Available now! Telegram Research 2025 — the year's key insights 
Math_Master
Open in Telegram
264
Subscribers
-124 hours
-37 days
-630 days
Posts Archive
263
Repost from Bilimni baholash agentligi
#Qabul2022
Abituriyentlar uchun qo‘shimcha imkoniyat
👨🏻💻 2022-yil 27-iyul kuni 2022-2023-o‘quv yili uchun oliy ta’lim muassasalarining bakalavriat ta’lim yo‘nalishlariga abituriyentlarni onlayn ro‘yxatga olish yakunlandi.
✅ Ma’lumki, test sinovlari tashkil etilayotgan o‘quv yilidan avvalgi yillarda ta’lim muassasalarini tugatgan abituriyentlar test sinovlarida ishtirok etish uchun bazaviy hisoblash miqdorining yarim baravari miqdorida to‘lovni amalga oshiradilar.
❕ Test sinovlari uchun to‘lovni amalga oshirmagan abituriyentlar ro‘yxatdan o‘tmagan hisoblanadi va test sinovlarida ishtirok eta olmaydi.
📣 27-iyul kuni (qabulning so‘nggi kuni) ham ko‘plab abituriyentlar onlayn ro‘yxatdan o‘tgani va aksariyati to‘lovni amalga oshirishga ulgurmagani sababli ularga qo‘shimcha imkoniyat berildi.
📆 Unga ko‘ra test sinovi uchun to‘lovni amalga oshirishga ulgurmagan abituriyentlar 28-iyul kuni soat 18:00 qadar to‘lovni amalga oshirishlari mumkin.
Davlat test markazining rasmiy sahifalari:
Telegram | Facebook | Instagram | YouTube
263
Жорий йилги тестда абитуриентларга саволларни ишлашга ёрдам тариқасида математика формулалар ҳам тарқатилади
#abituriyent
Бу ҳақда @xushnudbek каналида бўлиб ўтган овозли чатда ДТМ директорининг ўринбосари Сардор Ражабов маълум қилди.
Унинг хабар беришича, жорий йилда илк марта абитуриентларга саволлар китоби билан бирга энг асосий математик формулалар ҳам тарқатилади. Яъни энди бу каби формулаларни шпаргалка қилиб ёки яширинча олиб кириш шарт бўлмайди. Абитуриентлар тарқатилган формулалардан бемалол фойдаланиб, тест саволларига жавоб топишлари мумкин бўлади.
❗️Формулалар математика фани мутахассислик блокига киритилган барча йўналишлар учун берилади. Биринчи ёки иккинчи фан эканлигининг фарқи йўқ. Мутахассислик блокида математика фани йўқ бўлган йўналишларда мажбурий блокдаги математика учун формулалар берилмайди. Чунки мажбурий блокдаги математика фанига формула шартмас, саволлар шундоқ ҳам элементар даражада осон бўлади.
Маълумот учун: аввалги йилларда кимё фанидан топшираётганларга Менделеев даврий жадвали, физикадан топшираётганларга эса физик катталиклар рўйхатини тарқатиш йўлга қўйилганди.
👉 @xushnudbek 👈
263
Repost from Xushnudbek.uz
Нега қабул жараёнлари узайтирилди? Энди тест ҳам чўзиладими?
Шундай саволлар ҳам келиб турибди. Қабул жараёнлари нима учун чўзилганининг расмий изоҳини билмадиму, лекин бунга заррача ҳайрон бўлганим йўқ.
Чунки жорий йилда тўлақонли қабул жараёнлари 27 июнь куни тунда, яъни муддатидан 1 ҳафта кечикиб бошланди. Унгача 20 июндан бошлаб шунчаки my.dtm.uz сайтида онлайн рўйхатдан ўтиш очилганди, лекин абитуриентлар йўналишларни танлай олишмасди. Бу ҳақда бир неча бор каналимда ёзганимни эсласангиз керак.
Шу сабабли ижтимоий адолат нуқтаи назаридан абитуриентларга яна 1 ҳафта муддат қўшиб бериб, қабулни 27 июлга қадар давом эттиришга қарор қилинган бўлса керак.
Бунинг натижасида тест кунлари ҳам чўзилиши мумкинми? Ҳа, мумкин. Лекин у кўпга чўзилиб кетмайди, хавотир олманг. Ўтган йили тест синовлари 5 августда бошланган эди. Жорий йил ҳам тахминан шу саналар атрофида бошланиб қолса керак. Яна ҳам саналари аниқ бўлганда маълумот берилади.
👉 @xushnudbek 👈
263
Repost from Xushnudbek.uz
+1❓Кундузги билан сиртқи қўшиб танланганда давлат гранти устуворлиги масаласи қанақа бўлади?
#abituriyent
✅ ЖАВОБ: давлат гранти учун квота ажратилмаган таълим шаклларида ўз-ўзидан фақат тўлов-контракт учун танлов бўлади.
Абитуриентлар йўналиш танлаётганда қуйидаги иккита устуворликдан бирини белгилашлари мумкин: «Давлат гранти» ёки «Давлат гранти ва тўлов-контракт».
Бу иккаласининг маъноси қанақалигини мана бу ерда тушунтирганман.
Аммо жорий йилдан бошлаб илк марта бир нечта таълим шаклларини аралаш танлаш имкони пайдо бўлди. Шу сабабли кўпчиликда савол туғилмоқда, агар биз «Давлат гранти» деган устуворликни танласак, унда сиртқи ёки кечки таълим шаклларида танлов қанақа бўлади, ахир уларда давлат гранти йўқ-ку деб.
Буни сўзда тушунтириш бироз мушкулроқ, шу сабабли иккала устуворлик учун ҳам алоҳида чизма тайёрладим. Шунда кетма-кетлик қанақа бўлишини осонроқ тушуниб олишингиз мумкин.
Қисқа қилиб айтганда, “давлат гранти” устуворлиги худди кундузгидек бўлаверади, фақат сиртқи, кечки ёки масофавий танланганда грант қисми ташлаб кетилади холос.
👉 @xushnudbek 👈
