سئچیلمیش شعرلر

پنجره‌م آاااخ... چیرکابلی باخیشلار اوغورلادیلار مندن بولاق گؤزلو پنجره‌می هئره‌سینده دَن تؤکوردوم مونجوق گؤزلو سئرچه‌لره دوپ- دورو آیناسیندا باخیردیم گونَش ایله گونه‌باخان سئویشمه‌سینه سونبول ساچلاریم، آغاجلارلا بیرگه، سَرین یئلده رقص ائدیردی چرچیوسینده سارماشیقلار گؤوه‌نیردی اونونلا قونشولوغا یاغیش اؤونوردو گؤیچک اوزونو یوماغا پنجره‌مین اوره‌یی او قدر گئنیش ایدی کی؛ اونا گؤی ده سیغیشیردی، گؤیرچین ده مگر ایلک کره چرپلنگ‌لر اوچاندا، اوچوش ذؤوقونو او سالمادیمی بئینیمه؟! هردن قونشونون قیزجیغازی گولوردو، هر دن قادینی پالتار سَریردی‌ رمکه‌سینده قیسقانج باخیشلار چوخ گؤردو اونو منه؛ ایندی ایسه قاپی- قاپی هارادان آختاریم من آینا گؤزلو پنجره‌می؟! قیللی اللردن قاچیب آسفالت اوزرینده ماشینلار آلتینا دوشسه؟! چیلیک-چیلیک سینسا؟! ایتی تیلیشکه‌لری خائین اللری کسه‌جک می؟! نارین سینیقلاری یئنه ده منی گوستره‌جک می؟! ائه... نه قدر چارپاشیق،  پیرتلاشیق فیکیرلره گؤمولور اینسان، قریبه‌دیر سئومک.... #سحر_خیاوی https://t.me/secilmiseirler

اوشاق ادبیاتی زیبایی بینظیر اجرایی برای ناشنوایان! ای کاش باز هم تکرار شود! ناشنوایان گرچه نمی‌توانند با گوش‌هایشان بشنوند، اما با هزاران دریافت‌های قلبی صداهایی را می‌شنوند که ما شنوایان نمی‌شنویم. صداقت و راستی که شاید آرزوی فریاد آن را دارید، در ضربان حیاتتان می‌تپد و شما می‌شنوید، نه با حس شنواییتان، بلکه با تمام وجودتان. https://t.me/Adabiyyatsevanlar

فریبا_مرتضایی آغیردیر یالقیزلیق نه اوره ییم چکیر، نه دیزلریم گئدیشیمی ائشیت سس وئر کیم اؤز ارخاسیجا سو سپر ؟! من سپدیم سنه ساری دؤندوم چاره سیز لییمی دورولاییب اوره ییمین بندی اورایا سردیم https://t.me/Adabiyyatsevanlar

آهو گؤزلوم، چیچک دولو باخیشینلا یاز گتیر کیپریکلرین سال نظاما، بیرده دارا داغلاری سئوگیمیزین ناغیللارین اورگینه یاز گتیر نازین دوزوب ساچلارینا، بیرده دارا داغلاری آستا آستا قدم گؤتور، تَر بنووشه اویانار اویانینجا نازین گؤرَر، دؤزه بیلمز، او، یانار نفسینین عطیرینه، یال یاماجلار بویانار ساخلا گؤزون شیمشَکینی، قویما یارا داغلاری بولاق اوسته اؤرپک آچما گونش گؤرر تئلینی سو ایسترسن احمال گؤتور، یارپیز اؤپَر الینی سارماشیقلار اینجه گؤروب، قویما سارا بئلینی (کؤنول) یازما گؤزللردن، سالما نارا داغلاری #فاطمه_عبدی_کؤنول🌼🍂🌼🍂 https://t.me/sasliyazilar @afraurmia

ایللردیکی سنسیز اوشویور داغلارا کؤنلوم گؤز_گؤز هوپورام یوللاری حسرت قالاسیندا اؤللم  سنی واختسیز قوجالان ثانیه‌لرده بیر کؤرپه گوورچین کیمی قارتال یوواسیندا سنسیز اوره‌ییم چؤللرینین داغ دره‌سینده مینلرجه شهید یارپاغی سولموش لالاسیندا دور گل، منی اولدوز کیمی اولدوزلارا آغلا تویسوز یاسا باتمیش باجیمین اوخشاماسیندا تانریم سنی بیر سئوگیده مین سئوگی یاراتمیش اولدوزلو دنیز دالغالارین گؤی چوخاسیندا دولدوم سنی "آلقان" کیمی اووجومدا ایچرکن بیر داملا یاش اولدون گونشین قومقوماسیندا #حسن_قبادزاده_آلقان @qanadli_duyqular https://t.me/secilmiseirler

جزا کؤینه‌یی بیر نئچه دفعه برک‌دن دانیشدیغیم داورانیش قایدالارینی پوزدوغوم اوچون اینیمه ۲۴ ساعات موددتلی جزا کؤینه‌یی گئییندیردیلر اینیمه گئییندیردیلر جزا کؤینه‌یی-رئزین! ائله بیل کی اود ووروب بئنزین تؤکدولر، بئنزین سیخیر منی دؤرد یاندان سیخیر جزا کؤینه‌یی سمندر کؤینه‌ایمیش خلیل ریضا کؤینه‌یی سویوق رئزین یاپیشیب سانکی آتشه، اودا. وارلیغیمدان اود آلیر، آلیشیب یانیر او دا. دمیر قفسیم آزمیش. بئتون محبسیم آزمیش دؤرد مرتبه زیندانین سویوق دمیر توروندان بوز سالخیمی آسیلمیش گزینتی گوجو آزمیش. سورغو-سوال، استنطاق حربه-زوربا، اتهام جینایت آکتینداکی ایلان زهری آزمیش قارا جایناقلاری ایلا بوغازیمدان یاپیشمیش. قاسیرغانین، چووغونون کیرلی اللری آزمیش اوسته‌لیک بخش ائتدیلر منه جزا کؤینه‌یی ائی خلیل! موبارکدیر خلیلی ریضا کؤینه‌یی... گؤره‌سن پلانئتین جزا کؤینه‌یی وارمی؟ وولکانلاردیر، اودلاردیر اونون جزا کؤینه‌یی؟ گؤره‌سن گونشین ده جزا کؤینه‌یی وارمی؟ قاپ-قارا بولودلاردیر اونون جزا کؤینه‌یی؟ گونش دؤزمور جزایا... گونشده پارتلاییش وار جهان دؤزمور جزایا اود پؤسگورور وولکانلار. دؤزمور گونش، دؤزمور داغ... امما دؤزور اولو تورک. اولو تورکوم جهاندان، گونشدن بیر آز بؤیوک آزجا آریقلاسادا پولادلاشیب بدنی سیخیر جزا کؤینه‌یی سیخیر دؤرد یاندان منی. سیخیر قولاقلاریمی دئییر: هئچ نه ائشیتمه! سیخیر بارماقلاریمی: یازماق فیکرینه دوشمه! سوس! دئیه مؤهورله‌میش سؤزلو دوداقلاریمی گئتمه دئیه ساخلامیش شیمشک آیاقلاریمی. سیخیر هر هوجئیره‌می کوره‌ییمی، اینیمی سیخا بیلمیر بئینیمی آلوولو اوره‌ییمی‌... نه یاخشی کی جهاندا دوشونمک فورصتی وار تفکردن ساچیلیر شعاع-شعاع آرزولار. گؤزوم قزئتلرده‌دیر: قیریر قاندالی پولشا پارچالاییر وارشاوا اؤز جزا کؤینه‌یینی... بوخارئست‌ده آغ قصری داغیدیر رومینیا پاسلی دروازه‌لرین سیندیریر بیله‌یینی قالخیر چچن-اینقوشلار، اوسئتینلر آیاغا دؤنور جزا کؤینه‌یی قانا باتمیش بایراغا! قورخما، خلیل ریضا، دؤز! دؤن ظولمتده مایاغا. هم‌نفس اول بشرله، عالم قالخیر آیاغا قان آچیلدی بورنومدان... باسدیم گوموش دویمه‌نی. گلدی آغ خلعتلی قیز... خلاص ائدرلر منی. پامبیق سوخور بورنوما... قان دایانمیر، دایانمیر. ایینه وورور قولوما... قان دایانمیر، دایانمیر. زحمت چکمه جان حکیم! کسه بیلمزسن قانی. گئت دینجل ایلش یئرینده قانین بیر اوجو بوردا بیر اوجوسا اوردادیر باکی کوچه‌لرینده! ✍️ # خلیل ریضا اولو تورک موسکووا، لئفئرتووا زیندانی ۲۳ فئورال ۱۹۹۰ 📚 اینجه دیلیم کانالی تقدیم ائدیر 📚 @Injadilim https://t.me/secilmiseirler

باش آچمادیم عومروم بویو من یازیق ابلیسین‌دن، مله‌یین‌دن دونیانین آدم ساتدی بیر آلمایا جنّتی، تورا دوشدو کلَگین‌دن دونیانین. نه گؤزلدیر، اورک گئنیش، سؤز آچیق یاشامادیم بیر سئودامی یاریمچیق عذاب آدلی دییرمان‌دان نارین چیخ، کئچه‌جَک‌سَن الَگین‌دن دونیانین آرزوم اوچون بیر مله‌ین جویوردوم، او تپه‌دن بو تپه‌یه یویوردوم. نییه قورخوم کفَنین‌دن، نه گؤردوم؟ بئشیگین‌دن، بلگین‌دن دونیانین ؟ بیر اوزوموز اوزوموزدن اوج آلدیق اؤتَن گونه گلَن گونو باج آلدیق عومروموزون یاریسیندا قوجالدیق شیلله‌سیندن کوتگین‌دن دونیانین کونول اوزگون خیال کوسگون دربه‌در اوزون سوئیله ظلم اولارمی بوقدر؟ یئدَک‌لَه‌ییب آرخاسینجا سورودَر برک یاپیشان اتگین‌دن دونیانین کونول دوشدو مین آرزونون ایزینه بیلَن‌مَه‌دیک اَیری‌سی نه، دوزو نه، ایندی کفن توخویوروق اؤزونه اؤز گولوندن چیچگین‌دن دونیانین ✍#بختیار وهاب زاده 📚 اینجه دیلیم کانالی تقدیم ائدیر 📚 @Injadilim https://t.me/secilmiseirler

کوچه لره سو سپمیشم....💥🌷💥 @afraurmia

✅ ✍ #رضا_صائمی یکی از متعفن‌ترین صورت‌های نوکیسگی ، تازه‌ به‌ روشنفکری‌ رسیده‌های مجازی‌اند ..! جماعتی که سرمایه‌ی فکری‌شان چیزی بیش از چند جمله‌ی مُد شده‌ی اینستاگرامی نیست و با همان کلیشه‌ها به استقبال هر متنی می‌روند .. نه برای فهمیدن ، بلکه برای اثبات فهمیدگیِ خود ..! برای اینها تاریخ ، زمینه و منطق درونیِ متن ، اموری زائدند .. کافی‌ست یک جمله‌ی ترندشده را زیر هر متنی الصاق کنند و از این مشارکتِ مبتذل ، لذتِ روشنفکرانه ببرند .. آنچه بازتولید می‌کنند ، نه اندیشه که ژستِ اندیشیدن است .. نه فهم ، که فیگورِ فهمیدگی‌ست ..! مسئله حتی ناتوانی از فهمیدن نیست ، ناتوانی از پذیرفتنِ این ناتوانی‌ست .. نمی‌فهمند اما به‌جای مکث و پرسش ، متن را به اندازه‌ی فهم خود تقلیل می‌دهند و این تقلیل را به‌مثابه «خوانش» عرضه می‌کنند .. اینجاست که ابتذال ، صورت دانایی می‌گیرد ؛ کلیشه جای اندیشه می‌نشیند و متن ، به صحنه‌ی اجرای فهمیدگی بدل می‌شود .. روشنفکریِ نمایشی ، متعفن‌ترین شکل تفرعن است ؛ جایی که مدعا نه بر دوش استدلال یا شانه‌ی اندیشه ، که بر قامت " اَدا " ایستاده است .. آنچه مرا از نوشتن بیزار می‌کند و باز می‌دارد ، همین کوته‌قامتان فکری‌اند که نه در زمینِ نفهمی و بدفهمی که در سوءظنِ فهمیدگی فرومانده‌اند ..!

#روشنفکران_نوکیسه‌ی_مجازی

من گئدیرم غربت ائله سن سالامات قال آی داغلار حالاللیق وئر قوی قالماسین اؤره ییمده خال آی داغلار هانی منده دؤزوم سن سیز سؤنه جکدی کؤزوم سن سیز قان تؤکه جک گؤزوم سنسیز اولاجاغام لال آی داغلار دوستوم یاریم کئچیر گئندن دردیم آرتیر گؤنو گؤندن منی غمدن   غمی مندن آل آی داغلار   آل آی داغلار گؤنش گزیب یورولاندا سازین سیمی قئریلاندا گؤیده قارتال وورولاندا منی یادا سال آی داغلار قایالاری اله دؤندر جیغیرلاری تئله دؤندر شجاعتی   کوله دؤندر بیر   کرمی   چال آی داغلار شعیر: شجاعت _ معللیم ... https://t.me/injadilim https://t.me/secilmiseirler

عؤمور ده توکَنیر، سؤز ده توکنیر باشیمین آلتیندان یاستیق دا قاچیر. اللردیر اوچوران، اللر تیکَنی، چؤلومدن یاز قاچیر، یازلیق دا قاچیر، دونیا دوزلمیر کی دوزلمیر، بابا! کیمدن‌سه تئز دوروب کیمین اوشاغی، ایتینه داش آتیب بئش یوز ایل قاباق. کیمین دَییرمانی، کیمدن آشاغی، بونلاری یئرینده کیم اوتورداجاق؟ دونیا دوزلمیر کی، دوزلمیر، بابا! طرف‌سیز طرفده دوز اوغلو دوزلر. طرف‌گیر طرفده سیلاح، قان-قادا. چایینی ایتیرن ماوی دنیزلر، چیرپینیب بوغولور گؤز قاباغیندا. دونیا دوزلمیر کی، دوزلمیر، بابا! کیمینسه دونَنی قبیرسیز قالیب، کوتانچی باباسی دمیرسیز قالیب، کؤروکچو آتاسی کؤمورسوز قالیب، «خمره‌¹»سی، «اوروا²»سی خمیرسیز قالیب. دونیا دوزلمیر کی، دوزلمیر، بابا! من تکدیم، جوت اولدوم...تکلَندیم یئنه، اؤزوم یوک چکَنم، اؤزوم ده یوکم. باخسام «دؤز!» دئیه‌نه، «دؤز!» دئییله‌نه، آغزیمدان قاپیلار اؤز حالال تیکه‌م. دونیا دوزلمیر کی، دوزلمیر، بابا! گئدیر یال³ داعواسی، سوموک داعواسی، گئدیر وور-ها-وورلا چپیک داعواسی، گئدیر میلیونچونون قپیک⁴ داعواسی، چوروک فیکیرلرین چوروک داعواسی. دونیا دوزلمیر کی، دوزلمیر، بابا! «منم» دئینلرین «من»ی گؤرونمور، الی تتیکده‌لر اؤزو هدفده. آزمیش آغیل‌لارین چنی گورونمور، ایتمیش، ایتیریلمیش باشلار کلَفده. دونیا دوزلمیر کی، دوزلمیر، بابا! هله بو دونیانین قئیل‌ و قالی چوخ، بیلمم زهری چوخ، یوخسا بالی چوخ. چوخ وئردیم اؤزومه بو سؤالی، چوخ: «عرضین نادانیندان آغ ساققالی چوخ، بس نییه بو دونیا دوزلمیر، بابا...؟!» #ممد_آراز @qanadli_duyqular https://t.me/secilmiseirler

نامیق قاراچوخورلو:🎙️ 🇦🇿 روایت 📚 اینجه دیلیم کانالی تقدیم ائدیر 📚 @Injadilim

«قاراوللیلر و ناغیللار» ویدا حشمتی «ادبیات سئونلر» «الله-ا نذر» بیر گۆن بیر آتا ایله اوْغلو گمی ایله کۆر چایی-نین اوْ تایینا کئچمک ایسته‌یرلر. بیردن بۇرولغان باشلایار. حادثه‌دن قوْرخان آتا هیجانا دۆشر. ائله اوْ آن کۆلک ده شدّتلنر. آتا اللرینی گؤیه قالدیریب، الله-ا یالوارار؛ «آی الله! ساحله سلامت چاتساق، بئش قوْیون قربان کسه‌جگم.» کۆلک برکیدیکجه اوْ قربانلارین سایینی آرتیرار. گمی محکم لنگرله‌ینده: «الله اینگین بالاسینی دا سیّد کیشی‌یه پای وئره‌جگم.» بیر داها گمی ترپننده: «الله کؤمک ائله اینگین اؤزونو ده سنین یوْلوندا کسه‌جگم.» بۇنلاری ائشیدن اوْغلان آتاسینا دئیر: — آتا سن طویله‌ده مال قوْیمادین قالسین آخی. آتا دئیر: — سن هله دانیشما قوْی ساحله چاتاق، من الله-ی آلدادیرام اوْغلوم. آیینین یوْخسوللوقدان قوْرخماسی کئچمیش زمانلاردا؛ بیر آیی، بیر پادشاهین توْرپاغینا دادانمیشدی. اؤنونه گلنی ده دیدیب، پارچالاییردی. هئچ کس اوْنو اؤلدورمگه جسارت ائتمیردی. گۆنلرین بیر گۆنو پادشاه، بیر کاسا آلتین دۆلدوروب، جارچیلارا امر ائدر، کوچه-بازاردا جار چکیب دئسینلر، «آی جماعت! آخی سیزین آرانیزدا بیر کیشی تاپیلمیر بۇ آیینی محو ائله‌سین؟ آخی بۇ آیی آداملاری قؽریب یوْخ ائدیر. کیمده هنر وارسا، گئدیب آیینی اؤلدورسون کی، جماعتین جانینی قۇرتارسین! بیر کاسا آلتینا دا صاحب اوْلسون.» هامی قوْرخودان باشینی یئره تیکر. هئچ کسین جؽنقیری دا چؽخماز. بیر کیشی دیوارا داینمیش، بۇ احوالا باخیردی. اوْ ایره‌لی یئری‌ییب، دئیر: — پادشاه ساغ اوْلسون! منیم یئددی قؽزیم وار. ایشله‌مک‌له اوْنلارین یاوان چؤرگینی بئله یئتیره بیلمیرم. بئله یاشاماقدانسا، اؤلمک یاخشیدیر. اوْ آلتینلاری وئرین من آپاریم، اۇشاقلار خرج ائله‌ییب دوْلانسینلار، من ده آیینی اؤلدورمگه گئدیم. اگر من آیینی اؤلدوره بیلسم، جماعتین جانی قۇرتارار، یوْخ آیی منی اؤلدورسه، هئچ اوْلماسا جانیم قۇرتولار. بۇ سؤز پادشاهین قۇلاغینا چاتار. امر ائدر آلتینی بۇ یوْخسول کیشی‌یه وئرسینلر. کیشی آلتینی آلیب، سئوینج‌له ائوینه آپارار. سوْنرا گلیب دئیر، آیینین یئرینی منه گؤرسه‌دین. دئیرلر اوْ هۆندور قایانین اۆستونه چؽخ. اوْرادا بؤیوک بیر داش وار. آیی ائله اوْ داشین آلتینداکی یئرده یاتار. کیشی، ائله اوْ یئره گئدر. گؤرر، آیی باشینی اوْووجلاری آراسیندا قوْیوب، پنجه‌لرینی ائله آچیب کی، ائله بیل ایندی آدامی پارچالایاجاقدیر. کیشی بیراز فکرلشر. یاواشجا داشین اۆستونه چؽخیب، دئیر: — آی ظالم اوْغلونون آییسی! چؽخ بیر دعوا ائله‌یک. منی جرأتلندیرن یوْخسوللوقدور، اوْ، منی بۇرایا چکیب گتیریبدیر. اوْنون هنری ایله، من سنی اؤلدوره‌جگم. آیی اۇزون-اۇزون دۆشونر. چوْخ فکرلشر کی، یوْخسوللوق نئجه بیر شیءدیر؟ توْپ دگیل، قؽلینج-خنجر دگیل. یقین یئنی بیر سلاحدیر. بۇ کیشی بئله جسارت‌له دانیشماقدا، یقین بۇ سلاح‌لا منی اؤلدوره‌جکدیر. لاپ یاخشیسی بۇدور، بۇ پادشاهین توْرپاقلاریندان اۇزاقلاشیب، جانیمی قۇرتارام. آیی بۇ سؤزلری دۆشونوب گؤتورولر. باشقا بیر پادشاهین توْرپاغینا چاتانا کیمی قاچار. اوْرادا، بیراز دایانیب، دینجینی آلماق ایسترکن گؤرر، بیر دنیاگؤرموش قوْجا کیشی مال اوْتاریر. آیی فکرلشر «قوی بۇ یئنی سلاحی بۇ قوْجادان سوْروشوم. یقین اوْ بیلر.» یاخینلاشیب دئیر: — آ قوْجا! من فلان پادشاهین توْرپاغینا دادانمیشدیم. گذرانیم دا پیس کئچمیردی. بیر کیشی گلیب چاغیردی «آی ظالم اوْغلونون آییسی، چؽخ دعوا ائدک، من سنی اؤلدورمه‌لی‌یم. چون‌کی منی جرأتلی ائدن یوْخسوللوق یانیمدادیر.» من بۇ سلاحین آدینی ائشیتدیگیمده باش آلیب قاچدیم. قوْجا عمی، بۇ سلاح ندیر؟ سن بۇ سلاحی گؤرموشسن می؟ قوجا دئیر: — بلی آیی قارداش. بیر زمانلار پادشاه ایدیم. اوْ یوْخسوللوق غضبلننده تختیمی تاراج ائتدی. احوالاتیمی ائله گۆنه سالدی کی، هله ده اؤزومه گلمه‌میشم. لاپ یاخشیسی دایانما، بۇرادان دا قاچ اۇزاقلاش. آیی باش گؤتوروب، قاچار. https://t.me/Adabiyyatsevanlar

-دئیَه‌جَم، صبیرلی اولون. بیلیْرَم، یورولدوز، آمما آز قالیر. گَلین بیر چای ایچَک، حَتا بورانین یاخشی سَحَر یِئمَه‌یی دَه اولا بیلَر، سَحَر یِئمَه‌یی دَه یِئیه بیله‌ریک. کافه‌ده سوتلو، یِئمَک بیر آزدان اولار. ایندی ایشتاهیم یوخدو. -یاخشی، - دَنیز گارسونو چاغیردی. 25 آردی وار https://t.me/Adabiyyatsevanlar

ویروس کیمی یوخ، عصب‌لیک، حیرصلنمک، رحمسیزلیک شَکیلینْدَه کِئچیرَندیرلَر. بیزیم بیر-بیریمیزَه تَاثیریمیز وار، کوچَه‌دَن کئچَه‌نین بئله مَنه تَاثیری 23 وار. چونکی او گَرگین‌لییی، غضبی حیس ائدَنده مَندَه مُدافعه اولونماق احتیاجی یارانیر، بونا گؤرَه دَه داواملی شَکیلده اؤزونو قوروما مِکانیزمی قورماق اوچون ساواشیرام. ساواش مَنی یولوخدورور. مُباریزَه‌یَه یولوخدورور. مُباریزَه‌دَن یورولاندا‌سا غضبلَنیَرَم، بو غضبی بیر باشقاسینا اؤتورورَم. مَن سوسماغی اؤیرَندیکجَه آنامدان اوزاقلاشیردیم. اَئودَه‌کی هَر داوادا آتامی گوناهکار بیلدیییم کیمی، آنامی دا عینى دَرجَه‌ده گوناهکار گؤرمَیَه باشلامیشدیم. آنامین اؤز هیجانلارینی ایدارَه ائده بیلمَه‌مَسی، آغلاماسی، قیشقیریغی مَندَه آرتیق اونا قارشی دا نیفرَت یاراتمیشدی. هَر آخشام آتامین ایشدَن گَلیب قاپینی دؤیَه‌جَه‌یینی غضبله، اییرَنج بیر شئی باش وئرَه‌جَک‌میش کیمی، اورَه‌ییم بولانا-بولانا گؤزلَه‌ییردیم. بَعضَن حَتا قوسوردوم، آنام هَیَجانلانِیب مَنی حکیمَه آپاراجاغینی دئییردی. جاواب وئریردیم کی: «خَستَه دئییلم»، آردینی - «سیزَه گؤرَه‌دی» سؤزونو ایچیمده دئییردیم. بیر گون دئدییینی ائلَه‌دی، مَنی مُعایینَه‌یَه آپاردی. بیر شئی دئییم. آنام نَه قَدَر گَرگین، عصبی، هیجانلی بیرینَه چئوریلمیش اولسا دا، مَنه اولان دیقّتی‌نی آزالتمامیشدی. یئنه صینفده اَن تَمیز، سَلیقَه‌لی، ذوقلو گئیینَن مَن ایدیم، یئنه هَر گون ایستَه‌دیییم یئمَکلَری بیشیریردی، یئنه هَر گون مَنیمْلَه صؤحبَت ائتمَه‌یَه چالیشیردی. آمما مَن آرتیق سوسموشدوم. حکیم مَنه بیر خِئیلی داوا یازدی. گئری قاییداندا ماشینین گؤزگوسوندَه آناملا نَظَرلَریمیز قارشیلاشدی. -داوا‌لارى ایچمَیَه‌جَک‌سَن؟ -اوندا نییه حکیمَه گَتیرْدین؟ - اَمین اولماق ایستَه‌دیم... آنام دیقّتی‌نی یولا وئریب ائوین یولونو توتدو، سولا دؤنوب سُرَعتلَه دیکَه دوغرو سورمه‌یَه باشلادی. -بیلمَک ایستَه‌دیم کی، فیزیکی ضرریمیز ده اولوبمو؟ سَسیندَه‌کی کَدَر مَنی یومشالتدی، اونا نَسَه خُوش سؤز دئمَک ایستَه‌دیم. آمما سوسدوم. او گون هَمیشه‌کیندن فَرقلی شئیلَر اولدو. بیز گَلندَه اَئودَه بیر قادین گؤردوک. بونو دئیَه‌جَم، آنجاق بو قَدَرینی. آنامین اوزُونون نئجه اَییلدیینی، گؤزلَرینین نَجه حَدَقَه‌سینْدَن چیخدیغینی، آتامین اوزُونَه تۆپوردویونو، قادینا اَئودَن چیخماسی اوچون نئجه ساکیتجه یول وئردیینی ایزْلَه‌دیم. اوتاغیما کئچدیم. یاتاغیما توخونمادیم، اییرَندیم. بَلکه آتام او قادینلا مَنیم یاتاغیمدا یاتمیشدی؟ بونو دوشونَنده اورَه‌ییم داها چوخ بولانماغا باشلادی. آمما قوسمادیم. یازی ماساما اَیلَشیب... 24 موسیقینین سَسینی داها دا آرتیردیم. سَس‌سیز فیلمی ایزْلَمَیَه باشلادیم. آتام قادین چیخان کیمی آنامین اوستونَه جومدو، ووروب یئره ییخدی، سونرا دا یومروقلاماغا باشلادی. مَن دَهلیزَه آچیلان قاپیدان بوتون بونلاری ایزْلَدیکجَه بَعضَن گؤزلَریم یومولور، باشیم هئرلَنیر، حَرَکَت‌لَر یاواشلاییردی. سانکی گؤزَه‌گؤرونمَز اوپِراتور آغیر چَکیمَه کئچیریردی. آنامین اوزوندَن قان آخماغا باشلامیشدی. او، آتامین یومروق‌لارینْدان خلاص اولماغا چالیشیردی. بیرآندا اونون مَنی آختاران گؤزلَرینی گؤردوم. یالواریش واریدی او گؤزلَرده، یاردیم اوموردو، ایمداد دیلَه‌ییردی. اونو یومروقلایان آدامدان خِلاص ائدَه بیلَه‌جَییمی بیلیردی. چونکی مَن آرايا گیریب آتاما قیشقیراندا او دایاناردی. آمما بو دفعَه آنامین گؤزلَرینَه جاواب وئرْمَدیم. آلبینونی‌نین اَثرینْده‌کی ویولون اَن یوکسَک نوتدا اینلَه‌ییردی و مَن گؤزلَریمی یوموب آنامین گؤزلَریندن «گئتدیم». «قاییداندا» آتام آنامی دؤیمَکدَن یورولوب یئنه هئچ نَه اولمامیش کیمی کامپیوترینین قارشیسیندا اوتورموشدو. آنام اورتالیقدا گؤرونموردو، آخشاما دوغرو اوزَه چیخدی. دوداغی پارتلامیشدی، اوزو قانچیرمیشدی. او گوندَن سونرا آنام هَمیشه‌کی کیمی اولمادی. ائله مَنه موناسِبَتی دَه... او گون مَن آنامی ایتیردیم. دوزدور، یئنه یاخشی یئدیردیردی، تَرتَمیز گَئییندیریردی. ظاهرَن هئچ نَه دَییشمَه‌میشدی یَعنی. آمما مَنه توخونماسی، باخماسی اؤنَکی کیمی دئییلدی. داها مَنیمْلَه صؤحبَت دَه ائتمیردی. اونون یاردیم ایستَه‌یَن باخیشلاریندان یاییناندان سونرا ایچیمَه گوناه حیسّی دولموشدو. مَن آنامی یئنی‌دَن تاپماق ایستَه‌ییردیم. قاپیلدیغیم دویغو فیرتیناسینْدا سوورولوردوم، آز قالا هَر گون فَرقلی شئیلَر حیس ائدیب یاشاییردیم. کیم اولدوغومو، کیم اولاجاغیمی بیلمیردیم. سَحَر آچیلیرْدی. ساحیلَه یوروشَه گَلَن آداملار سَس-کویلَه کافه‌یَه گیریر، اَساسَن چای سفارش ائدیرْدیلَر. گَلَن‌لَرین ایچیندَه قادینلارین آز اولماسی دیقّتی‌می چَکدی. -آنانیزلا یئنی‌دَن باریشا بیلدیزمی؟ - مَن هَیَجانیمی گیزلَدیب سویوق سَسله سوروشدوم.

اورایا تَعجیلی یاردیم ماشینی(آمبولانس) گَلدی، سونرا طب ایشچیلَری خَرکدَه بیرینی دؤشوروب ماشینا طرَف گَتیرْدیلَر. بیز موسانی او آندا گؤردوک... آیاق‌یالین و کؤینَک‌سیز ایدی. اَینینْدَه‌کی تر کوینه‌یین آشاغی‌سی جیریلیب دیزینَه قَدَر ساللانمیشدی. سونرا اونون آغلار سَسله «آنا» دئدیینی ائشیتدیک. ائله بیل اورَه‌ییم بئینیمین ایچینْدَه دؤیونوردو، یا دا غضبدن زوغولداییرْدی، بیلمیرَم... مَن مَفتیلَه یاخینلاشیب موسانی چاغیردیم. چئوریلیب باخدی، آمما جاواب وئرْمَه‌دی. نَه اولدوغونو بیلیردیم. اَمین ایدیم کی آتاسی آنانی دا، موسانی دا دؤیوب. قادینا نَسَه خَطر یئتیرْدی دییه، خَستَه‌خانایا آپاریرلار. - نئجه بئله اَمین اولا بیلَردیز آخی، ائوده بیرینَه باشقا بیر شئی دَه اولماق اولار. خَستَه‌لَنَه بیلَر، مَثَلَن. هَر کَسین حیکایه‌سی... -یوخ، ائله حیکایه‌لَر وار کی، مَن اونلاری ایلک جوملَه‌سینْدَن تانییرام. او «بیرى واریدی، بیرى یوخ» جوملَه‌سی ناغیلا ایشارَه اولدوغو کیمی، مَن دَه بئله حیکایه‌لَرین هانسی کَلْمَه‌یلَه باشلادیغینی بیلیْرَم. بو حیکایه‌لَر هَمیشه تَنهالیق، سوسقونلوق، کَدَر، غضبلَه باشلار. اَصلینده، اونلاری هئچ کِیم دانیشماق ایستَه‌مَز، اوتانار. قادینلارین قارالان یئرلَرینَه قاپی دَیَر، اوشاقلارین آیاغی سُوروشوب قیریلار. بو حیکایه‌لَر بئله‌دیر. آمما بو حیکایه‌دَه موسانین آتاسی خَیالی دئییلدی، تَمام گَرچَکدی. ناغیللارداکی دیولَر کیمی قابا، هوندور بیر آدامدی، ایری دوداقلاری واریدی. سِئودا موعَللیمَه گؤدَکجَنی چَکیب موسانین اَینینْدَن چیخاردیغی گونون سَحَریسی اونون آتاسینی چاغیردی صینفَه. باش وئرَنلَردَه موسی گوناهکارمیش کیمی. تَکلیکدَه-فیلان دا دانیشمادی، هامیمیزین یانیندا موسانین تَربیَه‌سیز اولدوغونو، اوشاقلارلا... 22 دالاشدیغینی دئدی. مَن غضبدَن اَسیرْدیم، آمما سوسوردوم. او آندا نَظَرلَریمْلَه سِئودا موعَللیمَه‌نی دؤیدویومو ظن ائدیردیم. ائله بیلیردیم کی، ایچیمدَه‌کی غضبی گؤزلَریمْدَه حیس ائدیب یالانلارینی بیتیرَه‌جَک. آمما او داوام ائتدی. موسانین آتاسی سِئودا معَللیمَه‌یه قولاق آسا-آسا باشینی ییرغالاییردی. سونرا او دا دیللَندی. قالین سَسی، آغیر-آغیر دانیشماسی هامینی وَاهیمَه‌یه سالمیشدی. -موسایا دئمیشَم کی، ائوه دؤیولوب گَلسَه، مَن دَه دؤیَه‌جَم. کیم بیرینی وورسا، ایکیسینی دَه او وورمالی‌دیر. آمما... مَنیم دئدیییم بودو، دَرس‌لَرینی اوخومور، سَن بیر اوچ یاز، بَسدی، آمما مَنیم تَربیَه‌مَه دَه قاریشما... او، سِئودا معَللیمَه‌یه «سَن» دئیَه موراجیعت ائدیردی، اوزونده اعتیناسیز بیر ایفاده واریدی. -اوچ یازمانیز اوچون نَه قَدَر لازیمدیر؟ -سیز نَه دانیشیرسیز؟! بورا مَکتَبدیر، بازار دئییل. -بازاردی، مَنه ناغیل اوخوما. سِئودا معَللیمَه قیپ‌قیرمیزی قیزارمیش، بوزوشوب یوماغا دؤنموشدو. آمما اونا یازیغیم گَلمیردی، حَتا بو حالا دوشمَه‌سینه ایچیمدَه سِئوینیرْدیم. جَزاسینی آلمیشدی، هرچَند بو جَزانین دَه اَذییَتینی موسی چَکَه‌جَکدی. بونو دوشونَنده قانیم قارالدی. -مَن موسانی دؤیدوم. او مَنی دؤیمَه‌دی آمما، هئچ وورمادی دا، - ایلها‌م کیمینسَه گؤزلَمه‌دییی حالدا تَشَخخوصلَه دیللَندی. سوسقونلوق چؤکدو، تَکجه ایلها‌م هیریلداییردی... اوزونده ییرتیجی بیر ایفاده واریدی. مَن یئنه اورَه‌ییمین بولاندیغینی حیس ائتدیم. دیشلَریمی آغرییانا قَدَر سیخدیم کی، فیکریم یایینسین. موسانین آتاسینین اوزو اَییلدی؛ قالین، قارا دوداقلاری سَیریدی. کینایَه‌لی باخیشلاریلا اونا مئیدان اوخویان ایلها‌ما اوزون بیر نَظَر سالیب اؤنَه جومدو، بؤغازیندان یاپیشیب یوخاری قالدیرْدی، سونرا دا آردا پَرده‌لرین یانینا توللادی. ایلها‌م دیوارا دَییب دوشدو. آیاغا قالخماق ایستَه‌یَنده بَدهیبت کیشی باشینین اوستونَو کَسدیریب اونو بیر دَه یوخاری قالدیرْدی، بو دفعَه موسانین آیاغینین آلتینا آتدی. -بو کوچوْیَه جاواب وئره بیلمَه‌میسَن سَن؟ بو سَنی دؤیوب؟ - آتاسی موسانین اوزونَه شیللَه چَکدی. هَر شئی ائله آنی اولموشدو کی، هامی آجیلیق ایچینده ایدی. موسایا دَیَن شیللَه‌دن سونرا تامام سوسقونلوق اولدو. ائله بیل کادر دوردو. نَفَسیمیزی بئله چَکمَیَه قورخورموش کیمی دونموشدوق. -سیز روزهانین «پسیخی خَستَه‌خانالاریندا آغیللی اولماق باره‌سینده» مَقالَه‌سینی اوخوموسوز؟ اوردا پسیخیاتْر پسیخی خَستَه‌خانه‌لاریندا قویولان تَشخیص‌لَرَه شوبهه‌یله یاناشیر، آمما مَن عکسینی سورغولامیشدیم. ساغلام دئدیییمیز، آرامیزدا گَزَن چوخ آدام اَصلینده پسیخی(روحی- روانی) خَستَه‌دیر. بَلکه بیزیم کیمی جَمعییَت‌لَرده، «دَلی» دامغاسی وورولماقدان هَله دَه قورخدوغوموز اؤلکَه‌ده خَستَه‌لَر راحاتلیقلا آرا‌میزدا دولاشیر و اؤز خَستَه‌لیک‌لَرینی باشقالارینا دا کِئچیرَندیرلَر.