ግጥም ብቻ 📘

ማያልፍ የመሰለኝ ዳምኖ ህይዎቴ ባዘነብኩት እንባ ታጥቦ ማንነቴ ግርዶሹ በርትቶ ነገየን ጋርዶብኝ ፍፁም አንዳልጓጓ ህመም በርትቶብኝ ዛሬ ነገ እያልኩኝ ሞቴን ሲጠባበቅ ህመሜን ሳዳምጥ ስሜቶቼን ሳረቅ . . .          መኖር ማለት ስቃይ          መኖር ምለት ህመም          መኖር ማለት ጭንቀት          መኖር ማለት ድካም.... ወደ ተስፋ መንደር እልፍ ጊዜ ባመራ የ እድሌን ልሻማ ከ እኩዮቼ ጋራ ብፈልግ... ብጠብቅ ድርሻ የለኝ ሁኖ ጠብታ እንኳን ሳይቀር ከ እኔነቴ ተኖ ፀሐይ የለኝ ሁና ሕይዎቴ ዳምኖ . . .        ትላንት በመኖሬ ተስፋ እንኳን ሳይኖረኝ        ምንም ያህል ባዝን የሚያልፍ ባይመስለኝ        ቀን እየቆጠረ ቀን እየጨመረ        የደመናው ጥቁረት መጠኑ ቀንሶ        የስቃይ ዉርጅብኝ ከነበረው አንሶ        ከ ሕይወቴ ጠፋ ቀስ በቀስ ጨርሶ... . . . የ ፀሐይ ዉበቷ የፀሐይ ድምቀቷ የዉበት ፍካቷ ዛሬ ላይ ብሸፈን ደመናው ሲገፈፍ ወደጎን ሲበተን.... . . .        ህመም ብርድ ሁኖ ያገረጣው ትናንት        ተንፏቆ እየዳሀ ዛሬን በመጠጋት        አንድ ቀን ልጨምር ብዬ በመኖሬ        ተስፋ ፀሐይ ሁኖ ከች አለልኝ ዛሬ!!                        📆ሚያዚያ 25 - 2016                 ✍ዘይድ ሁሴን @getem @getem @paappii

ያደረግሽኝ በዝቶ.... ልቤን ያሳረረው ጩኸቴን እንዳፍን ምኑን ቀባብቼ ምኑን ልሞሽረው??! ፡ ወልውዬ ሰጥቼሽ አፈር ካለበሽው ጤነኛውን ልቤን መርዝ ካቀመሽው በምን አማርኛ ትህትናን ጠልፌ እንደው እንዲቀልሽ እንዴት ልበል ፅፌ??!! ፡ አንቺ ኮ አታፍሪም ከበደልሽ በላይ በጥሩ አማርኛ ስምሽ ገኖ ቢታይ እንዳ-ላ-ጠፋ እንዳ-ል-በደለ በከንቱ ንፁህ ........ እንዳልገደለ ስጠብቂ ሳይ                    ...... ያመኛል ብትይ!!!! ፡ ነበረኝ ጥሩ ቃል ላንቺ ያላነሰ ከልብ የተቀዳ ስንቱን የቦነሰ የገፋሽው ድሮ .... ቀለለብኝ ያልሽኝ ነበር አማርኛ ንቀሽ ያልሰማሽኝ ከቃሉ ያደረ ... ፍፁም የከበረ ብሰጥሽ ንፁህ ልብ ....... ያኔ ተሰበረ !! እንደሞኝ ቆጥረሽው የተግባሬን ነገር ባልኩት መገኘቴ ላንቺ ቀልድ ነበር ፡ ታዲያ............. ተመልሰሽ ዛሬ ለምን ትይኛለሽ ተነካብኝ ክብሬ ያኔ አቅቶኝ ስቀጣ እያየሽኝ መራቅ እንዴት ይገርምሻል ደስታዬ ሲያድንሽ ፡ ሲሆንብሽ ጭራቅ! ig & tiktok @be_Olyon        ✍️ Olyon                                                   አስተያየት (@be_Olyon)      @getem                    @getem                                   @getem                

እሱና እሷ እሱና እሷ ከአንድ ቀን እይታ፣ ወዳጅነት ፈጥረው ፍቅር ተገንብታ፣ ተፈቃቅረው ከርመው ዓመታትን ቆጥረው፣ ጎጆ ለመቀለስ በአንድ ለመጠቅለል ሽማግሌ ልከው፣ ህይወት በአዲስ መልኩ ተጀመረ ይኸው። የአንድ ቀን እይታ ዛሬ ፍሬ አፍርቶ፣ ሙሽሪት ፀንሳ ቤተሰብ መስርቶ፣ ሁለትነት ቀርቶ በዝተው ተበራክተው፣ ዘር የሚያስቀጥል አዲስ ትውልድ ፈጥረው፣ ባል አክብሮ ሚስቱን ሚስት ለባል ተገዝታ፣ ፍቅርና መቻቻል በእነሱ ላይ ታይታ፣ ለማየት በቅተናል ፍቅራቸው አፍርታ። በሳምሪ የዝኑ ልጅ @getem @getem @getem

#ፀሃይና_ጨረቃዬ . . . በራሷ ልክ ለምታውቀኝ የኔን ናፍቆት ያቺን ድሃ፣ ላንዱ ልቤ የልቡ ራ'ብ ሆና ብትፈልቅ የፍቅር ውሃ። ነይ ብሏታል ሰርክ ናፍቆ እዝነ ነፍሴ ተመልክቷት፣ ከሺ ልባም ከሴት መሃል ከቀይ እንቁ እሷን ሽቷት። ትመጣለች እኔን ብላ፤ ትመጣለች ሀሳብ ጥላ፤ የምታውቀው ሩህሩህ መላዕክ በፍቅር ዘንግ እየመራት፣ መቼም እሱ ያውቅበታል፤ ከመጨከን ሳይቀላቅል ልቤ መሃል እሷን 'ሰራት ። ከቆምኩበት ከዚያው ስፍራ፤ ባክሽ ፍጠኝ ድረሽ እያልኩ ከራሴ ጋር ሳጉረመርም፣ ከሀሳብ ባህር የወደቀን ብኩን እኔን ቆሜ ሳርም። መጣችልኝ ያይኔ አበባ መጣችልኝ የልቤ ሰው፣ እንባና ሳግ ወንድ አንጀቴን ቁጡ ፊቴን ሳቅ ወረሰው። ( እኔ የምልሽ ? መቼ ነው ግን፤ ) ( ስሜሽ ስሜሽ ስሜሽ ስሜሽ ከጥጋብ ደጅ የምደርሰው ? ) እንጃ'ባቴ !!!!! ልብላ አላለች ወይ ልጠጣ፤ ልውረድ የለም ወይም ልወጣ፤ ናፍቆት ሆኖ የሷም ረሃብ ካለም ሁሉ የተለየ፤ ከወንዶቹ አስበልጦ ከህዝበ አዳም እኔን ያለ። ፍቅር  አይኗን ከደነችው፤ ጠፍር አልጋ መሃሉ ላይ ግራ እጄን ተንተርሳው፣ ሙቅ ትንፋሿ እፍፍ ሲለኝ ወንድ አካሌ ነፍሴን ረሳው። አጀብ መቼም ያየሁትን፤ ስትነካካኝ በጣቶቿ ስትዳብሰኝ በመዳፏ፣ ንጉስ መሆን የዛን'ለት "የኔ አባት" ሲለኝ አፏ። በነፍሷ ጫፍ ምኑ ዳሬን የቱ ጋር ነው የነካችኝ፣ የተጣላሁ ከራሴ ጋር በምን ብልሃት አስማማችኝ ? በአርምሞ በፀጥታ፤ አይኗን አየሁ ሽፋሽፍቷን፤ ተመለከትኩ የነፍሷን ሀቅ ተኝታለች አለም ረስታ፣ አንገቴ ስር ካገኘችው ስስ ህይወቷን ተጠግታ። የዛን'ለታ........ እያለ እያለ እያለ "ልሂድ" አለኝ፤ እኛን ሲያዩ የፈገጉ ሰማይ ምድር ተላቀቁ፤ በመሄድ ውስጥ ተከርችመው ነገን ሊሉ ሲታረቁ። እቅፍ ብርሃን ፈነጠቀ ከአፅናፍ አፅናፍ ተዘረጋ፣ ፀሃይና ጨረቃዬን፤ በአክናዴ እንዳቀፍኳት ሆነ አዲስ ቀን ሌቱ ነጋ። . . . "አይኗን ገልጣ አይኔን አየች ከኔ ማዶ የራሷን ሀቅ፣ ፈገግ ብላ አዋሰችኝ የሰጧትን የ'ግዜሯን ሳቅ።"                                   ስትችልበት !!!!!! ✍ ዓቢይ ( @abiye12 ) @getem @getem @getem

ረዘምዘሜ -------------- ይወድሻል ቢሉሽ ጸሀይ ትገባለች ቢሉሽ በስተምስራቅ፣ ውሸት ነው በያቸው፣ ከነሱ በመራቅ፡፡ ምድር ጠፍጣፋ ነች፣ ቢሉሽም መልሰው፣ ሀሰት ነው በያቸው፣ ሳትቆጥሪያቸው ከሰው፡፡ አውራ ዶሮ እንቁላል ይጥላል በማለት አጉል ቢሞግቱሽ፣ ቅጥፈት ነው በያቸው፣ የማይሆን ቢግቱሽ፡፡ ጽጌረዳ አበባን፣ ቢሉሽ ይች አደይ ናት፤ ሀቅ አይደል በያቸው፣ ትጊና በጽናት፡፡ ይሆናልም ቢሉሽ ሰው እያደር እሸት፣ ብለሽ አጋልጫቸው--- ‹‹አቤት! አቤት ውሸት! ›› ከኤሊና ጥንቸል፣ ቢሉሽ ኤሊ ፈጣን፣ ቀላማጅ! በያቸው፣ ተሞልተሸ በሥልጣን፡፡ ይህ ሰው አስር ሺ ዐመት፣ የሚኖር ነው ቢሉሽ ያለቅንጣት እፍረት፣ ይህ እውነት አይደለም፣ በያቸው በድፍረት፡፡ በዙ ውሸት ዋሽተው፣ ግን ቢሉሽ አንችዬ፣ ‹‹ፍቅሬ ይወድሻል ከነፍሱ አስበልጦ!›› አንዳች ሳታመነች ‹‹እውነት ነው!›› በያቸው፣ ድምጽሽን ከፍ አርገሽ ፣ ሰምተሸ በተመስጦ፡፡ 4/30/2017 By fikre tolosa @getem @getem @paappii

ሙሾ አውራጅ እንባ አርጋፊ ምሬት ዘሪ ሞት አቃፊ ደስታ ማላቅ ሐዘንተኛ ሁሌ አልቃሽ ብሶተኛ ግና ዛሬ ድቅድቅ ጥሼ እንባ ላፈስ በመንገድ ላይ ስንከላወስ ድንገት ቆመ የቅጽሩን ጥግ እግሬ ታኮ ይጸልያል ምዕመኑ ተንበርክኮ አሰገግኩ ወደ ውስጥ አማተርኩ አጮልቄ ምን ልተንፍስ? ... ምን አውቄ? ምስጋና እንደው አልለመደኩ በዝምታ አለቀስኩ {ለቅሶ አይደል የለት ጉርሴ? ምሬት አይደል እስትንፋሴ?} እመቤቴ በእንባ መሐል አየሁ ምስልሽን ስታጫውች ውብ ልጅሽን በዛች ቅጽበት ተሰለበ ሹል ብሶቴ ተገፈፈ ጽልመት ፊቴ ልቤ ጠጣ ከእቅፍሽ ሀሴት ቀድቶ እንኳን እኔ ሐዘን ሳቅ አንቺን አይቶ #ኤልዳን @eldan29 @getem @getem @getem

ሥዕል ለወዳጅ ዘመዶ ስጦታ ማበርከት የምትፈልጉ በ+251984740577 ይደውሉ። ወይም @gebriel_19 ላይ  ፎቶ  በመላክ በ ተመጣጣኝ ዋጋ  ማዘዝ ይችላሉ! @seiloch @seiloch

ሥዕል ለወዳጅ ዘመዶ ስጦታ ማበርከት የምትፈልጉ በ+251984740577 ይደውሉ። ወይም @gebriel_19 ላይ  ፎቶ  በመላክ በ ተመጣጣኝ ዋጋ  ማዘዝ ይችላሉ! @seiloch @seiloch

ድብልቅልቅ ነው ውስጡ ውልቅልቅ ነው ጌጡ .... ሰባራ ነው ውበት  ጥቁር አለው የኛ ሽበት! ወጣት ነው የጠገበ ነበልባል ነው የረገበ መዳፍ ነው የማይሞላ ፍቅር አለን የሚያባላ ! ሰላም ነው የሚረብሽ ንፁህ ነው የሚቆሽሽ መሬት ነው ሁሉንም ቻይ እያኖረ ገዳይ! ሰፊ ነው ገፀ ብዙ ጠባብ ነው ፅንስ ሙሉ በቂ ነው ቻይ ተራፊ ለ'ኔ ና አንቺ ሰፊ! ባህር ነው ሞገደኛ ሃይቅ ነው ሰላምተኛ አለም ነው ዥንጉርጉሩ አንጀት ነው ለኛ ሩሩህ! ፍቅር ነው ፍፁም ልዩ!!     Follow my IG & Tiktok @be_Olyon        ✍️ Olyon                                                   አስተያየት (@be_Olyon)      @getem                    @getem                                   @getem

ሲያምርብሽ ቀሚስ ጥልፉ ሲያምርብሽ ነጭ በነጩ ህፃናቶች ከእግርሽ ስር ተኮላትፈው የሚንጫጩ እረበሹሽ ከጸሎትሽ የዳዊቱን ቦታ አጣሽ? እንደ መልአክ ነጭ አልብሶ ቤተመቅደስ ምን አመጣሽ? ከመልክሽ ላይ ይታየኛል የአብ እጁ ልዕልና በሁዳዴ ቤቱ መጣሽ ጌታን ልትይ ሆሳዕና? ሆሳዕና በአርያም ሆሳዕና በአርያም ንጉስ አየን ከድንግል ሴት ፀሀይ ወጣ ከአርያም ከቅዳሴው ዜማ ሰማን መንበር መሃል እጣን ጨሰ ህዝበ እስራኤል ጨርቁን ሁሉ እመሬት ላይ አለበሰ የምስጋናው ዜማ ጦፈ መንፈስ ቅዱስ ህዝቡን መላ በወንጌሉ ክብር አገኘች የያዘችው ውርንጭላ ህዝቡ ሞልቷል ከመቅደሱ ወንዱም ሴቱም ለየብቻ በነጠላ ተሸፍነሽ ምትታዪኝ አንቺ ብቻ ከአጠገብሽ ጎልማሳ ሴት ሲደገፉሽ ማትከፊ የደከማት አራስ እናት ልጇን ይዘሽ የምታቅፊ በነጠላ የሚያምር ገጽ ለመንካትም የሚያሳሳ ጸጉርሽን ሸፍነሻል ዋናው ነገር ፊትሽሳ? ላለማየት እጥራለው ነጣላሽን ስታጣፊ ወዴት ላርገው ይዤ ቆምኩኝ የዘንባባ ዝንጣፊ ምን ላድርገው ዘንባባውን ? መስቀል ልስራ ለግንባርሽ ከብልጭልጭ ከወርቅ አልማዝ መስቀሉ ነው ሚያሳምርሽ በቢጫዋ ዘምባባስ ግን አይኔ አይቶ ከመረጣት ቀለበትን ልስራ ይሆን ለእጆችሽ ሰልካካ ጣት? በአራቱም መአዘናት ተነበበ ወንጌል ለአለም ምህላችን ይቀጥላል እስኪመጣ ለዘላለም አንድ ሳምንት የፆም ስግደት ህማማቱ ሊጠብቀን ከበሮውን ሰማይ ሰቅለን አመስግነን ለአንድ ቀን ከመድረኩ ነጭ ለብሰው ከበሮውን እየመቱ ክብ ሰርተው ሲዘምሩ እንደያኔው ህፃናቱ ምን ተሰማሽ በድምቀቱ አይኔ ካንቺ ተመልክቷል ጠብታ ውሃ የምታክል ዘለላ እንባ ከአይንሽ ወቷል ለምን አዘንሽ በደስታ ቀን ይታወቃል የልቦናሽ   ንጽህና የእግሮችሽን ጣቶች ላንፃ ፀሎተ ሀሙስ ይድረስና? አትፈልጊም አውቃለሁኝ እንኳን ማጠብ እንዲያዩሽም የኤደን ውስጥ በለስ እንጂ የዱር ኮሽም አይደለሽም ታዲያ ያለሙን ጣጣ ረስቶ ልቤ ሰከን ከሚልበት እንዲታወክ ቤተ መቅደስ ባትመጪ ምን አለበት? ሆሳዕና በአርያም ሆሳዕና በአርያም ንጉስ አየን ከድንግል ሴት ፀሀይ ወጣ ከአርያም የገላውን ስጋ ቆርሰው በቀናት ውስጥ የሚገሉት ጨርቃቸውን አገላድመው በእልልታ ተቀበሉት የኛ ህዝብም ደምቋል ዛሬ መስቀል ሰርቷል ከመረጠው ጎልጎታ ላይ እስኪሰቀል ወዳጅ ስሞ እስኪሸጠው የኔ ግና ተበጥሷል የአይኔ ላይ መቀነቻ ከዚህ ሁሉ ተነጥለሽ ምትታዪኝ አንቺ ብቻ ምናለበት ባገለግል ቤተመቅደስ ሌላ አላጣሽ እንደ መልአክ ነጭ አልብሶ እኔ ደብር ምን አመጣሽ? By @mikiyas_feyisa @getem @getem @paappii