Mahin's World

Shu yerda ajoyib loyiha boshlandi. Saviyali kontentlar ko’paymoqda jigarlar. Borib, ko’rib “Omad jigar” deymiz https://youtu.be/2qk1FPsAHOU

#xotira Ziplaynda umuman uchmagandim. Adrenalin juda yoqadi. Lekin uchmagan ekanman aynan ziplaynda. Xullas, Qora dengiz bo’yidamiz. Xalqaro oromgohning tantanali tugash marosimi bo’ldi va hammamizni dengiz bo’yiga chaqirishdi. Bordik. Vaaaa Ziplayn bizni kutardi. Yangi tajriba, olam-olam emotsiyalar qurshab oldi. Tasavvur qiling a Qora dengiz shundoqqina oyog’ingiz tagida. Siz esa yuqorida bittagina temirchaga osilgancha uchib o’tmoqdasiz. Sinab ko’rarmidiz? @mahinsworld

​​#book_review Chexovning yozganlari o’z qahrabosi bilan boshqalardan ajralib turadi. O’zining hajman kichik ishlarida jamiyat muammolari, falsafiy muammolar, achchiq hayotning realligi qamrab oladi. Bugun yozmoqchi bo’lganim “6-palata” haqida. Ushbu san’at asari rus xalqining aqli zaiflar hayot tarzi, ularni “qamoqxona”dan ham abgor holatda saqlashlariga bosh ko’tarish timsolida yozilgan. Kunlardan bir kun Chexov rus aqli zaiflar ushlab turiladigan kasalxonalar hisoboti bilan tanishadi. Hisobotda kasallarni urishlari, qiynoqlarga solishlari, qamoqxonadan ham rasvo sharoitda tutishlari yozilgandi. Oradan vaqt o’tib o’zi shunday kasalxonaga boradi va ko’zi bilan ahvolni ko’radi. Qalbi ostin-ustun bo’ladi. Shu tarzda 6-palataning tamal toshlari yuragida paydo bo’ladi. Hikoyadan hajman kattaroq, asardan esa kichik bo’lgan ushbu qissa realizmda yozilgan. O’sha paytlar urfga kirgan yo’nalish edi. 6-palata haqida qisqa hikoya qilishim shart emas, deb o’ylayman. O’qib ko’ring. Endi esa mavzularga to’xtalsam. Eng asosiy mavzulardan biri - bu qalb kambag’alligi. O’qimaganlik, dunyoqarashlar torligidir. Shaharning qalbi qashshoq. Ular bilan gaplashadigan gap, baxslashadigan mavzuning o’zi qolmagan. Ularning kuni bir xil tarzda o’tadi. Sug’ur kuni desak mubolag’a qilmagan bo’lamiz. Eng katta misol: qahramonimiz doktor Andrey Yefimich. Shaharning asosiy ovunchog’i - g’iybat, Manfaatlar. Ijtimoiy mavzulardan biri - mas’uliyatsizlik. Amaldorlar, kursi egalarining o’z kasbiga sovuqqonlik qilishlari. Ular pullarni keraksiz binolar qurishga sarflashadi-yu, lekin kasalxona isloh qilinmaydi. Davolashnig yangi usullari qo’llanilmaydi. Shunchaki kun o’tib, pul sarflashga kun o’tkazishadi. Yolg’izlik - doktor Andrey Yefimichning qalban yolg’izligi. Kim bilan suhbatlashishni bilolmay, kim gapini tushinishini qidirib 6-palatadagi o’zi kabi yolg’iz vos-vosga chalingan Ivan bilan suhbatlashishi. Aynan shu suhbatlar o’zidan shubhalanishiga sabab bo’ladi. Jamiyat dildan suhbatni tushunmaydi. Ular uchun manfaatlar bo’lsa bas. Hattoki doktorga yaqin do’st hisoblagan Mixailda ham bee’tiborlik va manfaat yotadi. Afsus. O’qing. Go’yoki jamiyatimiz 6-palataga aylanmoqda. @mahinsworld

#nimadir Hech narsani yangi loyiha ham, yangi odamlar-u, yangi g’oyalar ham qutqarmaydi. Tizim… Faqatgina tizim kerak. Tizim bo’lmas ekan, bari befoyda. Pullar sarflanaveradi, vaqt o’taveradi, raqamlar uchungina yashalaveradi. IMHO @mahinsworld

Go’zalliklarni olib keldim sizlarga🫠 @mahinsworld

https://www.instagram.com/reel/C9KZUWDIGlt/?igsh=MWExYm8zZXI1czQxMg== Mahinreadsni tiklayapman. Tezda borib qo’llab keling

Ha, so’rashdan esdan chiqibdi. Sevgingiz bilan kitob o’qiyapsizmi? @mahinsworld

Balzakni “Sag’ri teri tilsimi”ni birgalikda boshladik U bilan. Tariflarshga til ojiz. @mahinsworld

​​#book_review Ba’zida hech ham reja qilmagan kitoblaringiz qo’lingizga tushadi. Olasiz, varaqlaysiz va qiziqib qolasiz. Natijada qanday qilib o’qiganingizni sezmay qolasiz. Mendagi shunday kitob Gogolning “Burun” kitobi bo’ldi. Inglizchasini sovg’a qilishdi. Hajman kichik ushbu kitob absurd-komik hisoblanib, o’zining g’alati uslubi, personajlarning ajabtovurligi bilan ajralib turadi. Qissa boshida ko’pchilik tomonidan bir latifadek qabul qilingan. Keyinchalik 20-asrga kelib esa hayratlanarli san’at asariga aylangan. Ajib kunlarning birida kollej asessori Kovalyov uyg’onib yuzining burun sohasida silliqlik sezadi. Ya’ni burun joylashgan makon tep-tekis edi. Ha, u burunsiz qolgandi. Tasavvur qiling a, BURUNSIZ. Kuni kecha uylanish niyatida nechtasini ko’z ostiga olib, qanchasini kuydirmoqchi bo’lgan hurmatga ega olg’rimiz endilikda burunsiz bir odamga aylangandi. Kovalyov o’zini juda yomon his etadi. O’ylab ko’ring-da, tongda uyg’ondingiz va sizning bir parchangiz shunchaki yo’q bo’lib qoldi. Ushbu qissada byurokratiya, tabaqalashuv, poraxo’rliklarni ko’rishga ulguramiz. Shunchaki burun yo’qolganligi haqida xabarni bosish uchun ham sizdan ugina, bizdan bugina deydiganlar borligi va ushbu illat aynan bizning jamiyatda hozirga qadar o’z tomirlarini ajiriq kabi yoyayotganini bilamiz. Undan tashqari Kovalyovning burni o’z egasini mensimay, kibr bilan o’tib ketganichi?! Voh-Voh-Voh… “it semirsa egasini tanimas ekan”, “burni ko’tarilib ketibdi”, deymizda, nimayam derdik. Ajoyib a? Balki burun sirg’alib qochib, o’z egasini “burnini yerga ishqalamoqchi” bo’lgandir. Nima deysiz? O’zi kichik qissa bo’lsa-da xayoliy voqealardek ko’rinsa-da hozirga qadar o’z aktualligini yo’qotmagan. O’qing, bir kun ham vaqtingiz ketmaydi. @mahinsworld

#tungigaplar Bir narsa qiziq, Tohir va Zuhraning bu dunyoda birga bo’lishiga Qorabotir yo’l qo’ymaydi. Ertakka ko’ra yakunda uchchalasi ham o’ladi. Xalq Tohirni qahramon deb bilsa, Tohir va Zuhraning visolini istasa, nega yana shu xalq ikkisining o’rtasiga Qorabotirni ko’madi? G’alatimasmi? Yoki sevishganlarni ajratish qonga singganmi? @mahinsworld