Gara fuulduratti diree ogummaa Teeknoloojii kanneen akka Saayinsii Koomputaraa(software engineering, cyber security, AI, Machine Learning, Internet of Things)?
Sadarkaa barnootaa mana barumsaa sadarkaa lammaffaa ykn immoo sadarkaa kamiyyuu irra jiraattanii gara fuulduraatti dirree kanatti makamuu yoo barbaaddan.
Tarkaanfiiwwan fudhachuu qabdan muraasni kunooti 👇🏿👇🏿👇🏿👇🏿👇🏿
1.
Bu’uura Barnootaa Cimaa Ijaaruu
Gosa barnootaa herregaa, keessumaa gosoota barnootaa akka aljebraa/algebra, kaalkulasii/calculus fi fiiziksii irratti xiyyeeffachuun gaariidha. Gosoonni barnootaa kunniin beekumsa bu’uuraa saayinsii kompiitaraa fi injinariingii barbaachisu ni kennu.
2.
Afaanoota Bu'uuraa Baradhu/programming language
Kanneen akka Paayitoon/python, Jaavaa/Java, ykn C++ barachuu jalqabuun gara fuulduratti hojii nama salphisaa. Toora interneeti barachuuf isin gargaaruu danda’an hedduutu jiru.
3.
Barnoota Toora Interneetii Hordofuu
Barnoota toora interneetii kan akka Coursera, edX, Khan Academy ykn youtube irraa barnoota fudhachuun gaariidha. .
4.
Dandeettii Rakkoo Furuu Guddisuu/Problem Solving Skills
Dandeettin kun dandeetti jireenya dhala namaa keessatti baay'ee barbaachisaadha. Kanaaf dandeettii kana guddifachuun dirqama ta'a.
Dandeettii rakkoo furuu guddifachuuf rakkoo xixiqqoo irraa eegaluun bifa sirna qabuun furuun dandeettii kana guddifachuun ni danda'ama. FKn piroobileemota herregaa furuu, gaaffilee hibboo, Puzzles logic, brain teasers, fi qormaata/challenge dandeettii xiinxalaafi yaaduu namaa guddisan irratti hirmaachuun mala gaariidha.
Kunis barnoota keessaniifis ta’e hojii kee gara fuula duraatiif gatii guddaa qabaata.
5.
Gorsa Barbaaduu/mentorship
Yoo danda’ame qajeelfama argachuuf namoota damee Teeknoloojii kana keessa jiran waliin wal qunnamuun gorsa irraa fudhadhaa. Hubannoo, gorsaa fi ilaalcha qabatamaa namoota isin dura dirree kana keessa jiran irraa argachuu dandeessu.
6.
Dandeettiiwwan sassalphaa biroo Ijaaruu/soft skills
Hojii kamiyyuu keessatti milkaa’ina argachuuf dandeettiin walqunnamtii/communication skill, gareen hojjechuu fi yeroo itti fayyadamuu barbaachisaa dha. Hojii garee, gartuulee fisochiiwwan barnootaan ala ta’an kanneen dandeettiiwwan kana akka guddifattu si gargaaran keessatti hirmaadhaa.
7.
Odeeffannoo waayitawaa ta'e yeroo hunda qabaachuu/stay informed
Yeroo hunda odeeffannoo argachuuf mala fayyadama miidiyaa hawaasaa, yeroo keenyatti sirnaan fayyadamuun maddeewwan odeeffannoo garaagaraa hordofuun barbaachisaadha. Fkn: Biloogii teeknooloojii, podkaastoota, fi maddoota oduu hordofuudhaan haalawwan haaraa fi guddina teeknooloojii hordofuu ni dandeessu.
8.
Kilaboota Herregaa fi Saayinsii keessatti hirmaachuu
Mana barumsaa keessan keessatti kilaboota herregaa ykn saayinsii keessatti hirmaadhaa. Kilaboonni kun yeroo baayyee dorgommii, pirojektoota, fi taateewwan barnoota STEM (Saayinsii, Teeknooloojii, Injinariingii, fi Herrega) guddisan qopheessu.
9.
Yuunivarsiitii barnoota keessan sirnaan barachuuf isin gargaaran galuuf cimaa hojjedhaa.
Naannoo Teeknoloojiin itti guddatee xiyyeeffannoon kennamuufi namoota muxannoo qaban waliin hojjechuuf si gargaarutti dhiyoo ta'uun gaariidha.
Akkasumas kolleejjii ykn yunivarsiitiiwwan sagantaa saayinsii kompiitaraa sirnaan kennan filachuun barbaachisaadha.
Yaadadha boru waan sadarkaa guddaa irra geessanii ofii, maatiif, biyyaaf nama bu'aa buusuu ta'uuf, guddina keessan hardha eegaluu qabdu. Waan boru ta'uu barbaaddan hardha eegalaa
Galatoomaa.
#software_Engineer #web_developer #Flutter #Android #Tech #Python #Programming #Algorithm #Wise_Tech #Java #JAvaScript #React #NodeJS #Laravel #full_Stack #COmputer_Science #software_Engineering #Google #Meta #Amazon #world
💻💻🖥🖥🖥
Join
@cstst21
Join
@cstst21
Join
@cstst21
Join
@cstst21
Join
@cstst21