MINSTER OF EDUCATION

#MoE የዩኒቨርሲቲዎችን አፈጻጸም ለመለካት የሚረዱ ቁልፍ የውጤት መለኪያ አመላካቾች (KPIs) መዘጋጀታቸውን ትምህርት ሚኒስቴር ገለፀ፡፡ የመንግሥት ዩኒቨርሲቲዎች ከተሰጣቸው ተልዕኮና ቁልፍ የለውጥ አጀንዳዎች አንፃር በውጤት እየተለኩ የሚሔዱበት የአሰራር ስርዓት ከቀጣይ ዓመት ጀምሮ እንደሚዘረጋ የትምህርት ሚኒስትር ዴኤታ አቶ ኮራ ጡሽኔ ገልፀዋል፡፡ ከፍተኛ ትምህርት ተቋማቱ ሥራ ፈጣሪ እና በዓለም ገበያ ተወዳዳሪ የሆኑ የሰው ኃይል ማፍራት እንዲችሉ ማድረግ ያስፈልጋል ያሉት ሚኒስትር ዴኤታው፤ ዩኒቨርሲቲዎቹ ተልኳቸውን በሚገባ እንዲወጡ ቁልፍ የለውጥ አጀንዳዎች ተቀርፀው ተግባራዊ እየተደረገ እንደሚገኝ ተናግረዋል። የዩኒቨርሲቲዎች እድገት እና ውጤት ለመለካት የሚረዱ ቁልፍ የውጤት መለኪያ አመላካች መስፈርቶች መዘጋጀታቸውን አቶ ኮራ በመቐለ ዩኒቨርሲቲ እየተካሔደ ባለው የኢትዮጵያ ዩኒቨርሲቲ ፕሬዝዳንቶች ፎረም ላይ አንስተዋል። በተዘጋጁት ቁልፍ የውጤት መለኪያ አመላካች መስፈርቶች (KPIs) ላይ ውይይት በማድረግ ከስምምነት ከተደረሰ በኋላ ከቀጣይ ዓመት ጀምሮ ፕሬዝዳንቶቹ ውል እንሚገቡ ከትምህርት ሚኒስቴር ያገኘነው መረጃ ያሳያል። @minster_of_education

#ጥቆማ የእንግሊዘኛ ቋንቋ ምዘና ፈተና (IELTS Test) በሀዋሳ ዩኒቨርሲቲ ይውሰዱ፡፡ የብሪቲሽ ካውንስል IELTS የፈተና ማዕከል የIELTS ፈተና ግንቦት 17/2016 ዓ.ም በሀዋሳ ዩኒቨርሲቲ ይሰጣል፡፡ ፈተናውን ለመውሰድ የአመልካቾች ምዝገባ በመከናወን ላይ ይገኛል። የብሪቲሽ ካውንስል ድረ-ገፅ ላይ በመግባት ኦንላይን መመዝገብ ይችላሉ 👇 https://ethiopia.britishcouncil.org/exam/ielts/dates-fees-locations ለፈተናው ዝግጅት የሚያስፈልግዎትን ስልጠና እና ምክር ከሀዋሳ ዩኒቨርሲቲ ማግኘት ይችላሉ። ለበለጠ መረጃ፦ 0925629589 @minster_of_education

#Update የአሶሳ ዩኒቨርሲቲ ተማሪ በነበረችው ደራርቱ ለሜሳ ግድያ ወንጀል የተጠረጠረን ግለሰብ በቁጥጥር ስር አውሎ ምርመራ እያደረገ እንደሚገኝ የአሶሳ ከተማ ፖሊስ ገለፀ። የወንጀል ድርጊቱ የተፈፀመው በአሶሳ ከተማ አስተዳደር ወረዳ አንድ ልዩ ቦታው "ሰላም ሰፈር" ተብሎ በሚጠራ አከባቢ ረቡዕ ከጠዋቱ 2:45 አካባቢ እንደሆነ ፖሊስ አመልክቷል። "በሟች እና በተጠርጣሪው መካከል በተፈጠረ አለመግባባት ምክንያት፣ ተጠርጣሪው ሟችን ጀርባዋ ላይ በጩቤ በመውጋት ህይወቷ እንዲያልፍ አድርጓል" ሲል ፖሊስ ገልጿል። የወንጀል ድርጊቱ የተፈጸመው ከዩኒቨርሲቲው ግቢ ውጭ እንደሆነም ተግልጿል፡፡ ተጠርጣሪው የዩኒቨርሲቲው ተማሪ ያልሆነና ከአዲስ አበባ ዱከም ከተማ አቋርጦ ወደ አሶሳ ከተማ ለሥራ ጉዳይ በመምጣት የወንጀል ድርጊቱን እንደፈፀመ ፖሊስ ገልጿል። በአንዳንድ ማህበራዊ ሚዲያ ገፆች "ድርጊቱ የተፈጸመው በአሶሳ ዩኒቨርሲቲ ግቢ ውስጥ ነው" በሚል የተሰራጨው እና ከብሔር ጋር የተያያዘ ግድያ ለማስመሰል የሚደረገው ሙከራ ፍጹም ከእውነት የራቀ እና ሁለቱም የአንድ ብሔር ተወላጅ እንዲሁም በጓደኝነት አብረው የነበሩ መሆኑን የአሶሳ ከተማ ፖሊስ አሳውቋል። @minster_of_education

"ፖሊስ ከተማሪዋ ህልፈተ ህይወት ጋር በተያያዘ ምርመራ እያደረገ ነው።" - አሶሳ ዩኒቨርሲቲ በአሶሳ ዩኒቨርሲቲ የጂኦግራፊ ትምህርት ክፍል የ4ኛ ዓመት ተማሪ የነበረችው ተማሪ ደራርቱ ለሜሳ በዛሬው ዕለት 'በድንገት' ከዚህ ዓለም በሞት መለየቷን ዩኒቨርሲቲው ገልጿል። የዩኒቨርሲቲው አስተዳደር እና አጠቃላይ ማኅበረሰብ "በተማሪዋ 'ድንገተኛ' ህልፈት የተሰማውን ጥልቅ ሀዘን" የገለፀ ሲሆን፤ ለሟች ቤተሰቦች እና ወዳጆች ሁሉ መፅናናትን ተመኝቷል። ቲክቫህ ዩኒቨርሲቲ ተማሪዋ 'በጩቤ ተወግታ ህይወቷ እንዳለፈ' የሚገልፁ መረጃዎችን በተለያዩ የማኅበራዊ ትስስር ገፆች ተመልክቷል። በጉዳዩ ላይ ጥያቄ ያቀረብንላቸው አንድ የአሶሳ ዩኒቨርሲቲ አመራር፤ 'ፖሊስ ከተማሪዋ ህልፈት ጋር በተያያዘ የጠረጠረውን ግለሰብ በቁጥጥር ስር በማዋል ምርመራ እያደረገ እንደሚገኝ' አረጋግጠዋል። ዩኒቨርሲቲው የተማሪዋን አስክሬን ወደቤተሰቦቿ አሸኛኘት ማድረጉንም ገልፀዋል። @minster_of_education

የዩኒቨርሲቲ ፕሬዝዳንቶች ፎረም በመቐለ ዩኒቨርሲቲ መካሔድ ጀምሯል፡፡ ዛሬን ጨምሮ ለሁለት ቀናት የሚካሔደው ፎረሙ፤ በትምህርት ሚኒስቴር እና በመቐለ ዩኒቨርሲቲ በጋራ የተዘጋጀ ነው፡፡ ዩኒቨርሲቲዎች ራስ-ገዝ ለመሆን የሚያከናውኗቸው ተግባራት፣ ልየታ እና ሪፎርም፣ የምርምር ፕሮጀክቶች እንዲሁም የከፍተኛ ትምህርት ተቋማት ዲጂታል ሽግግር ፎረሙ ከሚመክርባቸው ጉዳዮች ይጠቀሳሉ፡፡ @minster_of_education

በኢትዮጵያ 61ኛው የስቴም ማዕከል STEMpower በኢትዮጵያ የቴክኒክና ሙያ ተቋም የመጀመሪያ የሆነውን የስቴም ማዕከል ባሳለፍነው ሳምንት በፌዴራል የቴክኒክና ሙያ ስልጠና ኢንስቲትዩት ሥራ ማስጀመሩ ይታወቃል። ማዕከሉ ኤሌክትሮኒክ ላብራቶሪ እንዲሁም 3D ማተሚያ የተገጠመለት ስማርት ኮምፒዩትር ላብ እንዳለው ተገልጿል፡፡ STEMpower በኢትዮጵያ በሁሉም የመንግሥት ዩኒቨርሲቲዎች የስቴም ማዕከላት አሉት፡፡ @minster_of_education

የአርባ ምንጭ ዩኒቨርሲቲ የማስተማሪያ እና ኮምፕርሄንሲቭ ስፔሻላይዝድ ሆስፒታል ሊመረቅ ነው። ላለፉት ዘጠኝ ዓመታት በግንባታና ግብዓት በማሟላት ሒደት ላይ የቆየው ሆስፒታሉ፤ ሰኔ 01/2016 ዓ.ም ተመርቆ አገልግሎት መሥጠት ይጀምራል፡፡ ተቋሙ "አርባ ምንጭ ዩኒቨርሲቲ የማስተማሪያ እና ኮምፕርሄንሲቭ ስፔሻላይዝድ ሆስፒታል" በሚል ስያሜ እንዲጠራ መወሰኑም ታውቋል፡፡ ሆስፒታሉ 600 የህሙማን አልጋዎች እና የተለያዩ ዘመናዊ የህክምና ግብዓቶች ይኖሩታል የተባለ ሲሆን ከሰባት ሚሊዮን በላይ ለሚሆኑ የአርባ ምንጭ እና አካባቢዋ ነዋሪዎች አገልግሎት ይሰጣል ተብሏል፡፡ @minster_of_education

የቦንጋ ዩኒቨርሲቲ ዋና መግቢያ በር ተመርቋል፡፡ የግብርና ውጤቶችን የሚያመርተው ዩኒቨርሲቲው፤ በተቋሙ የውስጥ ገቢ የተገነባን የምርት መሸጫ ማዕከልም አስመርቋል፡፡ በተመሳሳይ ዩኒቨርሲቲው በ21 ሚሊየን ብር ወጪ ያስገነባው የአረጋውያን ማዕከል አስመርቋል፡፡ 104 ደጋፊ የሌላቸው አረጋውያንን መያዝ የሚችለው ማዕከሉ፤ ከዳያስፖራዎች፣ የግንባታ ተቋራጮች፣ ከዩኒቨርሲቲው ማኅበረሰብና ከውስጥ ገቢ በተገኘ ገንዘብ የተገነባ መሆኑ ተነግሯል። @minster_of_education

የከፍተኛ ትምህርት፣ የቴክኒክና ሙያ ስልጠና፣ የምርምር ተቋማት እና ኢንዱስትሪዎች ብሔራዊ የትስስር ም/ቤት ተመሰረተ። የትምህርት ሚኒስትር ብርሃኑ ነጋ (ፕ/ር) የትስስር ም/ቤቱ ሰብሳቢ መሆናቸውም ታውቋል፡፡ ም/ቤቱ ከተለያዩ ማኅበራት፣ የልማት ድርጅቶችና ሌሎች የመንግሥት ተቋማት የተውጣጡ 22 አባላት እንዲኖሩት ተወስኗል። (የም/ቤቱ ምስረታን በማስመልከት በትምህርት ሚኒስቴር የወጣ መግለጫ ከላይ ተያይዟል፡፡) @minster_of_education