የኢትዮጵያ ክንድ

👉 ከ300 በላይ የአሸባሪው አልሸባብ ታጣቂዎች ተደመሰሱ‼️ ከ300 በላይ የአሸባሪው አልሸባብ ታጣቂዎች ሲደመሰሱ ከፍተኛ ቁጥር ያላቸው አባላት መቁሰላቸውን የኢፌዴሪ መከላከያ ሠራዊት አስታወቀ። በሶማሊያ የሚገኘውን የኢትዮጵያ ሠላም አስከባሪ ኃይል ለመቀየር ተልዕኮ ወደ ሚፈፀምበት ቦታ በተንቀሳቀሰው የኢትዮጵያ ሠራዊት ላይ ጠላት ቀድሞ ባገኘው መረጃ መሠረት ደፈጣ ይዞ ሠራዊቱ ላይ ጥቃት ለመሠንዘር የሞከረው አልሸባብ ባላሠበው መልኩ ክፉኛ መመታቱ ተገልጿል። በተሳሳተ ስሌት የኢትዮጵያ ሠላም አስከባሪ ቅይይር ላይ ጥቃት ለማድረስ የሞከረው የአልሸባብ ኃይል ከ300 በላይ ታጣቂዎቹ ሲገደሉ ከፍተኛ ቁጥር ያላቸው አባላቱም ቆስለዋል። የመከላከያ ሠራዊቱን ምት መቋቋም ያልቻለው አልሸባብ የሞቱ ታጣቂዎቹን አስክሬን እያንጠባጠበ ቁስለኞቹን በመያዝ ወደኋላ ለመፈርጠጥ ተገዷል። የኢትዮጵያ ሠራዊት የአሸባሪውን አልሸባብ ደፈጣ እያስወገደና በየመንገዱ የጠመዱትን ፈንጂና መሠናክሉን እያስወገደ ከተልዕኮው ቦታ ሁዱር መድረስ መቻሉን የመከላከያ ሰራዊት መረጃ አመላክቷል። የአካባቢው ነዋሪዎችም ለመከላከያ ሠራዊት ምግብ እና ውሃ በማቅረብ ደስታቸውን እና ምስጋናቸውን የገለፁ ሲሆን በእልልታ እና በሞራል ያላቸውን ድጋፍም አሳይተዋል። #የኢትዮጵያ_ክንድ