You can...🔐

اذكار الصباح ايها الرفيق🤍

"انت محاطٌ بِالنِعَمِ يا صديقي فأبتسم"... صباح الخير لطفاً و وداً🤍🌸

"لو ان الناس كلما استصعبوا أمرا تركوه ما قامت لهم دنيا و لا دين" صباح الخير لطفاً و وداً

١.١.١٤٤٥ هجري نتمناه عاماً مليئ بالخير و اليسر و الرضا و القرب من الله 🤍🌸

صحبتي بتحكي لينا إنهم لما طلعو هي وأخواتها وأزواجهم من البيت ومشو الولايات بيوتهم كلها اتنهبت وعرباتهم اتسرقت وقَدَّرَ الله إنو واحد من رجال أخواتها سافر قبل بداية الحرب بي عربيتو، واتقفل في مكانو ويقوم يحصل ايييه؟؟ عربيتو تتسرق منو برضو حتى وهو في الولايات!! كانت بتحكي في الحاجة دي لما قلتَ ليها إنو جزو من ناس بيتنا ما صابرين على مصيبة النهب الحاصل في بيوتنا وجزو مننا بيتو اتنهب والجزو التاني فقد عربيتو، والحاجة دي مدخّلة الناس في نفسيات واكتئاب وضيق! قالت لي يا صفية الحاجة المقطوع منها النصيب نحنا نزعل عليها ليه؟! شوفي حتى الما اتسرق في الخرطوم، جا اتسرق هنا "نفرُّ من قَدَرِ اللهِ إلى قَدَرِ الله"!! بس برضو نقول الحزن طبيعي واللهِ لأنه بي بساطة نحنا ما وارثين، نحنا تعبانين وشقينا في كل قرش جبناهو، تعبنا عشان نبني ونشتري عفش للبيت دخلنا صناديق واتديَّنا عشان نجيب عربية وكل شي في غمضة عين اتسرق مننا واتشال بي أبشع الطُّرق لكن لو ختّينا الكورة واطة، ح نلقى إننا لو صبرنا=أمرُ اللهِ نافِذ ولو جزعنا واتجرَّسنا=أمرُ اللهِ نافِذ برضو طَب ليه نختار عدَم الرِّضَا والسَّخط؟! في حين لو اخترنا الرضا والصّبر، نؤجَر بغيرِ حساب ! صحبتي رفعت ستوري قبل فترة، وقالت استفدتو شنو من الحرب؟! واحدة من الإجابات كانت: لما طلعنا من بيوتنا في حالة هلع ونسينا نشيل جوازتنا وأوراقنا الرسمية وشهاداتنا، وبقينا نفتش في زول يدخل البيت يجيبهم لينا أو واحد من ناس البيت يلقى طريقة آمنة يمشي يجيبهم، أو لو الزمن رجع بينا وشلنا حاجاتنا معانا المشهد ده ذكَّرني بي حقيقة الموت والآخرة الموت بجي فجأة زي ما الحرب جات فجأة يا لِقَاك جاهز ومُستّف أعمالك في شنطة تشيلا وتمشي يا كمان تتحسر وتقول "ربِّ ارجعون، لعليٓ أعملُ صالحًا فيما تركت" الإجابة في نفس الآية كانت شنو؟! "كَلَّآ" !! الحرب دي قسمت الناس لي اتنين: جزو ما عندو غير الحسرة على ما فات، وشغال يندب حظو واليوم الخلَّاهو بقى سوداني زاتو وجزء بدأ يتساءل من حكمة الله ورا الأقدار دي عشان يتعلّم الدرس المُستَفَاد بُكرة ياخوانَّا، بإذن الله نمشي الجنة، نُغمَسُ فيها غمسةً واحدة فَيُقال لنا هل ذُقتم بؤسًا قَط؟! والإجابة ببساطة إننا ح ننسى كل المآسي، وكل الحزن، وكل الفقد ح ننسى الحرب والخسرناهو بي سببها ح ننسى الجنجويد برضو") ووقتها ح نُؤجَر على الحُزن الصّبرنا عليو، والفقد اللي اتجاوزناه بي ربَّنا، والبلاء اللي نجحنا فيهو بي يقينَّا وإيمانَّا بي إنو ربنا ح يجبرنا ويعوّضنا ويتوَلَّانا فيا جماعة، زي ما قال شيخنا "دعها سماوِيَّةً؛ تَمْشِي على قَدَرِ" يا رب عبادك غيرنا كتير، وما لينا رَب سِواك تفعلُ بنا ما تشاء ولا تجدنا إلا -بإذنك- صابِرين لكَ الحمدُ في السرَّاءِ والضَّراء لكَ الحمدُ وإن فقدنا ما فَقدنا، فالحمدللهِ على أنَّكَ اللهُ رازِقُ اللسانِ الحمد والقلب الشكر، والنفس اليقين!♥️ #صفية_مصطفى

لا تنسوني من صالح دعائكم🤍🌸

لا تنسوني من صالح دعائكم🤍🌸

‏لن يمشي عنك الطريق أحد، قد يهديك بوصلة ويهبكَ قنديلاً وخارطة طريق، لكن مسؤولية المسير وإكمال السَعي واستمرار المحاولة.. مهمتك وحدك وإن عَظُم الأمر وطال السفر. #منقول

افوضك همي، افوضك حلمي، افوضك حياتي كلها يا الله، فأنت خير الحافظين و المدبرين🤍

‏{قَدْ أُوتِيتَ سُؤْلَكَ} فاللهم🤍