Ethiopian Customs Clearing Agents

In case you missed the news: አዲሱ የድሬደዋ ወደብና ተርሚናል በዛሬው ዕለት ይመረቃል፣  🌼በከፍተኛ ወጪ ዓለም አቀፍ ደረጃውን በጠበቀ ጥራት የተገነባው የድሬዳዋ ወደብና ተርሚናል ከፍተኛ የመንግስት የሥራ ኃላፊዎች፣ በገቢ ወጪ ንግድ  የተሰማሩ ባለሃብቶች እንዲሁም ከሀገር ውስጥ እና ከውጪ ሀገር ጥሪ የተደረገላቸው እንግዶች በተገኙበት ዛሬ ጥር 25 ቀን 2015 ዓ.ም. ይመረቃል፡፡ 🌼በተጨማሪም ኢባትሎአድ አዲሱን የድርጅቱን ብራንድ (ስያሜ አርማ) ይፋ ያደርጋል፡፡

⚜In case you missed the news: የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ ረቂቅ አዋጅ፣ የማኅብረሰብን ጤና ለመጠበቅ ተብሎ ምክር ቤቱ ያፀደቀውን የምግብና መድኃኒት አስተዳደር አዋጅ የሚጥስ በመሆኑ፣ ማሻሻያ ሳይደረግበት እንዳይፀድቅ ተጠየቀ። ቅሬታ አዘል ጥያቄውን በግልጽ ወጥቶ ያቀረበው የኢትዮጵያ ምግብና መድኃኒት አስተዳደር ባለሥልጣን ቢሆንም፣ የጤና ሚኒስቴርን ጨምሮ በማኅበረሰብ ጤና ላይ የሚሠሩ መንግሥታዊ ያልሆኑ ተቋማትም ረቂቁ የኤክሳይስ ታክስ ማሻሻያ አዋጅ አሁን ያለውን ይዘት እንደያዘ እንዳይፀድቅ እየተንቀሳቀሱ ነው። ለተቋማቱ ቅሬታ ምክንያት የሆነው ከአራት ዓመት በፊት በሕዝብ ተወካዮች ምክር ቤት የፀደቀው የምግብና መድኃኒት አስተዳደር አዋጅ ቁጥር 1112 ላይ የተቀመጡ ድንጋጌዎችን የሚሽር ሆኖ በመገኘቱ ነው። ይህ ማሻሻያ ረቂቅ አዋጅ ላይ ኤሌክትሮኒክስ ሲጋራ፣ ሺሻና የሺሻ መጠቀሚያ ፒፓዎች ላይ የኤክሳይስ ታክስ የሚጣል መሆኑ ተዘርዝሮ መቅረቡን የገለጹት ወ/ሮ ሔራን {የኢትዮጵያ የምግብና መድኃኒት አስተዳደርና ባለሥልጣን ዋና ዳይሬክተር} ፣ እነዚህ የትምባሆ ምርት ዓይነቶች ወደ አገር እንዳይገቡ በአዋጅ ቁጥር 1112 ላይ መደንገጉን ገልጸዋል። ‹‹ረቂቅ አዋጁ ለሚኒስትሮች ምክር ቤት በቀረበበት ወቅት የኤክሳይስ ታክስ ክፍያ ምጣኔ ማሻሻያ የተደረገባቸው ምርቶች ዝርዝር ከረቂቅ ሰነዱ ጋር ተያይዞ አለመቅረቡን ሰምቻለሁ፡፡ አሁንም ለሕዝብ ተወካዮች ምክር ቤት በቀረበው ሰነድ ላይ የምርቶች ዝርዝር አለመያያዙን ተረድቻለሁ፤›› የሚሉት ዳይሬክተሯ፣ ‹‹ይህ ለምን ሊሆን ቻለ ብሎ ፓርላማው መጠየቅ አለበት፤›› ብለዋል። Source: ኢትዮጵያ ኢንሳይደር Read more 👉 https://www.ethiopianreporter.com/115534/

⚜ለፓርላማ የቀረበው የኤክሳይዝ ታክስ አዋጅ ማሻሻያ ምን ይዟል? ⚠የህዝብ ተወካዮች ምክር ቤት ዛሬ ማክሰኞ ከሰዓት በሚያደርገው መደበኛ ስብሰባ፤ የኤክሳይዝ ታክስ አዋጅ ማሻሻያ ረቂቅን መርምሮ ጉዳዩ ለሚመለከተው ቋሚ ኮሚቴ ለመምራት አጀንዳ ይዟል። ▶ በኤክሳይዝ ታክስ አዋጁ ላይ ለውጥ የተደረገባቸው ዋና ዋና ጉዳዮች እንደሚከተለው ቀርበዋል:- ⤵ 🌼 ከዚህ ቀደም ከኤክሳይዝ ታክስ ነጻ የነበሩት የቴሌኮሚዩኒኬሽን አገልግሎቶች አሁን 5 በመቶ እንዲጣልባቸው ያደርጋል። 🌼 ቴሌቪዥን እና የቪድዮ ካሜራዎች ሙሉ ለሙሉ ከኤክሳይዝ ታክስ ነጻ እንዲሆኑ ማሻሻያው ላይ ቀርቧል። አሁን ባለው አሰራር ሁለቱ ምርቶች እያንዳንዳቸው 10 በመቶ ኤክሳይዝ ታክስ ይከፈልባቸዋል። 🌼 ከቀረጥ እና ታክስ ነጻ ሆነው እቃዎችን ወደ አገር ውስጥ የሚያስገቡ መንግስታዊ ያልሆኑ ድርጅቶች፣ ኢንቨስተሮች፣ አካል ጉዳቶኞች እና በጉምሩክ ታሪፍ ሁለተኛ መደብ የተዘረዘሩ ተቋማት የኤክሳይዝ ታክስ እንዲጣልባቸው ያደርጋል። 🌼 60 በመቶ የኤክሳይዝ ታክስ ተጥሎበት የነበረው የማይጠጣ ንጹህ አልኮል አሁን ወደ 10 በመቶ ዝቅ እንዲል በረቂቅ ህጉ ላይ ቀርቧል። በማይጠጣ ንጹህ አልኮል ላይ ተጥሎ የነበረው ታክስ፤ የኮቪድ ወረርሽኝ በተባባሰበት ወቅት ለ“ሳኒታይዘር” መስሪያ ግብዓት መሆኑን ታሳቢ በማድረግ ሙሉ ለሙሉ ተነስቶ እንደነበር ይታወሳል።  🌼 ረቂቅ አዋጁ አሁን በስራ ላይ ካለው በተለየ፤ ተሽከርካሪዎችን በአራት የሚከፍልበት አዲስ አመዳደብ ይዟል። በአዲሱ ምድብ አብዛኛዎቹ አዲስ ተሽከርካሪዎች ላይ የሚጣለው የኤክሳይዝ ታክስ ምጣኔ ቀንሷል። 🌼 በ2012 በወጣው አዋጅ ላይ ከ1300 ሲሲ በታች የሆኑ አዲስ ተሽከርካሪዎች በተለያዩ ምድቦች 5 በመቶ ኤክሳይዝ ታክስ ይጣልባቸዋል። አዲሱ የአዋጅ ረቂቅ በአንጻሩ “ከ1500 ሲሲ በታች” የሚካተቱ ተሽከርካሪዎችን አዲስ ምድብ ሰጥቷቸዋል። በዚህ ምድብ ስር ባሉ ተሽከርካሪዎች ላይ 10 በመቶ ኤክሳይዝ ታክስ የሚጥል ድንጋጌ በአዲሱ የአዋጅ ረቂቅ ላይ ሰፍሯል። 🌼 አሁን በስራ ላይ ባለው ምደባ ከ1500 ሲሲ በልጠው፣ ከ3000 ሲሲ ግን የማይበልጡ አዲስ ተሽከርካሪዎች፤ 60 በመቶ ኤክሳይዝ ታክስ ተጥሎባቸዋል። የአዋጅ ረቂቁ “ከ1501 እስከ 2500 ሲሲ” የሚል አዲስ ምድብ ያካተተ ሲሆን፤ በዚህ ውስጥ የሚካተቱ ተሽከርካሪዎች ላይ 20 በመቶ ኤክሳይዝ ታክስ ይጥላል። 🌼 በአዲሱ ምድብ ከ2501 እስከ 3000 ሲሲ የሆኑ ተሽከርካሪዎች፤ 30 በመቶ ኤክሳይዝ ታክስ እንዲጣልባቸው በረቂቁ ላይ ቀርቧል። አሁን በስራ ላይ ያለው ምድብ ከ1800 ሲሲ በላይ የሆኑ አዲስ ተሽከርካሪዎች ላይ የሚጥለው የኤክሳይዝ ታክስ መቶ በመቶ (100%) ነው። 🌼 በስራ ላይ ያለው አዋጅ  ከ3000 ሲሲ በላይ የሆኑት አዲስ ተሸከርካሪዎች መቶ በመቶ (100%) ኤክሳይዝ ታክስ እንዲጥልባቸው የሚያደርግ ሲሆን ረቂቅ አዋጁ ይህንን የታክስ ምጣኔ ወደ 60 በመቶ ቀንሶታል። 🌼 እንደ ከረሜላ ያሉ ስኳር የታከለባቸውን ምርቶች የሚያመርቱ ኢንዱስትሪዎች፤ ለምርቶቻቸው የሚከፍሉት 20 በመቶ ኤክሳይዝ ታክስ ወደ 10 በመቶ ዝቅ እንዲል ተደርጎ በአዋጅ ረቂቁ ላይ ቀርቧል። 🌼 የአዋጅ ረቂቁ እስካሁን ተግባራዊ ሳይደረግ የቆየው፤ ለምግብነት በተዘጋጀ ከ100 ግራም ውስጥ 40 ግራም ወይም የበለጠ “ሳቹሬትድ ስብ” የያዘ የአትክልት እና የእንስሳት ዘይት ላይ የተጣለው ታክስ “ለጊዜው” ቀሪ እንዲሆን አድርጓል። Source: ኢትዮጵያ ኢንሳይደር