الـسَّــلــــــــــوَى💛🦜

"لم أستطع تجاوز حلاوة قول إحدىٰ الحافظات ، حين حدّثتنا مرة فقالت : استيقظتُ في إحدىٰ الليالي من نومي فجأة ، وعندي رغبة شديدة في قراءة القرآن 💕 رغبة كانت غريبة في وقت كهذا من الليل ! فقمت وتوضّأت وحملت مصحفي ، وأخذت أقرأ حتىٰ ارتويت ، ثمّ عُدت بعدها إلىٰ النّوم .. .. أيّ شيء هذا الذي يُحدِثه القرآن في قلبِ صاحِبه ! يجعلهُ كما الطفل ؛ كلَّما ابتعدَ عن رحابِ أمّه هرعَ إليها من جديد ♡ يطلبُ الأمان ويرتجي السكينة ، وأي حرمانٍ هذا الذي يعيشه مَن لا يصاحِب كلام خالِقه ؟! فاللهمّ هذِّبني بالقرآن ، ثقّل يمين ميزاني واجعل خاتمتي طيّبةً حسنة ، فأنجو من الدنيا ويبرأ قلبي وتهدَأ أنفاسي ويضحك عالَمي . ممكن نصلّ على الحبيب !♥️ #القرآن

لاتجعل الأشياء التي تريدها تنسيك الأشياء التي تمتلكها.. كن حامدا واتق شر الجحود..♡ صل ع الحبيب♡ #نعمة_الحمد

هلموا فقد أتى عصر الجمعة اكرمونا بالدعاء معكم..💛 من فاته شيء من حاجته ونسي ان يدعو بها فليدعوا بجوامع الدعاء فقد كفته..!♡ من جوامع الدعاء التي يدعي بها النبي صل الله عليه وسلم:- -اللهم اني اسألك من الخير كله عاجله وآجله ماعلمت منه وما لم أعلم وأعوذ بك من الشر كله عاجله وآجله ماعلمت منه وما لم أعلم..أسألك من خير ما سألك منه عبدك ونبيك محمد صل الله عليه وسلم وأعوذ بك من شر ما عاذ به عبدك ونبيك محمد صل الله عليه وسلم وفي رواية رسولك..اللهم اني اسألك الجنة وماقرب إليها من قول اوعمل وأعوذ بك من النار وما قرب إليها من قول او عمل وأسألك ان تجعل كل قضاء قضيته لي خيرا.. -اللهم آتنا في الدنيا حسنه وفي الآخرة حسنة وقنا عذاب النار -اللهم يا مقلب القلوب ثبت قلوبنا على دينك صل ع الحبيب..! #ساعة_الاستجابة

قال : قبل فترة كنت في حمام في مول كبير ، مشيت أغسل يدي 🌸 الماسورة كانت بتشتغل بجهاز حسّاس sensor يعني ما عندها مفتاح أو يد تشتغل بيها ، تخُت يدك تحت الماسورة بتشتغل طوالي .. جا عمنا راجل كبير داخل الحمام و وقف قِدّام الماسورة ، و حاوَل يفتحها وما عرِف ليها ! أنا ما انتبهت لِي عمّنا ده ، لكن اللي خلّاني أنتبه شاب واقف بي ورا العم و بصوّر فيهُ فيديو و بيضحَك ! لمن شفت الموقف طوالي قلت لِلعَمّ : يا حاج بتتعمل كده الماسورة ، و اشتغَلَت ليهُ . و مشيت للشاب و قلت ليهُ : كده عيب ده راجل قدر أبوك ، وما عارف يشغّل الماسورة و دي ما حاجة عيب ولا غلط ، كلنا بنتعلّم ! قعد يضحك ويقول لي : ديل عرب ساي ، ديل الفلاحين .. قلت ليهُ : انت بتصوّر الفيديو ده و عايز تنزّله في النت عشان الناس اللي زيّك تضحك على الراجل الطيبان ده و تعملوا شير للفيديو ، و تبقوهُ موضوع ؟! اتناقشنا و النقاش زاد و قرّبنا نتضارب بس الناس مسكونا و كل زول مشى في طريقه وبعد شوية الناس سمعت صوت صريخ شديد .. جرينا لقينا في حجة كبيرة واقعة في الأرض داخلة في غيبوبة و الناس واقفة ما عارفين يتصرفوا .. والشاب اللي كان بيصوّر عمّنا داك زاته جرى عليها وطلعت والدته ! سبحان الله ♥️ الراجل الكبير اللي كان بصوّر فيهُ الشاب طلع دكتور ! و مشى في نُص الناس الملمومة دي و ساعَد الحجة الكبيرة و الحمد لله فتّحت ، و أي زول حضر نِقاشي معاهُ بِقى واقف مخلوع ! واحد من الحاضرين الموقف مشى للشاب و قال ليهُ : شُفتَ الزول اللي كنت بتضحك فيهُ و حَقَرت بيهُ في الحمام ، هو اللي ربنا رسّله ليك عشان يساعد أمك ! الحياة يا ولدي ما بتمشي زي ما انت فاهمها .. الجاهل ما هو الزول اللي لسه بيتعلّم ، الجاهل هو الزول اللي لسه ما عارف ولا فاهم إننا بشر و بنكمّل بعض ♥️ #اتزان سبحان الله ربنا أدّى الشاب درس سريع شديد ، و خلّاهُ يعرف قيمة الزول اللي حقَر بيهُ قبل دقايق ده . و في الوقت اللي كان الشاب عايز يعمل من العم الكبير موضوع في السوشيال ميديا ، ربنا وضّح ليهُ الصورة بِطريقة مُدهِشة ، و الفلّاح اللي كان بيضحك عليهُ ده هو اللي ساعد والدته ! العرب ما نبذة ، والفلاحين ما شغالين شُغل عيب ولا دي حاجة يخجلوا منها . لازم كلنا نفهم إنه مافينا زول اتوَلَد بيعرف أي حاجة .. ولا فينا زول حيبقى عارف كل شي في الدنيا دي ! لأنه الكمال لله وحده ♥️ و ده اللي بيحصل كتير في حياتنا ، الواحد يكون شايف روحُه أحسن زول و عامِل فيها "أبو العِرّيف" ! و المشكلة إنه بِقِيس الحياة كلها بنظرته هو وبس ، و شايف كل الناس جاهلة وما بتعرف شي ! مهما اتعلّمنا حنكون لسه ناقصنا الكتير ، وقدر ما نعرف حاجات حيكون في اللي بيعرف أكتر مننا ، عشان كده مافي داعي الناس تفتري و تحتقِر غيرها . و ضروري شديد نحترم اللي أكبر مننا و لو في حاجة ما عرفوا ليها ، نورّيهم و نساعدهم من غير تجريح و إحراج ♡ الدنيا دي رايحة و كلنا ضيوف فيها و حنفارِقها ، بس المهم حنفارِقها و نحنا خالّين ورانا شنو ؟! فاللهمّ اجعلني طيّبةً مُبارَكة ، دثّرني بمكارِم الأخلاق و أمِتني عليها ، أن يطِيب أثَري و تتعطّر سِيرتي بِكُل جميلٍ، و أن ترضى عنّي و ترحمني و ترزقني سعادة الدنيا والآخرة . ممكن نصلّ على الحبيب !♥️ #تيسير_الصادق

اللهم صل وسلم وبارك على نبينا محمد وعلى آله وصحبه وسلم

لو فات عليك يوم الليلة م تضيع يوم بكرة وبعده♡ ان لم تكن صائما فكن مذكرا..^-^

لو فات عليك يوم الليلة م تضيع يوم بكرة وبعده♡ ان لم تكن صائما فكن مذكرا..^-^

الايام البيض 📣📣📣📣📣📣📣 🟢 يوم 13 رجب 1445 يوم الخميس 25 يناير 2024 🟢 يوم 14 رجب 1445 يوم الجمعة 26 يناير 2024 🟢 يوم 15 رجب 1445 السبت 27 يناير 2024

: "وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الأَرْضِ وَلَكِنْ يُنَزِّلُ بِقَدَرٍ مَا يَشَاءُ إِنَّهُ بِعِبَادِهِ خَبِيرٌ بَصِيرٌ"، الخبير هو من أسماء الله الحسنى، وهو من صيغ المبالغة، ومعناه: العالم بما كان وما يكون، والخبير هو الذي لا يخفى عليه شيء في الأرض ولا في السماء. البصير هو من أسماء الله الحسنى ،ومعناه :الذي أحاط بصره بجميع المبصرات في أقطار الأرض والسموات، فيرى دبيب النملة السوداء على الصخرة الصماء في الليلة الظلماء.

شيخنا الفاضل د.محمد الأمين إسماعيل كان عنده برنامج لتفسير القرآن في التلفزيون يوم الجُمعة .. كنت ضابطة منبّه تلفوني عديل للبرنامج ، مرات بكون عندنا مُشوار عائلي أو جاينّنا ضيوف ، لمّن أصل مكان ماشّين أو ضيوفنا يجو طوّالي بستأذَن من المعاي ونفتَح البرنامج نحضرُه كلنا ماشاء الله ♥️! وبعد البرنامج ينتهي نقعُد نتناقش عن الحلقة والأحلى إنهم بِتابعوا باقي الحلقات .. بتذكّر مرة الحلقة بدَت وكانت عن قِصة بقرة بني إسرائيل وجيت كَتَبْت هنا في الصفحة قُلت عشان الناس تحضر وتستفيد . بعد الحلقة انتهَت لِقِيت رسالة من بنوتة قالت لي : أنا عندي إختبار في سورة البقرة بُكرة والحلقة بِقَت لَي زي المُراجعة وثبّتت لي حِفظي شديد ♡ وتاني ما حأفوّتُه إن شاء الله .. اللهم بارِك الشيخ طريقته جميلة جداً في التفسير ، وأي زول حِضِر ليهُ حلقة أو مُحاضرة حيقول ليك استَفِدت الحمدلله التفسير بساعِد في الحِفظ ، وحتى لو ما بتحفَظ التفسير بخلّيك تقرأ القرآن وانت مُستَمتِع بالقصص اللي فيهُ "ما زي لمّن تكون بتقرأ وانت ما فاهِم !" لو باقي في عُمرك دقائق بس سجّل وانشُر خلّي غيرك يسجّل كمان ، ما حتندموا ♡ -والله ما عندنا زمن يا تيسير ! =كدي أحسِبوا لي الزمن اللي بتقضّوه في حاجات ما مُهِمّة في الواتس والفيس .. -والله نحنا حزينين وأمورنا ما مُستقرّة ! =مافي وقت للجِرسة والإنهيار أغرِسوا فسيلتكُم ودموعكم جارية عادي 😁♥️.. تفاصيل ورابط التسجيل : معهد الإمام ابن كثير للتفسير فرصة ذهبية لتكون ضمن الدفعة الأولى لطلاب معهد الإمام ابن كثير لدراسة تفسير القرآن الكريم كاملا خلال ثلاثة أعوام مع فضيلة الشيخ الدكتور المفسر: محمد الأمين إسماعيل. رابط التسجيل: https://forms.gle/3htDX7ELw2kQv5gk9 رابط صفحة المعهد على الفيس بوك: https://www.facebook.com/profile.php?id=61554936401737... #القرآن قُرآنُنا مِساحة العُمر الآمِنة ومُسكّن الآلام والأوجاع، راحة البال وطمأنينة الفؤاد التي لا تزول، فأدِمها نعمةً علينا يا رحيم وأذِقها كُل العالمين . ممكن نصلّ على الحبيب !♥️ #تيسير_الصادق