዲስ አበባ ከተማ በሚገኘው፤ በሚሊኒየም አዳራሽ ይወዳደራሉ ተብሏል። የአሸናፊዎች አሸናፊ ተማሪዎች ተለይተው ለአህጉር እና አለም አቀፍ ውድድሮች ላይ እንዲሳተፉ እንደሚደረግ ተነግሯል። የመጨረሻ ዙር የአሸናፊዎች አሸናፊ በውድድር ስነ ስርዓቱ ላይ 4 ሚሊዮን ብር የሚፈጅ የገንዘብና የአይነት ሽልማት የተዘጋጀ ሲሆን፤ 1ኛ ለወጣ ለአሸናፊዎች አሸናፊ 50 ሺህ ብር የሚሸለም ሲሆን፤ 2ተኛ እና 3ተኛ ለወጡ አሸናፊዎች የ45 እና 40 ሺህ ብር ተሸላሚ ይሆናሉ ተብሏል። ተቋሙ በ2016 ዓም ሀገር አቀፍ የሒሳብ ትምህርት ውድድር፤ ከ50 ከተሞች በላይ የተውጣጡ ከ2 ሺህ በላይ ትምህርት ቤቶች እና ከ3 መቶ ሺህ በላይ ተማሪዎችን ማሳተፍ መቻሉ ተጠቁሟል። በዕለቱ በነበረው ጋዜጣዊ መግለጫ ላይ ኮሜዲያን ቤቲ ዋኖስ የማይሶሮባን ኢትዮጵያ ኃ/የተ/የግ/ማህበር በጎ ፈቃደኛ የክብር አምባሳደር ሆና ተመርጣለች። በእሌኒ ግዛቸው ሰኔ 06 ቀን 2016 ዓ.ም