አዋሬ ሙሉ ወንጌል ቤ/ክ - AFG

በጌታ የተወደዳችሁ ቅዱሳን የጌታ ሠላም ይብዛላችሁ! ትናትና ዕሁድ (ጥቅምት 25 ቀን 2016ዓ.ም)  ማለዳ በነበረው መደበኛ የአምልኮ ፕሮግራማችን የቤተ ክርስቲያናችን የዓመቱ መሪ ሀሳብ በሆነው የወንጌል ተልዕኮ ላይ ያተኮረ ልዩ ፕሮግራም የነበረ ሲሆን፤ በዕለቱ ቅዱሳንን የወንጌል ማህበረተኛ በማድረግ ወንጌል ላልደረሳቸው በሀራችን ለሚገኙ የማህረሰብ ክፍሎች እንዲደርስ ለማድረግ በፀሎት እና በገንዘብ ድጋፍ የሚያደርጉበትን ሥርዓት የማስተዋወቅ ስራ ተሰርቷል፡፡ በቤተክርስቲያናችን በዕቅድ በተያዘው መሠረት በየዓመቱ የተልዕኮ ቀን የሚኖር ሲሆን የዚህ ዓመታዊ ፕሮግራም ማስጀመሪያም እንዲሆን ተደርጓል፡፡ በዚህም መሠረት በፕሮግራሙ ላይ የተገኙት አብዛኞቹ ተሳታፊዎች በሀገራችን ለሚገች በወንጌል ላልተደረሱ 36 የማህበረሰብ ክፍሎች በቋሚነት ለመጸለይ ቃል ገብተዋል፤ እንዲሁም የወንጌል ማህበረተኛ በመሆን ለሚሲዮናውያን ድጋፍ የሚሆን ገንዘብ አቅማቸው እንደፈቀደ በየወሩ ለማዋጣት ስማቸውን በመስጠት ተመዝግበዋል፡፡ በዕለቱ ለዚሁ ርዕሰ ጉዳይ በሚያነሳሳ መልኩ "እግዚአብሔር ከየት እንዳነሳን እና በእጃችን የሰጠንን ኃላፊነት ማየት " በሚል ርዕስ ወንድም ቢኒያም ሰለሞን ከሆርን ሆፍ አፍሪካ ኢቫንጀሊካል ሚሽን ኢንጌጀርስ ከእግዚአብሔር ቃል ያገለገለ ሲሆን  የቤተ ክርስቲያናችን አምልኮ መሪዎች አምልኮ  በመምራት እና በዝማሬ  አገልግለውናል፡፡ በዕለቱ ሁለት ወገኖች ወደ እግዚአብሔር መንግስት የተጨመሩ ሲሆን በዚህም ጌታን አክብረናል፡፡ የእግዚአብሔር ቃል መልዕክት እና የዝማሬ አገልግሎት የድምፅ ቅጂዎች እና ምስሎች ከዚህ በታች ተቀምጠዋል። በዕለቱ በተለያየ መልኩ ያገለገሉትን ሁሉ እግዚአብሔር ይባርካቸው፡፡ ክብር ሁሉ ለእግዚአብሔር ይሁን!

የተወደዳችሁ ቅዱሳን የጌታ ሠላም ይብዛላችሁ ! ዛሬ ዕሀድ ( ጥቅምት 18 ቀን 2016 ዓ.ም )  ማለዳ በነበረው መደበኛ የአምልኮ ፕሮግራማችን  "ሰበብ የለንም"  በሚል ሀሳብ የቤተ ክርስቲያናችን አገልጋይ  መጋቢ ሮማን ሳሙኤል ከእግዚአብሔር ቃል ያገለገለች ሲሆን የቤተክርስቲያናችን የአምልኮ መሪዎች አምልኮ በመምራት በዝማሬ  አገልግለውናል፡፡ ልጆችን ለጌታ  በፀሎት የመስጠት ጊዜ ነበር በዚህም  ጌታን አክብረናል። የዕለቱን የእግዚአብሔር ቃል መልዕክት እና የዝማሬ አገልግሎት የድምፅ ቅጂ እና ምስሎች ከዚህ በታች ተቀምጠዋል። በዕለቱ በተለያየ መልኩ ያገለገሉትን ሁሉ እግዚአብሔር ይባርካቸው፡፡ ክብር ሁሉ ለእግዚአብሔር ይሁን!