Milliy gvardiya Surxondaryo viloyati

Ҳудудларда ташкил этилаётган ватанпарварлик тадбирлари

Сурхондарёда маҳаллалар фаолияти ўрганилмоқда Ўзбекистон маҳаллалари уюшмаси раиси Қаҳрамон Қуронбоев бошчилигидаги республика ишчи гуруҳи Сурхондарёда ўрганишларни бошлади. Вилоят ҳокимлигида масъул ташкилот вакиллари, шаҳар ва туман ҳокимликлари иштирокида учрашув ўтказилди. Унда маҳалла тизимидаги муаммолар таҳлил қилинди. Аҳолидан келиб тушаётган мурожаатларни биргаликда ҳал этиш, ишни ҳамкорликда ташкил этиш муҳимлиги қайд этилди. Шундан сўнг, ишчи гуруҳ масъуллари шаҳар ва туманлардаги оғир тоифадаги маҳаллалар кесимида ўрганиш ишларига киришдилар. Бу жараёнда "Маҳалла еттилиги" фаолияти, аҳолининг муаммолари ўрганилиб, ҳар бир масъулга уларнинг ечими юзасидан кўрсатмалар берилди. Аҳоли хонадонларига бориб, Сайхунобод тажрибаси асосида томорқа маданияти, ундан самарали фойдаланиш ҳамда қўшимча даромад манбаи яратиш бўйича бир қатор таклиф ва тавсиялар берилди. Ўрганиш ишлари давом этмоқда.

Мактабларда "сўнгги қўнғироқ" тадбирлари бўлиб ўтди Бугун 25 май мамлакатимиздаги барча мактабларда "Илм - саодат калити" шиори остида “Сўнгги қўнғироқ” тадбирлари бўлиб ўтмоқда. Миллий гвардия Сурхондарё вилояти бўйича бошқармаси бошлиғи подполковник Р.Жабборов, Жарқўрғон туманидаги 47-сонли умумтаълим мактабида бўлиб, битирувчи ўқувчи ёшлар, ота-оналар ва ўқитувчилар билан учрашди. Президентимизнинг мактаб битирувчиларига йўллаган табригини ўқиб эшиттирди. Ҳаётнинг янги, янада масъулиятли босқичига қадам қўяётган ёшларни табриклаб, юрт равнақи ва тараққиёти йўлида ўз ҳиссасини қўшадиган етук малакали кадр бўлиб етишишларида омадлар тилади. Тадбирда бир гуруҳ ўқувчилар, ўқитувчилар ҳамда ота-оналарга фахрий ёрлиқ ва ташаккурномалар берилди. Шундан сўнг, тадбирда ўқувчилар томонидан шеърлар айтилиб, куй-қўшиқ ва рақслар ижро этилди.

Ватанпарвар ёшлар миллий спорт ўйинларида куч синашдилар Бугун Миллий гвардия ташаббуси билан Термиз туманида жойлашган Миллий гвардия ҳузуридаги Қорабайир отлари маҳорат мактабида оталиққа олинган ёшлар ҳамда уюшмаган ёшлар иштирокида ватанпарварлик фестивали бўлиб ўтди. Унда от спортининг конкур, от устида кураш, жамоавий улоқ кўпкари, камондан отиш, арқон тортиш, тош кўтариш, армрестлинг, шахмат-шашка ва стол тенниси каби турлари бўйича мусобақалар уюштирилди. Тадбир доирасида ёшлар китоблар ярмаркаси, махсус жиҳоз ва техникалар, қурол-аслаҳалар кўргазмаси билан яқиндан танишган бўлсалар, ҳарбий хизматчиларнинг қўл жанги чиқишлари ҳамда иқтидорли ўғил-қизларнинг мусиқа ва санъатдаги ижрочилик маҳоратлари тадбир қатнашчиларида катта таассурот қолдирди. Якунда фестивал доирасида уюштирилган мусобақаларда ғолибликни қўлга киритган ёшларга ташкилотчилар томонидан диплом, медаль ва қимматбаҳо совғалар топширилди. https://t.me/Milliygvardiya_Surxondaryo

Мамлакатимиз мактабларини битирувчи ўғил-қизларимизга табрик — Поздравление выпускникам школ нашей страны Prezident.uz|Facebook|Instagram|YouTube|X

Ҳудудларда ташкил этилаётган ватанпарварлик тадбирлари

Янги Ўзбекистонда коррупцияга қарши кураш ислоҳотлари, факт ва рақамларда Видеоролик "Юксалиш" Ҳаракати томонидан тайёрланган. Агарда сиз коррупцияга оид ҳуқуқбузарлик ҳолатларига дуч келсангиз Миллий гвардия Сурхондарё вилояти бўйича бошқармаси Шахсий хавфсизлик бўлимининг (97) 585-33-05 ҳамда (99) 966-22-26 телефон рақамлари орқали мурожаат қилишингизни сўраймиз.

Миллий гвардия ташаббуси билан ёшларнинг бўш вақтларини мазмунли ўтказиш, уларни ватанпарвар этиб тарбиялаш, миллий спорт ўйинларини оммалаштириш мақсадида Қизириқ ва Музработ туманларида ватанпарварлик тадбирлари ташкил этилди.