EMAT GURAGE MEDIA እማት ጉራጌ ሚዲያ

አባያም ይቅር ጥበብም ይቅር እንደው ሺቲ እንኳን ገዝቶ የሚሰጠን ብናገኝ 🙏❤ ባለፈው ያሸማቀቀን ነገር ከምግብ በኋላ ልብስ ስናድል ከሰው ቁጥር ጋ አልመጣጠን ብሎን ብዙዎቹ እንደጓጉ መሄዳቸው ነበረ። 113 እናቶች ናቸው ያሉት ይሄን ፖስት የምታዩ የመርካቶ የኮልፌ ነጋዴዎች እናቶቻችንን ለማልበስ ተነጋገሩ እስኪ🙏 ከአላችሁበት መጥተን እንወስዳለን🙏 ሺቲ በብዛት ዋጋው ስንት ነው?

50000 ብር ተሻግረናል‼️ እስከ እሮብ መቶ እንግባ 🙏 በአስራ አምስት ቀን ውስጥ ሁለተኛው የፍቅር ምሣ ለአረጋውያን በወልቂጤ ሊካሄድ ነው‼️ አጅየት እናቶቻችን በዛሬ የሰኞ ገበያ ቅቤ ከነማንጠርያው ቆጮ ከነመጠፍጠፍያው ሲገዙ ውለዋል። ያልተሣተፋችሁ ተሣተፉ እንጂ 🙏 ፅገሬዳ ሰቦቃ ና ተስፋ ነዳ -- 1000620986864 -- የኢትዮጵያ ንግድ ባንክ

በጉንችሬ ከነማና በመስቃን ወረዳ መሀል የሚደረገውን ጨዋታ በድምፅ ተከታተሉ https://t.me/+3afchigloywyNjg8

#ዜና እረፍት ለረጅም አመታት በተለያዩ መንግስታዊ ተቋማት በባለሙያነትና በኃላፊነት ያገለገሉ እንዲሁም በጡረታ እስኪገለሉ ድረስ የጉራጌ ልማትና ባህል ማህበር የህዝብ ግንኙነትና ኮሚዩኒኬሽን አገልግሎት ሀላፊ የነበሩት አቶ መንግስቱ ኃ/ማርያም ባደረባቸው ህመም በህክምና ሲረዱ ቆይተው ግንቦት 26/2016 ዓ.ም ከዚህ ዓለም በሞት ተለይተዋል:: በአይነቱ ልዩ የሆነው "ጎጎት የጉራጌ ህዝብ ታሪክ መጸረሐፍ" ዝግጅት ላይ የአንበሳውን ድርሻ የወሰዱ የባህልና የታሪክ ጸሐፊ ነበሩ። አለማቀፍ የጉራጌ ማህበር (አጉማ) በአንጋፋው የታሪክ ተመራማሪ አቶ መንግስቱ ኃ/ማርያም ህልፈት የተሰማውን ህልፈት እየገለፀ ለቤተሰቦቹና ለወዳጅ ዘመዶቹ መጽናናትን ይመኛል። ዓለም አቀፍ የጉራጌ ማህበር - International Gurage Association - IGA

ልጆች ለማሣደግ ሲደክሙ ኖረው በእድሜያቸው አመሻሽ ለተቸገሩ አዛውንቶች በየዞኑ የአረጋውያን መጦርያ ድርጅት ማቋቋም ለምን ተሳነን... ያን ማድረግ አይቻልም? በየሀገሩ ይህን ተፅዕኖ መፍጠር የሁሌ ህልሜ ነው። ከኑሮ መወደድ ጀምሮ ብዙ ክፉ ዜናዎችን ስሰማ የአረጋውያኑ እንባን አስባለሁ። አላዘኑብንም ይሆን ? ለትውልድ በከፈሉት ዋጋ ልክ አክብረን ባንጦራቸው እንኳ የሚቆረጥሙት ቆሎ አቅርበን ይሆን? በሀገራችን ስንት የአረጋውያን መጦርያ ድርጅትስ አለ? ስንት አረጋውያንስ አስታዋሽ አጥተዋል? ሀሳቤን ከተጋራችሁ እስኪ ፖስቱን አጋሩት። ፖስቱን ላይክ ማረጋችሁም ዋጋ አለው‼️ እኔም ሆነ ወዳጆቼ አረጋውያኑን የሚጦር ድርጅት ከየትም ቢመጣ ግድ የለንም ። መነሣሻ መሆን ነው ትልቁ አላማችን። ባለፉት ቀናት ከመንግስት ባለስልጣናት አስከ ባለሀብቶችና በጎ አድራጊ ተቋማት ድረስ ዞረናል ተማክረናል። በወልቂጤ የጀመርነው እንቅስቃሴ ፎሬ የሚያፈራ ይመስላል። ምናልባትም በቀጣይ አረጋውያኑን ከየቤት ጠርቶ ምሣ ለማብላት ሳይሆን ተቋማቸውን ስለመደገፍ እናወራ ይሆናል። ለዛም ያድርሰን🙏 በወልቂጤ የምናደርገው ሁለተኛ ዙር የፍቅር ምሣ ከባለፈው በላይ ተፅዕኖ እንዲፈጥር እየጣርን ነው። ይሄ ጥረት በሁሉም የሀገራችን ክፍሎች የምንቀጥለው ሲሆን ሀይማኖት ብሄር የመሣሠሉት ጉዳዮችን ትተን እስኪ ስለ ሰብአዊነት የሆነ ጥረት እናድርግ። ብቻውን ትልቅ የአረጋውያን ማዕከል የከፈተውን ሣሙኤል ታፈሰ (ሰንሻይን) ን ስናይ ሰፊ እንቅስቃሴ ከተደረገ ብዙ መስራት እንደሚቻል ተስፋ ይሰጣል። ከአስር ቀን በኋላ የምናደርገው የፍቅር ምሣ በሁላችን የመቶ ብር መዋጮ የሚደረግ ነውና እየተሣተፋችሁ ኮሜንት ላይ አስቀምጡልን። መቶ ብር ትልቅ ዋጋ አላት ‼️ ፅገሬዳ ሰቦቃ ና ተስፋ ነዳ 1000620986864 የኢትዮጵያ ንግድ ባንክ

ከፎቅ ወድቆ አደጋ የደረሰበት መምህር እርዳታ ይፈልጋል‼️ መ/ር ዮሀንስ ፍቃዱ በወልቂጤ ዩኒቨርስቲ የሚድዋይፈሪ ክፍል ሀላፊና መምህር ሆኖ እያገለገለ ይገኛል። ሆኖም ሰሞኑ ወልቂጤ ዩኒቨርስቲ ቅጥር ግቢ አንድ ግለሰብ አንዲትን ተማሪ ለማጥቃት በከፈተው ተኩስ ጉዳት መፈጠሱ ይታወቃል። ጥቃት በተፈፀመበት ክፍል ውስጥ የነበረውና ለመሸሽ ሲሞክር ከፎቅ የወደቀው መምህር ዮሀንስ ከፍተኛ አደጋ በሁለቱ እግሮቹንና በሌላ አካሉ ስለደረሰ ለመታከምያ ከፍተኛ ወጪ ተጠይቆዋል። በሙያው አሰጣጡ ትሁት፣ ታዛዥ፣ ሰው አክባሪ፣ ውጤታማምና የተሟላ ስነ-ምግባር የወቀውን ወንድማችንን ለመታደግ እንረባረብ ⏩ የንግድ ባንክ አካውቱን ዮሀንስ ፍቃዱ ገዳ 1000154481447 ነው። ለተጨማሪ መረጃ:- 0913752585/0936672484 Emat Gurage Media

በጉራጌ ላይ የተሠራው ትልቁ ጥናታዊ መፅሀፍ ሊመረቅ ነው ‼️ Emat Gurage Media ሁለት መጽሐፍት በአንድነት ይመረቃሉ ‼️ ከዚህ ቀደም የኬር ጋት፣ ጕራጌንደ፣ ስንክርተነ እና ሎር ቕጫ በተሰኙት አራት የጉራጊኛ መጽሐፎቹ የምናውቀው ተስፋዬ ጐይቴ አሁን ደግሞ በ200 የኢትዮጵያ ከተሞች ሃገር አቀፍ ቅኝት አካሂዶ በሰበሰባቸው ከ4200 በላይ የጉራጊኛ የንግድ ድርጅቶች ሥያሜዎች ላይ ጥናት በማድረግ እነሆ የጉራጊኛ ሥያሜዎች - በኢትዮጵያ የንግድ ድርጅቶች በሚል ርዕስ አዲስ መጽሐፍ አቅርቧል፡፡ ጉራጌ ለኢትዮጵያ ኢኮኖሚ እድገት ያበረከተው አስተዋጽኦ፣ የንግድ ድርጅቶችን በራስ ቋንቋ መሰየም የባሕል ዕሴቶችን ለትውልድ ከማስተላለፍ፣ የአፍ መፍቻ ቋንቋን ከማሳደግና ማንነትን ከማስጠበቅ ጋር ያለው ቁርኝትና ፋይዳው፣ ሥያሜዎቹ የያዟቸው መልዕክቶች የጉራጌን ማሕበረሰብ እንዴት ይገልጹታል? የመሳሰሉ እሳቤዎችን ያካተተ መጽሐፍ ነው፡፡ የእርስዎም የንግድ ድርጅት ሥም በዚህ ዝርዝር ውስጥ አለ፡፡ ሁለተኛው መጽሐፍ የአመኛት ሰብ በሚል ርዕስ የጉራጊኛ አጫጭር ልቦለዶችና ግጥሞች በጉራጊኛ የቀረቡበት ነው፡፡ ሁለቱም መጽሐፍት ቦሌ ብራስ አካባቢ በሚገኘው በዮድ አቢሲኒያ የባሕል ምግብ አዳራሽ ሰኔ 30 ቀን 2016 ዓ.ም ከጠዋቱ 3፡00 ሰዓት ጀምሮ በአንድነት ይመረቃሉ፡፡ በሥነሥርዓቱ ላይ ተወላጅ የፌዴራል፣ የክልል፣ የአዲስ አበባ፣ የዞን እና የወረዳ ከፍተኛ አመራሮች፣ የዘርፉ ሚኒስትሮች፣ ሚኒስትር ዴኤታዎች፣ ኮሚሽነሮች፣ አምባሳደሮች፣ ታዋቂ ምሁራን፣ የኪነጥበባት ባለሙያዎች፣ ባለሃብቶች እና ሌሎች የተለያዩ አካላት ይታደማሉ፡፡ ጥረቱ ባህልና ቋንቋችንን ለማሳደግ የሚያግዝና ጉራጌንም የሚያኮራ ድንቅ ሥራ መሆኑን ከግምት በማስገባት በፍጹም የማይቀርበት አጓጊ ፕሮግራም ስለሆነ በእነዚህ መጽሐፍት ምርቃት ላይ ከነቤተሰብዎ እንዲገኙ በአክብሮት ተጋብዘዋል፡፡

ከሣምንት በፊት በወልቂጤ ተገኝተን 500 ሰዎች ባዋጡት መቶ መቶ ብር ለ150 አረጋውያን መግበናል አልባሳት አከፋፍለናል። አሁን ደግሞ ሁለተኛ ዙር የፍቅር ምሣ ቻሌንጅ ተጀምሯል ❤ ገና በሁሉም የኢትዮጵያ ከተሞች የፍቅር ምሣ ይዘን እንገኛለን። አስታዋሽ ያጡ አረጋውያን በቋሚነት እንዲደገፉ ከአካላቸው ጤና ከፊታቸው ሳቅ እንዳይጎድል እንጥራለን ‼️ አለሁላችሁ የምንላቸው ሰዎች በሀይማኖትም በብሄርም የተመረጡ አይደሉም ሰው በመሆናቸው ብቻ እንጂ የተስፋ ቤተሰብም ሰውነትን አስቀድሞ የሚረዳ ሲረዳም የማያሳቅቅ ከምግብ በፊት በክብር የሚያስደስት ነው። የዞን ከፍተኛ ባለስልጣናትና የሀይማኖት አባቶች የወልቂጤ ዩንቨርስቲ መሪዎች ይገኛሉ። የወልቂጤ ዩንቨርስቲ ቲያትር ጥበብ ዲፓርትመንት ከወልቂጤ ከተማ ወጣቶችና ስፖርት ቢሮ ና ከቃቄ ውርድወት የኪነጥበብ ቡድን ጋር ተቀናጅቶ አረጋውያኑን ከመጀመርያው ዙር የበለጠ ያዝናናልናል። በማዕከሉ የተቃፉትን 150 በቀደም አግኝተናል አሁን ደሞ በማዕከሉ ያልታቀፉ ከመቶ በላይ አረጋውያንንም እንጨምራለን። ብንችል በማረምያ ቤት ላሉ ጠያቂ የሌላቸው ወገኖቻችንም እንደርሳለን። ልጅ የለንም ጧሪ የለንም ያሉትን አረጋውያን በክብር ተቀብለን እንደ ባህሉ ክትፎ በቆጮ አቅርበን አዝናንተን ተመርቀን እንለያያለን። የከተማ ወጣቶች ስለሚጠብቋችሁ ወደ ገጠር ለበአል የምትሄዱ ወገኖችም ለአረጋውያኑ አልባሳትና ደረቅ ምግቦች ይዛችሁ ሂዱ። የአዛውንቶች ምርቃት እጃችሁን ቤታችሁን ይባርካል። ከበቀደሙ ቻሌንጅ የቀረው 18500 ብር አለ በዚ አስር ቀን ስንት መቶ ሺ እናደርሰዋለን? በሉማ መቶ መቶ እያስገባችሁ ኮሜንት ላይ 🙏😍 1000620986864 -- የኢትዮጵያ ንግድ ባንክ