ዶ/ር ሶፎንያስ ኤርምያስ_Dr Sofonias Ermias

ሞቅ ያለ ውሃን መጠጣት አስገራሚ ጠቀሜታዎች አብዛኛዎቻችን ከአልጋችን ከተነሳን በኋላ ሰውነታችንን ለማነቃቃት እራሳችንን በትኩስ ቡና ወይም ሻይ ቀኑን እንጀምራለን፡ ውሃ በምንጠጣበት ጊዜም ቀዝቃዛ እንዲሆን እንመርጣለን ነገር ግን በአዩርቬዲክ ህክምና መሰረት ሁሉም ስህተት ናቸው። በተለይም በጠዋቱ ሞቅ ያለ ውሃን መጠጣት ሰውነታችን የተፈጥሮ በሽታ ተከላካይ ሕዋሳችን ውስጥ ሊገነባ የሚችል ሜታክቢክ ፈሳሽ በመፍጠር ሰውነታችንን መዳን ይችላል ሞቅ ያለ ውሃ መጠጣት አፋችን ባይጣፍጠንም ካፌይን እና ሻይ የመሳሰሉትን ለጤንነትዎ በእጅጉ መቀነሱ ጠቃሚ ሊሆን ይችላል።. ለዚህም ስድስት ምክንያቶችን ማስቀመጥ ይቻላል። 1. ጠዋት ላይ አንድ ሞቅ ያለ ኩባያ ዉሃ ከሰውነትዎ ዉስጥ መርዛማ ነገሮችን ለማፅዳት ይረዳል። ውሃ እና ሌሎች ፈሳሾች በሆድዎ ውስጥ ያለውን ምግብ ይሰብራሉ እና የምግብ መፍጫ ስርዓቱ በሂደት ላይ ያስጉዛሉ። 2.በባዶ ሆድ የሞቀ ዉሃ መጠጣት የሆድ ድርቀትንም ይከላከላል 3. ተፈጥሯዊ ከፍተኛ ኃይል ያለው የቤት ውስጥ መድሐኒት ተብሎ የሚጠራው የሞቀ ውሃ, ከወር አበባ እና የራስ ምታ ህመምን ለማስታገስ ሊረዳ ይችላል። 4. አንድ ብርጭቆ ሞቃት ውሃን ማለዳ ማለዳ መጀመሪያ ላይ መጠጣት ክብደትን ለመቀነስ ሊረዳ ይችላል። ከዚህ በተጨማሪም የጨጓራና ትራክት እና ኩላሊት የተሻለ ጤንነት ወይም አገልግሎት እንዲኖረው ይረዳል 5. የደም ዝውውርን ያሻሽላል፡ ይህም ጡንቻዎች ዘና እንዲሉ በማድረግ, ደካማ የደም ዝውውርን እና ፍሰትን ያስወግዳል 6. ከእድሜ ቀድሞ የሚመጣን እርጅና ያዘገያል። በሰውነታችን ውስጥ መርዛማ ነገሮች መኖራቸው ወደ እርጅና በፍጥነት እንዲያመራ ያረገዋል, ነገር ግን የሞቀ ውሃው ሰውነታችንን ከነዚህ መርዛማ ንጥረ ነገሮች ለማጽዳት ይረዳል። የቆዳ ሴሎችን በመጠገን የቆዳችንን የመሳብ /elasticity ይጨምራል ዶ/ር ሶፎኒያስ ኤርሚያስ በቴሌግራም 👇 https://t.me/DrSofonias

❕በሴቶች ላይ በወሲብ ጊዜ የሚፈጠረው ህመም መንስኤ ምንድነው? 👉 ብዙውን ጊዜ አንዲት ሴት ወሲብ ስታደርግ በቂ የሆነ የሴት ብልት ቅባት ካላመነጨች ህመም ሊያጋጥማት ይችላል ይህ እንዳይፈጠር ሴቷ ይበልጥ ዘና ብላ ከወሲብ በፊት ረዘም ላለ ጊዜ በወርም አፕ ብልቷን ማዘጋጀት አለባት በአንዳንድ ሴቶች የፈሳሽ መጠን ማነስ መዘግየት ወይም ጭራሽኑ ያለማመንጨት ችግር ሲያጋጥም ፍቅረኛሞች ወይም ባለትዳሮች የወሲብ ቅባት በባለሙያ በማሳዘዝ በመጠቀም ህመሙ ሊፈታ ይችላል ፡፡ 👉 ሌላ የተለመደ ሁኔታ ደግሞ በሴት ብልት ጡንቻዎች ውስጥ ያለፈቃድ ሽፍታ መከሰት ነው ፣ አንዳንድ ጊዜ ጉዳት እንዳይደርስ በመፍራት ፣ በማፈር እና በመሸማቀቅ ይከሰታል ። ለዚህ ደግሞ አዕምሮን በማሳመን እና ወደ ደስታ ስሜት በመቅረብ ይህ ችግር እንዳይፈጠር ማድረግ ይቻላል ። 👉 የሴት ብልት ኢንፌክሽኖች። እነዚህ ሁኔታዎች የተለመዱ እና በአብዛኛው በልብስ አለመመቸት ፣ በአየር እና ውሃ መቀያየር እንዲሁም በንፅህና ጉድለት የሚመጡ ኢንፌክሽኖችን ያጠቃልላሉ ፡፡ እነዚህ ኢንፌክሽኖች በቀላሉ ራስን በመንከባከብና በሀኪም በሚታዘዙ መድሀኒቶች ሊወገዱ ይችላሉ ። 👉 በማህጸን ጫፍ ላይ ያሉ ችግሮች (ወደ ማህፀኑ መከፈት) ፡፡ በዚህ ሁኔታ ብልቱ ከፍተኛ ዘልቆ ወደ ማህጸን ጫፍ መድረስ ይችላል ፡፡ ስለዚህ በማህፀን በር ላይ ያሉ ችግሮች (እንደ ኢንፌክሽኖች) በጥልቀት ዘልቆ በሚገቡበት ጊዜ ህመም ሊያስከትሉ ይችላሉ ፡፡ 👉 ኢንዶሜቲሪዝም. ይህ ከማህፀኑ ውጭ ከማህፀኑ መስመር ጋር የሚያድግ እጢ የሚከሰትበት ሁኔታ ነው ፡፡ በእንቁላል ላይ የሚገኙትን የቋጠሩ እባጮች ሊያካትቱ ይችላሉ ፡፡ 👉ማረጥ በማረጥ ጊዜ የሴት ብልት ሽፋን መደበኛውን እርጥበት ሊያጣ እና ደረቅ ሊሆን ይችላል ፡፡ 👉 ከቀዶ ጥገና ወይም ከወሊድ በኋላ ብዙም ሳይቆይ ወሲብ መፈጸም ። ምንጊዜም ከየትኛውም አይነት ወሊድ በኋላ ቢያንስ ለስድስት ሳምንታት ከግንኙነት መቆጠብ አለብን ። 👉በግብረ ሥጋ ግንኙነት የሚተላለፉ በሽታዎች. እነዚህም የብልት ኪንታሮት ፣ የሄርፒስ ቁስሎች ወይም ሌሎች የአባለዘር በሽታዎችን ሊያካትቱ ይችላሉ ፡፡ 👉 በሴት ብልት ወይም በሴት ብልት ላይ ጉዳት። እነዚህ ጉዳቶች ከወሊድ ከወሊድ ወይም በወሊድ ወቅት በሴት ብልት እና በፊንጢጣ መካከል ባለው ቆዳ አካባቢ ከተሰራ ቁራጭ (ኤፒሶዮቶሚ) እባጭ ሊያካትቱ ይችላሉ ፡፡ 👉 ቮልቮዲኒያ. ይህ የሚያመለክተው በሴት ውጫዊ የወሲብ አካላት ላይ ተጽዕኖ የሚያሳድር ሥር የሰደደ ህመምን ነው - በአጠቃላይ ብልት ተብሎ የሚጠራው - የላባውን ፣ ክሊቱን እና የሴት ብልት ክፍተትን ጨምሮ ፡፡ በአንድ ቦታ ላይ ብቻ ሊከሰት ይችላል ፣ ወይም ከአንድ ጊዜ ወደ ሌላው በተለያዩ አካባቢዎች ይነካል ፡፡ ሐኪሞች ምን እንደ ሆነ አያውቁም ፣ እና የታወቀ መድኃኒት የለም ፡፡ ነገር ግን ከሕክምና ጋር ተደምሮ ራስን መንከባከብ እፎይታ ለማምጣት ይረዳል ፡፡ ✅ ከሁሉም በላይ ግን በግልፅ ከፍቅረኛና ከትዳር አጋር ጋር በግልጽ በመነጋገር እና ወደ ህክምና በማቅናት ከዘመናት ህመምና ጭንቀት በአንድ ቀን ቀላል ምክር እና ነፃ ህክምና እፎይ ማለት ይቻላል ።

እባካችሁ በደንብ ይነበብ ጠቃሚ መረጃ ነው ይድረስ ለሴቶች እህቶቼ ማሳሰብያ ለሴቶች!! ለእረጅም ጊዜ ተረከዛቸው ከፍ ያለ(hill) ጫማዎችን ማድረግ ቋሚ ለሆነ የአጥንት መታጠፍና(hammer toes) መሸሽ(bunions) ያጋልጣል።ይህም የሚሆነው የእግር የፊተኛው መዳፍ ላይ የሰውነት ክብደት ሙሉ በሙሉ በማረፉ ምክንያት በሚፈጠር ጫና ነው።የጫማው ተረከዝ ከፍታ በጨመረ ቁጥር የሚፈጠረውም ጫና በዛው ልክ ይጨምራል። ይህም ጫና ለጉልበትና ለጀርባ አጥንት ጉዳት መነሻ ምክንያትም ነው።በመሆኑም አዘውትሮ እንደዚህ አይነት ጫማዎችን ማድረግ ለጉዳት ያጋልጣል። *እባክዎትን ለሌሎችም ያጋሩ* ዶ/ር ሶፎኒያስ እርሚያስ በቴሌግራም 👇 https://t.me/DrSofonias

የሴት ብልት የፈንገስ ኢንፌክሽን (Vulvovaginal yeast infection) የሴት ብልት የፈንገስ ኢንፌክሽን ምንድን ነው? የሴት ብልት የፈንገስ ኢንፌክሽን በሴት ብልት የውጨኛው ቆዳ ላይ የመቆጣት እና የማሳከክ ስሜት የሚያስከትል ኢንፌክሽን ነው። ይህ ኢንፌክሽን የሚከሰተው ካንዲዳ(candida) በመባል በሚጠራው የፈንገስ ዝርያ ነው። የሴት ብልት የፈንገስ ኢንፌክሽን ምልክቶችና የህመም ስሜቶች ምንድን ናቸዉ? ምልክቶቹ የሚከተሉትን ያካትታሉ ● የሴት ብልት የውጨኛው ቆዳ ማሳከክ ● የሽንት ማቃጠል ● የሴት ብልት እና የሴት ብልት የውጨኛው ቆዳ ማቃጠል፣ መቅላት ወይም መቆጣት ● በወሲብ ወቅት ህመም ● የሴት ብልት ፈሳሽ አንዳንድ የሴት ብልት የፈንገስ ኢንፌክሽን ያላቸው ሴቶች ከሴት ብልት ውስጥ ትንሽ ፈሳሽ ሊኖራቸው ይችላል። ይህ ፈሳሽ በአብዛኛው ነጭና እንደ አይብ የሚበጣጠስ ነው። ነገር ግን ቀጭን እና እንደ ውሃም ሊሆን ይችላል። ምልክቶቼ በፈንገ ኢንፌክሽን ምክንያት መሆኑን እንዴት አውቃለሁ? አብዛኛዎቹ ሴቶች የምልክታቸው መንስኤ የሴት ብልት የፈንገስ ኢንፌክሽን ይሁን ወይም ሌላ ነገር ይሁን ሊያውቁ አይችሉም ። የሴት ብልት የፈንገስ ኢንፌክሽን ምልክቶች ከሌሎች የሴት ብልት ኢንፌክሽን ምልክቶች ጋር ተመሳሳይ ናቸው ፤ ስለዚህ ምርመራ ሳያደርጉ በዚህ ምክንያት ነው ብሎ ለመናገር በጣም አስቸጋሪ ነው። እርግጠኛ ለመሆን ሃኪም ወይም ነርስጋ ቀርቦ መታየት እና ከማህጸን ፈሳሽ ናሙና ተወስዶ የላቦራቶሪ ምርመራ ማድረግ ያስፈልጋል። የሴት ብልት የፈንገስ ኢንፌክሽን እንዴት ነው የሚከሰተው? የሴት ብልት የፈንገስ ኢንፌክሽን የሚያመጣው ፈንገስ አብዛኛውን ጊዜ በአንጀት ውስጥ እና በሴት ብልት ውስጥ ይኖራል። ይሁንና የፈንገሱ ቁጥር አነስተኛ በመሆኑ አብዛኛውን ጊዜ የበሽታ ምልክቶች አይኖርም። የተወሰኑ መድሃኒቶች (በተለይም አንቲባዮቲክስ) ፣ ጭንቀትና ሌሎች ምክንያቶች ፈንገሶቹ እንዲባዙ ሊያደርጉ ይችላሉ። ይህ በሚሆንበት ጊዜ የማህጸን የፈንገስ ኢንፌክሽን ምልክት መታየት ይጀምራ። ከስር የተዘረዘሩት ለሴት ብልት የፈንገስ ኢንፌክሽን የሚያጋልጡ ሁኔታዎች ናቸዉ ●የአንቲባዮቲክስን መጠቀም ●የወሊድ መቆጣጠሪያ እንክብሎች መጠቀም ●የስኳር በሽታ ●እርግዝና ●የተዳከመ የሰውነት የበሽታ መከላከያ ስርዓት (የኬሞቴራፒ ሕክምና፣ኤች አይ ቪ) የሴት ብልት የፈንገስ ኢንፌክሽን እንዴት ይታከማል? ለሴት ብልት የፈንገስ ኢንፌክሽን የሚሆኑ መድኃኒቶች ​​ሊወስዱ ይችላሉ። መድኃኒቶች የሚዋጡ ወይም በሴት ብልት ውስጥ የሚቀመጡ ሊሆኑ ይችላሉ። በሴት ብልት ውስጥ የሚቀመጡት መድሃኒቶች በክኒን ወይም በክሬም መልክ ሊመጡ ይችላሉ። ለሴት ብልት የፈንገስ ኢንፌክሽን የሚወሰዱ ሁሉም መድሃኒቶች ኢንፌክሽኑን የሚያስከትሉ ፈንገሶችን በመግደል ይሰራሉ። ጥሩ ስሜት የሚሰማኝ መቼ ነው? ሕክምና እንደጀመሩ በጥቂት ቀናት ጊዜ ውስጥ ጥሩ ስሜት ሊሰማዎት ይችላል። ህክምናን ካጠናቀቁ በኋላ ካልተሻለዎት ​​ዶክተርዎን ወይም ነርስዎን እንደገና ማየት አለብዎት ፤ ተጨማሪ መድሃኒት መውሰድ ወይም ሌላ መድሃኒት መውሰድ ይኖርብዎት ይሆናል። ባለቤቴስ ህክምና ማድረግ ይጠበቅበታል? የሴት ብልት የፈንገስ ኢንፌክሽን በግብረ ስጋ ግንኙነት የሚተላለፍ አይደለም ። አልፎ አልፎ ከአንዱ ወደ አንዱ የመጋባት ሁኔታ ቢስተዋልም ፤ ባለሙያዎች የወሲብ ጓደኛ ህክምና እንዲያደርግ አይመክሩም። ..................................................... @DrSofonias

ልጆዎ በድንገት ነስር ቢነስረው ከዚህ በታች የተዘረዘሩትን 8 ነገሮች ተግባራዊ ያድርጉ‼️ 🛑 ነስርን ብዙ ጊዜ ቤት ዉስጥ በቀላል ዘዴዎች ማቆም ስለሚቻል በመጀመሪያ እርሶ መረጋጋት ይኖርቦታል❗️ 🛑 በመቀጠል ልጆዎ ጭንቀላቱን ትንሽ ወደ ፊት ዘንበል አርጎ አፍንጫው አጥንት በታች ያለውን ለስላሳ የ አፍንጫ ክፍል ቢያንስ ለ10 ደቂቃ ጫን አርጎ መያዝ :: 🛑 ቶሎ ከለቀቁ መልሶ ሊደማ ይቺላል 🛑 በዝህ መንገድ ቀላል ነስር ከሆነ ይቆማል ካልተሳካ ግን ለተጨማሪ 10 ደቂቃ አሁንም ደግሞ አፍንጫውን ጫን አርጎ መያዝ ይኖርቦታል 🛑 በሁለት ሙከራዎች ወይም በ 20 ደቂቃ ዉስጥ ካልቆመ በአፋጣኝ ወደ ሆስፒታል ይሂዱ‼️ 🛑 ልጆዎ በአፉ እንዲተነፍስ ይንገሩት 🛑 ⚠️ ይጠንቀቁ ❗️ በፍፁም ልጆዎን ወደ ላይ ቀና ማድረግ ወይም ማንጋጠጥ የለበትም:: ምክንያቱም ቀና ስላለ ደሙ ወደ ውጭ አይፍሰስ እንጂ ወደ ዉስጥ በምግብ ቱቦ በኩል በብዛት እንዲፈስ እና ወደ ጨጓራው እንዲገባ ያረጋል ይሄ ደሞ ከፍተኛ የደም ማነስ እና ትውከት ሊያስከስት ይቺላል:: ⚠️ ሶፍት ወይም ሌላ ነገር ወደ አፍንጫ አይክተቱ ምክንያቱም እነዚህ ነገሮች መድማቱን ሊጨምሩት ይቺላሉ ⚠️ የልጆን ሁኔታ በቅርበት ይከታተሉ ⚠️ ነስሩ ከቆመ በኋላ ለተወሰነ ሰዓት ልጆ አፍንጫውን እንዳይነካካ እና በኃይል እንዳይናፍጥ ከባድ ነገር እንዳያነሳ ያርጉት 🔺 የልጆች ነስርን መከላከል ይቻላል። 👉 መከላከል ይቻላል ሆኖም ሙሉ ለሙሉ ማስወገድ ግን የሚቻለው በሀኪም ሲታከም ነው:: ስለዚህ መከላከያ መንገዶቹ ምንድናቸው? 📌 ልጆች አፍንጫቸውን ለአደጋ ከሚያጋልጡ ነገሮች ማራቅ 📌 አፍንጫቸውን እንዳይነካኩ ማስተማር 📌 የልጆች ጥፍርን ማሳጠር 📌 የአየር ንብረቱ ደረቅ ከሆነ አፍንጫቸው ዉስጡን ቫዝሊን በመጠኑ መቀባት ወይም እንፋሎት መታጠን 📌 ጉንፋን እና አለርጂን በአግባቡ መታከም 📌 መድሃኒቶችን ያለ ሀኪም ትእዛዝ አለመውሰድ 📌 ቋሚ የህፃናት ሕክምና ክትትል ማድረግ 👩‍⚕️ወደ ሆስፒታል መሄድ ያለበት መቼ ነው ⁉️🏥 🔺 ከላይ እንደ እንደተጠቀሰዉ የማይቆም ከሆነ 🔺 ባንዴ ብዙ ደም መፍሰስ ካለ (ከ1 ስኒ በላይ) 🔺 ልጆዎ ራስ ማዞር እና መሳት ካለው 🔺 ተደጋጋሚ ነስር እና የጥርስ መድማት ካለ 🔺 ቆዳው በቀላል ምት (አደጋ) የሚበልዝ ከሆነ 🔺 ከ 2 ዓመት በታች ነስር ከተከሰተ 🔺 ልጆዎ ከዚህ በፊት የደም ማነስ ካለበት 🔺 ተከታታይ ደም የቀላቀለ ትውከት ካለበት

የነጭ ሽንኩርት መድኃኒትነት ***** 1. ነጭ ሽንኩርት ስራን በትክክል ለማከናወን፣ የሰውነት ሕዋሳትን ጤናማ ለማድረግ ፣ድካምን ለማስወገድ፣ዕድሜን ለመጨመር፣በአይጥና በልዩ ልዩ ተባዮች የሚመጡትን ተስቦ በሸታዎችን ለመከላከል ነጭ ሽንኩርት መብላት በጣም ጠቃሚ ነው፡፡ 2. ማንኛውም ሰው መጥፎ ሽታ ባለበት አካባቢ ለፅዳት ከመሰማራቱ በፊት ነጭ ሽንኩርት ከትፎ ቢበላ ከማንኛውም በሽታ ከሚያመጡ ተዋህሲያን ለመዳን ይቻላል፡፡ 3. በቂ ሕክምና በሌለበት አካባቢ በቁስል ለሚሰቃይ ሕሙማን በነጭ ሽንኩርት ጭማቂ አጥቦ በቁስሉ ዙሪያ በመደምደም በፋሻ ወይም በንፁህ ጨርቅ በማሰር ሕመምተኛውን ለመፈወስ ይችላል፡፡ 4. ነጭ ሽንኩርት ቀቅሎ እንፋሎቱን የካንሰርንና የቲቢ በሽታዎችን ለመከላከልና በሳንባ አካባቢ ብርድና ጉንፋን ለማዳን ፍቱን መድኃኒቱ ነው፡፡ 5. ብርድ ብርድ በሚያሰኝ ሕመምና በተለይም በጥርስ ሕመም ለሚሰቃዩት ሕሙማን ሁለት ራስ ነጭ ሽንኩርት የውስጠኛውን ሽፋናቸውን በመላጥ በሁለቱም ጉንጫቸው በተለይም በተነቃነቀው ጥርስ በኩል ነክሰው ረዘም ላሉት ሰዓት ቢጠቀሙበት መልሶ መልሶ ይጠነክራል፡፡ 6. ለአስም፣ ለጉሮሮ ክርካሪ ወይም ኮርታ ለተባለው በሽታ እንዲሁም ጉሮሮ ለማፅዳት የነጭ ሽንኩርት ጭማቂ በስኳር ወይም በማር መጠጣት የተፈተነ መድኃኒት ነው፡፡ 7. ነጭ ሽንኩርት የራስ ምታትና የደም ብዛት ያለባቸው ሰዎች ከ3 እስከ 5 ቀናት በማከታተል ሦስት ሦስት ፍንካች በቀን ሦስት ጊዜ ቢበሉ ከድካምና ከደም ብዛት ሊፈወሱ ይችላሉ፡፡ 8. በደም መርጋት ምክንያት ለሚሰቃዩ ፣የልብ በሽታን፣ የፊንጢጣ ኪንታሮትና የእግር ደም ሥር እብጠት varicose የተባሉትን በሽታዎች ለመከላከልና ለመዳን ነጭ ሽንኩርት በመብላት መፈወስ ይችላል፡፡ 9. ነጭ ሽንኩርት የቆላ ቁስል፣ችፌን፣የጨጓራ በሽታን ወረርሽኝን ኮሌራን ሳይቲካን የቁርጥማትን ሕመምን እንደሚያድን የተረጋገጠ ነው፡፡ እባክዎን ይህን ጠቃሚ መረጃ ለወገኖ እንዲደርስ Share በማድረግ ይተባበሩን! ምስጋናችን ከልብ ነው!

የኩላሊት ህመም ምልክቶች የኩላሊት ምልክቶች ሕመም አብዛኛውን ጊዜ ምልክት የለሽ ናቸው፡፡ እነዚህ የህመም ምልከቶች ከታዩም ደግሞ ከህሙማን ሕሙማን ይለያያሉ፡፡ በተለይ የሕመሙ መጀመሪያ አካባቢ መለየት አስቸጋሪ ነው፡፡ ይሁን እንጂ አበይት ምልክቶቹ የሚከተሉት ናቸው፡፡ • የፊት እብጠት ብዙ ጊዜ የፊት ፣ የሆድ እና የእግር እብጠት የኩላሊት ህመም መለያ ናቸው፡፡ በኩላሊት ህመም ምክንያት የሚከሰት እብጠት በመጀመሪያ ከዐይን ሽፋን በታች ሊከሰት ይችላል፡፡ (ይህ የፔሪኦሮቢታል እብጠት ይባላል) በተለይ በማለዳ ጎልቶ ይታያል፡፡ ነገር ግን ሁሉም እብጠት የ የኩላሊት ሕመምን ያመለክታል ማለት አይደለም፡፡ በተወሰኑ የኩላሊት ህመሞች ውስጥ መደበኛ የኩላሊት ሥራ ቢኖርም እብጠት ይከሰታል (ለምሳሌ ኔፍሮቲክ ሲንድሮም)። ከባድ ህመም ቢከሰትም በአንዳንድ ታካሚዎች ላይ እብጠት ላይታይ ይችላል፡፡ • የምግብ ፍላጎት ማጣት ማቅለሽለሽ ፣ ማስመለስ የምግብ ፍላጎት ማጣት ፣ በአፍ ውስጥ ያልተለመደ ጣዕምና የምግብ መመገብ ደካማነት የኩላሊት ችግር ምልክቶች ናቸው:: • ከፍተኛ የደም ግፊት አብዛኛውን ጊዜ የኩላሊት ችግር ያለባቸው ታካሚዎች የደም ግፊት ይኖራቸዋል። የደም ግፊት ችግር በወጣትነት ዕድሜ (ከ 30 ዓመት በታች) ከተገኘ ወይም በምርመራው ወቅት የደም ግፊት በጣም ከፍተኛ ከሆነ ምክንያቱ የኩላሊት በሽታ ሊሆን እንደሚችል መጠርጠር ያስፈልጋል። • የደም ማነስ እና ድክመት የደም ማነስ ችግር ያለበት ሰው ቶሎ መድከም ፣ ማተኮር አለመቻል እና የቆዳ መገርጣት ዋንኛ ምልክቶች ናቸው። አንዳንድ ጊዜ ሥር የሰደደ የኩላሊት መድከም የመጀመሪያ ደረጃ ላይ አነዚህ ብቸኛ ምልክቶች ሊሆኑ ይችላሉ። የደም ማነስ ያለበት ሰው በመደበኛ ህክምና በሚሰጡ መድኃቶች ካልዳነ፣ የኩላሊት ህመም እንዳለበት መጠርጠር ያስፈልጋል። ከዚህም ተጨማሪ ምልክቶች -መለስተኛ ደረጃ የጀርባ ህመም ፣ አጠቃላይ የሰውነት ህመም ፣ እና የእግር ማሳከክ እና ህመም በኩላሊት ህመም ውስጥ ተደጋጋሚ የሚታዩ ምልክቶች ናቸው። በልጆች ላይ ደግሞ በሚገባ አለማደግ ፣የቁመት ማጠር እና የእግር አጥንት ቀጥ አለማለት የህመሙ መኖር ማሳያ ነው፡፡ ብዙ ጊዜ የሚታዩ ምልክቶች 1. የሽንት መጠን መቀነስ የኩላሊት ህመሞ በጣም የተለመደ ነው። 2. በመሽናት ወቅት የሚያቃጥል ስሜት ፣ በተከታታይ መሽናት (ያልተለመደ ድግግሞሽ) እንዲሁም ደም ወይም መግል በሽንት ውስጥ ማየት እና የሽንት ቧንቧ ህመም በሽታውን የሚያሳዩ ምልክቶች ናቸው። 3. የሽንት ፍሰት መዘጋት ሽንትን ለማውጣት ችግር ይሆናል፡፡ ምንም እንኳን አንድ ሰው ከላይ ከተዘረዘሩት ምልክቶች መካከል የተወሰኑት ሊያሳይ ቢችልም የግድ ሰውዬው በኩላሊት ህመም ተይዟል ማለት ግን አይደለም። ሆኖም እንደዚህ አይነት ምልክቶች ባሉበት ሁኔታ ሐኪምን ማማከር እና የኩላሊት ህመም እና ሌሎች ህመሞች መኖር ወይም አለመኖራቸውን በደም እና በሽንት ናሙና ምርመራዎች ማረጋገጥ ያስፈልጋል፡፡

የጨጓራ በሽታ አለብዎት? እንግዲውስ መፍትሄዎቹን እነሆ ሰላም ጤና ይስጥልኝ ውድ የኢትዮጤና ገጽ ተከታታዮች ለጨጓራ ህመም መፍትሄ የሚሆኑ ሃሳቦችን ይዘን ቀርበናል እንዲያነቡት ተጋብዘዋል፡፡ የጨጓራ በሽታ መፍትሄ ወይም ህክምና የሚሆነው በመጀመሪያ የጨጓራ ህመማችን ምን ዓይነት ምግቦች ስንመገብ ወይም ምን ዓይነት ተግባሮች ስናደርግ ሊነሳብን እንደሚችል ለይተን ማወቅ ተገቢ ነው፡፡ የጨጓራ ግድግዳ መድከም ወይም መሳሳት በቀላሉ ግድግዳው ለምግብ መፍጫ አሲዶች እንዲጋለጥ ስለሚደርገው ለቁስለት ይዳረጋል በዚህ አማካይነት የጨጓራ በሽታ ይከሰታል፡፡ የተጐዳ እና ስስ የጨጓራ ግድግዳ ካለዎት በጨጓራ በሽታ የመያዝ ዕድልዎ ይጨምራል፡፡ በተጨማሪም ሌሎች የጨጓራ በሽታ መነሻ ምክንያቶች አሉ፡፡ የጨጓራ ባክቴሪያ በመባል የሚጠራው ኤች. ፓይሎሪ (H.Pylori) አንዱ የጨጓራ በሽታ መነሻ ነው። ይህ ባክቴሪያ የጨጓራ ግድግዳን የሚያጠቃ ሲሆን በቀላሉ ከሰው ወደ ሰው ይተላለፋል በተጨማሪም በተበከለ ውሃ እና ምግብ ይተላለፋል፡፡ ☑️ ሌሎች ለጨጓራ ሊያጋልጡ ከሚችሉ ምክንያቶች መካከል፦ 🔹 ከመጠን ያለፈ አልኮል መጠጣት 🔹 በመደበኛ ሁኔታ የህመም ማስታገሻ መድሃኒቴች መጠቀም ለምሳሌ፦ ኢቡፕሮፊን፣ አስፕሪን እና ኮኬይን መጠቀም 🔹 ዕድሜ (የጨጓራ ግድግዳ ዕድሜ በጨመረ ቁጥር እየሳሳ ይመጣል) ሌሎች ለጨጓራ ህመም መነሻ ዝቅተኛ አስተዋጽኦ ካላቸው ምክንያቶች መካከል፤ በህመም፣ በአደጋ ወይም በቀዶጥገና ጊዜ በሚፈጠር ጭንቀት፣ በቫይረስ ኢንፌክሽን እና በምግብ ስልቀጣ ወይም መፈጨት ችግሮች ሊከሰት ይችላል፡፡ ☑️ ጨጓራን በቤት ውስጥ እንዴት ልንከላከለው ወይም ልናክመው እንችላለን? 🔺 ሲጋራ ማጨስዎን ያቁሙ። 🔺 ከመጠን ያለፈ አልኮል አይጠጡ። 🔺 ካፌይን ያላቸው መጠጦችን አይጠጡ። ለምሳሌ ቡና እና ሻይ። 🔺 ሲትሪክ አሲድ ያላቸውን የፍራፍሬ ጭማቂዎችን አይጠጡ። ለምሳሌ፦ ብርቱካን፣ ሎሚ፣ ወይን ወዘተ 🔺 ከፍተኛ የቅባት ወይም ፋት ይዘት ያላቸውን ምግቦች አይመገቡ፡፡ 🔺 በፋይበር እና ፍላቮኖይድ የበለፀጉ ምግቦች ኤች. ፓይሎሪ (H. Pylori) የተባለውን የጨጓራ ባክቴሪያ ዕድገት ስለሚገቱ በጣም ጠቃሚ ናቸው። 👉 ከእነዚህ ምግቦች መካከል:- 🔸 ቀይ ሽንኩርት 🔸 ነጭ ሽንኩርት 🔸 አበባ ጐመን 🔸 የምግብ ማጣፈጫ ተክል 🔸 ጦስኝ 🔸 ሽምብራ እና 🔸 አንዳንድ የሻይ ዓይነቶች ይጠቀሳሉ፡፡

☑️ በርግጥ መንታ የማርገዝ እድልን እንዴት ማስፋት ይቻላል? ዶክተሮች በአንዳንድ አርግዝናዎች ላይ እንዴት መንትዮችን ማርገዝ እንደሚቻል ሙሉለሙሉ አልተረዱትም ይላሉ የዘረፉ ባለሙያዎች፡፡ ብዙ ጊዜ በማህፀን ውስጥ ሁለት የዳበሩ እንቁላሎችን የወንድ የዘር ፍሬ ሲያገኛቸው አልያም አንድ እንቁላል ከወንድ ዘር ጋር ከተገናኘ በኋላ ለሁለት ከተከፈለ መንትያዎች የመፈጠር እድል አላቸው የሚል እንዲሁ አጠቃላይ መላምት ቢኖራቸውም እስካሁን በደረሱበት ምርምር ግን መንታ ልጆች ሊረገዙባቸው የሚችሉባቸውን ምክንያቶችን ያስቀምጣሉ፣ 🔹 እድሜ እንደ የሴቶች ጤና ቢሮ መረጃ ከሆነ እድሜዋ 30 አልያም ከሰላሳ በላይ የሆነች ሴት መንታ የመፀነስ እድሏ የሰፋ ነው፡፡ ለዚህ ዋነኛው ምክንያት በዚህ እድሜ ላይ የሚገኙ ሴቶች በመራቢያ ወቅታቸው ጊዜ በርከት ያሉ እንቁላሎችን ያመርታሉ፡፡ ታዲያ በዚህ ጊዜ የወንድ የዘር ፍሬ ሁለት እንቁላሎችን የመስበር አቅም ካለው መንትዮች ይፈጠራሉ፡፡ 🔹 በቤተሰብ ውስጥ መንታ የመውለድ ታሪክ ከአባታቸው ይልቅ በእናታቸው በኩል መንታ የመውለድ ታሪክ ያላቸው ሴቶች መንትዮችን የመውለድ እድላቸው በጥቂቱም ቢሆን እንደዚህ አይነት ታሪክ በቤተሰባቸው ውስጥ ከሌላቸው ሴቶች የተሻለ መንታዎችን የማርገዝ እድል አላቸው፡፡ በተለይ የማይመሳሰል መንትያ ያላቸው ሴቶች ከ1 እስከ 60 በሚሆኑ የእርግዝና ጊዜአቸው መካከል መንትዮችን የመፀነስ እድል አላቸው፡፡ ነገር ግን የማይመሳሰል መንትያ ያላቸው ወንዶች መንታ ልጆችን ማስፀነስ የሚችሉበት እድላቸው ከ1 እስከ 125 በሚደርሱ እርግዝናዎች ውስጥ ነው፡፡ በነራችን ላይ አንዳንዶች መንታ ልጆችን መውለድ ከትውልድ ትውልድ የሚሸጋገር ክስተት ነው ሲሉ ቢደመጡም ይህን ጉዳይ የሚደግፉ ማስረጃዎች እምባዝም አይገኙም፡፡ 🔹 የሕክምና ድጋፍ እንደባለሙያዎቹ ገለፃ ከሆነ የመራባት ሕክምናን በመውሰድ መንታ ልጆችን ማርገዝ የሚቻልባቸው የተለያዩ መንገዶች አሉ፡፡ ለዚህ ጉዳይ ከሚውሉ መድሃኒቶች መካከል አንዳዶቹ ስራቸው የሴቶችን እንቁላል ማነቃቃት ሲሆን ይህም ሴቶቹ በርካታ እንቅላሎችን በአንድ ጊዜ ማምረት እንዲችሉ ያደርጓቸዋል፡፡ ይሄን ጊዜ የወንዱ ዘር ሁለት እንቁላሎችን የመስበር አቅም ካገኘ መንታ ልጆች ይፀነሳሉ፡፡ በብልቃጥ ውስጥ የሚደረገውም እንቁላልን የማዳበር ስራ መንታዎች እንዲፈጠሩ የማድረግ አቅም አለው፡፡ በዚህ ጊዜ ባለሙያዎቹ የሴቶችን እንቁላል በመውሰድ በላብራቶሪ ውስጥ ከወንድ ዘር ጋር በማዳቀል ሽል ይፈጥሩና መልሰው ወደሴቷ ማህፀን ያስገቡታል፡፡ በዚህም መንታዎችን ማግኘት እንደሚቻል ያስረዳሉ፡፡ ታዲያ በዚህ መንገድ መንታዎች የማግኘት እድልን ለማስፋት ባለሙያዎቹ ሁለት ሽሎችን ወደ ማህፀን ያስገባሉ፡፡ ነገር ግን የበሽታ መቆጣጠሪያ እና መከላከያ ማዕከላት /CDC/ ይህን መንገድ ለመጀመሪያ ጊዜ የሚጠቀሙ ወጣት ሴቶች ወደ ማህፀናቸው አንድ ሽል ብቻ እንዲያስገቡ አበክሮ መምከሩም ሳይዘነጋ፡፡ 🔹 ቁመትና ክብደት ቁመታቸው ረዘም ያሉና ክብደታቸውም ከፍ ያሉ ሴቶች ቢያንስ የማይመሳሰሉ መንትዮችን የማርገዝ እድላቸው ሰፋ ያለ ነው ይላሉ የዘርፉ ባለሙያዎች፡፡ በርግጥ ለዚህ ምክንያት ግልፅ የሆነ ማስረጃ የሌለ ቢሆንም እንደመላምት ግን እነዚህ ሴቶች በአመጋገብ ስርዓታቸው የተሻሉ ሊሆኑ ስለሚችሉና ሰውነታቸውም ገዘፍ ያለ በመሆኑ ሁለት ፅንሶችን ለመፍጠር የሚያስችል ግብዓት ሰውነታቸው ሳያዘጋጅ አይቀርም ይላሉ፡፡ ምንጭ: ሜዲካል ኒውስ ቱደይ መልካም ጤንነት!!

መንታ ልጆች እንዴት ማርገዝ ይቻላል? ለወትሮው ቢሆን መንታ መውለድ ለብዙዎች አስገራሚና አስደሳች ክስተት መሆኑ አጠያያቂ አይደለም፡፡ በተለይ የልጆቻቸው ቁጥር ከሁለት እንዲበልጥ ለማይፈልጉና በእርግዝና ወቅት ተያይዘው የሚመጡ ጫናዎችን ዳግም ማየት ለማይልጉ ወላጆች መንታ መውለድ ከደስታው ባሻገር እረፍትና እፎይታን ነው፡፡ ደቡብ አፍሪካዊ ናት፡፡ ፕሪቶሪያ ውስጥ ነው የምትኖረው፡፡ ጎሳሜ ታማራ ትባላለች፡፡ ከዚህ በፊት 2 ልጆች የነበሯት የ37 ዓመቷ ይህቺ እንስት አሁን ደግሞ 7 ወንዶችንና 3 ሴቶችን በአንድ ጊዜ ወልዳለች፡፡ 5ቱን በተፈጥሮአዊ መንገድ ስትውልድ 5ቱን ደግሞ በቀዶጥገና ነው የወለደችው ይላል የቢቢስ ዘገባ፡፡ አሁን አሁን በአለማችን ላይ ብዙ ልጆችን የሚወልዱ እናቶች እዚህም እዛም ይታያሉ፡፡ ለምሳሌ እ.አ.አ በ2009 አንዲት አሜሪካዊት እናት 8 ልጆችን በአንድ ጊዜ በመውለድ የአለማችን የድንቃድንቅ መዝገብ ላይ መስፈር ችላ የነበረ ሲሆን ባሳለፍነው ወር ደግሞ ከወደ ማሊ አንዲት የ25 ዓመት እናት 9 ልጆችን በመውለድ ሪከርዱን በእጇ አስገብታ ነበር፡፡ የቢቢሲዋ ዘጋቢ ሮዳ ኦዲያምቦ እንደምትለው ከሆነ በርከት ያሉ ልጆችን በአንድ ጊዜ መውለድ እምብዛም የተለመደ አይደለም፡፡ እንዲህ ያሉ ልጆችን ለመውለድ የተለያዩ የህክምና ድጋፎችን መጠቀም ያሻል ብትልም 10 ልጆችን በአንዴ የወለዱት ጥንዶች ግን እርግዝናቸው ተፈጥሮአዊ እንደሆነ ያስረዳሉ፡፡

በወር አበባ ጊዜ የሚከሰት ህመም ሴቶች የወር አበባ በሚያዩበት ጊዜ የሕመም ስሜት ሊከሰትባቸው ይችላል፡፡ አብዛኛዎቹ ሴቶች ከወር አበባ መምጣት ጋር ተያይዞ የሆድ ቁርጠት ሕመም ይኖራቸዋል፡፡ የሕመሙ መጠን ከሰው ሰው የሚለያይ ሲሆን አንዳንዴም የዕለት ኑሮን እስከማቃወስ ይደርሳል፡፡ ☑️ በወር አበባ ጊዜ የሕመም ስሜት እንዲሰማሽ ተጋላጭነትን የሚጨምሩ ሁኔታዎች፦ 🔹 ዕድሜሽ ከ30 ዓመት በላይ ከሆነ 🔹 የወር አበባሽ ጊዜውን ጠብቆ የማይመጣ ከሆነ 🔹 ልጅ ያልወለዱሽ ከሆነ 🔹 በወር አበባሽ ጊዜ ከፍተኛ ሕመም የሚሰማውት የቤተሰብ አባል ካለች። 🔹 ሲጋራ የምታጨሽ ከሆነ ናቸው።

ጤናማ የአኗኗር ዘይቤ ምክሮች • ውሃ በብዛት ይጠጡ፡፡ • በቂ የሆነ እንቅልፍ ያግኙ፡፡ • ስፖርታዊ እንቅስቃሴዎችን ያድርጉ፡፡ • የሚያዝናናዎትን ስፖርታዊ እንቅስቃሴ ይምረጡ፡፡ • አትክልትና ፍራፍሬ በብዛት ይመገቡ፡፡ • የሚስብ ቀለም ያላቸውን ምግቦችን ይምረጡ፡፡ • የታሸጉ ምግቦችን መመገብዎን ይቀንሱ ወይም ያቁሙ፡፡ • ራስዎን ይውደዱ፡፡ • አልፎ አልፎ በባዶ እግርዎ ይራመዱ/ይሩጡ፡፡ • አይሆንም የሚለውን ነገር ከውስጥዎ ያስወግዱ፡፡ • በሽታዎን ሊያስነሱ የሚችሉ ምግቦችን መውሰድ ያቁሙ፡፡ • መጠኑ ጥቂት የሆነ ገበታ ይመገቡ፡፡ • በጥልቀት ይተንፍሱ፡፡ • ከጠገቡ በኋላ በፍጹም አይመገቡ፡፡ • ትርጉም ያለው ህይወት ይኑሩ፡፡ • ቅባት ወይም ዘይት የበዛባቸው ምግቦች በፍጹም አይመገቡ፡፡ • ስኳር ያላቸውን ምግቦች መመገብ ይቀንሱ ወይም ያቁሙ፡፡ • አቋምዎን ያስተካክሉ፡፡ • ሶዳ እና ካፌይን ይቀንሱ ወይም አይጠቀሙ፡፡ • አልኮል አይጠጡ፡፡ • የራስዎን ምግብ ራስዎ ማዘጋጀት ይልመዱ፡፡ • ሲጋራ ማጨስዎን ያቁሙ፡፡ • የአፍና ጥርስዎን ጤንነት ይጠብቁ፡፡ መልካም ጤንነት!!

በአንደኛው አይነት የስኳር ህመም (type 1 diabetes) የመያዝ ስጋትን የሚጨምሩ ምክንያቶች አንደ ሁለተኛው አይነት በቀላሉ ማስቀመጥ ባይቻልም ፤ በፀረ መል ( genetics) እና አካባቢያዊ ( environmentally) የሆኑትን እንደ ምክንያት ማስቀመጥ እንደሚቻል ይታመናል። በእርግዝና ወቅት የሚከሰት የስኳር ህመም ( gestational diabetes) ከአጠቃላይ እርግዝናዎች በአምስት ከመቶ (5%) በመሆኑ ነፍሰ ጡር ሴቶች ላይ የሚከሰት ነውና ነገር ግን በአብዛኛው የእርግዝና ወቅት በሚጠናቀቅበት ግዜ ይጠፋል ። ሆኖም በእርግዝና ወቅት የሚከሰት የስኳር ህመም የገጠማቸው ሴቶች በሁለተኛው አይነት የስኳር ህመም የመያዝ ስጋታቸው ከፍተኛ ይሆናል። ምንም እንኳን በእርግዝና ወቅት የሚከሰት የስኳር ህመም የመከሰቻው ምክንያት በወል ባይታወቅም ፤ በቤተሰባቸው ውስጥ የስኳር ህመም ያላቸው ፥ በእርግዝና ወቅት ከፍተኛ የሰውነት ክብደት ያላቸው ፥ ወይም የዘር ግንዳቸው ከላይ ከተዘረዘሩት ውስጥ በሆኑ ሴቶች ላይ በብዛት ሲከሰት ይስተዋላል ። በሀያ አራተኛው (24) ሣምንት የእርግዝና ወቅት የሚከሰተው የሰውነት ንጥረ ነገር ለውጥ ( hormonal change) የኢንሱሊን እምቢተኝነትን ስለሚያመጣ የስኳር ህመም ሊያመራ ይችላል። ስለሆነም በእርግዝና ወቅት የስኳር ህመም የሚከሰትባቸው ሴቶች የተለየ ጥንቃቄ እና ከሀኪም ጋር ቅርብ ክትትል በማድረግ እርግዝናቸው በሰላም እነዲጠናቀቅ መስራት ይኖርባቸዋል። በስኳር ህመም ምክንያት የሚያጋጥሙ መወሳሰቦች ( complications) የሱኳር ህመም ሕክምና የስኳር ሕመም ህክምና ዋንኛው አላማ በታማሚው ደም ውስጥ ያለውን የሱካር (glucose)መጠን በተቻለ መጠን ከተለመደ (Normal) የስኳር መጠን ጋር ተቀራርቦ እዲቆይ ማድረግ ነው:: ይህን ማድረግ ደግሞ ከዚህ በፊት የተዘረዘሩትን በሱኳር ህመም ምክንያት ሊከሰቱ የሚችሉትን የጤና መውሳሰቦችን ለማስወገድ ይረዳል :: ለዚህም ነው የደም ውስጥ የሱኳር መጠንን በተከታታይ መለካትና መከታተል የምያስፈልገው :: የስኳር ሕመም ታማሚዎች የስኳር(glucose) መጠናቸው ሲለኩ በደማቸው ውስጥ ምን ያህል ስኳር እንደተከማቸ እያረጋገጡ ነው :: በሰውነታችን ውስጥ ኢንሱሊን የማይመረት ከሆነ ወይም በአግባቡ ስራውን ካልሰራ ስኳር (glucose) በደማችን ላይ ይከማቻል፣ ጥቅም ላይ ሳይውል በሽንት አማካኝነት ይወገዳል :: ምንም እንኳን በደማችን ውስጥ ከፍተኛ የስኳር መጠን ቢኖርም ስኳር (glucose) ወደ ሴሎች ስለማይደርስ ሰውነታችን ዋንኛ የሀይል ምንጩን ያጣል ማለት ነው :: የሱካር መጠን መለካት ሁልጊዜ ላይመች ይችላል ነገር ግን ሰውነታችንን ለምንመገበው ምግብ ምን አይነት ምላሽ እየሰጠን እንደሆነ ለማረጋገጥ ውጤታማ መንገድ ነው :: ሁለተኛው የሱኳር ሕመም አይነት ለማከም ሲታሰብ ሕክምናው የሱካር መጠንን መለካትን የአመጋገብ ዜዴና የአካል ብቃት እንቅስቃሴን ያካተተ መሆን ይኖርበታል :: በአፍ የሚወሰዱ እንክብሎች ወይም ኢንሱሊን ህክምናም ሊያስፈልግ ይችላል ::አንደኛውን አይነት የሱኳር ሕመም ለማከም በቅን ውስጥ ከአንድ ጊዜ በላይ እንሱሊን መውጋትን የተመጣጠነ አመጋገብና የአካል ብቃት እንቅስቃሴን ያካትታል :: በተጨማሪም ተደጋጋሚ የሱኳር መጠንን መለካትንና በጥንቃቄ የታቀደ አመጋገብን ማድረግ ይገባል :: የስኳር ህመምን በአግባቡ መቆጣጠር የሱኳር ህመምን በአግባቡ ስለመቆጣጠር ስናስብ ለአንድ ሰው ውጤታማ የሆነ መንገድ ለሌላው ሰው ሊሰራ ስለማይችል አካሄዳችንን በግለሰብ ደረጃ መሆን እዳለበት መረዳት ይኖርብናል:: የስኳር ህመምን ተቆጣጥረው በጥሩ ጤና ለመኖር የግዴታ እንዴት አርገው የስኳር ህመምን በአግባቡ መቆጣጠር እንዳለቦት ዕውቀት ሊያዳብሩ ይገባል:: የስኳር ህመምን ውጤታማ በሆነ መንገድ ለመቆጣጠር ተያይዘው ከሚመጡ በሽታዎች እራስን ለመጠበቅ ጤናማ የሆነ አመጋገብን ማዘውተር፣ የአካል ብቃት እንቅስቃሴ ማድረግና አዘውትሮ የስኳር መጠኖን መከታተልና በመደበኛ ወደ ጤና ተቋም ዘንድ በመሄድ ክትትል ማድረ ይጠበቅቦታል:: በዚህ አንፃር ጥሩ ውጤት ለማግኘት የተለያዩ የጤና ባለሞያዎችን ጋር በቅርበት መስራት ያስፈልጋል:: ይህም የምያስፈልግበት ምክንያት የግል የሆነ የስኳር ህመምን ለመቆጣጠር የሚያስችል እቅድ ለመቅረፅ እንደ የአኗኗር ዘይቤና አመጋገብን ተዛማጅ የጤና አካሎችንና የህክምና ዘዴዎችን ባካተተ መልኩ መሆን ስላለበት ነው::

የስኳር ህመም ማለት ምንድን ነው? የስኳር ህመም ዘወትር ከምንመገበው ምግብ የምናገኘውን ስኳር ሰውነታችን በአግባቡ ወደ ሀይል እንዳይቀይር የሚያደርግ ተላላፊ ያልሆነ በሽታ ነው። ጤነኛ ሠዎች ስኳር ወደ ሴሎች ዘልቀው እንዲገቡና እነደ ሀይል ምንጭነት እንዲጠቀሙባቸው የሚያስችለው አስፈላጊ የሆነ ኢንሱሊን የተባለው ንጥረ ነገር በጣፊያ ውስጥ ይመረታል። ከስኳር ህመም ጋር የሚኖሩ ሰዎች አንድም ጣፊያቸው ኢንሱሊንን በበቂ ሁኔታ አያመርትም ወይም ደግሞ ሰውነታቸው የተመረተውን ኢንሱሊን በአገባቡ መጠቀም አይችልም:: ይህም ማለት ሰውነታቸው የቀን ተቀን ተግባሩን ለመከወን የሚያስፈልገውን ሀይል አያገኝም ማለት ነዉ ። ስለዚህ የስኳር ህመምን፣ አንድ ሰዉ የሚያስፈልገዉን ሀይል ከሚመገበዉ ምግብ መገኘት አለመቻል ብለን ልንገልፀዉ እንችላለን። የሰኳር ህመም ምልክቶች እና ስሜቶች... በአለማችን በሚሊዮኖች የሚቆጠሩ ሰዎች 2ተኛዉ አይነት የስኳር ህመም ( type 2 diabetes) ቢኖርባቸዉም፣ ህመሙ እንዳለባቸዉ ሳያዉቁ ይኖራሉ። ይህም ማለት ህመማቸዉ ሳይታወቅላቸዉና ምንም አይነት የህክምና እርዳታ ሳያነገኙ ይኖራሉ ማለት ነዉ። ይህ እንዴት ሊሆን ይችላል? ብዙ ሰዎች የስኳር ህመምን ምልክቶችና ስሜቶችን ሳያሳዩ ወይም ምልክቶቹ በጣም አነስተኛ ስለሚሆኑ፣ ትኩረት ሳይሰጧቸዉ ስለሚቀሩ ነዉ። በሌላ ጊዜ ደግሞ፣ የህመሙ ስሜት ቢሰማቸዉም ያን ያህል አስጊ ስለማይመስላቸዉ ወደ ህክምና ሳይሄዱ ይቀራሉ። ስለሆነም ታማሚዎቹ በስኳር ህመም ምክንያት በሚከሰቱ ተያያዥ በሸታዎች፤ ለምሳሌ የአይን እይታ ብዥታ አጋጥሞአቸዉ ወደ ህክምና እስኪሆዱ ድረስ ለስኳር ህመማቸዉ ህክምና ሳያደርጉ ለረዥም አመታት ይቆያሉ። የስኳር ህመምን በቶሎ ማወቅ በህመሙ ምክንያት ሊከሰቱ የሚችሉ ውስብስብ አካላዊ ጉዳቶችን ለመከላከል ይረዳል። እንደ (National Inistitue of Diabetes and Digestive & Kidney Diseases) ጥናት፤ አርባ አሞስት አመት ከዛ በላይ የሆናቸዉ አዋቂዎች፤ የስኳር ህመም ስሜት ባይሰማቸዉ እንኳን፣ ወደ ጤና ተቋም በመሄድ ምርመራ ማድረግ ይኖርባቸዋል። ከአርባ አምስት አመት በታች የሆኑ ሰዎች ደግሞ፣ የህመሙ ስሜቶች ከተከሰቱባቸው ወይም የስኳር ህመም የመከሰቱ ስጋት ከፍተኛ ከሆነ ምርመራ ማድረግ ይኖርባቸዋል። ከቅርብ አመታት ወዲህ ቅድመ የስኳር ህመም (prediabetes) የሚለውን የህክምና ቃል በተደጋጋሚ እንሰማለን። ይህ ቃል አንድየሰዉ በ2ተኛዉ አይነት የስኳር ህመም (type 2 diabetese) የመያዝ ስጋቱ ከፍተኛ እንደሆነ ለመግለፅ የሚጠቅም ቃል ነዉ። ደግነቱ እንደዚህ ያሉ ሰዎች ፤ የኑሮ ዘይቤአቸዉን፤ ማለትም አመጋገብን ጤናማ በማድረግ፣ ቀለል ያሉ የሰውነት እንቅስቃሴዎችን በማዘዉተርና ፣ ከመጠን በላይ የሆነ የሰውነት ክብደትን በመቀነስ፣ የስኳር ህመም መከሰቻ ግዜን መዘግየት ይቻላል። ስለሆነም፥ እርሶም ሆኑ የቤተሰብ አባልዎ ከዚህ በታች ከተዘረዘሩት አንዱ ወይም ከዛ በላይ የህመሙ ስሜቶች የሚሰማዎ ከሆነ ባስቸኳይ ወደ ሀኪም ዘንድ በመሄድ ምርመራ ሊያደርጉ ይገባል በሚል በስለ ጤናዎ ምን ያውቃሉ ጠቅላላ እውቀትGeneral knowledge ethiohakim በሚለው ገጽ ላይ የቀረደው መረጃ ያመለክታል፡፡ 1) ከፍተኛ የሆነ የርሀብ ስሜት፣ 2) ቶሎቶሎ ሽንት መሽናት፣ 3) የማይቋረጥ የሀ ጥማት፣ 4) ተደጋጋሚ የሆነ የሰውነት መዛል ሰሜት፣ 5) የእይታ መዛባት ( ብዥታ)፣ 6) ያልተጠበቀ ፈጣን የሰውነት ክብደት መቀነስ፣ 7) የእጅና የእግር ጣቾች መደንዘዝ፣ 8) በሰዉነት ላይ የሚከሰቱ ቁስሎች በቶሎ አለ መዳን፣ 9) በተደጋጋሚ በተለያዩ በሽታ አምጪ ተዋህስያን መጠቃት፣ የስኳር ህመም አይነቶች..... የስኳር ህመም በዋናነት በሁለት ይከፈላል፦ ሁለተኛዉ አይነት የስኳር ህመም (type 2 diabetes) እና አንደኛው አይነት የስኳር ህመም (type 1 diabetes) በመባል ሲከፈል፤ በተጨማሪም በሶስተኛነት በእርግዝና ወቅት የሚከሰት የስኳር ህመም (gestational diabetes) አይነትም ይገኛል ። ሁለተኛው አይነት የስኳር ህመም (type 2 diabetes) ሁለተኛው አይነት የስኳር ህመም (type 2 diabetes) ከአጠቃላይ የስኳር ህመምተኞች ዘጠና አምስት በመቶ (95%) በሚሆኑት ላይ የሚከሰት ነዉ። በቀድሞ መጠሪያዎቹ ኢንሱሊን የማያስፈልገዉ (Non-Insulin Dependent Diabetes Mellitus (NIDDM)) ወይም በአዋቂዎች የሚከሰት የስኳር ህመም ( adult-inset diabetes) በመባል የሚታወቀው የስኳር ህመም አይነት በብዛት በመካከለኛ የእድሜ ክልል በሚገኙ ጎልማሶች ላይ የሚከሰት ነዉ። ይሁን እንጂ ከቅርብ ጊዜ ወዲህ ፤ በወጣቶችና በታዳጊዎች ላይም የመከሰት አዝማሚያ እያሳየ ይገኛል ። ይህ የስኳር ህመም በሰዎች ላይ ተከሰተ የሚባለዉ ፤ አንድም የታማሚዉ ጣፊያ ኢንሱሊንን በበቂ መጠን ሳያመርት ሲቀር አለበለዚያም የተመረተዉን ኢንሱሊን በአግባቡ መጠቀም ሳይችል (የኢንሱሊን እምቢተኝነት) ሲከሰት ነዉ። ለሁለተኛው አይነት የስኳር ህመም በይበልጥ ተጋላጭ የሚሆኑት አነማን ናቸዉ? • ከመጠን ያለፈ የሰውነት ክብደት ያላቸው ሰዎች፣ • ዕድሜያቸው አርባ አምስት እና ከዛ በላይ የሆናቸው ሰዎች፣ • ቤተሰባቸው ውሰጥ የስኳር ህመምተኛ ያላቸው ሰዎች፣ • የዘር ግንዳቸው ከ (Africa, Hispanic, Native America and Asia) የሆነ ሰዎች፣ • በቂ ወይም ምንም አይነት የሰውነት እነቅስቃሴ የማያደርጉ ሰዎች፣ • በሰውነታቸው ውሰጥ የሚገኝ የኮሌስትሮል አይነቶች የ(HDL) መጠን ዝቅ የ(HDL) መጠን ከፍ ካለ • ከ2.5 ኪ.ግ. በላይ የሚመዝን ልጅ የወለዱ ሴቶች ናቸው ። አንደኛው አይነት የስኳር ህመም (type 1 diabetes) ከአጠቃላይ የስኳር ታማሚዎች አምስት በመቶ (5%) በሚሆኑት ላይ የሚከሰት የስኳር ህመም አይነት ነው ። ይህ በቀደመው አጠራሩ ፤ የልጅነት የስኳር ህመም (Juvenile Diabetes) ወይም ኢንሱሊን የሚያስፈልገው (Insulin Dependent Diabetes Mellitus (IDDM)) በመባል የሚታወቀው የስኳር ህመም አይነት የኢንሱሊን እጥረት ባለባቸው ህፃናት እና ታዳጊ ወጣቶች የሚከሰት ነው ። በዚህ አይነት የስኳር ህመም የሚጠቁ ሰዎች ፤ የገዛ ሰውነታቸው የበሽታ የመከላከያ ስርአት በጣፊያቸው ውስጥ የሚገኙ ቤታ (beta) ሴሎችን ያጠፋቸዋል። ስለዚህ ከዚህ አይነት የስኳር ህመም ጋር የሚኖሩ ሰዎች ፤ በጣም ጥቂት ወይም ምንም ኢንሱሊን አያመርቱም ማለት ነዉ ። ስለሆነም ሰውነታቸው የሚያስፈልገውን ኢንሱሊን ለማግኘት በየቀኑ ኢንሱሊን መወጋት ይጠበቅባቸዋል ።