📚اتقان علوم القران ✏

🔰 ملخص المحاضرة الثانية 🔰 🎀 سلسلة مدرسة الذاريات 🎀 ✍🏻 م. علاء حامد ➖🌸➖🌸➖🌸➖🌸➖ الحمد لله وأشهد أن لا إله إلا الله وحده لا شريك له وأشهد أن محمدًا عبده ورسوله صلى الله عليه وسلم أما بعد: 🔍 *{وَفِي ٱلسَّمَآءِ رِزۡقُكُمۡ وَمَا تُوعَدُونَ ﴿٢٢﴾}* فيها قولين: - القول الأول: يعني تدبير الأرزاق في السماء عند الله سبحانه وتعالى، {وَمَا تُوعَدُونَ ﴿٢٢﴾} يعني ما توعدون من الجزاء والحساب وهو من الرزق وتدبير الأمر. الله سبحانه وتعالى غالب على أمره إذا أراد لك رزقاً سيسوقه إليك!! المعنى التاني: أي المطر لإنك أنت لو تأملت هتجد إن جميع الأرزاق في الحقيقة تعود للمطر يعني الأرزاق سواء الطعام الشراب الأنعام الحياة كلها مبنية على نزول المط. { فَوَرَبِّ ٱلسَّمَآءِ وَٱلۡأَرۡضِ إِنَّهُۥ لَحَقّٞ مِّثۡلَ مَآ أَنَّكُمۡ تَنطِقُونَ ﴿٢٣﴾} ⬅️ إنه لحق يعني البعث حق مثل ما أنكم تنطقون 🔍 *قصة إبراهيم عليه السلام مرتبطة بالسورة من بابين.* -الباب الأول: أن مثال لشخص آمن بالبعث وكان تقياً نقياً وبيان عاقبة إبراهيم عليه السلام وعاقبة لوط عليه السلام وعاقبة قوم لوط اللي هم كذبوا به وكذبوا بالبعث.. فده ارتباط بالمعنى الأساسي للسورة وهو نموذج على شخص آمن ثم بعد ذلك نماذج الأمم كذبت، وكإنه عبرة للعرب. فالمناسبة التانية الـ هي ليها علاقة {وَفِي ٱلسَّمَآءِ رِزۡقُكُمۡ} وهي قصة أن إبراهيم عليه السلام رزق بإسحاق من بعد إسماعيل وكان ولادة إسحاق ولادة عجيبة يعني رزق من الله فعلاً لم يمنعه مانع كل الأسباب بتقول مينفعش يبقى فيه إسحاق بأي شكل من الأشكال وإذا بإرادة الله سبحانه وتعالى تغلب وده مثال على قوله تعالى: {وَفِي ٱلسَّمَآءِ رِزۡقُكُمۡ وَمَا تُوعَدُونَ ﴿٢٢﴾} 📍 *المرأة لما سمعت:* {قَالُواْ لَا تَخَفۡۖ وَبَشَّرُوهُ بِغُلَٰمٍ عَلِيمٖ (28) فَأَقۡبَلَتِ ٱمۡرَأَتُهُۥ فِي صَرَّةٖ فَصَكَّتۡ وَجۡهَهَا وَقَالَتۡ عَجُوزٌ عَقِيمٞ (29) قَالُواْ كَذَٰلِكِ قَالَ رَبُّكِۖ إِنَّهُۥ هُوَ ٱلۡحَكِيمُ ٱلۡعَلِيمُ (30)} ✔️ وبالتالي ده نموذج على أن الله سبحانه وتعالى إذا أراد أن يرزق العبد رزق فلا يمكن أن يمنعه مانع ↩️وأن رزق الله سبحانه وتعالى لا يمنعه أحد وإذا كتب الله لعبده رزق فمفيش حاجة هتقف لا أسباب ولا شيء الله سيدير الأمر وسيأتي الرزق للعبد بما يشاء الله سبحانه وتعالى ➖🌸➖🌸➖🌸➖🌸➖ 📍 *نبدأ في قصة إبراهيم عليه السلام قوله تعالى:* {هَلۡ أَتَىٰكَ حَدِيثُ ضَيۡفِ إِبۡرَٰهِيمَ ٱلۡمُكۡرَمِينَ (24)} ✔️ضيف إبراهيم الملائكة الملائكة جائت إلى إبراهيم عليه السلام في صورة بشر جم الملائكة وكانوا> جبريل وميكائيل وإسرافيل 🔍 *المكرمين تحتمل معنيين* ◾️إما مكرمين منا من الله أو مكرمين من إبراهيم والمعنيين مش متعارضين والمعنيين يكملوا بعض أما من ناحية أنهم مكرمون من الله ومكرمين من إبراهيم عليه السلام؛ لإنه طبعاً في القصة أكرمهم وأحسن ضيافتهم رغم أنه لا يعرفهم لكن هذه عادة إبراهيم عليه السلام. ➖🌸➖🌸➖🌸➖🌸➖ 🔍 *{إِذۡ دَخَلُواْ عَلَيۡهِ فَقَالُواْ سَلَٰمٗاۖ ﴿٢٥﴾}* هنا لم يذكر استئذان صح ولم يذكر أنهم خبطوا باب ⬅️ قيل لأن إبراهيم عليه السلام من شدة كرمه كان بيته مفتوح دائماً أي ضيف عايز يخش في أي وقت يخش.. ⬅️ًوقيل إن إبراهيم عليه السلام يكاد مبياكلش لوحده دايماً بيبحث عن ضيف ليأكل معه؛ لأنه من عادته الكرم كان دايماً له أضياف فده شيء معتاد. ➖🌸➖🌸➖🌸➖🌸➖ 🔍 *{فَقَالُواْ سَلَٰمٗاۖ قَالَ سَلَامٌ}* ↩️ خد بالك من التشكيل قالوا سلامًا صح بالتنوين الفتح، قال سلامٌ إيه الفرق بين سلاما وسلامٌ ؟ 📍 *قاعدة نحوية* ◾️ *هنرى إن رد إبراهيم كان أفضل من سلام الملائكة إيه الفرق بين سلاماً سلامٌ ؟* ⬅️ جملة دليل على جملة فعلية وفي فعل محذوف تقديره نسلم عليك سلاماً، فهنا قالوا سلاماً دي ده منصوب إنه مفعول به وفيه تقدير فعل نسلم عليك سلاماً هو لما رد مقلهمش سلاماً أسلم عليكم سلاماً لا، قال سلامٌ.. ⬅️ دي جملة أسمية يعني سلامٌ عليكم.. والناس بيقولوا إن دلالة الجملة الاسمية أعلى من دلالة الجملة الفعلية يعني الجملة الاسمية تدل على الثبوت والاستقراروالجملة الفعلية تدل على التجدد فكان رد إبراهيم أفضل من تسليم الملائكة {فَقَالُواْ سَلَٰمٗاۖ قَالَ سَلَامٌ} ➖🌸➖🌸➖🌸➖🌸➖ ✅ *الآداب الـ عملها إبراهيم عليه السلام مع الملائكة في الضيافة:* 📍 آداب الضيافة: 1- بيته مفتوح للناس كلها. 2- مبيسألش حد أنت مين وجاي منين لأ الـ عايز فيه يقعد ياكل وهو كمان بيعزم الناس الـ بيعدوا. 3- بيتعمد إنه يرد على الضيف أحسن من السلام.

❁──❁──❁──❁──❁──❁──❁ •• دورة مدرسة الذاريات 💡•• شرح فضيلة الشيخ م/علاء حامد المحاضرة الأولي» {بناء إنسان العقيدة والتقوي} ┈┉━━━ • ✿ ✿ • ━━━┉┈ 📩 رابط المحاضرة (1) على الساوند: https://on.soundcloud.com/yoyi8rQa1kBodcix6 🔖 رابط المحاضرة (1) على اليوتيوب: youtu.be/S5xfAW09g9A?si=AnBdk-OL3es81m2H 🔖 رابط إختبار المحاضرة (1): https://forms.gle/fsonqWdszWUzswv17 ┈┉━━━ • ✿ ✿ • ━━━┉┈ قناة دورات التدبُّر م.علاء حامد على التليجرام👇🏻 https://t.me/tdburalquran صفحة الدورات على الفيس بوك👇🏻 https://www.facebook.com/profile.php?id=100083070533939 قناة المُبادرات على التيلجرام👇🏻 https://t.me/mobadra1alaahamed ┈┉━━•✿••❅✿❅••✿•━━┉┈ هدف دوراتنا »» طالب علم يعبدُ الله على بصيرة🤍

🔹موقن اللي هو عنده تجرد عنده رغبة في إن هو يعرف الحق عنده رغبة في التصديق ده ربنا بيوفقه على طول 📌وفي الأرض آيات يعني الدالة على الوحدانية وعلى البعث لا تحصى عددا الجبال، الأنهار، النجوم، الشمس، القمر، كل حاجة حواليك بتدل على أن هذا الكون له خالق وأن هذا الخالق قوي بديع عليم حكيم خبير وأنه _سبحانه وتعالى_ يستحق أن يخضع له العباد ويذلوا، فإذا جاءت الرسل والكتب بهذه المعاني على طول الناس تصدق ما هو ده الفطرة دلت عليه وفي كل شيء له آية تدل على أنه الواحد تدل على أنه خالق عظيم وأنه واحد لأن لا يمكن الكون ده يكون له إلهين ➖🌸➖🌸➖🌸➖🌸➖ *سبحانك اللهم ربنا وبحمدك أشهد أن لا إله إلا أنت السلام عليكم ورحمة الله وبركاته.*

" ذُوقُواْ فِتۡنَتَكُمۡ.... " 📌ذوقوا العذاب، ذوقوا نتيجة أفعالكم "هَٰذَا ٱلَّذِي كُنتُم بِهِۦ تَسۡتَعۡجِلُونَ" 📌كانوا يستهزئوا كانوا يستعجلون العذاب وكعادة القرآن لما بيذكر أهل الشر يرجع يذكر أهل الخير للموازنة بين الترغيب والترهيب، فذكر _سبحانه وتعالى_ أهل التقوى وعاقبة اللي صدقوا بقى بالبعث والتزموا "إِنَّ ٱلۡمُتَّقِينَ" 🔹المتقين هم لهم صفتين: أصحاب عقيدة سليمة وأصحاب استقامة 📌"إِنَّ الَّذِينَ قَالُوا رَبُّنَا اللَّهُ" عقيدة سليمة "ثُمَّ اسْتَقَامُوا" يعني التزموا، إن المتقين اللي اتقوا غضب الله تعالى بأن التزموا بالعقيدة السليمة واستقاموا على الأمر والنهي 📌﴿إِنَّ الْمُتَّقِينَ فِي جَنَّاتٍ وَعُيُونٍ﴾ كان في صحابي اسمه حارثة بن النعمان كان شاب يعني فدخل غزوة مع النبي _عليه الصلاة والسلام_ وقتل فيها، كان حارثة ده أبر الناس بأمه، فاللي حصل إنه مات راحت أمه للنبي _عليه الصلاة والسلام_ طبعا كانت في حالة صعبة جدا قالت يا رسول الله أخبرني أين حارثة؟ إن كان في الجنة او والله لأفعلن ولأفعلن، قال يا أم حارثة ليست جنة واحدة إنما جنات يا أم حارثة جنات، إن حارثة قد أصاب الفردوس الأعلى!! "وَعُيُونٍ" 🔹عيون من الماء وأنهار من خمر وأنهار من لبن وانهار من عسل حاجة يعني فوق الخيال، طيب وكل ما الإنسان كان أتقى كل ما نصيبه من الجنة يبقى أعلى ➖🌸➖🌸➖🌸➖🌸➖ "ءَاخِذِينَ مَآ ءَاتَىٰهُمۡ رَبُّهُمۡۚ إِنَّهُمۡ كَانُواْ قَبۡلَ ذَٰلِكَ مُحۡسِنِينَ" 🔹فيها معنيين؛ المعنى الأول متعلق بالآخرة، التاني متعلق بالدنيا والاتنين بينهم تلازم "ءَاخِذِينَ مَآ ءَاتَىٰهُمۡ رَبُّهُمۡۚ" : 📌١. يعني ما آتاهم في الآخرة من الحور والطعام والشراب والظل والأسرة والفرش والقصور كل حاجة بقى أخدوها كده وهم ومبسوطين ومستمتعين. 📌٢. يعني آخذين ما آتاهم ربهم من الدين هو الشرع يعني أخذوا الدين بجد، أخذوا الدين بحق، أخذوا العقيدة والشريعة والتزموا بيها وكانوا راضيين بها وفرحانين بها كمان ⏪إيه السبب بقى⁉️ إنهم كانوا قبل ذلك محسنين كانوا كمان أدائهم عالي فالإحسان ده من أعلى منازل الدين الإسلام، الإحسان أن تعبد الله كأنك تراه، تخيل واحد أداؤه هيبقى عامل إزاي؟ لو هو في الحياة بيعبد ربنا كأنه يراه❗ ➖🌸➖🌸➖🌸➖🌸➖ "كَانُواْ قَلِيلٗا مِّنَ ٱلَّيۡلِ مَا يَهۡجَعُونَ" ما هنا: 📌١.إن ما مصدرية، يعني كان قليلا من الليل هجوعهم يعني نومهم يعني كانوا بيناموا قليل بالليل، يعني بالليل كان بيصلوا كتير، يصلي نص الليل، يصلي تلت الليل، يصلي تلتين الليل فكان قليلاً من الليل نومهم ولكن كانوا يكثرون من قيام الليل ومن صلاة الليل ➖🌸➖🌸➖🌸➖🌸➖ "وَبِٱلۡأَسۡحَارِ هُمۡ يَسۡتَغۡفِرُونَ" 🔹وده العجيب بقى إن هو شوف مع اجتهادهم كانوا فيهم صفة التواضع، تواضع وهضم للنفس وعدم عجب بالنفس ونسبة الفضل لله والإحساس الدائم إن هو مقصر وإن هو معبدش ربنا حق عبادته والدال على ذلك إن هو بالأسحار هم يستغفرون 📌في فضل الإستغفار بالأسحار وده الوقت اللي بيتنزل فيه رب العزة جل في علاه، ينزل ربنا إلى السماء الدنيا في الثلث الأخير من الليل فيقول هل من سائل فأعطيه؟ هل من تائب فاتوب عليه؟ هل من مستغفر فأغفر له؟ وفي فضل يستغفر في الوقت ده سواء في الصلاة أو خارج الصلاة كان بيستغفر بعد الصلاة، أمال دول لو عملوا معصية تفتكر هيعملوا إيه؟ 📌طب علاقتهم بالناس بقى عاملة إزاي؟ "وَفِيٓ أَمۡوَٰلِهِمۡ حَقّٞ لِّلسَّآئِلِ وَٱلۡمَحۡرُومِ" يعني إيه حق للسائل والمحروم⁉️ السورة دي مكية والحق اللي في المال هو الزكاة، طب هي الزكاة فرضت في مكة ولا في المدينة⁉️ ولو فرضت في المدينة يبقى إيه هو الحق اللي ربنا بيتكلم عليه في مكة دلوقتي⁉️ فهنا اختلف العلماء والبعض قال عشان يجمع الموضوع قال إن الزكاة فرضت إجمالا في مكة وأما التفاصيل والأنصبة ففرضت في المدينة، يعني كان فرض إن الإنسان طلع حاجة بس مكنش محدد يطلع إيه بالظبط طالما معاك مال يبقى السائل والمحروم لهم حق فيه والأمر مش محدد 📌فعموما يعني على القول ده إن الحق هنا المقصود به عموم الصدقة اللي هي كانت لازمة أي حد معاه مال إن هو يتصدق والأنصبة فرضت في المدينة إيه الفرق بين السائل والمحروم⁉️ 📌السائل مفهوم اللي بيسأل يعني هو محتاج فعلا وبيسأل الحاجة حملته على السؤال فسأل فده ليه حق إن احنا نعطيه إذا كان فعلا يحتاج 📌 طب إيه هو المحروم قالوا المحروم اللي هو مش بيسأل وبيسعى وبيحاول بس مش بيلاقي، يقولك اتحرم يعني بيحاول يبذل مجهود ➖🌸➖🌸➖🌸➖🌸➖ "وَفِي الْأَرْضِ آيَاتٌ لِلْمُوقِنِينَ* وَفِيٓ أَنفُسِكُمۡۚ أَفَلَا تُبۡصِرُونَ* "

﴿وَإِنَّ ٱلدِّينَ لَوَٰقِعٞ﴾ 🔹الدين هنا بمعنى الحساب فيعني معناها إن أنت هتتجازى وتتحاسب 📌 طب هل هنا ده تكرار؟ "إِنَّمَا تُوعَدُونَ لَصَادِقٞ*وَإِنَّ ٱلدِّينَ لَوَٰقِعٞ" ⬅️ لا.. إنما توعدون هنا المقصود بيه البعث والدين اللي هو الحساب، الحقيقة هو فيه تلازم يعني مفيش تعارض " اليوم عمل ولا حساب وغدًا حساب ولا عمل"، "حاسبوا أنفسكم قبل أن تحاسبوا وزنوا أعمالكم قبل أن توزن عليكم وتهيئوا للعرض الأكبر على الله _سبحانه وتعالى_" ﴿وَالسَّمَاءِ ذَاتِ الْحُبُكِ﴾ 🔹 الحبك؛ فيها تلات أقوال: ١. قيل الحبك يعني الجمال والإبداع إن هي جميلة ذات استواء وذات إبداع. ٢. القول التاني: الحبك ذات القوة والإتقان والإحكام. ٣.القول التالت: ذات الحبك ذات الطرائق يعني السما كده تحس إن هي فيها طرائق 📌 والحقيقة إن الأقوال دي مش متعارضة ولا حاجة ممكن إن احنا نجمعها كلها في إنها السماء المحكمة الخلق، المتقنة الخلق ده استدلال بالقدرة والقوة بس هنا ربنا ربط القسم ده بحاجة بعدها قال: "إِنَّكُمۡ لَفِي قَوۡلٖ مُّخۡتَلِفٖ" يعني أنتم في محمد أو في القرآن اختلفتم فمنكم من قال ساحر، منكم من قال كاهن، منكم من قال مجنون، منكم من قال قرأ في كتب أهل الكتاب إذًا أنتم بتقولوا كلام مختلف أنتم نفسكم ماتفقتوش على الباطل وده يدل إن أنتم على الباطل؛ لأن دايما الحق واحد والباطل متعدد ➖🌸➖🌸➖🌸➖🌸➖ " يُؤۡفَكُ عَنۡهُ مَنۡ أُفِكَ" 🔹يعني إيه عنه؟ المفسرين اتكلموا في معنيين في عنه: 📌١. يؤفك يعني يصرف، وكلمة الإفك يعني القلب تسمى قرى قوم لوط المؤتفكة لأن ربنا قلبها، يعني يصرف عن اتباع الحق من أفك يعني من علم الله في علمه السابق أنه لا تليق به الهداية بسببه هو ربنا مظلمش حد ولا أجبر حد على الضلال. 📌٢. يؤفك عنه قالوا عنه يعني بسببه وكلمة عن حرف عن ده يأتي بمعنى بسبب، إن بيقولهم بسبب أقوالكم المختلفة في ناس اتصدت عن سبيل الله❗ 🔹يعني إيه من أفك؟ 📌من أُفك دي إثبات لعلم الله، يعني من أفك يعني من علم الله مسبقا أنه سيضل، وده إثبات للقدر إن ربنا علم مين اللي هيهتدي ومين اللي هيضل؛ لكن لم يجبر أحد على شيء، خلق أفعال العباد وشاء هذه الأفعال قبل أن يفعلها العباد وكتب وعلم وكل حاجة بس في الآخر "لَهَا مَا كَسَبَتْ وَعَلَيْهَا مَا اكْتَسَبَتْ"، في الآخر "اعْمَلُوا مَا شِئْتُمْ إِنَّهُ بِمَا تَعْمَلُونَ بَصِيرٌ" ➖🌸➖🌸➖🌸➖🌸➖ {قُتِلَ ٱلۡخَرَّٰصُونَ} 🔹 هذا دعاء عليهم، قتل يعني لُعن دعاء على الإنسان الكافر، قتل الخراصون يعني لعنوا وطردوا من رحمة الله تعالى 📌من الخرص⁉️ ده اللي هو التخمين يعني الظنون والأهواء فالناس اللي بتتبع الظون يعني زي الملاحدة مثلا بيقولك الكون ده خُلق صدفة، أيوة فين الدليل يعني⁉️ ما هو لا أنا حاسس كده بس مش ممكن لا الإنسان ده اتطور من خلية طب الدليل⁉️ ، كلها خرص ظنون أوهام، طب هات لي دليل⁉️ والعكس بقى أنت معاك ألف دليل على إن الكون ده له خالق الإبداع والإتقان في كل حاجة تدل على إن في خالق، ويترك الحق الواضح ويتبع الظنون والأوهام ➖🌸➖🌸➖🌸➖🌸➖ ﴿الَّذِينَ هُمْ فِي غَمْرَةٍ سَاهُونَ﴾ 🔹 هو هنا ده بيديك هم ليه كده؟ يعني هل في واحد يبقى الحق باين ويسيبه؟ اه، ليه؟ هوى، هو دايما اللي بيترك الحق ويتبع الباطل ده فيه هوى في نفسه، طب الهوى ده جايله منين؟ جايله من انغماسه في الشهوات والفجور يعني إيه غمرة⁉️ 📌 يقولك الإنسان ده مغمور في المية، يعني إيه⁉️ يعني حاطط دماغه كلها في الماية كل جسمه جوة الماية يقولك غمره الماء يعني غطاه 📌الذين هم في غمرة يعني اللي هم غرقانين في الشهوات، اللي غرقانين في الغفلة ساهون غفلة ساهي يعني غافل غرقان في الغفلة، غرقان في الشهوات، غرقان في المحرمات ﴿الَّذِينَ هُمْ فِي غَمْرَةٍ سَاهُونَ﴾ ⏪ نتيجة ﴿يَسْأَلُونَ أَيَّانَ يَوْمُ الدِّينِ﴾ مش عايز يصدق هو عايز يستبعده هو عايز ميحسوش عايز ميشوفوش خالص "أَيَّانَ يَوْمُ الدِّينِ" يعني يوم الدين ده بعيد يوم الدين ده يا جماعة مفيش حاجة اسمها كده متتعبليش ضميري بقى أنا مقتنع إن مفيش إله، أنا مقتنع إن مفيش بعث، هو مش مقتنع هو مش عايز يصدق؛ لأن التصديق هيلزم منه تأنيب ضمير وتوبة وهو في غمرة هيطلع إزاي؟ خلاص يبقى نصدق الإلحاد أحسن ➖🌸➖🌸➖🌸➖🌸➖ ﴿يَوۡمَ هُمۡ عَلَى ٱلنَّارِ يُفۡتَنُونَ﴾ 🔹 يعني ساعتها هتعرف وتصدق بس "يَوْمَ هُمْ عَلَى النَّارِ يُفْتَنُونَ" ⏪ يفتنون هنا قالوا يعني يحترقون، كلمة يفتن في اللغة يعني يختبر، يقال فُتن الذهب إذا أحرق، لما الذهب يحرقوه اسمه فتن، فتنة الذهب بالحرق يفتنون يعني يوم هم على النار يحرقون بالنار بسبب ما قدمت أيديهم ساعتها هيعرفوا أنه حق

📌القول التاني: إن الحاملات هي برضو الرياح، يعني الذاريات هي الرياح والحاملات هي الرياح طيب اللي قال إن الحاملات هي الرياح طب تحمل إيه؟ قال الرياح تحمل السحب، طب جبت القول ده منين؟ قالك لأن ربنا _سبحانه وتعالى_ قال في سورة الأعراف: ﴿وَهُوَ الَّذِي يُرْسِلُ الرِّيَاحَ بُشْرًا بَيْنَ يَدَيْ رَحْمَتِهِ حَتَّىٰ إِذَا أَقَلَّتْ سَحَابًا ثِقَالًا سُقْنَاهُ لِبَلَدٍ مَّيِّت... (٥٧)﴾ ⏪ أقلت يعني حملت، فقالك الرياح تحمل السحب، فالحاملات وقرا يعني الرياح تحمل السحب اللي هي الثقيلة فهي تحمل حملا ثقيلا ⬅️ القول ده برضو ليه وجاهته وليه دليله لكن الفكرة إن احنا بنستمتع بفهم التفسير، بنستمتع بإن احنا فهمنا هو ليه السلف اختلفوا ليه حصل خلاف في الحاملا⁉️ سبب الخلاف هنا إن ربنا ذكر وصف ولم يذكر الموصوف 📍ربنا ذكر الحاملات، الحاملات ده وصف، إيه هي الحاملات؟ السحاب الحاملات، الرياح الحاملات، ولا إيه؟ ⬅️ فلما ربنا بيذكر وصف مش بيذكر موصوف بيجتهد المفسر في معرفة إيه هو الموصوف ده، فلما يبقى فيه وصف كده من غير موصوف بيخلي المفسر حسب السياق وحسب القرائن اللي حوالين الآية بيحاول يستنتج هو المقصود إيه بالآية دي بالظبط فمنهم اللي شايف إن هي الأنسب يتقال السحاب وجاب أدلة من القرآن، ومنهم اللي شاف إن الأنسب يتقال الرياح وجاب برضو أدلة من القرآن 🔹 الخلاف نوعين إما خلاف تنوع أو خلاف تضاد ⏪ خلاف تنوع يعني الأقوال كلها مقبولة وممكن حمل الآية على جميع الأقوال مفيش تعارض يعني، مش لازم أرجح ⏪ لكن لو خلاف تضاد لازم أرجح، يعني إيه خلاف تضاد؟ يعني القول ده يلزم منه بطلان القول ده ❗لكن هنا الخلاف مش تضاد كده كده خلاف تنوع، يبقى عندنا الذاريات هي الرياح، الحاملات إما الرياح أو السحب 🔹"فَٱلۡجَٰرِيَٰتِ يُسۡرٗا" يعني حاجة بتجري وتجري بيسر ما الجاريات⁉️ على قول علي بن أبي طالب الجاريات هي السفن، وطبعا ده له دليله من القرآن ربنا سمى السفن الجاريات قال: ﴿وَلَهُ الْجَوَارِ الْمُنشَآتُ فِي الْبَحْرِ كَالْأَعْلَامِ* فَبِأَيِّ آلاءِ رَبِّكُمَا تُكَذِّبَانِ﴾ ⬅️القول التاني من أقوال السلف: أن الجاريات هي النجوم، قالك ربنا قال: ﴿وَالشَّمْسُ تَجْرِي لِمُسْتَقَرٍّ لَهَا...﴾ [يس: ٣٨] فربنا وصف النجوم أنها تجري وفي قول تالت بقى إن الجاريات هي الرياح برضو، بص قاعدة كده في قول هيقول إن الأربعة هم الرياح؛ لكن الأشهر إن الجاريات إما السفن أو النجوم ➖🌸➖🌸➖🌸➖🌸➖ 🔵 كل القسم ده مقصوده في الآخر القسم على مظاهر قدرة الله !! ﴿فَٱلۡمُقَسِّمَٰتِ أَمۡرًا﴾ ⬅️ المقسمات أمرا على قول علي بن أبي طالب والأشهر أن المقسمات أمرا هي الملائكة، هي التي تقسم الأمر بأمر الله، يعني الله يأمرها بتقسيم الأرزاق؛ ده يعيش، ده يموت، ده يرزق، ده يُعافى، ده يصاب، ده يبتلى، فالملائكة تدبر الأمور بأمر الله تعالى فتسمى مقسمات أمرا ⬅️ القول التاني: إن المقسمات هي الرياح برضو، فاحنا قلنا في قول إن هي الرياح على طول الخط؛ لأن الرياح تقسم الأرزاق بأمر الله؛ فتحمل السحب هنا، تحمل تراب هنا، تبقى على ده رحمة، تبقى هنا عذاب، هنا تدمر بيت، هنا تحمل حبوب لقاح، فهي الرياح بتصرف أمور "وَتَصْرِيفِ الرِّيَاحِ" فالرياح برضه يصح إن احنا نسميها إن هي مقسمات أمرا ➖🌸➖🌸➖🌸➖🌸➖ القسم ده ما غرضه⁉️ وليه ربنا أقسم بدول بالذات⁉️ ⏪ لأن دول مظاهر قدرة الله والمقسم عليه بقى⁉️ ⏪ إنما توعدون لصادق يعني الله يقسم أن القيامة حق، إنما توعدون لصادق من البعث وإن الدين لواقع يعني الحساب لواقع ما علاقة القسم بالمقسم عليه⁉️ ⏪ علاقة وطيدة لأن احنا لو قلنا إن أنا بتكلم في البعث يبقى أنت بتكدب بالبعث، طيب علشان تصدق بيه لازم نثبته ❗إثبات البعث إن أنا أثبتلك أن الله يقدر على ذلك، يعني أين المشكلة أن الله يبعث من في القبور⁉️ هل هو يعجز عن ذلك⁉️ لا يعجز عن ذلك 📌 الدليل شوف السحاب، شوف الذاريات، شوف السفن، شوف النجوم، شوف الملايكة، كل ده مدلكش على إن هذا الذي خلق هذا الخلق وجعل هذه القواعد في الكون وقسم الأرزاق وأجرى السفن يعجز أن يبعث من في القبور؟ هذا لا يتصور منه سبحانه وتعالى ❗ 📌 البعث يحتاج حاجتين؛ يحتاج قدرة وعلم، قدرة على البعث وعلم فين الناس اللي ادفن راح فين ربنا بيستدل دايما على قدرته على إمكانية البعث بالعلم والقدرة، فاللي عنده علم وعنده قدرة أين المانع إن هو يبعث⁉️ 📍 طيب الأربع أقسام دول الرياح والسحاب والسفن دلت على العلم والقدرة، القدرة أما القدرة فظاهرة ، طب فين العلم⁉️ العلم هنا في حاجة زي مثلا في المقسمات أمرا، هو تقسيم الأرزاق ده والحكمة في تدبير أمور الخلق مش يدل على علم، السفن اللي بتجري القوانين اللي ربنا جعل بها جريان السفن وجريان النجوم في الأفلاك بدون إن هي تصطدم بدون إن السفن تغرق، ربنا جعل قوانين في الماء تحمل السفن، المية اللي مبتحملش مسمار تحمل السفينة❗ القوانين دي مش تدل على علم❗ ➖🌸➖🌸➖🌸➖🌸➖

🔰 ملخص المحاضرة الأولى 🔰 🎀 سلسلة مدرسة الذاريات 🎀 ✍🏻 م. علاء حامد ➖🌸➖🌸➖🌸➖🌸➖ الحمد لله وأشهد أن لا إله إلا الله وحده لا شريك له، وأشهد أن محمدًا عبده ورسوله صلى الله عليه وسلم، أما بعد: دورة مدرسة الذاريات دورة بتدور حول جزء الذاريات *" سورة الذاريات والطور والنجم والقمر والرحمن والواقعة والحديد"* 🔹 القصة مش قرآن بنفسره لا احنا هنحول كل آية كل صفحة من القرآن إلى مدرسة فعلا❗ ⏪ طريقتنا في المدرسة: إن احنا بنمسك الصفحة أول حاجة بنقرأها كويس جدا علشان اللي عايز يصحح التلاوة ويبقى معاه التلاوة مع الدرس بحيث أكيد هنحفظ لأن احنا شرط مهم جدا هنتفق إن احنا هنحفظ، صدقني مش هتلاقي فرصة أجمل من كده إنك تحفظ جزء الذاريات لأن مع الفهم هتلاقي الحفظ بقى ميسر جدا *🔵 سورة الذاريات* ▪️ هي أول سورة في الجزء "هناخد أول صفحة" ▪️سورة الذاريات سورة مكية ⬅️ "كل ما نزل قبل الهجرة يسمى مكي حتى لو لم ينزل في مكة، وكل ما نزل بعد الهجرة يسمى مدني حتى لو لم ينزل في المدينة" ⬅️ سورة مكية يعني احنا بنتكلم في مكة يعني احنا بنتكلم المواضيع الأساسية هي إثبات العقائد، هي إثبات النبوة، إثبات الرسالة، إثبات القرآن، إثبات البعث، الرد على المكذبين، الرد على المشككين في البعث، بيان أدلة البعث 📍وعادة السور المكية بتتطرق إلى قصص الأنبياء على اعتبار إن بتضرب مثل بأقوام الانبياء واللي حصلهم وبتكون عبرة لأهل مكة، فالكلام الأول كان عن سيدنا إبراهيم على اعتبار إن العرب تعظم سيدنا إبراهيم والبيان على حاله وإيمانه بالله _سبحانه وتعالى_، وبعد كده الكلام على قوم لوط والكلام على قوم عاد وثمود وقوم نوح والكلام ده والسورة بتبين مآل اللي صدق ومآل اللي كذب بيكون عبرة للمستمع اللي هو طبعا أهل مكة، وبعد كده ختمت السورة بالموعظة ﴿فَفِرُّوا إِلَى اللَّهِ إِنِّي لَكُمْ مِنْهُ نَذِيرٌ مُبِينٌ﴾ وأكدت على المعنى الأساسي الذي من أجله نزلت هذه السورة ﴿وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ* مَا أُرِيدُ مِنْهُمْ مِنْ رِزْقٍ وَمَا أُرِيدُ أَنْ يُطْعِمُونِ* إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ﴾ وختمت السورة بهذه المعاني العظيمة، وتقريبا السور المكية غالبها أيضا بيدور حول نفس المعاني ➖🌸➖🌸➖🌸➖🌸➖ ﴿وَٱلذَّٰرِيَٰتِ ذَرۡوٗا (١) فَٱلۡحَٰمِلَٰتِ وِقۡرٗا (٢) فَٱلۡجَٰرِيَٰتِ يُسۡرٗا (٣) فَٱلۡمُقَسِّمَٰتِ أَمۡرًا (٤)﴾ 📍 الله _سبحانه وتعالى_ أقسم بأربع أشياء: الذاريات، الحاملات، الجاريات، المقسمات أي قسم في القرآن بنحاول إن احنا نفهم حاجتين: ⏪ إيه معنى القسم ⏪ وإيه دلالته؟ 📌 علي بن أبى طالب _رضي الله عنه وأرضاه_صعد يومًا على منبر الكوفة وقال للناس والله لا تسألوني عن شيء في كتاب الله ولا سنة رسول الله _صلى الله عليه وسلم_ إلا أجبتكم فيه، فسألوه قالوا: ما الذاريات؟ قال: الذاريات الرياح، وقيل له فما الحاملات؟ قال: الحاملات السحب، وقيل ما الجاريات؟ قال: الجاريات السفن، وقيل له ما المقسمات؟ قال: المقسمات الملائكة. 📌 يبقى إذًا تفسير علي بن أبى طالب ده قول عندنا من الأقوال مهم قوي في مسائل التفسير إن احنا نسأل هل كل السلف اتفقوا على القول ده ولا لأ؟ ⬅️لو كل السلف اتفقوا على القول ده خلاص هنقول ده إجماع؛ لكن في الحقيقة إن السلف اختلفوا في بعض المعاني قول علي بن أبي طالب طبعا يعتبر جدا وله قدره لكن مش كل السلف اتفقوا على نفس الكلام ده اللي قاله علي بن أبي طالب، اختلفوا في بعض الأشياء؛ لكن من الحاجات اللي اتفقوا عليها تقريبا إن أغلب المفسرين أو يمكن عامة أهل العلم اتفقوا على الأولانية أن الذاريات ذروا هي الرياح، لقوله تعالى في سورة الكهف "فَأَصْبَحَ هَشِيمًا تَذْرُوهُ الرِّيَاحُ" ⬅️لكن اختلفوا بعد كده بقى، إيه الحاملات؟ وإيه الجاريات؟ وإيه المقسمات؟ 📌 هنا إيه بدأ الكلام والخلاف، طيب الحاملات على قول علي بن أبي طالب إن هي السحب، طيب على أساس إيه اعتبر الحاملات وقرا؟ الحاملات وقرا يعني هي التي تحمل الثقل، تحمل أشياء ثقيلة وربنا _سبحانه وتعالى_ وصف السحاب قال:{وَيُنْشِئُ السَّحَابَ الثِّقَالَ} [الرعد:١٢] فلما لقى الحاملات وقرا والسحاب الثقال قالك يبقى هي السحاب، والسحاب هي حاملات فعلا لأن هي بتحمل المطر لقوله تعالى: ﴿ أَلَمْ تَرَ أَنَّ اللَّهَ يُزْجِي سَحَابًا ثُمَّ يُؤَلِّفُ بَيْنَهُ ثُمَّ يَجْعَلُهُ رُكَامًا فَتَرَى الْوَدْقَ يَخْرُجُ مِنْ خِلَالِهِ..﴾ [النور:٤٣] 📌يبقى السحب حاملات للمطر يبقى ده قول جيد إن الحاملات دي السحب طبعا قول معتبر جدا ويمكن من أقوى الأقوال يعني

أهلُ القرآنِ عظماءُ حتّى في أخطائهم ‏حين تلتبسُ عليهم الآيات، وتُصادفهم الإشكالاتُ في تسميعِ نصابهم لا تسمعُ إلا لسانًا يُردد " لاحول ولاقوة إلا بالله " ، " الله المُستعان" ‏يُدركون أنّ ما أصابهم من زللِ بسببِ تقصيرهم فتلهجُ قلوبهم قبل ألسنتهم إلى ربّهم يعلمُون أنّهم لاحول لهم ولاقوّة ولا فضلٌ ولا سببٌ في إتقانِ حفظهم لولا فتحُ الله عليهم ومعونته ‏ينسبون خطأهم لما كسَبت أيديهم، هكذا هم أهلُ القرآن، رفعهم اللهُ بهِ خُلقًا وقدرًا💜.

- « القرآن عصمة لمن اعتصم به وحرز من النار لمن اتبعه ونور لمن استنار به وشفاء لما في الصدور وهدى ورحمة للمؤمنين » 📚| أخلاق القرآن : ٢ | الإمام الآجري  -رحِمَهُ الله-.🌸💎

في صحيحِ البخاريِّ عنِ النبيِّ ﷺ: {{ إن بيَّتَكُم العدو فقولوا : حم لا يُنصَرون }} ( إن بيَّتَكُم العدو ) يعني : أي هاجمكم ليلًا فقولوا: «حم لا يُنصَرون». ❤️❤️✔️ والمعنى: بفَضلِ السُّورةِ المفتتحةِ بـ{حم} ومَنزلتِها لا يُنصَرون، وسيَكونُ ذلك حتمًا بانهِزامِ الأعداءِ، ولا يُنصَرون، أي: لا يُنصَرُ الكفَّارُ عليهم. وفي الحديثِ: فضلُ سُوَرِ الحَواميمِ؛ حيث أشارَ أنَّها- لعِظَمِ شأنِها وشرَفِ منزلتِها عند الله تعالى- ممَّا يَستظهِرُ به المسلِمون على استنزالِ النَّصرِ عليهم والخِذلانِ على عدوِّهم