Atameken Business - Жаңалықтар

Алматыда Арбат саябағында белгісіз біреулер тұрғындарға өткір иісті баллон шашқан😨 Қалалық Полиция департаменті аталған фактіге қатысты түсініктеме берді.

"Қоғамдық орында бұрыш баллонды шашқан бұзақының кім екені анықталып жатыр. Ол міндетті түрде жауапқа тартылады", - деп хабарлады қалалық Полиция департаментінің баспасөз қызметі.

Бізге жазылыңыз -> t.me/atamekenbusiness_qaz

6 мыңға жуық қазақстандыққа арнаулы әлеуметтік төлем тағайындалды Бұрын хабарланғандай, 2024 жылдың 1 қаңтарынан бастап Қазақстанда зиянды еңбек жағдайларында ұзақ уақыт жұмыс істеген адамдарға арнаулы әлеуметтік төлем енгізілді. Арнаулы әлеуметтік төлем тағайындау үшін 55 жасқа толу және Бірыңғай жинақтаушы зейнетақы қорында (бұдан әрі – БЖЗҚ) кемінде 7 жыл кәсіптік зейнетақы аударымдарының болуы міндетті шарттар болып табылады. Төлем зейнеткерлік жасқа дейін төленеді. Бізге жазылыңыз -> t.me/atamekenbusiness_qaz

Ол Салтанаттың жағдайы жақсы деп жазуымды өтінді – Бишімбаев хабарласқан көріпкел Астанада Қуандық Бишімбаевтың сот отырысы жалғасып жатыр. Бүгін Бишімбаев Нүкенова қайтыс болар алдында хабарласқан көріпкелден жауап алынып жатыр. Оның айтуынша, ол Бишімбаевпен 1,5-2 жыл бұрын анасы Альмира Нұрлыбекова арқылы танысқан.

"9 қарашада ол қоңырау шалып: "Салтанат екеуміз мас болып, қатты ұрысып қалдық" деді. Мен мұны маңызды мәселе деп қабылдаған жоқпын. Бірінші қоңырау сағат 15.00-де және 16.00-де болды. Мен оған дереу жедел жәрдем шақыруды айттым. Ол маған: "қайдағы жедел жәрдем? Есін жинасын" деді. Оның ұйықтап жатқанын, қозғалмайтынын айтты. Ол адам төзгісіз болды. "Салтанаттың жағдайы жақсы" деп жазуымды сұрады. Ол мас болды", - дейді көріпкел.

Бізге жазылыңыз -> t.me/atamekenbusiness_qaz

Ресейлік журналист Ксения Собчак Қазақстандағы "ұят" ұғымын сынға алды Бишімбаевтың ісі бойынша сот отырысына қатысқан ресейлік журналист Ксения Собчак Қазақстандағы іссапарынан алған әсерлері және қазақстандық әйелдер туралы пікірімен бөлісті.

“Бірақ елде "ұят" деген ұғым бар және ол қоғамдық айыптауда байқалады. Және әйел консервативті нормалардан аса бастаса, оны осы арқылы ұялтады. Қысқа белдемшемен шықтың ба? Ұят. Бірнеше жігіт көзін салды ма? Ұят. Күйеуің ұрса да, ажырастың ба? Ұят. Әрине, бұл моральдық зорлық-зомбылыққа ұшыраған әйелдерге қосымша қысым жасайды”, – деп жазды ол.

Сөзінше, “ұят” мәдениетін қорғаушылар Қазақстандағы ұрпақты осылайша тәрбиелеп, әдептілікті ұстанып, “қателерден сақтағысы келгенімен, бұл дәстүрде архаизм байқалады.  Бізге жазылыңыз -> t.me/atamekenbusiness_qaz

Тасқын салдарынан баспанасыз қалған отбасыларды тұрғын үймен қамтуға 200 млрд теңге кетуі мүмкін. Бұл туралы Үкімет басшысының орынбасары Қанат Бозымбаев мәлімдеді. «Бірақ бұл нақты есеп емес. Себебі еліміздің бірнеше өңірінде жағдай әлі де тұрақталмады. Сондықтан кетер шығынды тап басып айту әзірге қиынға соғып тұр», - деді вице-премьер.

Қазақстандағы нәрестелер өлімін азайтуға кім және қалай көмектеседі UNICEF пен ДДҰ деректері бойынша Қазақстан тәуелсіздігінің алғашқы жылдарында елдегі неонаталдық өлім-жітім көрсеткіші 23 промиллеге жетті.  Бұл әрбір мың нәрестенің ішінен бес бала бір айға да жетпей көз жұмғанын білдіреді. Қазір жағдай бірнеше есе жақсарды - 2022 жылдың соңында нәрестелер өлімі 5 промилледен төмен болды. Бұл Еуропалық одақ елдеріне өте жақын және Орталық Азия елдері арасындағы ең жақсы көрсеткіш, деп жазады inbusiness.kz сайты. 

- Перинаталдық орталықтардың, перзентханалардың мыңдаған дәрігерлері мен медбикелерін біріктіретін еліміздің неонаталдық қызметінің негізгі мақсаты - медициналық көмектің сапасын ұдайы жақсарту. Ал сапа бірінші кезекте дәрігерлердің де, орта медициналық қызметкерлердің де біліміне, тәжірибесіне, дағдыларына байланысты. Екінші орынға перинаталдық орталықтардың ең заманауи әлемдік технологияларға, жаңа туған нәрестелерге күтім жасау тәжірибелері мен әдістеріне жауап беретін медициналық жабдықтармен жабдықталуын сенімді түрде қоя аламын. Бұл істе бізге AYALA қайырымдылық қоры көптен бері көмектесіп келеді. Бұл – елімізде 17 жылдан бері неонатология мен перинатологияға маманданған жалғыз ұйым. Біздің барлық қажеттіліктеріміз бен проблемаларымызды жақсы біледі, сондықтан әрқашан жабдықтар мен оқыту түрінде нақты көмекпен келеді, - дейді ҚР Денсаулық сақтау министрлігінің штаттан тыс бас неонатологы Бектұрған Карин.

Толығырақ оқу Бізге жазылыңыз -> t.me/atamekenbusiness_qaz

Майқайыңдағы апаттың алдын алуға болар еді Елімізде карьерлер мен шахталар мәселесін кешенді түрде қолға алатын уақыт жетті.  Сонымен жыл басында елді дүр сілкіндірген "Майқайыңалтын" оқиғасының алғашқы үкімі шықты. Астананың мамандандырылған ауданаралық әкімшілік соты: "меншік иесі 100% кінәлі" деген қорытындыға келді. Өйткені, қайғылы оқиға компаниядағы жауапты тұлғалардың әрекетсіздігінен туындаған. Опырылған үйінді астында қалған екі адам әлі күнге табылған жоқ. Бұл оқиға еліміздегі карьерлер мен шахталардың жағдайынан хабар бергендей. Мәселенің мән-жайын inbusiness.kz тілшісі зерттеп көрді. Сайтымыздан оқыңыз Бізге жазылыңыз -> t.me/atamekenbusiness_qaz

Қайырлы таң! Күндеріңіз сәтті өтсін!☀️ Бізге жазылыңыз -> t.me/atamekenbusiness_qaz

Жүре түзелетін көш кешігеді Оңтүстіктен Солтүстікке көшкен көштің көрікті болмауына басты себеп жергілікті биліктің уәдесінде тұрмауы. Басында биліктің айтқанына сеніп, соңында пұшайман боп кері қайтқан көп осылай деп отыр. Олардың айтуынша түстіктен теріскейге барғандар әу, баста берілген уәденің тек 50-60 пайызына ғана қол жеткізе алатын көрінеді. Қалғаны тек қағаз жүзінде қалады екен. Сондықтан үкімет көштің жүре түзелетініне сенбей, басынан бақылауды күшейтуі керек. Әйтпесе кеш болады деп отыр. Бізге жазылңыз -> t.me/atamekenbusiness_qaz