ቲክቫህ-ኢትዮጵያ (ትግርኛ)

ተፈሪድዎ ኣብ ቤት ህንፀት ፀኒሑ ካብ ዝወፅእ ኣብ ሳልሳይ መዓልቱ ብገበን ስርቂ ዝተኸሰሰ ውልቀ ሰብ ብፅኑዕ ማእሰርቲ ክቅፃዕ ተወሲንዎ። ተኸሳሲ ኣይተ ያሬድ ገ/ሚካኤል ዝተብሃለ ውልቀ ሰብ ተፈሪድዎ ኣብ ቤት ህንፀት ዝነበረ ኮይኑ ካብ ዝወፅእ ኣብ ሳልሳይ መዓልቱ እዩ ብገበን ስርቂ ክሲ ተመስሪትዎ። እዚ ተኸሳሲ ብዕለት 26/12/2018 ዓ/ም ኣብ ከተማ ዓድዋ ሆስፒታል ሓፍተይ ሓሚማትኒ መሳፈሪ ስኢነ ኢሉ ዋንነታ ናይ ከተማ ዓድዋ ቀይሕ መስቀል ኣምቡላንስ ተሳፊሩ እንትጉዓዝ ኣብ ኪስ ዝነበረ ቁልፊ እታ ኣምቡላንስ ሰሪቁ ዝተሰወረ እንትኸውን ብክትትል ፀጥታ ኣካላት ኣብ ከተማ ኣኽሱም ኣብ ቁፅፅር ውዒሉ እዩ። ፓሊስ ከተማ ኣኽሱም ኢድብኢድ ብምፅራይ ናብ ዓ/ሕጊ ብምሕላፍ ቤት ፍርዲ ከተማ ኣኽሱም ብዕለት 27/12/2018 ዓ/ም ኣብ ዝወዓለ መጋባእያ ብ6 ዓመትን 6 ወርሕን ፅኑዕ እስራት ክቅፃዕ ተወሲንዎ። እዚ ሓበሬታ ካብ ቤት ፅሕፈት ዓቃቢ ሕጊ ዞባ ማእኸል ዝተረኸበ እዩ። @tikvahethiopiatigrigna