ادبیات سئونلر

«میر هادی مظلومی» آنا نه پاییزدی گوزلرینده؟ ، گزدیریرسن کوچه کوچه ایزلییرسن عومور یولون, آغیر دَرین نیسگیلیله نه دئییرسَن سَن پاییزا ، پاییز سَنه دالدانالیب ایکی پاییز بیر بیرینه؟ اونا دئنه ساچلاریما دوشَن بو دَن مین دالغادان آیریلیبدی! مین دَنیزدَن سئچیلیبدی! اونا دئنه من آنایام! اونا دئنه من بیر قوچاق آناسیام!...

«دومان بختیاری» قاتیلینه باخا باخا وورولدو تیکانلی تئل آرخاسیندا ساری گول قوشابولاق گوزلرینده دورولدو اللرینده یاری تیکان یاری گول سینیرلاردا سئوگی سینی گزیردی بارماقلاری حزین حزین  تالاندی ایللر بویو بیر گوروشه دوزوردو سیندی سینیق آرزیلاری جالاندی گلینلیگین قیش قوینوندا آپاردی یازیسینا دومان توشدو چن توشدو یاخاسیندان بیرجه دویمه قوپاردی بیرلحظه ده ساچلارینا دن توشدو اینانمیشدی قارقیشینا فه له گین سوزولوردو گیله گیله گوزلری دوشونوردو یایلیم سسین آرخادان لال اولوردو دوداقلانان سوزلری دونوشو قان یازیلمیشدی آرادا دوشلرینده یاشاییردی ساری گول قاتیلینین گوزلرینه وورولدو اللرینده یاری تیکان یاری گول https://t.me/Adabiyyatsevanlar

اوشاق ادبیاتی اوشاق حیکایه‌سی «ویدا حشمتی» یاسمن‌ین خیاللاری یاسمن گون اورتادان سونرا پنجره‌نین قاباغیندا تک باشینا اوتورموشدو. یاغیشین شوشه‌یه توخونان دامجی‌لارینا باخیردی‌. ماوی گؤی اوزونده، قوشلاری گؤردو. یاسمن گئنه خیالا دالدی. بارماغینی دوداغینا یاپیشدیریب، دوشوندو: -پنجره قیراغیندا اوتورموشام باخیرام قوشلاری دسته-دسته گؤی اوزونه تاخیرام بیردن بیره بولوتلار بیر-بیری ایله توققوشدولار. ایکی بولودون چاققیشماغیندان بیر اینجه-اوزون ایشیق گؤروندو. اوندان نئچه ثانیه سونرا بیر گورولتو گلدی. یاسمن ایلدیریمین سسینندن دیسکینیب، قالدی. سونرا اوخوماغا باشلادی: -بیردن شاخیر بولودلار گور-گور بابا گورولدور باخ گؤر کیچیک اوره‌ییم قوپوب، نئجه گوپپولدور؟... یاسمن کیمی، قوشلار دا قورخوب هره‌سی بیر طرفده گیزله‌ندیلر. ایلدیریمین سسی، هر کسین اوره‌یینه ول-وله سالمیشدی. اونا «گور-گور بابا» دا دئیرلر. یاسمن بو سسی ائشیدیب، شوشه‌نین هووونو الی‌ایله سیلدی، دئدی: بیر سئرچه وار بیر سئرچه، آمان قهرمان سئرچه پنجره‌میزه قونور اللری اینجه-اینجه یاسمن بالاجا سئرچه‌نی گؤردو، چوخ خوشو گلدی، بئله دوشونودو کی کاش بو سئرچه ایله یولداش اولاق. بارماغیمی یاواشجا قویدوم شوشه اوستونه او مونجوق-بونجوق گؤزلو باخدی منیم اوزومه بالاجا سئرچه نارین گؤزلرینی یاسمنه تیکمیشدی سانکی یاسمن‌دن یاردیم ایسته‌ییردی یاسمن دئدی: -بیلیرم کی چاغیرسام گلمه‌سن بیزه قوناق منی میندیر آرخانا بولود اوستونه قوناق... بالاجا سئرچه ده یاسمن‌ین سؤزونو قبول ائدیب، آرخاسینا میندیردی. یاسمن سئرچه‌یه‌دئدی: -گزک ماویلیک‌لری داغی-باغی، چؤللری گؤی قورشاغین پای وئرک سئویندیرک ائللری. اونلار بیرلیکده گزیدیلر، گؤی قورشاغی‌نین بوتون بویالاریندان بیر آووج جیبلرینه دولدوردولار سونرا اونلاری یولداشلارینا پای وئردیلر. https://t.me/Adabiyyatsevanlar

اوشاق ادبیاتی آنا دیلینده اویرشمک

اپشاق ادبیاتی

اوشاق ادبیاتی کارتون

اوشاق ادبیاتی آذربایجان افسانه لری سؤیله ین:«صمد بهرنگی - بهروز دهقانی» چئویرن:«منیژه جم‌نژاد» تو٘لکویله کوپ قاریسی۳ 🧙‍♀🦊 آخشام گئنه داشی دیغیرلادا - دیغیرلادا گتیردی بیر بوجاغا قویدو، او٘ستونه چیخیب دئدی: آی قورت یولداش، ایت یولداش، قارتال یولداش، پادشاهین قوشونو یولون باشیندا چادیر ووروب، گلنده آغانی توتاجاقلار. دورون اؤزوموز گئدیب آغانی گتیرک. هامیسی دوروب گئتدیلر. اوقدر گئتدیلر، آغایا چاتدیلار. اوغلان گؤردو بوگون قارشیلاماغا چوخ یول گلیبلر. تو٘لکو قاباغا دو٘شدو، آغانی آیری یولدان کوهوله آپاردیلار. اوغلان گؤردو قیز چوخ توتقوندو. سوروشدو: نه اولوب؟ قیز دئدی: مگرخبرین یوخدو؟ آتامین قوشونو سنی توتماق ایستیر. سن نه جور اللریندن قاچدین؟ اوغلان دئدی: تو٘لکو منی باشقا یولدان گتیردی. قیز دئدی: بللی دئییل باشیمزا نه گتیرجکلر . گئجه یاتاق سحر گؤرک باشیمیزا نه گلیر. قیز لا اوغلان یاتدیلار، تولکو گئنه داشی گتیردی اوستونه چیخیب دئدی: آی قورت یولداش، ایت یولداش، قارتال یولداش، آغایلا خانیم چوخ دارغین دیلار.  دورون گئدک پادشاهین قوشونونو داغیداق. قارتال یولداش، سن گؤزلرین چیخارداسان، ایت یولداش لا قورت یولداش دا اولاری خفه لر؛ منده باشلارام دیدیب یئمه یه. دؤردو ده گلیب قوشونون آراسینا گیردیلر. قارتال یولداش هامیسینین گؤزونو چیخاردی. ایت یولداش لا قورت یولداش دا بوغازلارین توتوب خفه‌له دی، تولکو ده باشلادی بوداییب یئمه یه. سونرا قاییدیب دینج، راحات یاتدیلار. سحر اوغلان دوروب گئتدی گؤرسون قوشون نه حالدا دیر. گؤردو نه قوشون؟! هامیسی شیل کوت یئرلرده! قیزا دئدی: قیز دور باشقا قوشون گلمه میش بوردان قاچاق، اؤزوموزه ائو زیندگانلیق دو٘زه‌لدک. تولکو یله یولداشلاری دا روزوسوز قالمازلار. باخ گؤر نه قدر لش لو٘ش، سو٘ر سوموک قالانیب. هرنه قدر یئسه‌لر، گئنه قورتولماز. اوغلان لا قیز آتا مینیب یوللاندیلار. ایللر بویو شادلیق لا، خوشلوقلا بیرلیکده یاشادیلار. سون🎋 https://t.me/Adabiyyatsevanlar

اوشاق ادبیاتی ساری دئو و من «سونای عابدین‌پور» 9 یاشیندا مرند شهریندن    بیر گون آتاملا من حیطده ایدیق. من دئدیم کی آتام گل گئداخ ائشییه. آتام دا دئدی کی اوسسون گئداخ. ایستیردیخ کی طالقانی کؤرپوسوندن گئچاق من بیردن فیکریم گئتدی بیر یئره. آتام دا یئیین یئیین کی گئدیردی منی ایتیردی. من ده گئتدیم گئتدیم تا بیر دنه چؤله یئتیشدیم. او چؤلده گؤردوم کی یئر سیلکه‌له‌نیر، تاپ‌تاپ سس‌لر گلیردی. گؤردوم کی اوزاقدان بیر دنه دئو گلیر. یاخینلاشدیقجا بولدوم کی بو ساری دئو دی. ساری دئو دئدی کی گرک من دییه‌ن ایش‌لری گؤره‌سن. سورا نئچه گون گئشدی؛ تام او آندا قالمیشدیق کی دئو منی توتدو الینده آپاردی بیر دنه قصره. دئو سوروشدو کیمین قیزی‌سان و عاییله‌ن کیم دی؟ من ده دئدیم کی عاییله‌م بونلاردی و فیلان عاییله‌نین قیزی‌یام.    ساری دئو منی آپارار تاپار عاییله‌می. سورا دا آنام‌لا آتام منی قوجاقلییارلار، آمما سوروشمازلار هاردایدین! آخشام ایدی من آتام و دادشیمینان دام اوتاغیندا ایدیق(بهارخوابدا). بیردن گؤردوخ کی شهرین ایچینده یئر تاپبیلدیر تیتره‌یییر. سورا دا گؤردوخ کی ساری دئو اوردا دی. (بیرگون اؤنجه ساری دئو دئمیشدی کی صاباح‌لاریم من سنی آپاراجاغام عاییله‌وین یانینا، بیرگون سورا گلیب سیزینن ایش‌لریم وار.) تام اورادا قالمیشدیق کی دئو گلدی منی عاییله‌می توتدو اوووجوندا آپاردی. بیزی آپاردی بیر اوجا داغین اوجونا. اوردا بیر دنه قصر واریدی. گیردیخ قصرین ایچینه. قصر نمنه بؤیوکلوقدا ایدی. اوردا بوتون دئولر واریدی. ساری دئو منیم عاییله‌می سالدی زیندانا، آیاق‌لارینی دا زنجیرینن باغلادی. من ده دئدیم کی نییه عاییله‌می آتدین زیندانا. ساری دئو دئدی کی گرک گئده‌سن فیلان یئره اوردا بیر دنه یانار داغ واردی، منه یانار داغین بیر دنه داشیندان گتیره‌جاقسان یوخسا عاییله‌وی یئیه‌جاغام.    من ده بیر زاد دیینمه‌دیم، گئتدیم اورایا. یانار داغین(آتشفشان) قاباغیندا اوتوردوم، فیکیرلشیردیم نئینه‌ییم نئینه‌مه‌ییم؛ بیردن گؤردوم کی گؤیدن آلتی دنه فریشته گلدی، دئدی کی قورخما بیز سنه کؤمکلیق ائلییه‌جاییق. سورا دا  منه بیر جور الجک‌لر وئردی ‌کی گؤرونموردو. اله تاخاندا هر زاددان قورویوردو. من ده او الجک‌لری تاخدیم، بیر دنه داش گؤتوردوم آپاردیم دئوین یانینا. دئو قیزارمیش داشا باخیب شاشیردی، آمما هله‌م ساری دئوین قلبی یوموشانمامیشدی، دئدی کی گرک گئده‌سن فیلان باغا اوردا بیر دنه آغاج وار، او آغاجین قیزیل آلمالاری وار، سن گرک اونلاردان منه بیر دنه گتیره‌سن. من ده باشیمی ایه ایه گئتدیم. سورا دا یئتیشدیم بیر دنه باغا. او باغدا نمنققه‌دن آلما آغاج‌لاری واریدی، من ده کی بولموردوم قیزیل آلمانین آغاجی نه جورسو اولار. سورا دا گلدیم بیر دنه آغاجین آلتیندا اوتوردوم. دئمه کی آغاجین آلتیندا یوخوم توتموش. گؤزلریمی آشدیم گؤردوم کی قیزیل آلما قوجاغیمدا دی. دئمه کی او آغاجین آلتیندا یاتدیغیم ائله قیزیل‌آلمانین آغاجی ایمیش. او آلمانی آپاردیم دئوه. آلما دا کی چوخ یئکه ایدی. دئو اونو نم‌نئچه یئره بؤلدو. بیر تیکه‌سینی اؤزو یئدی بیر تیکه‌سینی ده اوبیری دئولره وئردی.    سورا دا بیر دنه تفنگ سسی ائشیتدیم. ساری دئو دئدی کی گئت تفنگی سسی‌نین قایناغینی(منبع) تاپ. من گتئدیم گؤردوم کی بو تفنگ سسی دئمه کی منیم یاشادیغیم یئرین میدانیندان گلیرمیش. من گئتدیم میدانا بیر قوجا کیشی‌دن سوروشدوم نه خبر دی بوردا؟ قوجا کیشی دئدی کی دئمه‌رم.    من ده کی شاشیرمیشدیم(تعجب ائله‌میشدیم) اوردا قاباغیما باخا باخا گؤردوم بیر تفنگ دایاندی باشیما. سورا دا ایستیردی کی وورسون، بیردن گؤردوم کی دئو گلدی اورداکی بوتون سربازلارین حسابینا یئتیشدی. سورا دا ساری دئو منه دئدی آفرین سنه! الان بیلدیم کی سن چوخ یئتَنَکلی(استعدادلی) بیر قیزسان. حقین وار کی سنی و عاییله‌وی اؤتورم اؤزگور(آزاد) اولاسیز. سورا دا گئتدی عاییله‌مین آیاق‌لاری‌نین زنجیرینی آشدی. بیز ده گئتدیق. سورا دا موتلولوغوینان(خوشبخت) یاشادیق. *بو اؤیکوده سونای‌یین لحنی و دئییم طرزینه ال گزدیرلمه‌دن قورونوبدور. **قایناق: بئش‌داش درگیسی 13.جو سایی https://t.me/Adabiyyatsevanlar

اوشاق ادبیاتی «سونای عابدین پور» مرند شهریندن

اوشاق ادبیاتی «آنتوان‌ دوسنت‌ اگزوپری⁩» شازده کوچولو پرسید: دوست داشتنتو میخوای ببری تو گور باهاش چیکار کنی که ابرازش نمیکنی؟! روباه گفت: من دیگه دوست داشتن ندارم ؛ همه دوست داشتنامو دادم به یکی ولی اون گمشون کرد؛ حالا هم هر جا دنبالشون میگردم پیداشون نمی‌کنم! https://t.me/Adabiyyatsevanlar

اوشاق ادبیاتی "کپه‌نک شاعیر:«ویدا حشمتی» دیکلمه:«آسنا خانم» قوشاچایدان

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

دانلاق ان یاخشی احتمال ایدی. آتاسی دریسینی بوغازیندان اوزمه‌سه یاخشی دیر... فقط آنلاشیلماز بیر عیناد اونا مانع اولدو. نه قدر چالیشسا دا اوره‌یی‌نین خوفونو، نیگارانلیغینی بئی‌لره دئمه‌یی باجارمیردی. اوندا فرقینه واردی کی، بئی‌لردن قورخمور، اونا یازیغی گلیر. بئی‌لر ده ایلین- گونون بو واختی یامان مومکونسوز فیکره دوشموشدو. داوود دایی یای اوزونو بو توکاندا قصبه جماعاتینا، شهردن گلن قوناقلارا دوندورما ساتیردی. توکانین آغزیندا دؤرد کیچیک سویودوجو وار ایدی. داوود دایی ایل بویو قصبه جاماعاتی‌نین الیندن اوساناندا، نه ایسه دفتری قاباراندا گوزونو یایا تیکیب، بو اوچ آیین قازانجینی خیال ائدیر، اوونور، تسللی تاپیردی. داوود دایی‌نین آدی قصبه‌ده هئچ یاخشی دئییلدی‌. بویوک‌لر " چلاق داوود" دئییردی، یئنی یئتمه واختیندا اوت بیچینینده دریاز اوچ بارماغینی آپارمیشدی. هم ده پولاکی آدام ایدی. وای او آدامین حالینا کی نه ایسه داوود دایی‌نین بورجونو بیرآز یوبادایدی. همین آداما دیشی‌نین دیبیندن چیخانی دئییب، آبرینی اته‌یینه بوکردی. بئی‌لر بو دوندورمالار باره‌ده کیمدن سه ائشیتدییی گوندن ایکی آیاغینی بیر باشماغا دیره‌میشدی.  ایندی کوچه‌نین تینین‌ده توکانا گوز قویاندا دا، عینی سوزلری هئی تکرارلاییردی: - سن قاباقدا گئت، من ده ساغ- سولو یوخلایا- یوخلایا آرخانجا گلیرم. باخ، اوردان گئدک،- بئی‌لر کوپپوش بارماقلارینی یولون او بیری طرفینده کی ایشیق دیرک‌لرینه ساری اوزاتدی،- بو طرف ایشیق‌دیر. راسیم نئچه واخت اوره‌یینی یئیه‌یه- یئیه بو آنی یوز یول آغلیندان کئچیرمیشدی. بئی‌لر دانیشیردی کی موطلق گئجه گئده‌جک‌لر. داوود دایی‌نین باشی قاریشیق اولاندا بیر نئچه دوندورما گؤتوروب، سسسیز- سمیرسیز آرادان چیخاجاقلار. راسیم سولغون ایشیقلاردان یایینا- یایینا توکانا یاخینلاشدیقجا اسیم- اسیم اَسیردی. چئوریلیب بئی‌لره باخدی. بیرآز آرخادا، یاری اییلمیش وضعیتده دایانمیشدی. توکانا یاخینلاشدیلار، پنجره‌نین دمیر بارماقلیق‌لاریندان ایچری بویلاندی، داوود دایی پیشتاختانین آرخاسیندا قوتولاری یئر به یئر ائدیردی. اصل واخت ایدی، راسیم آستا- آستا سویودوجونو آچدی، زرلی کاغیذدا اولان دوندورمالاردان اوچ- دؤردونو گؤتوردو. آرخایا چئوریلیب بئی‌لره باخدی. ایکیسی ده سئوینیردی. ایچریدن گلن سسه هیجانلاندی. قاچماق ایسته‌ینده آیاغی سکی‌یه ایلیشدی. دیزیندن دهشتلی آغری قوپدو. بئی‌لر گؤتورولدو‌. داوود دایی سس- کویه چیخدی. یئره داغیلان دوندورمالاری گؤروب سسینی باشینا آتدی: - ایت بالاسی ایت! راسیمین اوزو توزلو، قیزمار آسفالتا یاپیشمیشدی. اؤزونو تامام ایتیرمیشدی. داوود دایی‌نین سسی لاپ یاخیندان گلیردی، آیاقلاریندان جانینا آغری یاییلدی. داوود دایی چلیگینی قالدیریب هیککه ایله سول آیاغینا، یانینا ووردوقجا گؤینه‌یی بیره- بئش آرتیر،گوزلری آلاجالانیردی. - کیمین اوشاغیسان اده، سن؟! اوغرو! ایت بالاسی ایت. داوود دایی چلیینی ایللاه دا سول آیاغینا چیرپیردی. گئت- گئده بدنی کئییدی. حالسیزلادی. هئچ نه حیس ائتمه‌دی‌. راسیم اوندا بیلمیردی کی توپوغوندان جانینا یاییلان بو کوت آغری عؤمرو بویو اونا یولداشلیق ائده‌جک. گوجونو توپلاییب کوچه‌لرینه طرف باخدی. دارتینماغا چالیشدی. بئی‌لر چوخدان گؤزدن ایتمیشدی. *** اوّل گمی چکیلیب گئتدی، سونرا جاوانلار داغیلیشدیلار. حولیا خانیم یامان یورولموشدو. راسیمه تشککور ائله‌دی، موطلق ازمیره گلین،- دئدی. پروفسور آغاجلارین آراسینا چکیلیب قایتاراندن سونرا بیرآز یونگوللشسه ده گوزلری آچیلمیردی. ساغوللاشدیلار، آرخالارینجا باخا- باخا قالدی. حولیا خانیم پروفسورون قولونا گیرمیشدی. گئدیب خیلی اوزاقلاشدیلار. کیچیلدیلر. کازانین قارانلیق کوچه‌لرینه قاریشیب غیب اولدولار. Mart 2023 https://t.me/Adabiyyatsevanlar

ساحیلده بیر دسته جاوان اَیله‌نیر، گیتارایلا ماهنی ایفاء ائدن گنجین اطرافینا دؤره ووروب اویناییر، ال چالیر، قیشقیریب- باغیریردیلار. ناغارات حیصه‌سینده کُرلا اوخویان جاوانلارین زیل سسی ساحیلین لال سوکوتونو دلیب کئچیردی. ساحیلده دایاندیلار. راسیم باشینی قالدیریب گؤیه باخدی. اولدوزلار بیر اووج توم کیمی گؤیه سپه‌لنمیشدی. حولیا خانیم دئدی کی بورانین ساحیلی گؤزتپه‌یه اوخشاییر، پروفسور یاری تصدیق یاری سوال سسله نه‌سه جاواب وئردی. چایین اورتاسیندا گمی دایانمیشدی. او، آستا- آستا لنگر وورور، دالغالار اوصوللوجا ساحیله‌جن آخیب گلیردی. گؤیرته‌یه چیخان آداملار دمیر صوراحیدن یاپیشیب کازانین گئجه منظره‌سینی سئیر ائدیردیلر. راسیم کؤنلوندن کئچیردی کی کاش اونلار دا بو دقیقه همین گمی‌ده اولایدیلار. ساحیلده آغجاقانادلار لاپ دؤزولمز  ایدی. راسیم یاواش- یاواش دوندورما کوشکونه ساری گئتدی، ماوی- قیرمیزیلی کاغیذا بوکولموش اوچ پلومبرله قاییتدی. حولیا خانیم اوشاق کیمی سئویندی. پروفسور دینیب- دانیشمادی، وضعیتی خاراب ایدی. اؤز دوندورما پایینی دا حولیا خانیما وئردی. اونلار دوندورمانی یئیه‌نده پروفسور اللرینی قارنیندا قوشالاییب گمی‌یه طرف باخیردی. راسیم چوخ ایسته‌ییردی کی، پروفسورون حالی دوزلسین، هئچ اولماسا، دوندورما پایینی یئیه بیلسین. بلکه، اوندا نه ایسه خاطیرلایاردی...حولیا خانیم ایکینجی دوندورمایا کئچدی. دوغروسو راسیم ائله ده دوندورما هوسکاری دئییلدی نه حکمت‌دیر سه هئچ اوشاقلارینا دا آلمیردی. اوشاقلار ایلان دیلی چیخاریردیلار، آمما راسیم هر دفعه بیر بهانه ایله امتناع ائدیردی. بوغازینیز گلر، هاوا سویوقدور، یایدا یئیه‌رسینیز.... فقط هر دوندورما کوشکونون یانیندان اؤتنده موطلق آیاق ساخلاییردی. یادداشیندا لکه کیمی قالان، بئینیندن سیلینمه‌ین بو احوالات اوزاق اوشاقلیق ایللرینده، بیر یای آخشامیندا قالان احوالات ایدی. او یای یئددینجی صینیفه تزه کئچمیشدیلر. *** بئی‌لرین آتدیغی چینقیل راسیم یاتان اوتاغین پنجره‌سینه دَیدی. یئرینه گیرسه ده، یوخو توتمامیشدی. گؤلده کی قورباغالارین قورولتوسو پنجره‌دن اوتاغا دولوردو. راسیمین ائوی محلله‌ده کی سون ائو ایدی. حیط‌لریندن آشاغیدا بیر بولاق، بیر گؤل اولماسا، بوردا سسسیزلیکدن قولاق توتولاردی. یاز گیرندن قورباغالار سس- سسه وئریب قورولداییردیلار. هاردانسا ائشیتمیشدی کی، قورباغایا توخونسا اللری زیگیل تؤکر. او گوندن قورباغا گؤرنده یولونو دَییشیردی. شوشه‌یه دَیَن چینقیل فیکرینی یاییندیردی. بارماقلارینین اوجوندا پنجره‌یه ساری گئتدی. آشاغی بویلاندی. بئی‌لر آغ بؤرکونو هاوادا یئلله‌یه- یئلله‌یه  اونو چاغیریردی. پالتارین گئیینیب تلم- تلسیک حیطه دوشدو. بئی‌لر نئچه گوندور باش- بئینی‌نی آپارمیشدی. راسیمین قولوندان توتوب حیطین بیر کونجونه چکدی. خیسین- خیسین بیرآز دا تیترک سسله سوروشدو: - گئدک؟ - قورخورام بِکا. پولوموز اولاندا گئده‌ریک. - آغ جییار!- بئی‌لرین اوزو ائله دییشدی کی، راسیم اوتاندی. - من بیلیردیم بئله ائده‌جکسن. - آخی کرم ده گلمیر. - او اوّل‌دن دئمیشدی، سن آدامی لاپ یولدا قویورسان. بئی‌لرین تکلیفی ازلدن راسیمین اوره‌یینجه دئییلدی. هم ده ایسته‌میردی دوستو اونو قورخاق کیمی تانیسین. آمما آتاسیندان، آناسیندان دا چکینیردی.  ایللاه دا آتاسی بیلسه، دریسینه سامان تپردی. یاخشی بیلیردی کی بئی‌لر ده آتاسیندان احتیاط ائدیر، اونو قاباغا وئریر. بیردن جسارته گلدی، بئی‌لرین قولوندان یاپیشدی. امین سسله: - گئدک،- دئدی. آلا قاپی باغلی ایدی. سس ائدیب آتاسی گیلی اویاتماق ایستمه‌دی. ایکیسی ده چپرین دمیرینه آیاق قویوب قیوراق حرکت‌له دیوارین او اوزونه آشدیلار. قارانلیق کوچه‌نین سونونا قدر کلمه کسمه‌دیلر. بئی‌لر بو خام خیالا هاردان، نئجه دوشموشدو؟ نئچه گون اونون دا، کرمین ده باشینی دنگ ائله‌دی. کرم بیر تهر آرادان سیویشدی، قالدی ایکیسی. بلکه آیاق ساخلاسین؟ زیانین یاریسیندان قاییتماق دا خئییردیر. آمما کیمه دئییرسن؟ آغلی نه دئییردیسه اوره‌یی ترسینی ائدیردی. کوچه‌نین تینینه چاتدیلار. داوود دایی توکانی باغلاماغا حاضیرلاشیردی. داغین دؤشو سمتده بیر ایت اوچ آغیز هوردو. یالنیز بو سسدن سونرا راسیمین جانینی سویوق تَر باسدی. تیتره‌دی. او گون ایلک دفعه باشا دوشدو کی بو ایستی یای گئجه‌سینده، آداملارین ال- آیاغینین کوچه‌دن ییغیشدیغی بیر واختدا قبیح ایش توتماق- اؤزو ده کیم‌له؟ آتاسیز- آناسیز، خالاسینین اومودونا قالان بئی‌لرله- حیاتی‌نین ان سفئه، ان آخیرینجی حرکتی اولاردی. هئچ اینصافدان دا دئییلدی. خالاسی بئی‌لره اوزاغی بیر- ایکی شیلله چکه‌جک. قولاق بورماسی وئره‌جک. بس او؟ راسیم بیر آنلیق آتا- آناسی‌نین، قوهوم- اقرباسینین اونو قاباغینا قویوب نئجه دانلاماغینی تصور ائله‌دی.

لاری  دیشیندا پک سئوییوروم.- حولیا خانیم نظرلرینی هاندان- هانا لیماندان چکیب اوزونو پروفسورا توتموشدو. - اِگه بیر باشقا عالمدی اَشی. راسکا، دعوت ائدیرم ائوده کیلری ده گؤتور گل. ازمیر بیر باشقا مملکت دیر. سنه کارشیارادا بیر چوپرا یئدیردیم گل گؤره‌سن. - قیسمت.،- راسیم پورونو سیگارت کیمی سینه‌سینه چکدی، یامان اؤسکورک توتموشدو. - بونو سیگارا کیمی چکمزلر جانیم، پروفسور گوله- گوله بیر قوللاب آلیب توستوسونو آغزیندا گزدیردی، بورون پره‌لریندن هاوایا بوراخدی،- باخ بئله. دادینی، عطرینی، لذتینی الماق لازیم. آغزیندا ساخلاییب ذوق آل، سونرا ائشیگه اوفور. راسیم پرت اولسا دا، زوراکی تبسسومله پورونو کولقابیدا دؤیجه‌له‌دی: - ائله ده خوشلامادیم، منیم کی سیگارت دیر. - پورو ذِوک ایشی،- حولیا خانیم پروفسورون پوروسونو الیندن آلیب قیرمیزی بویالی دوداقلارینا یاخینلاشدیردی، عینا بئی‌لر کیمی توستونو دوداقلارینین آراسیندا ساخلادی، نارین- نارین هاوایا اوفوردو. نازیک توستو گؤیه میللندی، آرام- آرام غیب اولدو. پروفسور باشی ایله بوزلو یاریمچیق شرابی گؤستردی: - راسکا، نه ایسه کار ائله‌مه‌دی. - منه ده. آراق گلسین؟ - پیس اولماز. - لیترلیک؟ - ایچک،- پروفسور الینی یئلله‌یه- یئلله‌یه باشینین اوستونده کی آغجا قانادلاری قوووردو. بیر قدر سونرا اونلار بولور قدحلرینی هاوادا توققوشدوردولار. حولیا خانیم چاخیرلا داوام ائدیردی. پروفسور ائله‌جه ده پئندیرله، زیتونلا ایچیردی. راسیم ده اؤیرنمیش جان ایدی، هر مجلیسدن باش چیخاریردی. شوشه بوشالدیقجا پروفسور راسیمین نظرینده لاپ فاغیرلاشیردی. بئینی دومانلاندیقجا ائله بیل اوره‌یینده کی گؤینک‌لری، گیزیلتی‌لری اوزه وورماغا چالیشیر، بئی‌لره اومو- کوسونون، گیلئی- گوذارین  اوزریندن بیر یوللوق چالین- چارپاز خط چکمک ایسته‌ییردی. راسیم آرادان کئچن ایللری دوشوندو. اوره‌یینده چک- چئویر ائله‌دی. هردن قصبه‌لری اوچون داریخدی، آمما دوشوندوکجه، تاثیریندن چیخا بیلمه‌دییی حیس‌لرین ایچینده هئی اریییردی... ایندیکی گون- گوذرانلارا باخمایین، نه اونون، نه پروفسورون اوشاقلیغی آسان کئچمه‌میشدی. بونو هامیسی یاخشی بیلیردی. آنجاق او قصبه‌ده کیم یاغ- بال ایچینده بویوموشدو کی؟! راسیم هردن دوشونوردو نئجه اولدو کی حیات هره‌سینی بیر بورولغانا آتدی؟!  هردن اونا ائله گلیردی کی، ازلدن بختی گتیرسه، غیری بیر شهرده دوغولسا، باشقا بیر عائیله‌ده بؤیوسه، آیری بیر محیط‌ده یئتیشسه، داها خوشبخت اولاردی. آمما ایندی ده چوخ شئیین حسرتینده ایدی. اوشاقلیغینی دوشوندوکجه بدنی اوچونوردو. کاش حولیا خانیم بوردا اولمایایدی. بلکه اوندا پروفسورلا اوشاقلیغینین تک- توک یادیگاری ایله اولوب- کئچنلردن دانیشاردیلار. بلکه، اوندا بئی‌لرین خیرتده‌ییندن یاپیشیب حاق- حساب چکردی، اوزونه لومبا ایله توپورردی... گوزلرینی یوموب ائنسیز، اوزون محلله‌لرینی خیال ائله‌دی. اوندا پروفسور یوخ ایدی. یعنی واریدی، آمما اونلارین آراسیندا درین اوچوروم یارانمیشدی. اوندا راسیم راسکا ایدی، بئی‌لر بِکا. قایغیسیز، کدرسیز، بختیار اوشاقلیق. مشترک سئوینج‌لر، اورتاق کدرلر، نهایتسیز حیات عشقی.سونرالار عینی چتینلیک‌لر، بنزر نیگارانلیق‌لار، اوخشار یوخلوقلار...ایندی او ایللره بویلاناندا ائله‌جه اوچو واریدی. کرم‌دن باشقا بیر بئی‌لره ایسینیشیردی. فقط اونا قارشی اؤزونون ده سببینی بیلمه‌دییی مجهول بیر شوبهه حیسسی داییم ایچینی دیدیک- دیدیک ائدیردی. شوشه‌نین دیبینه چاتدیلار، پروفسورون قیزارمیش گوزلری لاپ اوزاقلارا تیکیلمیشدی. راسیم تعججوبلندی. پروفسور حولیا خانیمین قومرال ساچلارینی بارماغینا دولاییب نه ایسه میزیلدانیردی. بیرآزدان بئی‌لر له حولیا خانیم رقص مئیدانچاسیندا والس اویناییردیلار. پروفسورون بویو حولیا خانیمین سینه‌سیندن ایدی. اونلارین رقصی کناردان مزه‌لی گؤرونوردو. راسیم پیققیلداییب گولمه‌مک اوچون ماسانین اؤرتویونو تومارلاییردی. گئجه‌یه یاخین یان- یؤره‌ده کی ماسالار سئیره‌لنده موسیقی سسی ده آرام- آرام آزالدی. پروفسور بتر کئفلنمیشدی. دیگر ماسالاری بوشالدان، ایشلرینی بیتیرن سوفره‌چیلر اللری قوینوندا بیر قیراقدا سونونجو موشتری‌لرین قالخماغینی گوزله‌ییردیلر. کافه‌دن ان سون اونلار چیخدی. حولیا خانیم اورتالاریندا ایدی.  اللرینی هر ایکیسی‌نین قولونا کئچیردی. ساحیله ائنمک ایسته‌دی. اعتیراض ائتمه‌دیلر. راسیم سرخوش دئییلدی، کئفی یامان دورولموشدو. ایچینده ایلیق اسمه‌جه واریدی. هاوا سرین اولسا دا پئنجه‌یینی الینده ساخلامیشدی. نارین آخشام مئهی کتان کوینه‌یینین آچیق یاخاسیندان بدنینه دولدوقجا یورغون جانینا سیغال چکیردی.

- یورولمادین راسکا؟ - یوخ پروفسور. اوره‌ک حاققیندا هر شئیی اویرندیم. - ائله دئمه. من او قدر اوره‌ک گؤرموشم، او قدر اوره‌یه توخونموشام، اونون ایشیندن باش آچماق اولمور. آدامی یولدا قویماغی دا وار. " لاپ سنین کیمی". راسیم گولومسه‌یه- گولومسه‌یه آغلیندان کیچیردی. پروفسور سوسقونلوغو گؤروب داوام ائتدی: - آی راسکا، نه اوره‌ک بازلیقدی، دانیشاریق بونلاری. تانیش اول، یاردیمچیم " حولیا" خانیم. بایاق پروفسورون چیخیشینی چکن یوسونو دونلو خانیم ایدی. راسیم ائله ده گومان ائتمیشدی. بئی‌لر اونو دا تقدیم ائتدی: - حولیا خانیم، راسیم ده منیم جوجوقلوق دوستوم، صینیف آرخاداشیم دیر. - چوخ ممنون اولدوم. حولیا خانیم ظریف تبسسوم‌له ال اوزاتدی. - من ده، من ده،- راسیم اوتانا- اوتانا حولیا خانیمین الینی سیخدی، اوزونو بئی‌لره توتدو،- هه، پروفسور گئدک؟ - موطلق حولیا خانیم، عنتیقه آذربایجان یئمک‌لری یئمه‌یه حاضیرسان؟ - هر زامان. اونلار یونیورسیته‌دن چیخیب اساس یولا طرف آددیملادیلار. راسیم ماشین یاندیرماق ایسته‌ییردی، پروفسور زغالی کراواتینی آچا- آچا خبر آلدی: - هارا گئدیریک؟ - بیزیمکی‌لرین قشنگ بیر کافه‌سی وار، اورانی دانیشمیشام. - هه، نه اولار کی، اوزاقدادی؟ - ائله ده اوزاق دئییل، بیرآز آشاغی‌دا، " رئچنوی پورت" طرفده. - او زامان یورویک؟ حولیا خانیم ال گوزگوسونده ساچلارینی دوزلده- دوزلده صوحبته قوشولدو، - هاوا چوک گوزل. اونلار اعتیراض ائتمه‌دیلر. هاوا دوغرودان دا گوزل ایدی. راسیم له پروفسور پئنجک‌لرینی چیخارمیشدی. حولیا خانیم چیگین‌لرینه آغ شال آتمیشدی. یولو اللرینه آلیب بو گوزل یای آخشامیندا اوزو کازان چای لیمانینا طرف گئدیردیلر. سما میس رنگینده ایدی. اونلارین ساغ- سولوندان یونگول یای گئییمینده اولان مختلف آداملار کئچیردیلر. کؤهنه اوتو- واغزالی کئچیب ائنسیز خیابانلا ساحیله یاناشدیلار. ولگا چایی‌نین ساحلینده لیمانین سول طرفینده یئرلشن " بلوگا" کافه‌سی راسیمین همیشه گلدییی یئر ایدی.  کازاندا آذربایجانلی‌لارین ایشلتدییی کافه چوخدور. بورانی هم ساحیلده اولدوغونا، هم ده لذیذ یئمک‌لرینه گؤره داها چوخ بگه‌نیردی. قیامت آَشپازلاری وار ایدی. راسیم، پروفسور مونتین‌ده کی حاق- حسابی تکرارلاماسین دییه بری باشدان رستورانین صاحیبی ایله دانیشیب بئلینی برکیتمیشدی.اونا گؤره آرین- آرخایین ایدی، اوسته‌لیک،ایشچی‌لر کافه‌نین آچیق حیصه‌سینده ایسته‌دییی یئری ساخلامیشدیلار. کئفی لاپ دورولدو، کنارا چکیلیب حولیا خانیما، پروفسورا یئر گوستردی. قوناقلار اوزو ولگا چایینا ساری اَیلشدیلر. - پروفسور، شرابلا نئجه‌سینیز؟،- راسیم استکانلارا گازلی سو سوزه- سوزه سوروشدو. - پیس اولماز، هه؟ - بئی‌لر اوزونو حولیا خانیما توتوب دقیقلشدیرمک ایسته‌دی،- بیاض یا قیرمیزی؟ - بیاض،- حولیا خانیم سودان بیر اودوم ایچیب امین‌لیک له دئدی. کافه‌ده یان ماسالار دا دولماغا باشلامیشدی. ساغلارینداکی ماسادا دؤرد جاوان اَیلشمیشدی. ایکی قیز، ایکی اوغلان. سولدا کی ماسادا اوچ خانیم وار ایدی، اونلار قیرمیزی شراب ایچیردیلر. گارسونلار سورعتله ساغا- سولا گئدیب، دولو سینی‌لرده یئمک‌لری، ایچگی‌لری، چیرکلی قاب- قاجاقلاری داشیییردیلار. بوزلو پارچدا اونلارین شرابینی گتیردیلر. یئمک‌لری ده حاضیر ایدی، اوچو ده بالیق ایسته‌میشدیلر. گارسون سالادی اورتایا قویدو، سیفاریش‌لری دقیقلشدیریب بالیقلاری، ایری قدحلری قاباقلارینا دوزدو. - ایکی فارِل، بیر کفال،- راسیم بشقابلارا نظر یئتیره- یئتیره سوفره‌چینی سسله‌دی،- سن بیزه آغ پئندیر، زیتون، گؤی- گؤیرتی، مانقال سالادی دا گتیر. شراب پیس گئتمیردی. اوچو ده محکم آج ایدی. اوّل- اوّل هامینین باشی یئمه‌یه قاریشدی. گارسون قالان سفارش‌لری ده گتیردی. پروفسور یئمه‌یینی بیتیریب سسسیز اوتورموشدو. ایکی قات بوخاغی، قیریش- قیریش آلنی پوچور- پوچور تَر تؤکوردو. سوفره‌دن آغ دستمال گؤتوروب بویون- بوغازی‌نین، اوز- گوزونون ترینی سیلدی. باشینین اورتاسیندا توک یوخ ایدی. اولان- قالان تئلینی اوزادیب سلیقه ایله آرخایا دارامیشدی. کچل باشیندا بو تئللر قیوریلمیش ایلانا بنزه‌ییردی. گیجگاهلاریندا کی گوموشو ساچلاریندان، باتقین گوزلریندن بئی‌لرین  واختیندان تئز یاشلاندیغینی حیس ائتمک اولوردو. چپه‌کی نظرله حولیا خانیمی سوزدو. حولیا خانیمین دالغین باخیشلاری راسیمین چیگنیندن آرخایا- لیمانا، ساحیلده کی آداملارا، زیللنمیشدی. - حولیا خانیم بالیغی بگندینیز؟- پروفسور پورو یاندیریب سوروشدو. بیر پورو دا راسیمه اوزاتدی. - لذتلی. آمما بن اِگه‌نین بالیک

اونون حسابی اؤوده‌مه‌یی سخاوتدن چوخ، غربت‌ده ایشله‌ین دوست- تانیشینا لووغا مناسیبته بنزه‌ییردی‌ البته او بونو آچیق شکیلده ائتمیر، دیله گتیرمیردی. آنجاق نه کرم، نه راسیم اوشاق دئییلدی، توکو توکدن سئچیردیلر. همین گون پروفسورون هر حرکتیندن تکببورو حیس اولونوردو. اوّللر بو قدر کور- کوبود دئییلدی، آمما اوشاقلیقدا دا بیله غریبلیک‌لری آز اولمامیشدی. ایللاه دا راسیم پروفسورون دابباغدا گؤنونه بلد ایدی. اوره‌یینده یاخشی بیلیردی کی، بئی‌لره سونادک اعتبار ائتمک، کوره‌یینی سؤیکه‌مک اولماز. - راسکا، بئی‌لر جانی بو آخشام اولماز، کنفرانسا حاضیرلاشمالی‌یام،- بو کوهنه خیطابین آز قالا قیرخ یاشی وار. تکجه ان یاخینلاری آرابیر اونا راسکا دئییرلر،- آمما صاباح کنفرانسدان سونرا اعتیراضیم یوخدور. لاپ عنتیقه اولار. *** راسیم ایشدن تئز چیخدی، تاکسی دایاناجاغیندا گوزله‌ییردی. هاوا آزجا کولکلی ایدی. پئنجه‌یی چیخارمادی. تدبیره گؤره کاستیوم گئیینمیشدی. یونیورسیته‌نین قاباغیندا سیرایلا قارا ماشینلار دوزولموشدو. اوّل‌لر بو ایکی مرتبه‌لی، سود رنگی بینانین یانیندان چوخ کئچمیشدی. ایندی هئچ وعده دیققتله باخمادیغی گیریش قاپیسی‌نین آغزیندا کی اون ایکی یئکه، بیاض ستونون آیاقدا ساخلادیغی " کازانیسکی فدرالنی یونیورسیته" یازیسینا گؤز گزدیردیکجه یادینا طلبه‌لیک ایللری دوشدو. قول ساعاتینا باخیب ایچری تلسدی، کنفرانسین باشلاماغینا بیر نئچه دقیقه قالمیشدی. نه بیر یاخینلاشان اولدو، نه آدینی سوروشان. لوحه‌لری ایزله‌یه- ایزله‌یه کنفرانس سالونونو تاپدی. ایچریده خیلی آدام توپلاشمیشدی، صحنه‌ده تکنیکی ایشچی‌لر سون حاضیرلیق ایشلرینی گؤروردولر. ایشچیلردن بیری چیخیش کورسوسونده میکروفونو یوخلاییردی.  میکروفوندان یاییلان بوغوق سس سالونون دیوارلاریندا اَریدی. مختلف اؤلکه‌لردن گلن اوره‌ک جراحلاری کنفرانس باشلانمازدان اوّل اوتاقدا چای، قهوه ایچیردیلر. راسیمین گوزلری پروفسورو گزسه ده تاپا بیلمه‌دی. سالونون آرخا سیراسیندا کی اوتوراجاقلاردان بیرینده اَیلَشدی. بورادان صحنه، کورسو، چیخیشلارین آرخاسیندا کی نهنگ لوحه و اکران آیدین گؤرونوردو. اشتراکچیلار سالونا گلمه‌یه باشلادیقجا اوزاقدان قیرمیزی نقطه کیمی گؤرونن بوش اوتوراجاقلار یاواش- یاواش آزالدیلار. بیر نئچه دقیقه‌دن سونرا ایچریده اوتورماغا یئر قالمامیشدی. راسیم نیگاران ایدی، ائله بیلیردی هانسیسا واجیب جرّاحین، کؤمکچی‌سینین و یا اؤزگه بیرینین یئرینده ایله‌شیب. آمما آیاق اوسته آدام قالمامیشدی. هامی یئربه یئر اولموشدو. تدبیرین آپاریجیسی بوغازینی آریتلادی. کنفرانسی آچیق اعلان ائله‌دی. گورولتولو آلقیشلار.‌‌.. بورانین آب- هاواسی راسیم اوچون یاد، غیرعادی ایدی. چیخیش ائدن اوره‌ک متخصص‌لری اکراندا عکس اولونان تقدیماتلاری، اسلایددا یازیلان تکنیک‌لر اونا ماراقلی گلسه ده، بیر شئی باشا دوشموردو. اسلایددا گورونن اوره‌ک شکیل‌لرینه اوشاق هوسی ایله باخیردی. اوچونجو چیخیشدان سونرا آپاریجی پروفسور حاتم اُوی صحنه‌یه دعوت ائتدی. بلکه ده راسیمه ائله گلیردی، آمما اوّل کی چیخیشلاردان داها گور آلقیش وار ایدی. اکراندا تقدیماتی عکس اولماغا باشلاسا دا، بئی‌لر چیخیش اوچون سس- کویون تام کسیلمه‌سینی گوزله‌دی. صحنه‌نین آشاغیسیندا، پیلله‌کن‌لرین ساغ طرفینده یوسونو رنگده دون گئیینمیش بیر خانیم پروفسورون چیخیشینی تئلفونلا چکیردی. حاتم اُو متنی‌نی انگلیسجه حاضیرلامیشدی.  راسیم ایلک دفعه ایدی کی اونو باشقا دیلده دانیشان گؤروردو. اوره‌یینده غریبه حیس‌لر بیربیرینی عوضله‌ییردی. بیر اونو بیلیردی کی پروفسور عبث یئره شان- شهرت قازانماییب. ایندی بو سالوندا بئی‌لرین کئچمیشی‌نی، قاتلاشدیغی اذیت‌لری، یاشادیغی محرومیت‌لری راسیمدن یاخشی بیلن تاپیلمازدی. پروفسورون کنفرانس موضوعسو اکرانا وئریلمیشدی. راسیم هوججه‌له‌یرکن یازینی اوخودو. پروفسورون تقدیماتی اون دقیقه‌یه یاخین چکدی. سوندا یئنه گورولتولو آلقیشلار. راسیم تدبیرین آخیریندا عمللی یورولموشدو. بایاق ماراقلا ایزله‌دییی هر شئی ایندی عادیلشمیشدی. هم ده اوره‌یینی سیخیردی. قول ساعاتینا باخدی، یئددی‌یه ایشله‌ییردی. بیرآزدان کنفرانس ایشینی باشا ووردو. ایزدیحاما قوشولوب یاواش- یاواش سالوندان چیخدی. یئنه جرّاحلار ایکی- ایکی، اوچ- اوچ بیر یئره جمعله‌شیب، چیخیشلار باره‌ده قیزغین مذاکیره‌لر ائتدیلر. پروفسور دا بیر نئچه آسیالی همکاری ایله نه باره‌ده سه دانیشیردی. راسیم مانع اولماماق اوچون بیر قیراقدا دایاندی. بئی‌لر آیاق اوستو صوحبتی بیتیریب یانیندا بیر خانیملا اونا طرف گلدی:

صؤحبت تحصیله قدر گلدی، پروفسور قصبه‌ده کی معللیم‌لرینین عدالتسیز، ساوادسیز اولدوغوندان بیر خیلی شیکایت‌لندی. راسیم مجلس اهلی‌نین گرگین‌لیینی حیس ائدیردی. حتا امین ایدی کی بو دقیقه کرمین دیشی باغیرساغینی کسیر، اؤزونو زورلا ساخلاییب. گوز اوجو اونون اوزونه باخدی، دوغرودان دا، کرم رنگ آلیب رنگ وئریردی. پروفسور مجلیسی عجب دولاشیغا سالمیشدی‌.. کرمین آتاسی خیام معللیم هر اوچونه شیمی درسی وئرمیشدی. پروفسورون بو چیخیشی دولایی یوللا اونا دا دَییردی. کرمین قیریمیندان باشا دوشمک اولوردو. پروفسورون زَوزَکلییی، یئرلی- یئرسیز صوحبت‌لری اونو هئچ آچمامیشدی. راسیم او ساغلیغین آخیریندا قدحلری توققوشدوروب- توققوشدورمادیقلارینی دقیق خاطیرلامادی. بیرجه او یادیندایدی کی آخیردا پروفسور آلنینی ماسایا سؤیکه‌ییب یوخولادی. کرم بولور کول قابینی غضبله یئره چیرپیب چیلیک- چیلیک ائله‌دی. سس- کویه پروفسوردان باشقا هامیسی دیک آتیلدی. سونرالار راسیم صوحبتین آخیرینا چیخاندا، کرم بئی‌لردن یامان گیلئیله‌نیردی: - قودوراسان قورباغا!! جماعت خارجه گئدیب آغیللانیر، بیزیمکی‌نین اولان قالان آغیلی دا گئدیب. گرک او کول قابینی یئره یوخ، کچلینه چیرپایدیم. منیم آتام کیمی معللیم‌لر بارماق سایی دیر. او گوندن پروفسور حاتم اُوون آدی گلنده کرمین قان بئینینه ووروردو. بایاق پروفسورون گلیشینی خبر وئرنده ده صیفتی کؤلگه‌لنمیشدی. بلکه وئجسیز گؤرونمه‌یی، سویوق تبسسومو ده عصبیندن ایدی. راسیم بو گوروشه تک گله‌جه‌یینی بیلیردی. کرم یئنه ده ساغ اولسون عنوانی اؤیره‌نیب اونا دئدی. پروفسورون تئلفون دانیشیقی اوزاندیقجا اوزانیردی. هوتئلین موسیقی‌لرینه قاریشان خیریلتیلی سسین ایچیندن راسیمین قولاغینا تکدن بیر سوزلر دَییردی. آخیرا یاخین تئلفونون او طرفیندن نه دئدیلرسه، پروفسور لاپ اؤزوندن چیخدی. سسی‌نین زور یئرینه سالیب بیر- ایکی یاغلی سؤیوش ایشلتدی. یاخشی سالوندا ایکیسیندن، بیر ده ایشچی‌لردن باشقا آدام یوخ ایدی. اولسا دا باشا دوشمیه‌جک‌دیلر. ایشچی‌لرین باشی قیزغین صؤحبته قاریشمیشدی. نهایت پروفسور تئلفونو جیبینه قویدو، آستا- آستا قهوه‌ای صندله چؤکدو. گوره‌سن سالاملاشماق اوچون دوغرو زامان ایدی؟ پروفسور حیددتلی اولدوغو قدر هئیسیز گورونوردو. آنجاق راسیمین بوردان قاییتماق فیکری یوخ ایدی. ایکی الینی یانا آچیب بئی‌لره ساری گئده- گئده اونو فیکریندن آییردی: - بیزیم پروفسورو کیم عصبلشدیریب؟ پروفسور غفیل سسه طرف چؤندو. راسیمی گؤرنده چؤهره‌سی دییشدی، دیلی توپوق ووردو: - را- را- را- راسیم؟ بیرآزدان اونلار قهوه‌لرینی قورتوملایا- قورتوملایا قاباق- قنشر اوتورموشدولار. پروفسور یامان کؤکلمیشدی، گوز توربالاری شیشگین ایدی. صوحبتین اورتاسیندا پروفسور اؤزو عصبلشمه‌یینین اوستونو آچدی: دئییرلر کومکچی‌نین کنفرانسدا نه ایشی وار؟ دئییرم آی بالام آخی بونون سیزه نه دخلی؟ قوجا پروفسور اؤزو بیلمیر کی نه‌یی نئجه ائتمک لازیمدی؟ یاخشی، بیلیطی کی اوز حسابیما آلمیشام، سیزی ناراحات ائدن نه دیر؟! قارین آغریلارینی باشا دوشه بیلمیرم. - معاون کیمدی پروفسور؟ - راسیم ماسادا کی سودان بیر قورتوم ایچدی. قهوه‌نین آجیلیغی اوره‌یینی ووردو، بیلسه‌یدی سودلو سفارش وئرردی. - حولیا خانیم. اون بئش ایل دیر کنفرانس‌لاردا، سمینارلاردا، درس‌لرده منه کؤمک ائدیر. - اونلارا نه دوشوب کی ایشینیزه قاریشیرلار؟ - هئچ اؤزوم ده بیلمیرم،- پروفسور ماسادا کی چرزلردن اووجلاییب آغزینا آتدی. - بیر اوندان امینم کی منیم کنفرانسا تک گئتمه‌ییم دوز اولماز. خارجی همکارلاریمیز دا کومکچی‌لرینی گتیریر. صاباح اؤزون ده گوره‌جکسن. راسیمین بئینی دومانلاندی. قهوه زققوم کیمی ایدی. آمما پروفسورون سون سؤزوندن سونرا آغزیندا کی خوشا گلمز دادی تامام اونوتدو: - صاباح؟ - بلی. صاباح 15 ده کازان دولتی یونیورسیته‌سینین بویوک کنفرانس سالونوندا. دعوت ائدیرم. اولمایا گلمک ایسته‌میرسن؟ - یوخ، یوخ، ائله شئی اولار؟ راسیم هاندان- هانا فیکرینی توپلادی،- موطلق گله‌رم. دئمه‌لی، صاباح گون اورتا. - هه، آد- سوی آدینی تشکیلاتچیلارا وئره‌جم، یئنه ده سوروشان اولسا، دئنن  پروفسورون موسافیری‌یم. - یاخشی. پروفسور، دئییردیم بلکه بو آخشام بیر یئییب ایچک،- راسیم چیرتمایلا اهمالجا، ایکی دفعه بوغازینا ووردو. بو آرزو راسیمین اوره‌یینده چوخدان یئر ائله‌میشدی. مونتین‌ده کی سون گؤروشده پروفسوردان اینجی‌ین تکجه کرم دئییلدی. راسیم ده بئی‌لرین داورانیشلاریندان، مجلسده کی صنعی گرگینلیک‌دن، آتماجالاردان قیجیقلانیردی. هم ده پروفسور اوردا حسابی دا اؤده‌میشدی. اؤزو ده لاپ نزاکتسیز، کور- کوبود قایدادا. ایندی‌‌نین اؤزونده ده پروفسورون قیرمیزی، شاخ یوزلوکلری جیبیندن چیخارماغی، هئچ کیمه پول اؤده‌مه‌یه فورصت وئرمه‌دییی، استهزالی گولوشو، هللم- قللم باخیشلاری گوزونون قاباغیندان چکیلمیردی‌.