قصص زوجية ممتعة

🌀 ✴ 🧜🏼‍♀ ✴ 🌀 💞💅🏻💃🏻🏃🏻‍♀👗👘 💇🏻‍♀🔆🧝🏻‍♀🔆👩🏼‍⚖ *يوم الإثنين* *أولادي أحبابي* اكتشفت إن ابني بيشتم شتايم صدمتني! أعمل إيه من غير ما أخسره؟ من أصعب اللحظات على الأم لما تكتشف ان ابنها (المتربي أحسن تربية) بيقول كلمات "فاح*شة" أو "بذيئ*ة" مع أصحابه أو وهو غضبان. الصدمة بتخلينا عايزين نصرخ، نعاقب، أو نعاتب فوراً.. بس استني!⚠️ لو عايزاه فعلا ميقولش كده تاني في غيابك قبل وجودك أنت لازم تستني ⚠️ لا تواجهي، لا تعاتبي، ولا تظهري صدمتك في وقتها. ❌ المواجهة المباشرة في لحظة انفعال بتخلي الطفل "يعند" أو "يتعلم يداري أكتر". ❌ انسحبي واختاري (وقت روقان) وكأنك بتتكلمي في موضوع عام.✅ 🌸1️⃣ ابدئي بسؤال يحرك مشاعره: • "لو -لا قدر الله- مامتك او حد غالي عليك قالك (أنا بكرهك)، وبيتكلم بجد هتحس بإيه؟" هنا هيوصف مشاعر "الق*هر، الح*زن، الوج*ع". 🌸2️⃣ الربط بالخوف من "بغض الله": ⚖️ هنا انقليه لمستوى أعلى بكتير من مجرد "خوفه من عقابك": تخيل ان ربنا يبغض إنسان !! يا تري عمل ايه ؟؟ النبي ﷺ قال: (إنَّ اللهَ لَيُبْغِضُ الفاحِشَ البَذِيءَ).. يعني ربنا بيكره وبـ (يبغض) الشخص اللي لسانه بيخرج كلام فاحش وبذيء زي اللي بنسمعه في الشارع." 🌸3️⃣ اسألي "هل فيه حاجة في الدنيا تستاهل إننا نخرج من لساننا كلمة ربنا يبغضنا بسببها؟" هل (الروشنة) قدام الصحاب تستاهل؟ هل (لحظة غضب) تستاهل إننا نخسر حب ربنا ؟ 🌸4️⃣ الدستور القرآني (التدبر): 📖 في نفس اليوم، اختاري آية تربط على قلبه وتثبت المعنى: (لَّا يُحِبُّ اللَّهُ الْجَهْرَ بِالسُّوءِ مِنَ الْقَوْلِ) الجهر بالسوء": اشرحي له المعنى بكلمات قريبة منه.. "الجهر يعني إننا نعلّي صوتنا أو نتكلم بوضوح، والسوء هو كل كلام وحش (شتيمة، استهزاء، تنمر، أو كلام بذيء). ربنا بيقولنا إنه لا يحب الفعل ده حتى لو هو (حقيقة) أو إحنا (متضايقين) يعني ربنا يحبك تحافظ علي لسانك ايه ؟؟؟ وخليه يقول نظيف 🥹❤️❤️ ✅✅كده إنتي مش بس منعتي "شتيمة"، إنتي زرعتي مراقبة داخلية و"بوصلة" أخلاقية هتفضل معاه حتى وإنتي مش موجودة. طيب خلاص كده هو بعد الحوار الجميل الهاديء ده هيبطل يشتم تاني ؟؟ 🤔 لا طبعا ممكن يغلط ويشتم وبناء الضمير والرقابة الداخليه ده بيحتاج تدريب وتذكير واصطبار بكل هدوء لو سمعتيه بيشتم 🌻1️⃣ قوليله بهدوووووء * (لَّا يُحِبُّ اللَّهُ الْجَهْرَ بِالسُّوءِ مِنَ الْقَوْلِ) استغفر يا حبيب الله 🌻2️⃣اسأليهم مين حبيب الله اللي حافظ علي لسانه نظيف اليوم ❓ واللي يقول أنا ✅شجعيه وامدحي فعله اللي ميردش قوليله قدامك فرصة تصلح استغفر كتير وحاول تاني بكرة ليه الطريقة دي هي الأفضل؟ 🤔 ✅ عشان بتبني جواه ضمير (مراقب داخلي) ميزانه رضا الله مش طفل "بيخاف من عقاب ماما" وأول ما تغيبي عنه يعمل اللي هو عايزه.. ✅ عشان علاقتك بيه هي "الأمان": لما بتتعاملي بهدوء وحكمة، ابنك بيفضل واثق فيكي.. الباب بيفضل مفتوح بينكم دايماً، لو غلط هيجيلك يحكي لك مش هيخبي ويخاف، وكده إنتي كسبتي صاحب مش مجرد طفل بيسمع الكلام. ✅ عشان راحتك النفسية : التربية بآداب القرآن بتعلمنا إننا (مذكرين -منذرين-محفزين-مبشرين).. إحنا علينا نزرع البذرة بوعي وحب، والنتيجة والهداية دي من الله وحده. فاهدي وارتاحي، إنتي بتعملي اللي عليكي والباقي على رب قلوبهم. 🌱 ♾👩‍🍳♾👩🏼‍🎓♾. 👩🏾‍🏫♾👩🏻‍⚕♾🤱🏼👱🏻‍♀👩🏼 *إدارة خدمه الحوريات* ♾ 🤰🏼♾👩‍🔬♾👸👰🏻 🌀 ✴🧜🏼‍♀ ✴ 🌀