Qamashi tuman hokimligi

Birdamlik va tashabbus — Qamashida 13 ta loyiha g‘oliblar qatorida! 2026-yil “Tashabbusli budjet”ning 2-mavsumi yakunlariga ko‘ra, Qamashi tumanida 13 ta loyiha g‘olib deb topildi. Eng ko‘p ovoz to‘plagan loyihalar: 🥇 Olmazor mahallasi — ichki yo‘llarni asfalt qilish — 11 460 ovoz 🥈 Olmazor mahallasi — piyodalar yo‘lagini qurish — 9 164 ovoz 🥉 Qushkapa mahallasi — ichki yo‘llarni asfalt qilish — 8 559 ovoz. Shuningdek, Oynako‘l, Qizilqishloq, Istiqbol, Guliston, Qushkapa va Oqguzar mahallalaridagi loyihalar ham g‘oliblar safidan joy oldi. ➖ Yana bir yaxshi yangilik! 2616 ovoz bilan g‘olib bo‘la olmagan, biroq g‘oliblikka yaqin kelgan Qorabog‘ mahallasidagi ichki yo‘llarni ta’mirlash loyihasi uchun, faol ishtirok etgan aholini qo‘llab-quvvatlash maqsadida mahalliy budjet mablag‘lari hisobidan qo‘shimcha 552 million so‘m ajratildi. ➖ Bundan tashqari, O‘zbekiston mahallasining deputatlik tanlovi orqali “Tashabbusli budjet”dagi loyihasi ham 1 939 ovoz bilan g‘olib bo‘ldi. Natija — Qamashi tumanida jami 13 ta tashabbus qo‘llab-quvvatlandi! Endilikda g‘olib loyihalar amalga oshirilib, mahallalardagi ichki yo‘llar, piyodalar yo‘laklari va sport infratuzilmasi yanada yaxshilanadi. G‘olib bo‘lgan barcha mahallalar aholisini muborakbod etamiz! Tumandoshlarimizni kelgusi mavsumlarda ham faol ishtirok etib, o‘z mahallalarini yanada obod qilishga qaratilgan tashabbuslarni qo‘llab-quvvatlashga chorlaymiz. Gov.uz |Facebook | Telegram |Instagram| Youtube