QARSHI SHAHRI HOKIMLIGI

TA'MIRLASH ISHLARI TUFAYLI BUGUN QARSHI SHAHRINING AYRIM MAHALLALARIDA TABIIY GAZ TA'MINOTI VAQTINCHA TO'XTATILADI Gaz tarmog‘ida ta'mirlash ishlari olib boriladi. Shu maqsadda bugun soat 10:00 dan 17:00 ga qadar, shaharning "Paxtazor", "Oydin", "Neftchilar", "Nuriston" va "Mustaqillik" mahallasidagi 6455 xonadon va mazkur hududlarda 130 ta ulgurji iste'molchida tabiiy gaz ta'minoti vaqtincha to‘xtatiladi. Ta'mirlash ishlari yakunlangandan so‘ng, ta'minot qayta tiklanadi. Yuzaga kelayotgan noqulayliklar uchun gaz ta'minoti filiali isteʼmolchilardan uzr soʻraydi. "Hududgaz Qashqadaryo" gaz ta'minoti filiali matbuot xizmati

QARSHI SHAHRIDA BOKS BO‘YICHA O‘ZBEKISTON CHEMPIONATI O’TKAZILDI Joriy yilning 21-28 aprel kunlari Qarshi olimpiya va paralimpiya sport turlariga tayyorlash markazida sportning boks turi bo‘yicha o‘smirlar o‘rtasida O‘zbekiston chempionati bo'lib o'tdi.

Ushbu yirik turnirda Qoraqalpogʻiston Respublikasi, Toshkent shahri hamda viloyatlardan jami 325 nafar sportchilar ishtirok etishdi.

Musobaqaning final bosqichi shiddatli bahslarga boy bo’ldi. G’olib va sovrindorlar munosib taqdirlanishdi.

Хитойнинг Чженцзян шаҳри ҳокими бошчилигидаги делегация Қашқадарёда Хабар берганимиздек, бугун вилоят ҳокими Муротжон Азимов Хитойнинг Жиансу провинцияси, Чженцзян шаҳри ҳокими (мери) Сюй Шухай бошчилигидаги делегацияни қабул қилиб, расмий учрашувлар ва икки томон тадбиркорлари иштирокида "B2B" мулоқотлар ташкил этилди. Учрашувни кириш сўзи билан очган вилоят ҳокими ҳар икки давлат раҳбарларининг саъйи-ҳаракатлари натижасида ҳозирда Ўзбекистон – Хитой муносабатлари ўзаро стратегик ҳамкорлик “Бир макон - бир йўл” ташаббуси доирасида шиддат билан ривожланиб бораётганини таъкидлади. Якунда томонлар савдо-иқтисодий масалаларда фикр алмашиб, товар айирбошлаш ва ҳар икки томон тадбиркорларини ҳамкорлигини юқори босқичга олиб чиқиш бўйича келишиб олдилар. Чженцзян шаҳри делегацияси воҳамизда фолият юритаётган Қарши туманидаги “Litai Textile International” йирик хорижий корхонаси ва Қарши шаҳридаги “Alp texno servis” корхонаси фаолияти билан танишишди. Учрашув ва мулоқотлар якунлари бўйича қўшимча ахборотлар тақдим этиб борамиз. Telegram|YouTube|Facebook|Instagram|X

Kamandi mahallasi ichki yo‘llari asfalt qilindi Kamandi mahallasidagi Humo, Fayzliquduq, Zavqiy, Zabarjad ko‘chalarining 1.2 km qismi ta'mirlanib, asfalt qoplamasi yotqizildi. @qarshishaharhokimligi

Qarshi shahridagi “O'zbekiston Respublikasi harbiy aviatsiya institutida” harbiy xizmatga yangi chaqirilgan muddatli harbiy xizmatchilarni Vatanga qasamyod keltirish marosimi oʻtkazildi. Marosimda institut rahbariyati, Qarshi shahar hokimi o’rinbosari, Mudofaa vazirligi huzuridagi Jamoatchilik kengashi aʼzolari, davlat va jamoat tashkilotlari vakillari, ota-onalar ishtirok etdi.

Shahar hokimligida Xitoy delegatsiyasi bilan uchrashuv bo‘lib o‘tdi @qarshishaharhokimligi

Бош прокурорнинг биринчи ўринбосари Б.Валиев бошчилигидаги ишчи гуруҳ томонидан Қашқадарё вилоятида жиноятчиликка қарши курашиш, тергов сифатини ошириш ҳамда ижтимоий-иқтисодий соҳаларда амалга оширилган ишлар аҳволи ўрганилди. Жумладан, ишчи гуруҳи томонидан Қарши шаҳридаги "Отчопар" маҳалласида ташкил этилган "Ҳуқуқ-тартибот маскани" ҳамда "маҳалла еттилиги" фаолияти туман сектор раҳбарлари ва бошқа масъуллар иштирокида ўрганилиб, уларга юклатилган вазифалар ижросини тўлақонли ташкил этиш юзасидан кўрсатмалар берилди. Шунингдек, ҳудудни жиноятдан ва ишсизликдан холи ҳудудга айлантириш, хавфсиз муҳитни яратиш, маҳалла фаолиятини рақамлаштириш жараёнини жадаллаштириш ва бошқа соҳага доир масалалар юзасидан масъул ходимларга аниқ вазифалар белгилаб берилиб, ижроси алоҳида назоратга олинди. 🌐 Бош прокуратуранинг ижтимоий тармоқлардаги саҳифаларига аъзо бўлинг! Telegram | Instagram | YouTube | Veb-sayt

Shahar hokimligida Xitoy delegatsiyasi bilan uchrashuv bo‘lib o‘tdi Xitoyning Zhenjiang shahri meri Syuy Shuxay boshchiligidagi delegatsiya Qarshi shahri hokimligida bo‘ldi. Mehmonlarni viloyat hokimining o‘rinbosari – viloyat investitsiyalar, sanoat va savdo boshqarmasi boshlig‘i Olimxon Rustamov hamda Qarshi shahri hokimi Normo‘min Xolboyev qabul qildi. Uchrashuvda delegatsiya vakillariga Qarshi shahrining savdo-iqtisodiy, investitsion salohiyati, biznesni rivojlantirish uchun yaratilgan imkoniyatlar haqida ma’lumot berildi. Uchrashuv davomida ikki tomonlama o‘zaro do‘stlik va hamkorlik aloqalarini mustahkamlash, Qarshi shahrida istiqbolli loyihalarni amalga oshirish bo‘yicha takliflar ilgari surildi. @qarshishaharhokimligi

📌 «Шаҳрисабз — Иқтисодий ҳамкорлик ташкилоти туризм пойтахти» халқаро тадбирлари тафсилотлари ⏺Бугун, 26 апрель куни Иқтисодий Ҳамкорлик Ташкилотининг Туризм бўйича Маслаҳатлашув кенгашини ташкил этиш мақсадида ташкилот бош котибияти ва ташкилотга аъзо давлатлар расмийлари иштирокида йиғилиш бўлиб ўтди. Ушбу ташаббус Президент Шавкат Мирзиёев томонидан Иқтисодий ҳамкорлик ташкилотининг 16-саммити доирасида илгари сурилган ва ташаббус ИҲТга аъзо барча давлатлар раҳбарлари томонидан қўллаб-қувватланган эди. 〰️〰️〰️〰️〰️ ⏺Бугунги маслаҳатлашувларда расмийлар Туризм бўйича Маслаҳатлашув кенгаши ташкил этилишининг аҳамияти ва унинг доирасида амалга ошириладиган кўп томонлама манфаатли лойиҳаларни муҳокама қилишди.  Шунингдек, ушбу халқаро тадбир доирасида «Иқтисодий ҳамкорлик ташкилоти ҳудудида чегарасиз туризм» мавзусида сайёҳлик форуми бўлиб ўтди.   Тадбирда ИҲТга аъзо давлатлар, жумладан, Покистон, Эрон, Туркия, Озарбайжон, Қозоғистон, Қирғизистон, Тожикистон делегациялари раҳбарлари ва юқори мартабали меҳмонлар иштирок этдилар.  Форум якунида ИҲТга аъзо давлатлар келишуви билан Ўзбекистон ҳамда ИҲТ ташаббуслари асосида Шаҳрисабз декларацияси қабул қилинди. 〰️〰️〰️〰️〰️ ⏺Шаҳрисабз Иқтисодий Ҳамкорлик Ташкилотининг 2024 йилдаги туризм пойтахтига айланди. Бу ҳақдаги махсус сертификатни ИҲТ Бош котиби Ҳусрав Нозирий Шаҳрисабз ҳокими Шерзод Бўриевга топширди. Тадбир ИҲТга аъзо мамлакатлар ёш дизайнерлари иштирокида «Modest fashion show» ва саҳналаштирилган маданий концерт дастури билан якунланди. Telegram | Facebook | Instagram | Youtube | Медиабанк