"مـطـبـخ عـفـة🥘

تعالى اقولك على دريسنج سريع نضيفه علي طبق السلطة هيخللى طعمه عاالمى وناكله كله هم النم 😁 🔸فى كوباية خارجية .. هنضيف ٣ معالق كبار زيت زيتون او ذرة عليهم معلقة كبيرة خل وعصير نص ليمونه وربع معلقة صغيرة كمون ونص معلقة صغيرة بابريكا ولو فى رشة زعتر مايضرش واللى بيحبها سبايسي يضيف معلقة صغيرة شطه والتريكه بقى نص معلقة صغيرة سكر 👌 ونص معلقة صغيرة فلفل اسود وملح حسب الرغبة ونقلب ده كله مع نص كوباية ميه تقليب سريع شبهه طريقة رب البيض لغاية ما القوام يتجانس ويتقل .. ونضيفه على طبق السلطة الخضراء قبل الفطار بساعة على الأقل ونحطها جوه التلاجة ... وكلوا وادعولى 😁 ⭕ ملحوظة .. ممكن تعملوا منها برطمان حلو كده وتحفظوه فى التلاجة وتاخدوا منه معلقتين تلاته على طبق السلطة كل يوم وتوفروا وقت ومجهود 👍 صوما مقبولاً وافطارا شهيا ❤️ #سلاطات_مو

احلى قرص ممكن تعملوها 😋😍 المقادير: 4 كوب دقيق متعدد الإستخدامات 2 ملعقه صغيره خميره فوريه كوب مياه دافيه نصف كوب حليب دافي 2 معلقه كبيره زبده معلقه صغيره ملح معلقه صغيره سكر طريقة التحضير 🥣 - هنخلط الدقيق والخميره والسكر والملح والزبده ونضيف المياه الدافيه والحليب ونعجنهم لحد ما العجينه تبقا ناعمه جدًا. - نقلب العجينه على سطح مفروش بالدقيق ونسحبها ونعجنها وبعدين نحطها في طبق كبير ونغطيها ونسيبها ساعه. - نقسم العجينه قطع متساويه ونشكلها ونحطها في الصينيه ونغطيها ترتاح 10 دقايق وبعدين نديها تلميعة بيض خفيفه بالفرشاه ونرش السمسم عليها. - ندخلها فرن متسخن على درجة حراره 180 لمدة 20-25 دقيقه.

"القراقيش السادة" المقادير: كيلو دقيق كوب ونصف سمنة معلقة صغيرة ملح 2 معلقة كبيرة سمسم محمص ويمكن اضافة معلقة صغيرة من الشمر واليانسون وحبة البركة حسب الرغبة. معلقة كبيرة خميرة فورية ماء دافي للعجن كوب ونصف حليب طريقة التحضير: - اول حاجة نذوب السمنة لحد التدفئة فقط ونرفعها وبعدين نضيف الشمر واليانسون والسمسم والدقيق ونبس الدقيق باليد مع السمنة وباقي المقادير - نضيف الخميرة والماء ونعجن لحد ما نحصل على عجبنة ناعمة ونسيبها ترتاح لمدة ربع ساعة. - نبدأ في تشكيل العجينة على الرخامة ونبرمها وبعدين نبططها باليد وبعد كده نقطعها ونرصها فى صواني مدهونة زيت بسيط جدا ونسيبها تخمر لمدة ساعة وندخلها الفرن على درجة حرارة 180 درجة او متوسطة لمدة 20 دقيقة.

"باتون ساليه" المقادير : نصف كيلو دقيق (كوبين ونصف) كوب الا ربع ماء معلقة كبيره ممسوحه خميرة فورية معلقة كبيرة ممسوحه ملح 3 معالق كبار زيت 3 معالق كبار زبده بيضه معلقه كبيره كمون حبوب التلميع: باكو فانيليا رشة ملح بيضة طريقة التحضير: - في حلة على النار ندفي الماء مع الزيت ونضيف الدقيق والملح والخميرة والكمون والزبده والبيضه ونخفقهم مع بعض كويس وبعدين نضيف الماء والزيت بالتدريج ونعجنها بايدينا ونغطيها ونسيبها ترتاح نصف ساعه وبعد ما ترتاح نفردها على شكل مربع ونقطعها اصابع ونبرم ونلف الاصابع دي على شكل رول رفيع ونشيل الاطراف الزيادة. - في طبق صغير نضيف البيض والملح والفانيليا ونخفقهم مع بعض ونجيب صينية وندهنها زيت ونمسحها بمناديل مطبخ علشان ماتحرقش الباتون ساليه من تحت. - نرص اصابع الباتون ساليه في الصينيه ونلمعها بيض بالفرشاه ونرش عليها كمون او سمسم او حبة البركة وممكن نخليها ساده حسب الرغبة. نسيبها في مكان دافي تخمر ساعة على الاقل وبعدين ندخلها الفرن على درجة حرارة 200 لمدة 25 دقيقة.

الخبز التركي المقادير 2كوب من الدقيق الأبيض (حسب الكمية ) بيالة شاي من دقيق القمح (اختياري) 1 م كبيرة سكر 1م كبيرة خميرة فورية زيت زيتون كوب ماء دافي حليب 1م صغيرة ملح . . . الطريقة : في وعاء نضيف الماء الدافئ وزيت الزيتون والخميرة والسكر ونخلطها مع بعض ونتركها تتفاعل لمدة 10دقائق نضيف الدقيق الأبيض والقمح والملح ونحركهم مع بعض نعمل حفرة بالنصف ونضيف خليط الخميرة ونبدأ نعجنها مدة من7_10د اذا احتاجت مويا نزيدها حليب دافئ او مويا دافيه حسب ماتبون انتوا ونعجن حتى تصير عجينة ملساء ناعمة ماتلصق باليد نتركها تخمر ويتضاعف حجمها ونغطيها بقطعة قماش بعدها نقسم العجين ونشكله على شكل دائره متساوية الحجم ندهن بصفار بيض ونزينة بالسمسم وحبة البركه نخبزة بالفرن مسبق التشغيل

صوص الكراميل . . المقادير كوب سكر (200 غ) معلقة كبيرة ونصف زبدة كوب حليب (200 مل) معلقة كبيرة نشاء مذابة مع ملعقتين كبار حليب رشة ملح طريقة التحضير: - نحط حلة كبيرة على نار متوسطة ونخليها تسخن ثم نضيف السكر فقط بدون ماء ونتركه وعندما يبدأ يتكرمل من تحت وياخد لون من الأطراف وأول ما ياخد لون ذهبي متوسط نهديء النار و أهم حاجة نقلب جيدا حتى لايتكتل. - بعدما يذوب السكر نضيف الزبدة ونقلب جيدا حتى تذوب تماما نضيف الحليب الساخن على الخليط ونقلب جيدا لحد الى ان تمتزج المكونات مع بعضها وبعدها نضيف خليط الحليب والنشاء ونقلب حتى نتحصل على القوام المطلوب وبعدها نضيف رشة الملح ونقلبها جيدا واذا كان فيه تكتلات ممكن تضربيه بالبلندر او في الخلاط. - نصب الكراميل في برطمان محكم الغلق ونتركه يبرد. - ممكن نحفظ صوص الكراميل في الثلاجة أو الفريزر لمدة 3 اسابيع. - يستخدم صوص الكراميل في أنواع مختلفة من الحلويات ويدخل في تحضير بعض أنواع الفطائر، يعطي مذاق مميز جداً، وممكن استخدامه في تزيين العديد من أنواع التورتات والايسكريم، وممكن استخدامه في العصير المثلج أو المشروبات الباردة