1 697
Subscribers
+524 hours
-17 days
-930 days
Posts Archive
Repost from R.Hotamova ijodi
Қуриган дарахтнинг сўнги меваси,
Зулматга ем бўлган шамнинг шуъласи,
Ёридан айрилган ёр ашуласи
Мени ҳеч кулишга қўймаяпти-да.
Оқсоқ чумолига ҳамдард бўлишим,
Битта буғдойимни тўртга бўлишим,
Ҳаққимни сўролмай ҳақсиз юришим
Ҳеч ўзимга яхши бўлмаяпти-да.
Онам сандиғини ҳидин соғиндим,
Сандиқдек эскирдим, шундан оғриндим.
Келади уйимда дадамни кўргим,
Интизор кўзларим кўрмаяпти-да.
Сирқираб оғрийди юрагим шўрлик,
Тишланган олмадек бу дунё кемтик.
Сўзлар ёзгим келар тирик ва йирик,
Аммо кўнглим сўзга тўлмаяпти-да.
Мен тўртта тарафга чопар юбордим.
Чопарлар қўлида бир хат юбордим.
Дедим топинг менга бир бағри бутун
Аммо ҳамон жавоб келмаяпти-да
Рислиғой Ҳотамова
Repost from R.Hotamova ijodi
Бунча бериласиз, нафсга кибрга? Бемалол озорлар берасиз дилга. Ё сиз кирмайсизми бир кун қабрга? Қўлингиз кўтаринг, ўлмайдиганлар!Яқинда, бизнинг каналда 👇 https://t.me/Hotamova_R
Чин ошиқлар ёрини,
Кўчадан топмайдилар.
Хилватга тортмайдилар
Гуноҳга ботмайдилар.
Шеърни бу каналдан ўқинг 👇
https://t.me/Hotamova_R
Илк донатчиларимизга миннатдорлик билдирамиз! Саф бошида бўлганлар доим ардоқда!
Repost from R.Hotamova ijodi
Агар сиз бу канални узоқ вақтдан бери кузатиб келаётган бўлсангиз!
Агар Рислиғой Ҳотамованинг ижоди сизга ёқса!
Агар қайсидир бир шеър сизнинг кўнглингиздан жой олиб, муаллифга меҳрингиз ортган бўлса,
Энди сиз бу меҳрни ДОНАТ орқали ҳам билдириш имконига эгасиз!
Биз донат ҳисобини очдик. https://tirikchilik.uz/rhotamova
ДОНАТ нима?
Донат — Пул кўринишидаги миннатдорчилик ва қўллаб-қувватлаш.
Ютубда, Инстаграмда, Телеграмда қаерда бўлмасин контент яратувчиларнинг ижодини ривожланиши учун ихтиёрий суммада донат қилиш орқали ўз хиссасини қўшиш, ижодкорнинг шу ишга яна кўпроқ эътибор қаратишини таъминлайди.
Сиз ҳам истасангиз мана бу ҳавола билан https://tirikchilik.uz/rhotamova ўтиб, каналимизни қўллашингиз мумкин.
P.S Донат очиш фикри менда анчадан бери бор эди. Аммо Рислиғой опамни кўндиришга анча вақт кетди. Ниҳоят агар кимдир донат қилса сиз учун эмас, каналнинг ривожланиши ва бу канал яна ҳам актив ишлаши учун ёрдам қилади деб, кўндирдим.
Фикримни қўллашингиздан шубҳам йўқ.
Даврон Ҳотам (канал админи)
Repost from R.Hotamova ijodi
Бу эски дунёнинг эркаси аёл.
Кўнгил кошонангиз бекаси аёл.
Нима гўзал бўлса, баридан гўзал,
Нима орзу бўлса, биттаси аёл.
Кокилин ювай деб, сойлар оввора
Юзини кўрай деб, ойлар овора.
Жонингизни уриб, бўлинг парвона
Баҳор гулларининг ғунчаси аёл.
Айтинг ким ноз қилсин, у қилмаса ноз?!
У анор донаси, у қўқон гилос.
Рашк қилса жон денглар, қилманг эътироз,
Эгри қовурғангиз парчаси аёл.
Ўғиллар келтирса, уйли бўласиз,
Қиз келса жаннати, нурли бўласиз,
Аёллар бўлмаса, нима қиласиз?
Умрингизнинг бугун-эртаси аёл.
Аёлни авайлаб яратган Худо.
Эркалаб ва сийлаб яратган Худо.
Эркаклар эркакдек юрсинлар, дея
Аёлни атайлаб яратган Худо.
https://t.me/Hotamova_R
Менга қилса фақат яхшилик қилган
Берса меҳр берган муҳаббат берган
Оғрисам биринчи ёнимга келган
Онамни мақтамай, кимни мақтайин.
Дунё аямади, ёмон кунларни,
Йиғлаб ўтказдилар қанча тунларни.
Ҳалол яшаб ўтган шунча йилларни,
Онамни мақтамай, кимни мақтайин.
Орзу ҳаваслардан кечиб, биз учун.
Турмушнинг заҳрини ичиб, биз учун.
Чақир тиканларни қилиб берган гул,
Онамни мақтамай кимни мақтайин.
Улар бор кулишим ярашар менга.
Дўстлар ҳавас билан қарашар менга.
Доим бахту иқбол тилашар менга
Онамни мақтамай, кимни мақтайин.
Шерик қилиб берган акам опамни
Севинч қилиб берган синглим укамни
Бўйларини кўрсам жигарларимни
Онамни мақтамай, кимни мақтайин.
Отамни мақтамай, кимни мақтайин.
Рислиғой Ҳотамова
https://t.me/Hotamova_R
Repost from R.Hotamova ijodi
Инсон руҳида ҳам
Шеърни ўқиди: Ирода Раҳмоналиева
Муаллиф: Рислиғой Ҳотамова
Манба: mutolaa Youtube kanali
Кимдан сўрай, ҳолингни айтгин,
Мен ўзингдан сўрай олмасам?
Соғинчингда ўтарми умрим,
Сен келмасанг, мен боролмасам.
Ой билан мен дардлашдим тунлар.
Ой юзингни эслашдим тунлар.
Қўлларимда қуриди гуллар,
Нега олдим хеч беролмасам?
Хаёлимдан ҳаётимга кел,
Тушларимдан хушларимга кел.
Бағримга кел, қучоғимга кел,
Сени севсам, сени соғинсам.
Мен сен учун жонимни берай.
Сен мен учун дийдорингни бер.
Яқинлашиб, яқиндан кўрай,
Ўша гўзал чиройингни, кел.
Парирўйим пари пайкарим.
Эй гулрўйим, ойим ахтарим.
Бўлмас мени севгида бахтим,
Сени ёринг бўла олмасам.
Р .Ҳотамова
https://t.me/Hotamova_R
Repost from R.Hotamova ijodi
БЕРМАЙМАН СИЗНИ
Рислиғой ҲОТАМОВА шеъри ✍️
Дилафрўза МИРЗАЕВА ижросида🎤
Яхшимсиз, ёмонга бермайман сизни.
Ростимсиз, ёлғонга бермайман сизни.
Сизни кўргач бахтни танидим ахир,
Орзусиз, армонга бермайман сизни.
Осмонсиз, ой бўлиб ўйнаб юрарман.
Достонсиз, сой бўлиб куйлаб юрарман.
Сизни ҳар лаҳзада ўйлаб юрарман,
Жонимсиз, жононга бермайман сизни.
Ҳар гулнинг ўзини баҳори бўлар,
Ранги бўлар, ширин ифори бўлар.
Гулмисан гул бўлиб кўнглингиздаман
Хаста хазонларга бермайман сизни.
Оловга, сувгами бирга кетайлик.
Зулматга, нургами бирга кетайлик.
Бирга кузатайлик, бирга кутайлик
Ёлғизлик томонга бермайман сизни.
https://t.me/Hotamova_R
Repost from Farg'ona 24 | Расмий
Кечалари уйқу сўраб шамолдан
Безор бўлиб ғийбатлару малолдан.
«Менинг отам қайда?» деган саволдан
Чўчиб яшар қанча ёлғиз аёллар...
✍ Рислиғой Ҳотамова
🎙Ферузабону
(Фарғона 24 каналига қўшилинг👇)
➥ https://telegram.me/+LoWNAfX7elUyMDgy
Йўлингда сен деган зоринг кўп эди.
Кўзларинг чиройли, сўзинг шўх эди.
Севгим бор эдию умид йўқ эди,
Мени танлашингни, кутмаган эдим.
Р.Ҳотамова шеъри
Repost from R.Hotamova ijodi
Ҳаёт эзаверма шўрлик дилимни.
Синишни биламан, туришни ўргат.
Аччиқ кўзёшларим тўлди кўзимга
Йиғлашни биламан, кулишни ўргат.
Оппоқ қушлар кирар тушимга ҳар кеч.
Айтишар, учамиз кишанларни еч.
Уларга қўшилай бўлмасидан кеч
Менга баланд-баланд учишни ўргат.
Ёмонлар кўз тикар, қилдек жонимга.
Қани, бахт нимага келмас ёнимга?
Қачон раҳминг келар мени ҳолимга,
Ёмғирларда тошдек туришни ўргат.
Ҳеч кимга бермаган шодлигингни бер.
Оёғим остида гуллаб кетсин ер.
Яхшию ёмонлар нима деса дер,
Бахтлилардан бахтли бўлишни ўргат.
Йиғлашни биламан, кулишни ўргат.
Муаллиф: Рислиғой Ҳотамова
https://t.me/Hotamova_R
Repost from R.Hotamova ijodi
ЯҚИНИМ
Бўлишолмай, эту тирноқдай.
Қирилишса, тошу пичоқдай.
Кимни айблай ва кимни оқлай,
Жигарлар нон талашиб турса.
Бойлик талаш, уй ховли талаш.
Бир-бирига қилар ёв қараш.
Хатто она рўмоли талаш,
Менга бер, деб сўрашиб турса.
Жигаримни қандай ёмонлай,
Пул сўраса, ҳолим сўрамай.
Иши битса, кўнглим оғритиб
Иши тушса, ярашиб турса.
Сал тушунинг, салгина аянг.
Мен ҳам хаста, мен ҳам ҳоли танг.
Қилиб қолманг, бир куни аттанг
Бу юракнинг уриши тинса.
Пуфлаб, чироғимни ўчирган ҳам яқиним.
Тирнаб, тирноғимни кўчирган ҳам яқиним.
Бегонадан баттар бўлиб, шўрлик дилимга
Алам шаробини ичирган ҳам яқиним.
Рислиғой Ҳотамова
https://t.me/Hotamova_R
Repost from ✍️𝕊𝕙𝕒𝕙𝕝𝕠_𝕏𝕠𝕟_𝕚𝕛𝕠𝕕𝕚𝕪_𝕜𝕒𝕟𝕒𝕝🎙
Inson ruhida ham qiyomatlar bor...
✍️Rislig'oy Xotamova
@Shahlo_Xon_ijodiy_kanal
