Ўлмасбек Самарқандий🇺🇿

Бериб бўлмас кўнгилга ҳеч амру-буйруқ, Ўрин йўқдир дўстим асло таассуфга. Мен ижодни тўхтатмадим, ҳаққим ҳам йўқ, Танаффусга чиқдим холос, танаффусга! Нега ёзмай, ҳамма билур кимлигимни, Ҳар кун дилда туйғуларим тўлғонади. Яхшиликка йўйинг менинг жимлигимни, Бўронлар ҳам жимликдан сўнг уйғонади! Ўлмасбек Самарқандий. @Samarqandiy777

Ассалому алайкум ҳурматли ва қадрдон ЎлмасбекСамарқандий ва каналим мухлислари! Бугундан эътиборан ижодим ва ижод каналим ўз фаолиятини тўхтатди! Мурожаатлар бўлса бемалол 👇👇👇👇 @ulmasbeksamarqandiy

🔥Бугун халқаро Оталар куни! Менга меҳр беринг, муҳаббат беринг, Ортиқ ҳеч нимангиз керак-мас Ота! Чап кўксим ичида муштдай бир жоним, Уриб турмаса гар, юрак-мас, Ота! Сизга шеър атадим ўқинг, бир энлик, Менга бу дунёлар қилаяпти кенглик, Қор-қировлар кечган, қирқ етти йиллик, Умрим узун йўлдир, эртак-мас, Ота! Бугун бир поклайин кўнгил хонамни, Гардга тўлиб кетган ичим-оламни, Қанча кучга тўлсин, Сизни, Онамни, Кўтариб юрмаса билак-мас, Ота! Худодан яширган йўқдир ҳеч сирим, Борарга Ўзидан бошқа йўқ ерим, Қанча гўзал бўлсин, қанча бежирим, Сизга айтилмаса, тилак-мас, Ота! Ҳаққа айтиб йиғланг, нолангизни Сиз, Меҳрланг, тўрт юрак порангизни Сиз, Фақат дуо қилинг болангизни Сиз, Дуодан бошқаси тиргак-мас, Ота! Менга меҳр беринг, муҳаббат беринг, Ортиқ ҳеч нимангиз керак-мас Ота! Ўлмасбек Самарқандий. @Samarqandiy777

#Кун_ҳазили Биринчига борган болакай, Жаҳл билан қайтди уйига. Ундаги бу ғазаб ва асаб, Ярашмасди кичик бўйига. - Тушликгача ўқийсан, дея Алдабсиз-да дадажон, мани. Устозимиз айтди, ўн бир йил, Борарканман мактабга ҳали. Ўлмасбек Самарқандий. @Samarqandiy777

​​​​Поёнига етди таътил ҳам, Бўлдик ёзнинг жамолин мақтаб. Ҳаммасига берилар барҳам, Ва бугун иш ва бугун мактаб!😊 Бугун мактабга бораётганларга сабр ва матонат тилайман! Янги ўқув йилингиз муборак бўлсин! @Samarqandiy777

КУЗНИНГ БИРИНЧИ КУНИ Бугун дилда бир тугун, Ҳаётим ҳамрози ўтди, Нетай, Ҳақнинг ҳаққи бугун, Умримнинг бир ёзи ўтди! Дилимга дард сўзи кирди, Сариқ барглар юзи кирди Бугун умрим кузи кирди, Умримнинг бир ёзи ўтди! Ўлмасбек Самарқандий. @Samarqandiy777

#Mustaqillik_35_yil Ассалом Она юрт, эй Ота маскан, Жонимга жон берган, томиримга қон. Сен улуғ ўтмишим, ва ёруғ эртам, Добус қалъам узра ўтирган ҳоқон. Ҳар тошинг қадрдон, ҳар қиринг қутлуғ, Зарафшон зар сочиб оқар пойингдан. Йилнинг тўрт фасли ҳам қирғоғи тўлуғ, Ташна кўнглим қонур Наҳрипойингдан. Масжидлар мунаввар, покдир дилимиз, Эътиқодли элсан, иймондир диним. Шукур айтаётир бийрон тилимиз, Қара, нур сочмоқда Зиёвуддиним! Қарноб чўлларида ўсган ҳар гиёҳ, Кўзимга тўтиё, юзларим боссам. Етса гар илҳомим, етса гар сиёҳ, Қадим Султонобод таърифин ёзсам. Мутаржим этилса ўтмиш хатлари, Асло буюкларга шарт эмас баҳо. Не асрлар ошган Нодим дафтари, Юзта китоб бўлур битта Зулайҳо. Тилагим, ҳар кунинг бўлиб тўй-алёр, Қучоғинг қувончу-шодликка тўлсин! Киндик қоним тушган қадрдон диёр, Истиқлол байраминг муборак бўлсин! Шеър ёздим мадҳингга, сўзларим равон, Шоирингман сенинг, ўтли нолангман. Қайга борсам, номинг дилда асрабон, Мадҳинг айтиб юрар Ўлмас болангманг! Ўлмасбек Самарқандий. @Samarqandiy777

​​​​Ҳар сиқим тупроғинг суюкдир Ватан! Номинг Ҳақдан кейин буюкдир Ватан! Сен бирла гўзалдир умрим, ҳаётим, Сенингсиз чап кўксим куюкдир Ватан! Ассалому алайкум! Мустақиллигимизнинг 35 йиллиги муборак бўлсин! Эҳтиром билан: Ўлмасбек Самарқандий. t.me/Samarqandiy777

#Tez_kunda 🔔🔔 ​​​​​​БИРИНЧИ ҚЎНҒИРОҚ Биринчи қўнғироқ - бу кун мадҳига, Энг ширин туйғулар ёзилгай атаб. Сиғдириб қувончлар чексиз, сатҳига, Яна қучоғини очади мактаб! Таниш синфхона, таниш туйғулар, Оқланган деворлар, кўкланган парта... Ва кўнгилдай тиниқ синф ойнаси, Термулгансиз ундан неча минг марта. Сизни кутиб турар, эшик бошида, Дилини ҳаяжон босиб дамо-дам. Умрини мактабга этган бахшида, Устоз деб аталмиш қадрдон одам! Болам қутлуғ бўлсин илму-ошнолик, Мактабга бошланган табаррук йўллар. Митти жончаларда ажиб ташналик. Жажжи қўлчаларда юз очар гуллар. Биринчи қўнғироқ - диллар беғубор, Айлар, айрилиқнинг хотималарин. Ёдимга солади ҳар йили такрор, Болалик йилларим хотираларин... Йигитчалар пўрим, сочлар таралган, Қизлар мақтанишар янги куйлагин... Асли, ёшлик ўзи шундай яралган, Унинг ҳар дамини келар куйлагим. Соҳир сентябр сочур жилвасин, Қуёш солланади кўнгилни ўртаб. Чалинар қадрдон қўнғироқ саси, Ассалом муаллим! Ассалом мактаб! Ўлмасбек Самарқандий. @Samarqandiy777

#Mustaqillik_35_yil ​​САМАРҚАНДЛИК Дилга фахр туймоқ керак, Ёнмоқ керак, куймоқ керак, Юртни жондай суймоқ керак, Самарқандлик бўлмоқ учун! Дард, синовга доши етсин, Асрларга ёши етсин, Минорларга боши етсин, Самарқандлик бўлмоқ учун! Амирлардай аҳди бўлсин, Шоҳлар каби шаҳди бўлсин, Кенг майдонда тахти бўлсин, Самарқандлик бўлмоқ учун! Назм битсин, наср солсин, Тошлар узра расм солсин, Қум устига қаср солсин, Самарқандлик бўлмоқ учун! Ишқ ўтида банди бўлсин, Муҳаббатда танти бўлсин, Ё Самар, ё Қанди бўлсин, Самарқандлик бўлмоқ учун! Асрасин дил дурдонасин, Суйсин ҳар тошу донасин, Куйласин Шарқ таронасин, Самарқандлик бўлмоқ учун! Ҳар кунидан чирой кўрсин,, Умридан шамсу - ой кўрсин, Онасига сарой қурсин, Самарқандлик бўлмоқ учун! Илмдан нур топа олсин, Ўғлон отда чопа олсин, Қуёшда нон ёпа олсин, Самарқандлик бўлмоқ учун! Куйласин юрт мадҳин майин, Жаранглатсин наво - найин, Ашъор битсин Ўлмасдайин, Самарқандлик бўлмоқ учун! Ўлмасбек Самарқандий. @Samarqandiy777

#Juma_muborak Эй Яратган Эгам! Бугунги улуғ кун ҳаққи, сенга илтижо қиламан. Сенга уммдвор бўлиб, қўл очиб турганларнинг қўлларини қуруқ қайтарма. Сен томон юз бурганларнинг юзларини ёруғ қил! Сўраганимни эмас, ҳечқурса тилаганимни бер. Тилимдагини муҳайё қилмасанг ҳам, дилимдагини бер, Аллоҳим! Роббана атина фид-дуня ҳасанатан ва фил-ахироти ҳасанатан ва қина азабан-нар! @Samarqandiy777

Ўзбекистон Мустақиллигининг 35 йиллигига бағишланади! Ҳар сиқим тупроғинг кўзга тутиё, Ҳар қарич ерингга меҳрим бўлакча. Икки томонингда икки қўш дарё, Водийдан воҳага кетган йўлакча. Осмони қуёшли, тупроғи тилло, Бир гўзал тонглари, бир гўзал шоми. Мадҳинг куйга солдим эй юртим, илло, Тиллардан тушмагай Ўлмас каломи! ✍ Ўлмасбек Самарқандий. 🎧 Наимжон Облоқулов. @Samarqandiy777

Ассалому алайкум Отажон! Ассалому алайкум Онажоним! Сизларни бугунги қутлуғ кун-оила қурганларингизни 50 йиллиги билан самимий муборакбод этаман! Орадан ўтган ярим аср, ҳаётингизни энг яхши кунлари бўлган! Ўша ярим аср ичида топганларингиз-мен, Умарбек, Дилафрўз ва Ойбекжонлар ҳаётингизни тўлдирдик. Умрларингиз узоқ бўлсин, илоҳим Отажон, Онажон! @Samarqandiy777

АССАЛОМУ АЛАЙКУМ! Мен Пахтачининг "Фай" маҳалласида туғилганман. Шу маҳаллада улғайдим, шу маҳалла кўчаларида кўнглимга шеър туйғуси инди. Бугун сизлардан менинг маҳалламнинг бир оғриқли нуқтасига кўмак беришингизни сўраб мурожаат қиляпман! Ўзбекистон Республикаси Молия вазирлигининг Ташаббусли бюджет дастурида эълон қилинган ташаббусга овоз беришингизни сўрамоқчиман. Маҳалламиз кўчалари равон бўлиш ташаббусини қўллаб- қувватлайсиз, деган умиддаман! Мана шу манзилга берган 10 та овозингиз учун мендан битта шеър!!! Сиз истаган мавзуда!!! Фақат @ulmasbeksamarqandiy манзилига 10 та скриншотингизни ташлаб берсангиз кифоя! 👇👇👇👇👇 https://new.openbudget.uz/uz/initiative-budget/active-initiatives/55/26a65595-6632-44cb-ace9-addbcef46793

Сен не десанг, ҳаммасига "Хўп" ҳаёт! @Samarqandiy777

Иқбол Мирзо @Samarqandiy777

Гўзал дамлар, мафтункор сурур, Авжланади дилда алёрим. Улар бугун бахт билан масрур, Бахтингдан айланай, Диёрим! Фарзандларимиз Диёрбек ва Фотимахонларга бахтли кунлар саодатини тилаб қоламан! Мухлисларимдан келадиган юракчалар ❤️ сизларга бўлсин! @Samarqandiy777

Альберт Эйнштейн, Чарли Чаплин, Архимед, Михаил Ломоносов, Исаак Ньютон, Пушкин, Марк Твен, Кафка, Aндерсен, Лев Толстой, Маяковский, Барак Обама, Билл Клинтон, Форд... Сизнингча, бу буюк инсонлар ўртасида қандай боғликлик бор? ⚡ Улар чапақай бўлишган! 13 август - Бутунжаҳон чапақайлар куни! Чап қўли билан дунёни ўзгартира олишга қодир бўлган кишиларнинг байрами. @Samarqandiy777