Classic sanitary pads

ကိုယ်ဝန်ဆောင်မေမေတို့သိမှတ်ဖွယ်ရာများ အပိုင်း(၁) အမျိုးသမီးတွေအတွက် ကိုယ်ဝန်ဆောင်ခြင်းဆိုတာ အလွန်အရေးကြီးလှပါတယ်။ကျန်းမာတဲ့ မိခင်လောင်းဖြစ်မှသာ ကျန်းမာတဲ့မာတဲ့မိမိတို့ရဲ့ မျိုးဆက်လေးကိုမွေးဖွားပေးနိုင်မှာပါ။ ဒါကြောင့်လည်းကိုယ်ဝန်ဆောင်စဉ်တစ်လျှောက်လုံးကိုယ်စိတ်နှစ်ပါးကျန်းမာပျော်ရွှင်ဖို့ လိုက်နာသင့်တဲ့ အချက်တွေကိုလိုက်နာပါမယ်။ ကိုယ်ဝန်ဆောင်ခြင်းဆိုတာ အဖိုသုတ်ပိုးနဲ့ အမ မျိုးဥလေးတို့ပေါင်းစပ်ပြီးသန္ဓေအောင်ခြင်းဖြစ်ပါတယ်။သန္ဓေသားလေးဟာ မိခင်ရဲ့ သားအိမ်နံရံမှာတွယ်ကပ်နေပြီး အချင်းမှတစ်ဆင့်မိခင်ဆီကနေ အာဟာရနဲ့အောက်စီဂျင်ကိုရရှိပါတယ်။ ကိုယ်ဝန်ဆောင်ခြင်းကို -ပထမ ၃လ ( ၁ပတ် မှ ၁၂ ပတ်ထိ) -ဒုတိယ ၃လ ( ၁၃ပတ် မှ ၂၈ ပတ်ထိ) -တတိယ ၃လ ( ၂၉ ပတ် မှ ၄၀ ပတ်ထိ) ဆိုပြီး ခွဲခြားနိုင်ပါတယ် ။ ကိုယ်ဝန်ဆောင်စဉ်တစ်လျှောက်မှာ ကိုယ်စိတ်ကျန်းမာပျော်ရွှင်ဖို့ ၊ အာဟာရပြည့်ဝနေဖို့ ၊ အန္တရာယ်ရှိတာတွေရှောင်ရှားဖို့အထူးလိုအပ်ပါတယ်။ အိမ်ထောင်ဖက်၊ မိသားစုဝင်တွေနဲ့မိတ်ဆွေတွေကလည်း ကိုယ်ဝန်ဆောင်မေ မေ တို့ကို ကြင်နာဖေးမစွာဆက်ဆံဖို့၊ ဂရုစိုက်ဖို့လိုအပ်ပါတယ်။ ဒါမှသာမိမိတို့ရဲ့ မျိုးဆက်ရင်သွေးလေးကို ကျန်းမာစွာ မွေးဖွားပေးနိုင်မှာဖြစ်ပါတယ် ။နောက်ပိုင်းတေွမှာလည်းကိုယ်ဝန်ဆောင်လအလိုက်သိထားသင့်တဲ့ အချက်တွေကို ဆက်လက် ပြောပြပေးမှာမို့ စောင့်မျှော်ပေးကြဦးပါနော်............။ #ClassicSanitarypads #sunnybabydiaperpant

CHRISTMAS Special Sale အ နေ နဲ့ Signature Wet Wipes Buy 2 Get 1 Special Promotion က စောင့်ကြို နေ ပါ တယ် ................... Promotion ကာ လ က 20 DEC 2023 မှ 29 DEC 2023 အ ထိ ဝယ် ယူ ရ ရှိ နိုင် ပါ တယ် ။ Signature Wet Wipes လေး က -ဘေ ဘီ လေး တွေ ရဲ့ အ သား အ ရည် အ တွက် အ စို ဓာတ် ကို အ ပြည့် အ ဝ ထိန်း သိမ်း ထား နိုင် တဲ့အ ပြင် အေး မြ မှု ကို ပါ ပေး စွမ်း နိုင် ပါ တယ်။နူး ညံ့ တဲ့ ချည် သား ကို အ သုံး ပြု ထား တဲ့ အ ပြင် Alcohol Free မို့ ဘေ ဘီ လေး တွေ ရဲ့ အ သားအ ရည် အ တွက် စိတ် ချ လက် ချ အ သုံး ပြု နိုင် ပါတယ် ။ -Signature Wet tissue က တစ် ထုပ် မှာ အ ရွက်ရည် (၈၀) ပါ ဝင် ပြီး ဘေ ဘီ လေး တွေ ရဲ့ တစ်ကိုယ် ရည် သန့် ရှင်း မှု အ တွက် အ ပြည့် အ ဝ အ ထောက် အ ကူ ပေး နိုင် ပါ တယ် ။ -အ နံ့ သင်း သင်း လေး နဲ့ စိတ် ကို ကြည် လင်လန်း ဆန်း စေ ချင် တယ် ဆို ရင် တော့ Signature Wet Tissue ကို အ ခု ပဲ သုံး ကြည့် လိုက် တော့နော် ............... #SignatuerWetWipes #chirstmas #SpecialPromotion

မိခင်လောင်းတို့သိမှတ်ဖွယ်ရာများ (အပိုင်း၇) Lady လေးတို့ရေ မိခင်ဘဝကိုခံယူတော့မယ်ဆိုတာဂုဏ်စရာလေးပါ။ မိခင်ဘဝကို ကြိုတင်ပြင်ဆင်သင့်တာတွေပြင်ဆင်မယ်။အန္တရာယ်ရှိတဲ့အရာတွေအားလုံးရှောင်ကြမယ် ။လိုက်နာသင့်တဲ့အချက်တွေလိုက်နာကြရပါမယ်။ ဒါမှသာကျန်းမာဖွံ့ဖြိုးတဲ့မိမိရဲ့မျိုးဆက်သစ်လေးတွေကို ပိုင်ဆိုင်ကြရမှာပါ။ ဒါကြောင့်ကိုယ်ဝန်ယူတော့မယ်လို့ဆုံးဖြတ်လိုက်တာနဲ့ -ကိုယ်ဝန်မရှိခင် ၁လမှ၃လအကြိုထဲက folic acid (ဖောလစ်အက်ဆစ်ကိုနေ့စဉ်တစ်လုံးသောက်ရပါမယ်။) -အာဟာရပြည့်ဝအောင်စားသောက်နေထိုင်ရပါမယ်။ -ကိုယ်အလေးချိန်ကိုပုံမှန်ဖြစ်အောင်ထိန်းသိမ်းပါ။ -လိုအပ်တဲ့ကျန်းမာရေးစောင့်ရှောက်မှုတွေခံယူပါ။ -စိတ်ဖိစီးမှုမများစေဘဲစိတ်အေးချမ်းနေပါစေ။ -ဆေးလိပ်သုံးသောက်ခြင်း၊တဆင့်ခံဆေးလိပ်အငွေ့ရှုခြင်း၊အရက်သောက်ခြင်းများရှောင်ပါ။ သန္ဓေသားကိုအန္တရာယ်ဖြစ်စေသောဆေးဝါးများသုံးစွဲနေပါက ဆရာဝန်နှင့်တိုင်ပင်ပြီးဖြတ်ရပါမယ်။ကိုယ်ဝန်ဆောင်ခြင်းနှင့်ကလေးပြုစုခြင်းအကြောင်းအရာများကိုလေ့လာဖတ်ရှုပါ။ မိမိတို့မိသားစုအတွက် အနာဂတ်အစီအစဉ်များကို ရေးဆွဲထားပါ။ အဆင်သင့်ဖြစ်ပြီဆိုပါက ကိုယ်ဝန်ယူနိုင်ပါပြီ။ မိခင်လောင်းတို့ သိမှတ်ဖွယ်ရာများအသေးစိတ်အချက်များကိုလည်း အပိုင်း(၁)မှ(၆)တွင်ဖတ်ရှူနိုင်ပါတယ်။ Lady လေးတို့အားလုံး ကျန်းမာ ပျော်ရွှင်သောကိုယ်ဝန်ဆောင်မိခင်ကောင်းများဖြစ်ကြ ပါစေလို့ဆန္ဒပြုလိုက်ပါတယ်။ #ClassicSanitarypads

မိခင်လောင်းတို့ သိမှတ်ဖွယ်ရာများ (အပိုင်း၆) Lady လေးတို့အနေနဲ့ ကိုယ်ဝန်ဆောင်ဖို့ပြင်ဆင်ချိန်မှာ အန္တရာယ်ရှိတဲ့ နေထိုင်စားသောက်မှု ပုံစံတွေကို ရှောင်ဖို့လီုအပ်ပါတယ်။အန္တရာယ် ရှိတဲ့နေထိုင်မှုပုံစံဟာ မိမိနဲ့ မိမိသန္ဓေသားကိုအန္တရာယ်ဖြစ်စေတတ်ပါတယ်။ -ဆေးလိပ်သောက်နေသူဖြစ်ပါက ဆေးလိပ်ဖြတ်လိုက်ဖို့ လိုပါတယ်။ မိမိပတ်ဝန်းကျင်မှာဆေးလိပ်သောက်သူရှိနေပါကတစ်ဆင့်ခံဆေးလိပ်ငွေ့ရှူခြင်းဟာမိမိသန္ဓေသားမှာပါထိခိုက်စေတာမို့ တဆင့်ခံဆေးလိပ်ငွေ့ရှူမိခြင်းကိုလည်းရှောင်ရပါမယ်။ -အလားတူ အီလက်ထရောနစ်စီးကရက်များ(E Cigarette)တေွလည်း ကိုယ္ဝန်ဆောင် မိခင်ရော၊ သ​န္ဓေသားကိုရော ထိခိုက်စေတာမို့ မိမိကိုယ်တိုင်သုံးစွဲခြင်း၊ တဆင့်ခံရှူမိခြင်း ၂မျိုးလုံးကိုရှောင်ရပါမယ်။ -အရက်၊ ဘီယာရှောင်သင့်ပါတယ်။ -ကော်ဖီ၊ လက်ဖက်ရည်၊ဆိုဒါ များရှောင်သင့်ပါတယ္ယ်။ -မိမိသောက်သုံးနေသော ဆေးဝါးများအားနားလည်တတ်ကျွမ်းသောဆရာဝန်များအားပြသပြီး ရှောင်သင့်တဲ့ ဆေးများရှိပါက ဆက်မသောက်ဖို့လိုအပ်ပါတယ်။တချို့ဆေးတွေဟာ သန္ဓေသားကိုဆိုးဆိုးရွားရွားထိခိုက်စေတတ်သော‌ေကြာင့် ကိုယ်ဝန်မရှိခင်ကြိုတင်ဖြတ်ထားဖို့လိုအပ်ပါတယ်။ -မိမိသဘောနဲ့ဆေးများသောက်ခြင်း၊ သုံးစွဲခြင်း ရှောင်ပါ။Lady လေးတို့ရေ အန္တရာယ်ရှိတဲ့ နေထိုင် စားသောက်မှုပုံစံဟာကိုယ်ဝန်ပျက်ကျခြင်း၊ လမစေ့ဘဲမွေးခြင်း၊ မွေးရာပါ ချို့ယွင်းချက်များကပေးမှာ ပါလာခြင်းတို့ရှိတတ်တာမို့ ရှောင်ရှားကြဖို့ တိုက်တွန်းလိုက်ပါတယ် ။ #ClassicSanitaryPads

💕သီတင်းကျွတ် အထူး ပရိုမိုရှင်း💕 Classic ရဲ့ချစ်သောလေး‌တို့အတွက် 5 ထုပ်ဝယ် 5ထုပ်လက်ဆောင်ရရှိနိုင်မယ့် သီတင်းကျွတ် promotion လေးက စောင့်ကြိုနေပါပြီ ။ Special Sale လေးက 28.10.2023 ကနေ 31.10..2023 အထိသာရရှိနိုင်မှာမို့ sale ချတုန်းလေး အမိအရ ရယူထားလိုက်နော် ချစ်သောလေးတို့ရေ☺️☺️ #ClassicSanitaryPads

မိခင်လောင်းတို့သိမှတ်ဖွယ်ရာများ အပိုင်း(၅) Lady လေးတို့ အနေနဲ့မိခင်လောင်းဖြစ်ဖို့ပြင်ဆင်ချိန်လေးကအရေးကြီးတဲ့အချိန်လေးပါ။ကိုယ်ကျန်းမာဖို့လိုအပ်သလို စိတ်ဖိစီးမှုတွေစိုးရိမ်သောကတွေကို အတတ်နိုင်ဆုံးလျော့အောင်လုပ်ရပါမယ်၊ စိတ်းဖိစီးမှုများနေရင် ရာသီစက်ဝန်းမမှန်တာတို့၊ ကလေးရဖို့ခက်ခဲတာတို့ ဖြစ်တတ်ပါတယ်။ဒါကြောင့် စိတ်အေးချမ်းအောင်၊စိတ်ကြည်လင်လန်းဆန်းအောင်ထားရပါမယ်။ စိတ်အေးချမ်းမှုရှိစေဖို့ -အတတ်နိုင်ဆုံး အကောင်းမြင်စိတ်လေးထားလိုက်ပါ၊ -မိမိဝါသနာပါသောစိတ်အပန်းဖြေ မှုများပြုလုပ်ပါ။( ဥပမာ- သီချင်းနားထောင်ခြင်း၊ စာအုပ်ဖတ်ခြင်း ၊သစ်ပငိစုက်ပျိုးခြင်း) -မိမိဘာသာစိတ်အေးချမ်းသာမှုရစေရန် တရားမှတ်ခြင်း စသဖြင့်ပြုလုပ်ပါ။ မိခင်တစ်ယောက်ဖြစ်ဖို့ ပြင်ဆင်ချိန်မှာ စိတ်ကျန်းမာရေးလည်းအရေးကြီးတာကြောင့် Lady လေးတို့ မိမိစိတ်လေးတွေကို အေးချမ်းပျော်ရွှင်အောင်နေကြ မယ်နော်။ စိုးရိမ်စိတ်တွေ၊စိတ်ဖိစီးမှုတွေကိုလျော့ကြပါမယ်နော် ။ ဒါမှသာ ကျန်းမာတဲ့ မေမေနဲ့ ကလေးလေးတွေဖြစ်လာမှာပါ။ #ClassicSsanitaryPads #SunnyBabyDiaperpants

မိခင်လောင်းတို့သိမှတ်ဖွယ်ရာများ အပိုင်း(၄) ကိုယ်ဝန်ဆောင်ချင်တဲ့ မေမေလောင်းလေးတို့ရေ ကျန်းမာရေးနှင့် ညီညွတ်သော ကိုယ်အလေးချိန်ရှိနေဖို့ လိုအပ်ပါနော်။ ဒါကြောင့်ကျန်းမာရေးနှင့်ညီညွတ်အောင်စားသောက်ခြင်း၊ ကိုယ်လက်လှုပ်ရှားမှုပုံမှန်ပြုလုပ်ခြင်းဖြင့် ပုံမှန်ခန္ဓာကိုယ်အလေးချိန်ရှိအောင်လုပ်ရပါမယ် ။ ပုံမှန်ရှိသင့်တဲ့ ခန္ဓာကိုယ် အလေးချိန်ထက်လျော့နေမယ်၊ ပိန်လွန်းနေမယ်ဆိုရင် -သားဥကြွေတာ တွေပုံမမှန်ဖြစ်နိုင်တာမို့ ကိုယ်ဝန်ရဖို့ ခက်ခဲတတ်ပါတယ် ။ -သားအိမ်မှာ သန္ဓေသားတွယ်ကပ်ဖို့အတွက်အခက်အခဲရှိစေတတ်ပါတယ်။ -ကိုယ်ဝန်ရှိပါကလည်းလမစေ့ဘဲ မွေးဖွားနိုင်တဲ့အန္တရာယ်ရှိပါတယ်။ ပုံမှန်ရှိသင့်တဲ့ကိုယ်ခန္ဓာအလေးချိန်ထက်များနေမယ်၊ အဝလွန်နေမယ်ဆိုရင် -ရာသီစက်ဝန်းမမှန်တာတွေ -ကိုယ်ဝန်ရဖို့ ခက်ခဲတာတွေ -ကိုယ်ဝန်ရပြီးပါက ကိုယ်ဝန်ပျက်ကျတတ်တဲ့ အန္တရာယ် -သွေးတိုးရောဂါ -ကိုယ်ဝန်ဆောင်ဆီးချိုရောဂါ အန္တရာယ် စသဖြင့် အန္တရာယ်များရှိပါတယ် ။ ဒါကြောင့် ကိုယ်ဝန်ယူတော့မယ့် Lady ‌လေးတို့အနေနဲ့ပုံမှန်ခန္ဓာကိုယ် အလေးချိန်ရှိအောင် သိထားပြီးထိန်းသိမ်းကြပါနော်၊ ဒါမှသာကျန်းမာတဲ့ကိုယ်ဝန်ဆောင်လေးတွေဖြစ်ကြမှာပါ။ #ClassicSanitaryPads

မိခင်လောင်းတို့သိမှတ်ဖွယ်ရာများ အပိုင်း(၃) Lady လေးတို့ရေ အပိုင်း(၃)မှာတော့ ကိုယ်ဝန်ယူတော့မယ်ဆိုရင်အာဟာရပြည့်ဝအောင်နေထိုင်စားသောက်ဖို့လိုအပ်ကြောင်း ဆက်ပြောပါမယ်နော်။ ကျန်းမာတဲ့ကိုယ်ဝန်ဆောင်မေမေနဲ့ကျန်းမာတဲ့သန္ဓေသားလေးဖြစ်ဖို့နေထိုင်စားသောက်မှုပုံစံကလည်း အရေးကြီးပါတ ယ်။ အာဟာရအုပ်စုကြီး(၃)ခုရှိပါတယ်။ခန္ဓာကိုယ်အတွက်အင်အားဖြစ်စေသော အစားအစာများ(ကာဗွန်ဟိုက်ဒရိုတ်နဲ့ အဆီပါသော အစာများ) -ထမင်း -ပေါင်မုန့် ၊ဂျုံ -ခေါက်ဆွဲ -ကန်စွန်းဥ -အဆီ ပရိုတင်းဓာတ်ပါသောအစားအစာများ -အသား၊အသည်း -ငါး၊ပုဇွန် -ကြက် ဥ၊ဘဲဥ၊ငုံးဥ -နို့နှင့်နို့ထွက်ပစ္စည်းများ ရောဂါကာကွယ်ပေးနိုင်သောအစားအစာများ -ဟင်းသီးဟင်းရွက်များ -အသီးအနှံများ အစာအုပ်စုကြီး(၃)စုအနေနဲ့ ပါဝင်သင့်တဲ့ အချိုးအစားတွေကတော့ -ဟင်းသီးဟင်းရွက်နဲ့အသီးအနှံများ (၄၀%) -ကာဗွန်ဟိုက်ဒရိတ်(၂၅%) -ပရိုတင်း (၂၅%) -အဆီ (၁၀%) ကတစ်နေ့တာ အတွက် လုံလောက်တဲ့အချိုးအစားနဲ့ကျန်းမာတဲ့အစားအသောက်ပုံစံပဲဖြစ်ပါတယ်။ ကိုယ်ဝန်ယူတော့မယ့် Ladyလေးတို့ အနေနဲ့လည်း အာဟာရပြည့်ဝစွာစားသုံးရပါမယ် ။အထူးသဖြင့် သန္ဓေသားအတွက် အရေးကြီးတဲ့ ဖောလစ်အက်ဆစ်ပါတဲ့အစာတွေဖြစ်ပါတဲ့ -အစိမ်းရောင်ရှိသောဟင်းသီးဟင်းရွက်များ (ဂေါ်ဖီထုပ် ၊ ဂေါ်ဖီပန်းပွင့်၊ ကန်စွန်းရွက် ၊ ကိုက်လန် စသည့်.......) -ပဲအမျိုးမျိုး -လိမ္မော်သီး -ဖောလစ်ဆက်ဆစ်ဖြည့်စွက်ထားသော နို့၊ ပေါင်မုန့် ၊ ကွေကာအုပ်များ စသဖြင့် စားပေးသင့်ပါတယ် ။ ဖေလစ်အက်ဆစ်ဟာ ကလးတွေရဲ့ဦးနှောက်နဲ့အာရုံကြောစနစ်အတွက်အလွန်လိုအပ်ပါတယ်။ အဆီအနေနဲ့ ကျန်းမာရေးနှင့် ညီညွတ်သောအဆီမျိုး သုံးရပါမယ် ။ ရှောင်သင့်သောအစားအစာများကတော့ -ကာဗွန်ဟိုက်ဒရိတ်ကို လျှော့စားရပါမယ် ။ -အဆီ၊ အငန်လျှော့ရပါမယ် ။ -သကြား လျှော့ရပါမယ် ။ -ကော်ဖီ ၊ လက်ဖက်ရည်ရှောင်သင့်ပါတယ် ။ -ကြာရှည်ခံအောင်လုပ်ထားတဲ့အစားအစာများ၊ စည်သွပ်ဗူးများ၊ဆိုးဆေးပါသောအစားအစာများ ကိုရှောင်သင့်ပါတယ် ။ #ClassicSanitaryPads

မိခင်လောင်းတို့လိုက်နာဖွယ်ရာများ (အပိုင်း ၂) မိခင်လောင်းဖြစ်လာဖို့ပြင်ဆင်ရတဲ့ အချိန်ဟာအလွန်အရေးကြီးလှပါတယ်။ မိမိနဲ့မိမိမျိုးဆက်သစ်လေးကျန်းမာပျော်ရွှင်ရဖို့ လိုက်နာသင့်သည်များကိုလိုက်နာရပါမယ်။ ဒါကြောင့်ဘာတွေပြင်ဆင်ထားကြမလဲ? -ဖောလစ်အက်ဆစ်( folic acid) ကိုကိုယ်ဝန်မယူမီကြိုတင်သောက်သုံးထားရပါမယ်။ -ကျန်းမာရေးနှင့်ညီညွတ်သောနေထိုင်စားသောက်မှုပုံစံများနှင့်အညီနေရပါမယ်။ -ကိုယ်အလေးချိန်ပုံမှန်ရှိစေရန်ထိန်းသိမ်းထားရပါမယ်၊ -စိတ်အေးချမ်းပျော်ရွှင်အောင်နေထိုင်ခြင်း -နေထိုင်ခြင်းများပြုလုပ်ရပါမယ်။ -အန္တရာယ်ဖြစ်စေသောအရာများကို ရှောင်ကြဉ်ခြင်း(ဆေးလိပ်၊အရက်ဖြတ်ခြင်း၊ကော်ဖီလက်ဖက်ရည်ရှောင်ခြင်း၊သန္ဓေသားကိုထိခိုက်စေမည့်ဆေးများရှောင်ခြင်း) -ကိုယ်ဝန်နဲ့ပတ်သတ်သော၊ ကလေးငယ်များနဲ့ပတ်သတ်သောသိသင့်သိထိုက်သည်များကို သိအောင်လေ့လာမှတ်သားထားရပါမယ်။ အပိုင်း(၁) မှာတော့ မရှိမဖြစ်ဖောလစ်အက်ဆစ်(folic acid) ဆိုပြီးဖောလစ်အက်ဆစ်ကိုကြိုတင်သောက်သုံးသင့်ပါတယ်။ မိခင်လောင်းဖြစ်မယ့်မေမေတွေအနေနဲ့ကျန်းမာရေးစစ်ဆေးမှုများပြုလုပ်ထားသင့်ပါတယ်။မျိုးပွားအင်္ဂါ၊သားအိမ်အနေအထားတွေ ၊သွေးတိုးဆီးချိုရောဂါရှိမရှိ၊သွေးရောဂါရှိမရှိ၊ အသည်းရောင်ဘီပိုးစီပိုးရှိမရှိ၊လိင်မှတဆင့်ကူးစက်တတ်သောရောဂါများ စသဖြင့်လိုအပ်တဲ့ ကျန်းမာရေးစစ်ဆေးမှုများပြုလုပ်ထားသင့်ပါတယ်။မိမိနဲ့မိမိ အမျိုးသားရဲ့သွေးအုပ်စုကိုလည်းစစ်ဆေးထားသင့်ပါတယ်။ဒါမှသာမိမိသန္ဓေသားလေးကိုမထိခိုက်အောင်၊မကူးစက်အောင်တတ်ကျွမ်းသောကျန်းမာရေးဝန်ထမ်းများနဲ့ကြိုတင်စီမံထားလို့ရမှာပါ။ #ClassicSanitaryPads #Sunnybabydiaperpants #ClassicSanitaryPads #SunnyBabyDiaperPants

မိခင်လောင်းတို့ လိုက်နာဖွယ်ရာများ အပိုင်း(၁) မရှိ မဖြစ် ဖောလစ်အက်စစ် (folic acid) lady လေးတို့ရေ သားသားမီးမီးလေးတွေယူတော့မယ် မိခင်လောင်းတို့ပြင်ဆင်ချိန် ဆိုတဲ့အချိန်လေးဟာအလွန်အရေးကြီးလှပါတယ်။ ပျော်ရွှင်စိတ်လှုပ်ရှားဖွယ်ကောင်းသလိုလိုအပ်တဲ့အရာတွေကို ဆောင်ရွက်ထားဖို့လည်းလိုတာပေါ့နော် ။ဒါကြောင့် ကျန်းမာသန်စွမ်းတဲ့ကလေးလေးတွေကို ပိုင်ဆိုင်ချင်ရင်တော့ ကိုယ်တိုင်ကလည်း ကိုယ်ကျန်းမာခြင်း၊စိတ်ချမ်းသာခြင်း လိုအပ်တဲ့folic acid ( ဖောလစ်အက်ဆစ်)ကြိုသောက်ထားခြင်း၊ ဆေးလိပ်အရက်နှင့် အချို့ဆေးဝါးများရှောင်ကြဉ်ခြင်းစသဖြင့် လုပ်သင့်သည်များလုပ်ထားရပါမယ်။ ပထမဆုံးအနေနှင့် ကိုယ်ဝန်ကို ဘယ်အချိန်မှာယူမလဲဆိုတာ မိမိ အဖော်ဖြစ်သူနှင့် တိုင်ပင်ဆွေးနွေးရပါမယ်။ကိုယ်ဝန်မရှိခင်(၃)လလောက် ကြိုပြီးဖောလစ်အက်ဆစ်( folic acid) သောက်ကိုသောက်ထားရပါမယ်။ Folic acid ( ဖောလစ်အက်ဆစ်)ဆိုတာ ဗီတာမင် B အမျိုးအစားတစ်ခုဖြစ်ပြီးသွေးနီဥဖြစ်ပေါ်ရေး၊ ကျန်းမာတဲ့ဆဲလ်တွေတစ်ရှူးတွေတည်ဆောက်ဖြစ်ပေါ်ရေး၊လုပ်ငန်းဆောင်တာများကောင်းမွန်စွာလုပ်နိုင်ရေးတို့ကို ဖြစ်ပေါ်စေပါတယ်။သန္ဓေသားလေးတွေအတွက်လည်းဆဲလ်အသစ်တွေတည်ဆောက်ခြင်း ၊ကျန်းမာသောဆဲလ်လေးများဖြစ်စေခြင်း၊ ဦးနှောက်ဖွံ့ဖြိုးမှုများအတွက်ပြုလုပ်ပေးခြင်းများလုပ်ပေးပါတယ်။ဒါကြောင့်လည်းကိုယဝန်မရှိခင် (၃)လလောက်မှစပြီး ဖောလစ်အက်ဆစ်(Folic acid) ကိုကြိုသောက်ထားရပါမယ် ။ကိုယ်ဝန်ရှိမှစသောက်ခြင်းထက်ကိုယ်ဝန်မဆောင်ရသေးခင် သောက်ထားတာမိမိ သန္ဓေသားလေးအတွက်ပိုကောင်းပါတယ်။ဖောလစ်အက်ဆစ်(Folic acid)မိခင်လောင်းတွေကိုယ်ဝန်မရှိခင်ထဲကသောက်ထားခြင်းအားဖြင့် အကျိုးကျေးဇူးများစွာရရှိစေပါတယ် ။ -သန္ဓေသားလေးရဲ့ဦးနှောက်နဲ့အာရုံကြောစနစ်မှာမွေးရာပါချို့ယွင်းမှုမဖြစ်စေရန် ကာကွယ်ပေးခြင်း -သန္ဓေသားလေးရဲ့ ဦးနှောက်ဖွံ့ဖြိုးမှု၊အာရုံကြောစနစ်များကောင်းမွန်စေခြင်း -မွေးရာပါချိုု့ယွင်းမှုများမဖြစ်စေရန်ကာကွယ်ပေးခြင်း -သန္ဓေသားလေးရဲ့ နှလုံးနဲ့သွေးလှည့်ပတ်မှုစနစ်ကောင်းစေခြင်း -နှုတ်ခမ်းကွဲ၊အာခေါင်ကွဲခြင်းများမှကာကွယ်ပေးခြင်း -မိခင်လောင်း၏သားဥအိမ်မှသားဥလေးများ အရည်အသွေးကောင်းစေရန်ပြုလုပ်ပေးခြင်း -လမစေ့ဘဲ ကလေးမွေးခြင်းမှ ၅၀ ရာခိုင်နှုန်းကာကွယ်ပေးနိုင်ခြင်း စသဖြင့် အကျိူးကျေးဇူးများစွာရရှိစေပါတယ် ။ ဒါကြောင့်ကိုယ်ဝန်မရှိခင် ထဲကဖောလစ်အက်ဆစ်(Folic acid) ကိုနေ့စဉ်၄၀၀ မိုက်ခရိုဂရမ်သောက်ထားဖို့လိုအပ်ပါတယ်။မိဘမျိုးရိုးမှာဖြစ်စေ၊ယခင်ကမွေးဖူးတဲ့ကလေးမှာဦးနှောက်နဲ့အာရုံကြောဆိုင်ရာပြဿနာရှိဖူးရင်တော့ပမာဏများများကိုကိုယ်ဝန်မဆောင်ခင် (၃)လကြိုသောက်သုံးဖို့နားလည်တတ်ကျွမ်းတဲ့ဆရာဝန်နဲ့တိုင်ပင်ပြီးသောက်သုံးရပါမယ် ။ဒါ့အပြင်ဖောလစ်အက်ဆစ်ကြွယ်ဝတဲ့အစိမ်းရင့်ရောင်ဟင်းသီးဟင်းရွက်တွေ၊လိမ္မော်သီး၊ငှက်ပျောသီးစတဲ့အသီးအနှံတွေစားပေးရပါမယ် ။ Lady လေးတို့ရေ မိမိတို့ရဲ့မျိုးဆက်သစ်လေးကိုယူတော့မယ်ဆိုရင် ကိုယ်ဝန်မရှိခင်ထဲကဖောလစ်အက်ဆစ်(Folic acid) ကိုနေ့စဉ်သောက်ထားကြပါနော်။ဒါမှသာ ကျန်းမာသန်စွမ်းတဲ့သားသားမီးမီးလေးတွေကိုပိုင်ဆိုင်နိုင်မှာဖြစ်ပါတယ် ။ #ClassicSanitaryPads #SunnyBabyDiaperPants #SunnyWetWipes