SHOM.UZ
Open in Telegram
Баъзи манзилларнинг исми йўқ. Уларга сиз исм қўйишингиз лозим... Шуҳрат ОРИФ Facebook 👉 https://www.facebook.com/ShuhratOrif Instagram 👉 https://www.instagram.com/shuhratorif/ Youtube 👉 https://www.youtube.com/channel/UCbfd05gGIjrQFriOljZOCag
Show more3 619
Subscribers
-124 hours
-57 days
-1630 days
Posts Archive
3 619
ФАҚАТ СЕН УЧУН
Кипригинга қўндирмайман гард,
Йўлатмайман сенга бирор дард,
Узугингда яшар зумуррад,
Мен яшайман фақат сен учун.
Ойлар чиқсин, қуёшлар ботсин,
Мафтун юлдуз сенга гул отсин,
Ер коптокдек ёнингда ётсин,
Осмон яшар фақат сен учун.
Сарву сумбул бўйинг бўйлайди,
Сен ҳақингда гуллар ўйлайди,
Капалаклар сенга сўйлайди,
Баҳор яшар фақат сен учун.
Сенга асли ҳаёт парвона,
Олам сенга оддий дугона,
Уфқларда ёна ва ёна
Дунё яшар фақат сен учун.
✍🏻 Салим АШУР
@shomuz - Yo‘limiz bir!
3 619
Қушга айланмаган одам ҳақида шеър
Қара, мен умрингда учиб юрибман,
Номсиз қуш - қанотим яшилдир, яшил.
Исм қўй, тасдиқла яралганимни
Сўнгра кўзларингнинг қаърига яшир.
Яширгин замону макондан нари,
Ёруғ тафаккурнинг олмос тиғиман.
Балки интиқомнинг, балки толенинг
Ваҳийси, шовқинсиз ҳайқириғиман.
Ой гулчамбар тўқир бармоқларимдан,
Эркимни юлдузлар чўқир бетиним.
Мени танидингми, ҳар баҳор
бедор,
Боғингда унгувчи майса мен эдим.
Оппоқ этик кийган сулув дарахтлар
Базмида учрашган эдик биз илк бор.
Нечун паришонсан, тутқун ўйларнинг
Қафасини чил-чил синдириб юбор.
Сени деб минг марта дунёга келдим,
Аммо сен, аммо сен... таний олмайсан.
Ёдингни тўзғитган суратлар аро,
Нечун сийратимни севиб қолмайсан.
Пойингга чўкаман, юрагим оғриб,
Қанотларим ўса бошлар дафъатан.
Гар мени эсласанг, асло ўкинма,
Сен ҳам қушга айлан, эй азиз одам.
©Мадина Норчаева
@shomuz - Yo’limiz bir!
3 619
Дилим хун, қирмизи юзлардан қўрқдим,
Макрини юз гулга гизлардан қўрқдим.
Одамлар қўрқарлар ёмон кўзлардан,
Мен эсам шу яхши кўзлардан қўрқдим.
Танда жон комиллиғ учун имкондир,
Ҳар кимдан бир хато излардан қўрқдим.
Киприкким ер чизса, бир суврат қолур,
Ҳа деб ерга ботган тизлардан қўрқдим.
Қўрқмадим узун йўл, залворли юкдан,
Ҳолимни Махшарда эслардан қўрқдим.
Дала-туз, сувимда, ё раб, не хатар,
Қўнмай ўтиб кетган ғозлардан қўрқдим.
Кўп кездим шўр ҳамла Баҳрул муҳитни,
Оролни тарк этган тузлардан қўрқдим.
Илму иймон кўкка йўл излар бўзлаб,
Дардингдан ҳам бир наф кўзлардан қўрқдим.
Элимнинг биргина, Омон, сўзиман,
Худодан қўрқмаган одамдан қўрқдим.
Омон МАТЖОН
@shomuz - Yo‘limiz bir!
3 619
Октябрь
Олтин кузнинг сўнгги нафаси,
Япроқларда титрайди хазон.
Бу кўнгилнинг ажиб навоси,
Ёмғир шивирлайди безабон.
Дарахтларнинг эгнидан учди,
Заррин, сариқ, оловли тўнлар.
Ер юзини соғинчлар қучди,
Салқин тортди узун-узун тунлар.
Худди ширин туш каби ўтар,
Октябрнинг маҳзун кунлари.
Қалбда сокин хотира кезар,
Қадрдондир кузнинг тунлари.
@shomuz - Yo’limiz bir!
