"مـطـبـخ عـفـة🥘

شوية نصائح عالسريع كدة عالماشي😍✅✅👏👏 👇👇👇 🍒سلقتي لحمه او اى طيور لازم تشيلي شوية شوربه في كيس بالفريزر بعد ماتصفيها طبعا ضروري هتحتاجيه في اي وقت 😍 🍒وانتي بتعملي الاكل لو مثلا بتعملي خلطة محشي او تسبيكة مكرونة أو بتعصجي لحمه مفرومه اعملي زياده شويه وشيلي في الفريزر اي اكله ينفع تزودي وتشيلي منها جاهزه هينفعوكي جدا وقت زنقه 😍 🍒اول ماتلاقي الطماطم رخيصه اعملي كميه تسبيكة للطبيخ وللمكرونه وللمحشي جاهزه علي الطبخ علي طول بتنفع جدا وبتوفر وقت ومجهود من أهم التفريزات 😍 🍒اي خضار في الموسم بتاعه هاتي وفرزي علي طول بينفع بدل ماتشتريه غالي 😍 🍒بتشتري بانيه هاتي نص زياده اغسليه وتبليه وشيليه بالفريزر جاهز علي القلي بينفع وقت زنقه 😍 🍒لما تسلقى فراخ او اى طيور نشيلها من الشوربه بعد سلقها اما بالنسبه للحمه يفضل ان احنا منخرجهاش من الشوربه الا عند الاستخدام عشان متنشفش😍 🍒لو بتعملى مكرونه بالصلصة شيلي شوية من مية السلق زودي بيها الصلصه بتبقي جميله جدا 😍 🍒لما تعصجي اللحمه المفرومه بيكون مقدار البصل نفس مقدار اللحمه المفرومه 😍 🍒لما تعملى اللحمه المفرومه كفته كيلو اللحمه المفرومه الصافي عليه ربع كيلو دهون 😍 🍒لما تعملي كفته اللحمه بنحط تفل البصل بس بنصفيه كويس من الميه بتاعته ومترميهاش تبليها وبلي ايديكي منها وانتي بتصبعي الكفته 😍 🍒وانتي بتقلي السمك حطي قشر الليمون في الزيت مش هيخلي ريحه زفاره ولا دخان😍 🍒وانتي بتعملي اي اكل يدوب يغلي غلوتين وتهدي النار علي طول التسويه علي نار هاديه بتخلي الاكل احلي وميتهريش معاكي 😍 🍒وانتي بتحمري البفتيك حطي معلقه زبده مع الزيت هيبقي زي بتاع المطاعم 😍 🍒قبل ما تسوي اي حاجه في الفرن سخنيه الأول جيدا عشان الاكل مينشفش 😍 🍒ضيفي على الرز دايما مياه مغليه مش بارده علشان ميعجنش😍 🍒وانتي بتسلقي اللحمه لو حبتي تزودي ميا زوده ميا بتغلي بلاش بارده عشان اللحمه متشدش معاكي 😍 🍒وانتي بتقوري البتنجان ادعكي ايديكي بالليمون عشان متسودش وقبل ماتقشري الكوسه ادهني ايديكي زيت عشان الصمغ هيبهدل ايديكي😍 🍒اللحمه مبتتغسلش يدوب تتشطف وانتي بتسلقيها بتشيلي اي ريم بيظهر علي الوش عشان لونها يبقي حلو وميبقاش في اي زفاره 😍

طبعا كلنا بنجيب الطماطم 🍅🍅 وبنحطها ف التلاجة😌 ونلاقي كذا وحدة منها ضربت والباقي دبلت!!🤦‍♀️🤦‍♀️🤦‍♀️ طب جربوا الفكرة الجميلة دي هتعجبكم وتدعولي ❤️ هاتي الطماطم واغسليها وحطيها ع فوطة تنشف ولما تنشف حطيها ف علبة ليها غطا محكم وحطي معاها معلقة 🥄 ايوا معلقة هتقولولي المعلقة لزمتها اي! المعلقة🥄بتسحب كل الرطوبة فبالتالي الطماطم هتفضل سليمة وطازة زي ما هيا حتي لو قعدت عندكم شهر ف التلاجة ❤️ لو كملتي قراءة متنسيش تشيري البوست عشان تفيدي غيرك 🩷🩷 https://t.me/koluomwasfa

علي فكرة النظافة ملهاش دعوة بالامكانيات🧹🧼🧼 تعالوا بسرعة بقي اقولكم شوية نصائح و معلومات النهارده عشان بيتك دايما يكون نضيف وجوزك يحبك اكتر وتتكون واثقة في نفسك اكتر ولو بنت بردو مش متجوزة تعملى بالنصايح العسل دي😍😘✨ 🌺 على فكره النضافه ملهاش علاقه بالأمكانيات أو النفسيه بالعكس انتي لما بتنضفي وبتبصي للشقه كده تفسيتك هتبقا احسن حتي لو بيتك بسيط💯✨ 🌺مطلوب منك كل يوم هنعمل مثلا دوره غسيل وهنكنس الشقه ونلمع الحتت اللى باينة بمية وبرسيل جيل او داونى او اى حاجة ريحتها نفاذة بس نقطة مش كتير عشان مترغيش وطبعا المواعين وترشى معطر وتشغلى قرآن وتبخرى وتهوى البيت دايما 🌺 نيجى عالحمام بعد ماتخلصى ترويق هتاخدى حتة سلك وتدخلى قبل ماتاخدى شاورك هتخلى كيس برسيل جيل مفتوح دايما ف الحمام وتدعكى الحنفيات والاحواض والتواليت طبعا بفرشتة دايما حطى فيها كلور واريال وبرسيل جيل هتلاقى نفسك كل شوية بتعملى بيها وتحسى بنضافة وتيجى اخر حاجة تنشفى الارض كويس جدا بالشرشوبة وفيها بردو نقطة برسيل او كلور هتلاقى الحمام يوميا بينور 🌺فرش السرير كل 3 ايام وممكن نجيب ملايه قديمه نقطعها ونحط قطع علي اكياس المخده عشان متتوسخش بسرعه ولو جالك ضيوف ف اي وقت تشيلي الحتت دي تبقا الاكياس بتاعت الملايه قشطه ولازم يختي انتي وهي شعارك ف الحياه اكنس بيتك ورشوه عشان متعرفش مين ها يخشو 🌺وهقولك علي حاجه تاني حطي دايما حافظه ع السجاده 🌺ونيجي للدولاب بقي دولابك ومطبخك وجهتك قصاد الناس حاولي اي كراكيب عندك مبتستعملهاش ترميها فورا واي هدوم مش بتتلبس خالص اديها ل حد محتاج كل ما الشقه بتبقا هاديه بتبقا احسن واجمل 🌺تعالي بقي انتي وهي اخبصلك خبصايه في وحده تدخل تقولي لو سمحتي انا مش بعمل حاجه في شقتي خالص عشان ايجار وممكن اسيبها فى اي وقت تعالي بقي لما اقولك انا قولتلها ايه 🌺قولتلها كل الي ف الشقه دي ملكك يعني تلاجتك غسالتك بوتاجازك فرشك كل ده ملكك انتي ف اي مكان تروحيه هتخديهم معاكي لازم ايدك تبقا فيهم ع طول وتنضفي الدنيا واللي تقولي اصل نفسيتي تعبانه 🌺عارفه حمام الكريم بتاع الشعر واللي هتقول حمام كريم ماله ومال النضافه هتجيبي شويه خل ع قماشه ولمعي الخشب وبعدين تجيبي قماشه نضيفه وحطي فيها حتت حمام كريم وامسحي بيهم الخشب مش هتلاقي نقطه تراب الا بعد اسبوع عشان حمام الكريم ع الخسب بيعمل عازل للتراب جربي مش هتندمي😙 🌺تعالي هنا رايحة فين صباعي ورم من الكتابه 😘😀 🌺♥️✨ وتنسوش لايك وشير دعما لي😘😘 https://t.me/koluomwasfa😘

تعالى اقولك على دريسنج سريع نضيفه علي طبق السلطة هيخللى طعمه عاالمى وناكله كله هم النم 😁 🔸فى كوباية خارجية .. هنضيف ٣ معالق كبار زيت زيتون او ذرة عليهم معلقة كبيرة خل وعصير نص ليمونه وربع معلقة صغيرة كمون ونص معلقة صغيرة بابريكا ولو فى رشة زعتر مايضرش واللى بيحبها سبايسي يضيف معلقة صغيرة شطه والتريكه بقى نص معلقة صغيرة سكر 👌 ونص معلقة صغيرة فلفل اسود وملح حسب الرغبة ونقلب ده كله مع نص كوباية ميه تقليب سريع شبهه طريقة رب البيض لغاية ما القوام يتجانس ويتقل .. ونضيفه على طبق السلطة الخضراء قبل الفطار بساعة على الأقل ونحطها جوه التلاجة ... وكلوا وادعولى 😁 ⭕ ملحوظة .. ممكن تعملوا منها برطمان حلو كده وتحفظوه فى التلاجة وتاخدوا منه معلقتين تلاته على طبق السلطة كل يوم وتوفروا وقت ومجهود 👍 صوما مقبولاً وافطارا شهيا ❤️ #سلاطات_مو

احلى قرص ممكن تعملوها 😋😍 المقادير: 4 كوب دقيق متعدد الإستخدامات 2 ملعقه صغيره خميره فوريه كوب مياه دافيه نصف كوب حليب دافي 2 معلقه كبيره زبده معلقه صغيره ملح معلقه صغيره سكر طريقة التحضير 🥣 - هنخلط الدقيق والخميره والسكر والملح والزبده ونضيف المياه الدافيه والحليب ونعجنهم لحد ما العجينه تبقا ناعمه جدًا. - نقلب العجينه على سطح مفروش بالدقيق ونسحبها ونعجنها وبعدين نحطها في طبق كبير ونغطيها ونسيبها ساعه. - نقسم العجينه قطع متساويه ونشكلها ونحطها في الصينيه ونغطيها ترتاح 10 دقايق وبعدين نديها تلميعة بيض خفيفه بالفرشاه ونرش السمسم عليها. - ندخلها فرن متسخن على درجة حراره 180 لمدة 20-25 دقيقه.

"القراقيش السادة" المقادير: كيلو دقيق كوب ونصف سمنة معلقة صغيرة ملح 2 معلقة كبيرة سمسم محمص ويمكن اضافة معلقة صغيرة من الشمر واليانسون وحبة البركة حسب الرغبة. معلقة كبيرة خميرة فورية ماء دافي للعجن كوب ونصف حليب طريقة التحضير: - اول حاجة نذوب السمنة لحد التدفئة فقط ونرفعها وبعدين نضيف الشمر واليانسون والسمسم والدقيق ونبس الدقيق باليد مع السمنة وباقي المقادير - نضيف الخميرة والماء ونعجن لحد ما نحصل على عجبنة ناعمة ونسيبها ترتاح لمدة ربع ساعة. - نبدأ في تشكيل العجينة على الرخامة ونبرمها وبعدين نبططها باليد وبعد كده نقطعها ونرصها فى صواني مدهونة زيت بسيط جدا ونسيبها تخمر لمدة ساعة وندخلها الفرن على درجة حرارة 180 درجة او متوسطة لمدة 20 دقيقة.

"باتون ساليه" المقادير : نصف كيلو دقيق (كوبين ونصف) كوب الا ربع ماء معلقة كبيره ممسوحه خميرة فورية معلقة كبيرة ممسوحه ملح 3 معالق كبار زيت 3 معالق كبار زبده بيضه معلقه كبيره كمون حبوب التلميع: باكو فانيليا رشة ملح بيضة طريقة التحضير: - في حلة على النار ندفي الماء مع الزيت ونضيف الدقيق والملح والخميرة والكمون والزبده والبيضه ونخفقهم مع بعض كويس وبعدين نضيف الماء والزيت بالتدريج ونعجنها بايدينا ونغطيها ونسيبها ترتاح نصف ساعه وبعد ما ترتاح نفردها على شكل مربع ونقطعها اصابع ونبرم ونلف الاصابع دي على شكل رول رفيع ونشيل الاطراف الزيادة. - في طبق صغير نضيف البيض والملح والفانيليا ونخفقهم مع بعض ونجيب صينية وندهنها زيت ونمسحها بمناديل مطبخ علشان ماتحرقش الباتون ساليه من تحت. - نرص اصابع الباتون ساليه في الصينيه ونلمعها بيض بالفرشاه ونرش عليها كمون او سمسم او حبة البركة وممكن نخليها ساده حسب الرغبة. نسيبها في مكان دافي تخمر ساعة على الاقل وبعدين ندخلها الفرن على درجة حرارة 200 لمدة 25 دقيقة.

صوص الكراميل . . المقادير كوب سكر (200 غ) معلقة كبيرة ونصف زبدة كوب حليب (200 مل) معلقة كبيرة نشاء مذابة مع ملعقتين كبار حليب رشة ملح طريقة التحضير: - نحط حلة كبيرة على نار متوسطة ونخليها تسخن ثم نضيف السكر فقط بدون ماء ونتركه وعندما يبدأ يتكرمل من تحت وياخد لون من الأطراف وأول ما ياخد لون ذهبي متوسط نهديء النار و أهم حاجة نقلب جيدا حتى لايتكتل. - بعدما يذوب السكر نضيف الزبدة ونقلب جيدا حتى تذوب تماما نضيف الحليب الساخن على الخليط ونقلب جيدا لحد الى ان تمتزج المكونات مع بعضها وبعدها نضيف خليط الحليب والنشاء ونقلب حتى نتحصل على القوام المطلوب وبعدها نضيف رشة الملح ونقلبها جيدا واذا كان فيه تكتلات ممكن تضربيه بالبلندر او في الخلاط. - نصب الكراميل في برطمان محكم الغلق ونتركه يبرد. - ممكن نحفظ صوص الكراميل في الثلاجة أو الفريزر لمدة 3 اسابيع. - يستخدم صوص الكراميل في أنواع مختلفة من الحلويات ويدخل في تحضير بعض أنواع الفطائر، يعطي مذاق مميز جداً، وممكن استخدامه في تزيين العديد من أنواع التورتات والايسكريم، وممكن استخدامه في العصير المثلج أو المشروبات الباردة