Shokir Tursun qarashlari

Ona tili ustozlariga savol: Nima deb oʻylaysiz, nega oʻquvchilar darsimiz uchun katakli emas, chiziqli daftar tutishlari kerak? @birgap

Eng yomon koʻrgan narsam – darsimga boshqa kimningdir aralashishi. "Sodiq school" dars daxlsiz tamoyili ishlaydi. Sening darsingga birov aralashmaydi. Oʻquvchilaring toʻpolon qilyaptimi, xonadan shovqin chiqyaptimi farqi yoʻq. Birov kelib oʻquvchilaringga baqirmaydi. Sendan oʻtib ularga buyruq bermaydi. Hamma maktablarda shu madaniyatni shakllantirish kerak. Siz boshqaning darsiga kirib baqirsangiz, uning dars boshqarishiga aralashsangiz oʻsha oʻqituvchiga hurmatsizlik qilgan boʻlasiz. Oʻquvchilar oldida uni uyaltirgan, obroʻsini toʻkkan boʻlasiz. Siz jim oʻtiradigan, pashsha uchsa ovozi eshitiladigan sinf xohlasangiz bu xohish sizniki, boshqalar shovqinroq sinfni, muhokamalarga boy darsni, biroz erkinlikni xushlashi mumkin. Oʻz qoidalaringizni boshqalarga tiqishtirmang. @birgap

Erudit-kvartet (Zakovatning bir yoʻnalishi) boʻyicha OʼZBEKISTON chempionati saralashida qatnashdim. 40 ta savolning faqatgina BITTAsi Oʻzbekiston bilan bogʻliq ekan. Qoyil qolmadim. @birgap

Vaziyatni tushuntirishga harakat qilaman. Bu xatni tuman taʼlim boʻlimi boshligʻi tumandagi maktab direktorlariga yozyapti. Aytilishicha, tumanda 6 ta xususiy maktab bor. Ulardan biri (savdo markazi ikkinchi qavatidagisi😳) juda ham zoʻr, ayniqsa, matematika ustozi. Shuning uchun hamma maktablarda shu xususiy maktabni reklama qilish kerak. Qiziq, juda qiziq. Isroil Tillaboyevning yozganidan esa shuni angladimki, qachonlardir oʻqituvchi boʻlgan, Respublika taʼlim markazida ishlagan akamiz xususiy maktablarga chap koʻz bilan qaraydi. Bu yaxshi emas. @birgap

Kecha PhD (mustaqil izlanuvchilik) uchun suhbatga kirib chiqqandim. Bugun qaror tayyorlanayotgani haqida aytib telefon qilishdi. Demak, oʻxshagan. Universitetda oʻqitiladigan ona tilini oʻqitish metodikasi fani mazmunini takomillashtirishni maqsad qilganmiz. Oʻylaganimizga erisha olsak, OTMlar uchun manfaatli bir ish boʻladi. @birgap

Ona tili 6-sinf. Metodik qoʻllanma. P. S. ayrim imloviy va texnik xatolari boʻlishi mumkin, oxirgi nusxa qoʻlimizda yoʻq. @birgap

Oʻqituvchijonlar! Sizlarga qanday mavzularda maqolalar eʼlon qilsak maʼqul. Nimalarni oʻrganishni istaysiz? Iltimos, umumiy emas, aniqroq misol bersangiz. @birgap

Ertadan yangi o’quv yili boshlanadi. O’quvchilarga ustozlar tomonidan aytilganlarga amal qilishni tavsiya qilaman 1. O‘zgalarning siz haqingizdagi fikrlari ularning qarashlari xolos. Buni voqelikka aylanishiga yo‘l qo‘ymang. Kimdir sizni omadsiz desa, bunga o‘zingiz qaror bermaguningizcha bu fikr haqiqatga aylana olmaydi. Qanotingizni kesishlariga yo‘l qo‘ymang! 2. Moziyni o‘zgartirib bo‘lmaydi. Ammo undan foyda olish mumkin. Moziyda yashash kelajakni barbod qilishdir. Undan ibrat olish sizni kuchli qiladi. Shuning uchun o‘tgan sahifani yoping, ammo dars olishni unutmang! 3. Kishilarning narsalar haqidagi fikrlari, bizga narsalar haqiqatidan ko‘ra ko‘proq o‘sha kishilarning aslini fosh qiladi. Shuning uchun kishilarni anglash uchun ularga yaqinlashish shart emas. Ozgina e’tiborli bo‘lsangiz yetadi. Kishilar har bir beradigan fikri bilan zamirlaridagi noaniq tomonlarni aniqlashtirib borishadi! 4. Baxt yuqumlidir. Tashvish ham shunaqa. Negativ kishilardan yiroqlashib, pozitiv insonlarga yaqinlashing. Eynshteyn shunday deydi: "Pozitiv insonlarda har muammoning yechimi bor. Negativlar esa har yechimda muammo ko‘rishadi!". 5. Baxt imkoniyat emas, aslida sizning qaroringizdir. Moddiylikni kamsitmoqchi emasman. Moddiy narsalar hayot g‘ildiragidir. Ammo shuni unutmaylik, ular hayotning o‘zi emas, g‘ildiragidir. Bizni baxtli qiladigan ko‘p narsalarni sotib olib bo‘lmaydi. Shuning uchun saodatimiz ham, tashvishlarimiz ham ichimizdan balqib chiqishini unutmasligimiz kerak! 6. Biz yiqilganimizda omadsiz hisoblanmaymiz, balki to‘xtab qolganimizda muvaffaqiyatni yo‘qotamiz. Shuning uchun inglizlar: "Qiynalganda to‘xtama, balki yetib borganda to‘xta!", deyishadi. Tomas Edison lampochkani ixtiro qilishdan avval minglab tajribalar o‘tkazgan, ammo omadi kelmagan. Edisonni bu narsa to‘xtata olmagan. U shunday degan edi: "Urinishlarim bekor ketmadi. Men endi lampochka yasab bo‘lmaydigan minglab yo‘llarni bilaman!". 7. Hayotingizni o‘zgartirmoqchi bo‘lsangiz avvalo fiklashingizni o‘zgartiring. To‘g‘ri, Abu Bakr roziyallohu anhu Bilol roziyallohu anhuni ozod qildi, ammo bundan oldin Bilol roziyallohu anhu Allohga iymon keltirib nafsini ozod qilgan va o‘z-o‘ziga xo‘jayin bo‘lgan edi! 8. Dunyo charxpalakdir. Zamon esa aylanib turadi. Nima qilsangiz shuni ko‘rasiz. Ichadigan joyingiz shirin bo‘lsin uchun kishilarni chiroyli uslubda sug‘oring. Qachonlardir siz yaxshilik qilsangiz Alloh uni zoye qilishdan pokdir, odildir. Bugun yaxshilik taqdim qilsangiz bu o‘zingiz uchun kelajakda yaxshilikla uzatiladigan qo‘ldir aslida. Alloh istasa sizni hech kimga muhtoj qilmaydi. Siz o‘zgalardan yengillatgan dard ila Alloh sizni mubtalo qilmaydi inshaalloh 9. Tashvishlar xuddi tebratma kursiga o‘xshaydi. U sizni turgan joyingizda qimirlatishi mumkin, ammo bir qadam ham oldinga siljita olmaydi. Kelajakning rejasini qiling, o‘zingizni hozirlang, ammo unutmangki, ertangiz Alloxning qo‘lida. Siz Allohga o‘z ishingizni topshirganingizda U sizni dunyoga topshirib qo‘ymaydi, dunyo sizni o‘yin qilishiga yo‘l qo‘ymaydi! 10. Boshqalar bilan masofa saqlang. Birdaniga o‘zingizni ular hayotiga tashlamang. Tajribali haydovchilar yo‘lda masofa saqlashni tavsiya qilib buni "omonlik masofasi" deb nomlashadi. Buzilgan mashinani tuzatish mumkin. Ammo buzilgan qalbni tuzatadigan ustani topa olmaysiz. O‘zingizdan o‘zingizga joy qoldiring!

Quyida chigalyozdi (warm-up) va muzyorar haqida maqola bor: https://rebrand.ly/ijcxkhz @birgap

Oʻquvchilarga 6-sinf "Ona tili" darsligidagi deputatlar haqidagi mavzuni yaxshiroq oʻqiting. Ana shunda ulardan bugungidek tanlov qilishda adashib yuradigan hokimlar chiqmaydi. Ayniqsa, rasmdagi topshiriqni yaxshi tushuntiring. Batafsil mana bu postda. @birgap