Ўз.Фармацевтлари ассоциацияси

🥰 AZIZ USTOZ VA MURABBIYLAR! 🌹 Sizlarni 1 oktabr — O‘qituvchi va murabbiylar kuni bilan Farmatsevtika ta’lim va tadqiqot instituti jamoasi nomidan samimiy muborakbod etamiz! 💐 Ustoz — shunchaki kasb egasi emas. U inson qalbiga ilm ziyosini olib kiradi, yosh avlodga yo‘l ko‘rsatadi, uning orzu va maqsadlariga qanot beradi. Sizlarning mashaqqatli va sharafli mehnatingiz ortida yurtimizning ertangi taraqqiyoti, ilm-fan salohiyati va kelajak avlod taqdiri mujassam. 🌸Ayniqsa, tibbiyot va farmatsevtika sohasi mutaxassislarini tayyorlashdek ulkan mas’uliyatni zimmasiga olgan ustozlarimizning har bir darsi, har bir maslahati va har bir mehnati kelajakda inson salomatligiga xizmat qiladigan mutaxassislar kamolida o‘z ifodasini topadi. 🇺🇿 Farmatsevtika ta’lim va tadqiqot institutida mehnat qilayotgan barcha professor-o‘qituvchilar, ustoz va murabbiylarimizni, shuningdek, yurtimizning barcha fidoyi pedagoglarini ushbu ulug‘ ayyom bilan chin qalbdan tabriklaymiz! 🌹 Sizlarga mustahkam sog‘lik, oilaviy xotirjamlik, qalb xotirjamligi, ilmiy va pedagogik faoliyatingizda ulkan yutuqlar tilaymiz. 💐 Shogirdlaringiz kamoli, erishgan yutuqlari va samimiy ehtiromi doimo sizga eng katta mukofot bo‘lib xizmat qilsin! 🌷 Bayramingiz muborak bo‘lsin, aziz va qadrli ustozlar! 🇺🇿 Farmatsevtika ta’lim va tadqiqot instituti jamoasi  🎓 TA’LIM  TADQIQOTGA, TADQIQOT TARAQQIYOTGA  YETAKLAYDI! Sayt | Telegram | Facebook | Instagram | YouTube

🇺🇿Устозлар хотираси ва қадр уйғунлиги Темиров Бахромжон Султонрахматович Тошкент фармацевтика институти, Фармацевтика ишини ташкил қилиш кафедраси катта ўқитувчиси, Темиров Бахромжон 1968 йилда туғилган. 1985 йилда ўрта мактабни Олтин медаль, 1992 йилда Тошкент фармацевтика институтини имтиёзли диплом билан тамомлаган. 1987-1989 йиллар давомида Совет Армияси сафида хизмат қилган. 1992-1995 йилларда Фармацевтика институти аспирантурасида илмий иш олиб борган. Батафсил Расмий саҳифаларимиз: Обуна бўлинг | Подпишитесь Telegram || Instagram

🇺🇿Устозлар хотираси ва қадр уйғунлиги Мирхаитов Тургинбой Мирхаитов Тургинбой 1941 йил 24 майда Тошкент вилоятининг Тошкент туманида тугилган. 1949 йилда ўрта мактабга ўқишга кириб, уни 1958 йилда тугатган. Жамоат ишларида фаол иштирок этган, мактаб бошлангич комсомол комитетининг раиси булиб ишлаган. Айникса кимё фанига кизикиши уни Тошкент Фармацевтика институтига етаклаб келган. 1960 йил Тошкент Фармацевтика Институтига кабул килиниб, 1965 йилда шу институтни Провизор ихтисослиги буйича Имтиёзли диплом билан тугаллаган ва институтнинг Аналитик кимё кафедрасига ишга қабул қилинган. Батфсил Обуна бўлинг | Подпишитесь ✅Ўз.Фармацевтлари ассоциацияси

🇺🇿Устозлар хотираси ва қадр уйғунлиги ПРОФЕССОР МАНСУР АЗИЗОВИЧ ТАДЖИЕВ М.А. Таджиев Тошкент шаҳрида зиёлилар оиласида таваллуд топди. 1964 йил ўрта мактабни тугатгач, шу йилнинг ўзида Тошкент фармацевтика институтига ўқишга кирди. 1969 йилда институтни имтиёзли диплом билан тугатгач, токсикологик кимё кафедрасида аввал изланувчи-тадқиқотчи, сўнгра 1972 йилдан ассистент лавозимида меҳнат қилди ва профессор Л.Т.Икромов раҳбарлигида илмий ишлар билан шуғулланди. Батафсил Обуна бўлинг | Подпишитесь ✅Ўз.Фармацевтлари ассоциацияси

🇺🇿Устозлар хотираси ва қадр уйғунлиги Шарипов Шавкат Наджимитдинович Шарипов Шавкат Наджимитдинович – Тошкент фармацевтика институти Дори турлари технологияси кафедраси доценти, фармацевтика фанлари номзоди. 1940 йил 1 апрелда Тошкент шаҳрида хизматчи оиласида дунёга келди. 1958 йили мактабни аъло баҳоларга битирди ва шу йилнинг ўзида Тошкент фармацевтика институтига синовлардан муваффақиятли ўтди ва талабалар сафига қабул қилинди. 1963 йилда институтда таҳсил олиб, шу институтнинг ўзида илмий ва педагогик фаолиятини бошлади. 1967 йилда эса аспирантурада ўқишни давом эттирди. 1972 йилда номзодлик диссертациясини муваффақиятли ҳимоя қилди. Батафсил Обуна бўлинг | Подпишитесь ✅Ўз.Фармацевтлари ассоциацияси

🇺🇿Устозлар хотираси ва қадр уйғунлиги Тошкент фармацевтика институти доценти, “Соғлиқни Сақлаш аълочиси” кўкрак нишони соҳиби Алимхонов Босит Алимхонович. 1932 йил ноябрь ойида Тошкент шаҳрида ишчи оиласида дунёга келди. 1950 йилда ўрта мактабни тугатиб, Тошкент халқ хўжалиги иқтисод институтининг тайёрлов курсида таълим олди. 1952 йил Тошкент фармацевтика институтининг талабаси бўлди. Алимхонов Босит талабалик даврида жамоат ишларида фаол фаол иштирок этиш билан бир вақтда фармацевтик кимё кафедрасида доцент Ибодов А.Ю. раҳбарлигида илмий изланишлар олиб борди. Изланишларининг натижасини эса илмий жамият конференцияларида эълон қилиб, маърузалар билан иштирок этди. 1957 йилда институтни тугатиб фармацевтик кимё кафедрасида ассистент бўлиб, ишга қолди. Алимхонов Босит Алимхонович фармацевтик кимё кафедрасида талабаларгага ўқув-услубий қўлланмалар тайёрлаш ишларида фаол қатнашди. Кафедра мудири доцент Ё.Қ.Қодиров раҳбарлигида “Дори воситаларини фармацевтик нуқтаи назаридан таҳлили” мавзусида илмий ишлар олиб борди. Батафсил Обуна бўлинг | Подпишитесь ✅Ўз.Фармацевтлари ассоциацияси

“Мир ученого”, профессора С.М.Махкамова В декабре этого года, профессору Ташкентского Фармацевтического института Султану Махкамовичу Махкамову исполнилось бы 90 лет. Несколько лет назад благодаря усилиям дочери Султана Махкамовича Камиле в свет была выпущена книга «Мир ученого», в которой рассказано о жизненном пути и научных достижениях С.М. Махкамова, посвятившего 60 лет своей жизни обучению и воспитанию студентов Ташкентского фармацевтического института.

Абзалов Акмал Абзалович . Ученая степень: кандидат биологических наук Ученое звание: профессор, Профессор Российской Академии Естествознания Закончив в 1962 году Ташкентский Государственный педагогический институт (в настоящее время универститет) А.Абзалов работал там ассистентом по физиологии и биохимии растений на кафедре Ботаники С 1965 по 1994 года работал сначала ассистентом (1965-1978), затем доцентом в Ташкентском Государственном аграрном университете. В 1971-1981 годах был заместителем декана ТашГАУ факультета Агрохимии и почвоведения, а в 1982-1994 годах деканом факультета Агрохимии и защиты растений. В 1994 году он перешёл в Ташкентский фармацевтический институт, в 1994-1996 годах принимал активное участие в создании факультета Агробиотехнологии и стал первым его деканом. В 1996-2004 годах был заведующим и доцентом кафедры лекарственных растений. Подробно

АМИНОВ СОБИРЖОН НИҒМАТОВИЧ Тошкент фармацевтика институти, Ноорганик, физик ва коллоид кимё кафедраси профессори, Ўзбекистон фан арбоби, кимё фанлари доктори, профессор Аминов Собиржон Ниғматович 1938 йил 2 августда Тошкентда ишчи оиласида дунёга келди. 1961 йилда Тошкент фармацевтика институтини имтиёзли диплом билан тугатиб, 1961-1962 йилларда Фанлар академиясининг “ГИДРОИНГЕО” институтида кичик илмий ходим лавозимида ишлади. 1962 йилда Фанлар академиясининг Элементорганик бирикмалар институтига аспирантурага қабул қилинди. 1965 йилда номзодлик диссертациясини мувафақитяли ҳимоя қилди. 1965-1977 йилларда С.Н. Аминов Фанлар академияси-нинг Кимё институтида катта илмий ходим лавозимида ишлади. 1978 йилдан Тошкент фармацевтика институти анорганик, физик ва коллоид кимё кафедрасининг мудири лавозимида фаолият олиб борди. 2018-2020 йилларда шу кафедра профессори лавозимида фаолият юритди. Батафсил АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

Пўлатова Тошбиби Пўлатовна 1932 йил 29 ноябрда Тошкент шаҳрида туғилди. 1955 йилда Тошкент фармацевтика институтини тамомлади. 1956 йилда Тошкент фармацевтика институтининг фармакогнозия кафедрасига аспирантурасига кирди. 1961 йилда “Бозулбанг ўсимлигининг баъзи турларини фармакагностик ўрганиш” мавзусида номзодлик диссертациясини ҳимоя қилди ва фармацевтика фанлари номзоди илмий даражасини олди. Т.П.Пўлатова ўзиниг педагогик фаолияти билан бирга Тошкент вилоятининг доривор ўсимликлар заҳирасини аниқлаш, доривор ўсимликлардан алкоголсиз фитопрепаратларни доривор ўсимликларда фармакогностик таҳлил қилиш муаммолар устида илмий изланишлар олиб борди. 1991 йилда профессор илмий унвонини олди. 1992 йилда “Дори воситалари олиш мақсадида ясноткадошлар оиласи вакилларини фармакогностик ўрганиш” мавзусида докторлик диссертациясини ҳимоя қилди ва фармацевтика фанлари доктори илмий даражасини олди. Батафсил ✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Хазанович Рахиль Львовна 1906 йил 9 октябрда Украинанинг Лохвица шаҳрида туғилган. 1929 йилда Харьков фармацевтика институтини тугатиб, 1929-1933 йилларда Прилуки шаҳридаги аптекада ассистент рецептор, 1934-1935 йилларда шу шаҳарнинг туман фабрикаси кимёвий лаборатроиянинг лавозимларида ишлаган. 1935 йилда Р.Л.Хазанович илмий-педагогик ишга ўтиб, 1935-1939 йилларда Днепропетровск фармацевтика институтининг фармацевтик кимё ва фармакогнозия кафедраси ассистент лавозимида ишлаган. Шу ерда у 1939 йилда “ Отқулоқ ўсимлигини фармакогностик ўрганиш ” мавзусида номзодлик диссертациясини муваффақиятли ҳимоя қилди. 1940 йилда Р.Л.Хазанович Ўзбекистонга келиб Тошкент фармацевтика институти фармакогнозия кафедрасини бошқара бошлади ва 40 йил давомида унинг мудири, сўнг 10 йилдан ортиқ кафедра профессори, консультанти лавозимларида ишлади. 1955 йилда Р.Л.Хазанович “ Ўзбекистоннинг сурги ва буриштирувчи таъсирли доривор ўсимликлари ” мавзусида докторлик диссертацияни ҳимоя қилди. 1957 йилда унга профессор илмий унвони, 1967 йилда эса Ўзбекистонда хизмат кўрсатган фан арбоби фахрий унвони берилди. Батафсил 🌹✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Холматов Ҳамид Холматович 1923 йилда 4 майда Қозоғистон Республикасининг Мерке шаҳрида тугилди. Тошкент фармацевтика институтини 1944 йилда битириб, Фармакогнозия мутахассислиги бўйича аспирантурага кирди. 1950 йилда Ҳ.Х. Холматов “Ўрта Осиёда ўсадиган 3 та далачой турини фармакогностик ўрганиш ” мавзусида номзодлик диссертациясини хцмоя қилди. 1947 йилдан фармакогнозия кафедраси ассистенти лавозимида педагогик фаолиятини бошлади. 1957 йилда унга доцент илмий унвони берилди. Ҳ.Х. Холматов 1953 йилдан бошлаб институт декани, 1959 йилдан ўқув ва илмий ишлари бўйича проректор, 1970-1985 йилларда институт ректори лавозимларида ишлади. Ўзбекистонда ёввойи ҳолда кенг тарқалган, халқ табобатида пешоб ҳайдовчи дори воситаси сифатида қўлланиладиган ўсимлик маҳсулотлари устида олиб борган илмий тадқиқот ишларини умумлаштириб, 1975 йилда Тбилиси тиббиёт институтида докторлик диссертациясини ёқлади. 1977 йилда унга профессор унвони берилди. Ҳ.Х. Холматов томонидан 300 дан ортиқ илмий асар чоп этилган, жумладан фармакогнозия фанидан ўзбек тилида фармацевтика институти ва коллеж талабалари учун 9 та дарслик ва амалий дарслар учун қўлланмалар, Ўзбекистон ва Марказий Осиёда ёввойи ҳолда ўсадиган доривор ўсимликлар бўйича 29 та монография, доривор ўсимликларга бағишланган 16 та оммабоп китоб, 5 та луғат, ҳамда Ибн Сино ишлатган доривор ўсимликлар бўйича битта маълумотнома чоп этилган. Унинг раҳбарлигида 8 та номзодлик ва 3 та докторлик диссертациялари ҳимоя қилинди. Батафсил ✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Рахимов Али Усмонович 1904 йил Қозоғистон республикасининг Чимкент вилоятида туғилди. Унинг отаси ўз замонасининг илғор инсонларидан бири бўлгани учун ўғлини революцияга қадар рус мактабида ўқитган. Октябрь революциясидан сўнг Чимкентда очилган янги ўрта мактабда Тошкент шахридан келган ёш педогоглар қўлида тахсил олган. А.У. Рахимов 1920 йилда ўз иш фаолиятини дастлаб Чимкент вилоятидаги Мирзо Улуғбек номидаги I даражали ўрта мактабда ўқитувчиликдан бошлади. 1923 йилда Тошкент шахрига келиган ва Ўрта Осиё Давлат университетининг ишчи факультети 2 курсига муваффақиятли қабул қилинган. 1925 йилда эса мазкур университетнинг қишлоқ хўжалиги факультетига қабул қилинган. Университетда ўқиш билан бирга Тошкент шахрининг “Машраб” номидаги 7 йиллик мактабда ва “Алишер Навоий“ номидаги ўрта мактабларда ўқитувчилик фаолиятини давом эттирди.шу даврларда бўлғуси халқ артистлари Карим Зокиров, Шукур Бурхонов ва бошқалар унинг қўлида тахсил олганлар. “Навои ва Наримонов” техникумда фаолият юритган даврларида бўғуси профессорлар М.А.Азизов ва М.Мирзарахимовлар хам Али Усмоновичдан тахсил олганлар. Али Усмоновичнинг шогирдларидан бўлган М. А. Азизов кейинчалик фармацевтика институтида ректорлик лавозимида фаолият юритган. Улар А.У. Рахимовни устоз деб хисоблайдилар. Батафсил ✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Қодиров Якуб Қодирович Тошкент фармацевтика институти, фармацевтик кимё кафедраси доценти, фармацевтика фанлари номзоди, доцент Қодиров Якуб Қодирович. Қодиров Якуб Қодирович 1922 йилда Тошкентда зиёлилар оиласида таваллуд топди. 1941 йилда Тошкент фармацевтика институтининг биринчи курсига ўқишга кириб 1945 йилда уни муваффақиятли тугаллаб “провизор” мутахассислигига эга бўлди. 1945 йилда фармацевтик кимё кафедрасига ассистент лавозимига ишга қабул қилинди. Бу даврда кафедрани Ўзбекистонда ҳизмат кўрсатган фан арбоби, профессор Зиновий Эммануилович Манулкин бошқарди. Унинг мутахассислиги кимёгар бўлган. Я.Қ. Қодиров кафедрада провизор мутахассислигига эга бўлган илк педагоглардан эди. 1952 йил Сеченов номли Москва тиббиёт институтининг фармация факультети илмий кенгашида “Экспрессный полумикрометод анализа фармацевтических препаратов и лекарственных форм” мавзусида фармацевтика фанлари номзоди илмий даражасини олиш учун диссертация ҳимоя қилди. У 1945-1952 йилларда фармацевтик кимё кафедрасининг ассистенти, 1952-1957 йилларда кафедра доценти, 1957-1974 йилларда кафедра мудири лавозимларида фаолият олиб борди. Батафсил ✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги АСАТОВ ИСМАТ Асатов Исмат 9 сентябрь 1929 йил Тошкент шаҳри, Беш-ёғоч даҳаси, ишчи оиласида туғилган. Меҳнат фаолиятини 1943 йил собиқ А.Навоий кинотеартида киномеханик лавозимидан бошлаган. И.Асатов 1946-1949 йилларда Ю.Ахунбобоев номли тиббиёт техникуми, 1949-1954 йилларда Тошкент Фармацевтика институтини имтиёзли диплом билан тамомлаган. 1954-1960 йилларда Ю.Ахунбобов номли тиббиёт техникумида ўқитувчи, бўлим мудири лавозимида ишлаган. 1960 йил илмий иш бошлаш ниятида Тошкент Фармацевтика институти биохимия кафедрасига ишга кирган ва шу кафедрада 1989 йилда турли лавозимларда ишлаган: стажёр-тадқиқотчи, аспирант, катта ўқитувчи. 1966 йил И.Асатов химия фанларига номзодлик диссертациясини мувоффақиятли ҳимоя қилган, 1970 йил Бутуниттифоқ олий аттестация комиссияси қарори билан “Доцент” унвони берилган. И.Асатов 50 ортиқ илмий мақолалар, 20 дан ортиқ методик қўлланмалар муаллифидир. Батафсил 🌹✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Тошмухамедов Эркин Рахимович Тошмухамедов Эркин Рахимович 1930 йил 15 февралда Тошкент шаҳрида туғилган. Оилада 3 фарзанд бўлишган.1938 йил Тошкентнинг Йўлдош Охунбобоев номидаги 45-мактабга борган.1948 йилда ўрта мактабни муваффақиятли тамомлалагандан сўнг Тошкент фармацевтика институтига кирди. Э.Р Тошмухамедов Тошкент фармацевтика институтини 1952 йилда имтиёзли диплом билан битирган. 1953 йил январь-октябрь ойларида 8-сонли дорихонада рецептар-назоратчи бўлиб ишлади.1953 йилда ноябрда Тошкент фармацевтика институтининг Дори турлари технологияси кафедраси таркибида фаолият кўрсатадиган Фармацевтика ишини ташкил қилиш курсига аспирантурага кирди. 1953 йил 16 ноябрдаги буйруғига кўра аспирантурани Москва фармацевтика институтида ўтадиган бўлди. 1956 йилда аспирантурани тугатиб, меҳнат фаолиятини Тошкент фармацевтика институтининг Фармацевтика ишини ташкил қилиш ва иқтисодиёти курсида ассистент лавозимида бошлади. Батафсил 🌹✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Икромов Латиф Тўлаганович Икромов Латиф Тўлаганович Ўзбекистон Энцеклопедияси ва Саломатлик Энциклопедияларининг доривор моддалар қисми бўйича муаллифларидан бири, Олий таълим аълочиси, профессор. 1932 йил Тошкент шаҳрида зиёли оилада дунёга келди. Латиф Икромов 1949 йил ўрта мактабни битиргач, Тошкент фармацевтика институтининг талаблари сафидан жой олди. 1954 йилда эса имтиёзли диплом билан битириб, Москва фармацевтика институтининг “Суд кимё” кафедрасига аспирантурага ўқишга юборилган. 1958 йили “Кобальт бирикмаларини биологик обьектлардан ажратиб олиш усуллари ва уларни суд кимё экспертизалар таҳлилида қўллаш” мавзусида номзодлик диссертациясини ҳимоя қилган. Ушбу диссертацияга Россияда хизмат кўрсатган фан арбоби, профессор Мария Дмитриевна Швайкова раҳбарлик қилган эди. Латиф Икромов Москвадан Тошкентга кайтгач, институтнинг “Суд кимё курсида” ассистент, сўнг “Фармацевтик кимё” кафедрасида катта ўқитувчи, 1961 йилдан эса “Суд кимё курси”да доцент бўлиб фаолият юритган. Латиф Тўлаганович педогогик ва илмий соҳада фаолияти юритиш билан бир вақтда институт маьмуриятида ҳам меҳнат қилди. 1959-1960 йилларда кундузги фармация факультетининг декани, 1964-1968 йилларда илмий ишлар бўйича проректор, 1965-1973 йилларда илмий кенгаш котиби, 1980-1984, 1993-1996 йилларда институт касаба уюшмаси раиси вазифасини бажарган. Латиф Икромовнинг ташаббуси билан Тошкент фармацевтика институтида 1966 йилда “Суд кимёгарлари” Бутун Иттифоқ ихтисослаштириш курси ташкил этилган. Натижада токсикологик кимё курсига “Токсикологик кимё” кафедраси мақоми берилди ва унга сайлов йўли билан ўтказилган танловда Латиф Тўлаганович кафедра мудири сифатида танлаб олинди. Батафсил 🌹✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Махсумов Минхож Носирович Тиббиёт фанлари доктори, профессор, Максумов Минхож Носирович 23 август 1928 йилда Тошкент шаҳрида зиёлилар оиласида тугилган. 1946-1951 йилларда Тошкент тиббиёт институтининг даволаш факультетида таҳсил олган. 1951 йилда Тошкент тиббиёт институтининг даволаш факультетини имтиёзли диплом билан битирган. 1951- 1958 йилларда Собиқ Иттифоқ ҳарбий қўшинлар сафида ҳарбий врач лавозимида ҳизмат қилган. Хизмат давомида тиббиёт хизмати капитани унвонини олган. 1958 – 1960 йилларда Ўзбекистон Фанлар академияси қошидаги Ўлка тиббиёт институтининг фармакология йўналиши бўйича аспирантурада тахсил олди. Аспирантурада таҳсил олиш жараёнида Ленинград (ҳозирги Санкт–Петербург ) “Экспериментал тиббиёт институти”да академик Сергей Викторович Аничков рахбарлигида илмий фаолият олиб борди. 1962 йилда Ленинграддаги “Экспериментал тиббиёт институти”нинг илмий кенгашида “Метамизил, метилдиерацил ва уларнинг йодметилатларининг меъда ичак трактига таъсирини ўрганиш” мавзусида номзодлик диссертациясини муваффақиятли ҳимоя қилди. 1962-1964 йиллар мобайнида Ўзбекистон Фанлар академияси қошидаги Ўлка тиббиёт институтида илмий фаолиятларини давом эттириш билан бир қаторда Тошкент Давлат тиббиёт институнинг фармакология кафедрасида педагогик фаолиятини олиб борди. 1964-1994 йилларда Тошкент фармацевтика институти катта ўқитувчиси, доценти, кейинчалик эса фармакология курси раҳбари лавозимида ишлаб келди. Батафсил 🍃🌹✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Ибодов Али Юсупович Тошкент фармацевтика институти, фармацевтик кимё кафедраси доценти, фармацевтика фанлари номзоди, доцент Ибодов Али Юсупович. Ибодов Али Юсупович 1923 йил Андижон шаҳрида таваллуд топган. 1941 йилда Тошкент фармацевтика институтининг биринчи курсига ўқишга кириб, 1945 йилда уни муваффиқиятли тугаллаб “провизор” квалификациясини эгаллаган 1946 йилда Тошкент фармацевтика институтининг фармацевтик кимё кафедрасига ассистент лавозимига ишга қабул қилинган. 1955 йилда “Некоторые новые методы количественного определения сульфаниламидных препаратов” мавзусида фармацевтика фанлари номзоди илмий даражасини олиш учун Сеченов номидаги Москва тиббиёт институтининг фармацевтика факультети илмий кенгашида диссертация ишини ҳимоя қилган. 1956 йилдан 1975 йилгача фармацевтик кимё кафедрасининг доценти, 1976 йилдан 1985 йилгача кафедра мудири ва 1985 йилдан 1997 йилгача кафедра доценти лавозимларида фаолият олиб борган. Али Юсупович Ибодов Тошкент фармацевтика институтининг ривожланишига беқиёс ҳисса қўшган устозлардан бири ҳисобланади. Батафсил 🍃🌹✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси