ادبیات سئونلر

همت شهبازی "معصومه جبارپور "آذربایجان شعرینده مدرنیزم کیتابیندان. ◀️ دیوان شعرینده، فردی تجروبه‌لر عمومیتله کلی چرچیوه‌لرده سؤیله‌نیلیر، اوخونولان بو کیمی شعرلرده، شاعیرین فردی تجروبه‌لرینی الده ائتمک اولمور. یئنی شعرده ایسه فردی تجروبه‌لر، خیردالیقلاری ایله بدیعی تصویر یاراتماقدا اشتراک ائدیر. یاشیل... / ساری... / قیرمیزی... یاشیل باخیش‌لارین یاناق‌لاریمی قیزاردیر یاشیلیم / یاواشجا یاخینلاشدین دوداق‌لاریما هیزلی باش آلیب گئتدین ایندیسه / هانسی اوز ایله / یاخدیغین جانیمین کول‌لرین باغچانین آغاج‌لارینا پای وئریم گل / فلسفه توخوما قان دامارلاریمدا قان قان دئییر / قارقیمیش باش‌آغری‌لاریما بیر دامجی سو دادیزدیر/ آغری‌لارین باشین کسمه‌دن بیر گئجه‌لیک اَیلَش آلوولانمیش اوره‌ییمین قارشیندا بیر ایسلاق دسمال‌لا / قَهرلریمین آتشین آل ساده‌جه ایسته‌ییم بودور سندن                (معصومه جبارپور، 1395: 9-8). بونا گؤره یئنی شعر، اؤزونون تصویر یاراتما پروسئسینده، دیوان شعری‌نین شابلونلاشمیش تصویرلرینی قیراغا قویور... ◀️ مدرن لیریکادا، شاعیرین سئوگیلیسی‌نین‌ کیملییی، شخصی خاراکتئری بیزه آچیق ‌آیدین بللی اولور. هر شاعیرین لیریکاسیندا -و حتتا هر بیر شعرین لیریکاسیندا- سئوگیلی‌لرین فرق‌لرینی گؤروروک. عینی حالدا سئوگیلی‌نین داخیلی و خارجی خاراکتئریندن نئجه بیر سئوگیلی اولدوغو و جینسیتینی ده سئزه بیلیریک: آآآی / آی منیم یورقانسیز سئوگیلیم گئجه سن آزاد ائله‌دین سوتییه‌نیمی آچدین بوتون دوستاقلاری جانیمین سویون / امدیین آن وارلیغیم سربست قالیر قارقالار قانادلی قورولتای‌دیرلار قیرمیزی باغدان / قونقا باشینا / «قادانی آلیم» دئدین سنین دؤشلری‌نین اوستونه قارقا کؤلگه‌سی حرام دئییل قارقالار قارالتیلاری قورویان / قوشلاردیرلار دؤشلریوین رنگی ارکین رنگیله بویانیب سانکی دئدین دؤشه‌یه اوچوروم بوراخان کؤکسون سئویشمه‌نین باشلانغیجی‌دیر قارقالار منی چاغیریر ائل گؤلودن دیشی‌لییمین ایستیسینده  شاه‌گؤلونون حووضو قاینایاجاق بوتون ارکک‌لر چایا چاغیریلاجاق قارقا اولاجاق بوتون ارکک‌لر دوغو ایله باتی‌نین آراسیندا ایپک یولو دولاجاق قارقالارلا دیشی‌لییمدن یارانان قارقالارلا آلت‌پالتاریم قارالاجاق مارکوپولو اَینینده              (معصومه جبارپور، 1395: 4-63). ◀️ شعریمیزین بدیعی آخاریندا «قادینسل سؤیلم» مفکوره‌سی‌نین کیشی‌یانی دیل اقتداریندان یاخا قورتاردیغینی، حتتا اؤنجه‌کی قادین شاعیرلریمیزین شعرلریندن فرقلی ایفاده اوسلوبونا صاحیب اولان بیر ایفاده‌نی ده بیز «معصومه جبارپور»ون داها چوخ، «آلما موغانلی»نین ایسه بعضی شعرلرینده گؤروروک. بو اؤزل ایفاده‌نی «ائروتیک ایفاده اوسلوبو» آدلاندیرماق اولار. ائروتیکادا قادین کیشی دیلی اورتاقلاشیر. کیشی شاعیرلرین شعرینده اولان ائروتیکا، اؤز ائروتیک کیملیینی عکس‌ائتدیردییی حالدا، قادین شاعیرلرین ده ائروتیکاسی اؤز ائروتیک کیملیینی عکس ائدیر. هر ایکی شرایطده یازیلان شعرلرین شاعیرلرینی درحال قادین یوخسا کیشی اولدوقلارینی سئزمک چتین دئییل. بونون کیشی واریانتینی اؤز شعریمیزده گؤرمه‌میشم. آنجاق مسئله‌نین آیدینلاشماسی اوچون تورک شاعیری جمال ثریادان اؤرنک وئریرم: قیرمیزی بیر قوشدور نفسیم قومرال گؤی‌لرینده ساچلاری‌نین سنی قوجاغیما آلیرام تعریف‌سیز اوزانیر باجاقلارین قیرمیزی بیر آت اولور نفسیم اوزومون یانماسیندان آنلاییرام یوخسولوق گئجه‌لریمیز چوخ قیسا دؤردنالا سئویشمک لازیم (جمال ثریا،2009: 11). آنجاق بو آنلاری قادین شعریمیزده گؤرمک اولور: آنان اؤز یئرینده آما / دویورماز / هئچ قادی‌نین ممه‌لری سنی گئجه / آینالار گوله‌رک / گؤزلرین یومور سنین گؤزلرینده یوزلر اؤنجه کی قادینلار کیمی گؤزلرینده سویونور بیر قیزجیغاز چیلپاقجاسینا آنادان اَمدیین سودو دونیا بورنوندان قوسدورمادان / اَم ممه‌لریندن. گئجه، بیر ده من / کؤکسومون اؤلکه‌سی ویزا ایسته‌میر قادینلیغیم / یوردون، یووان اولور لوطفن قاسیرغالی اؤلکه‌نی دینج‌لشدیر. سونرا یانان اوره‌ییمده بوتون ویزالارینی یاندیر آرتیق / ائکیز روحلو وطنداشیق!..                      (معصومه جبارپور، 1396: 99) آآآی / آی منیم یورقانسیز سئوگیلیم گئجه سن آزاد ائله‌دین سوتییه‌نیمی آچدین بوتون دوستاقلاری جانیمین سویون / اَمدیین آن / وارلیغیم سربست قالیر قارقالار قانادلی قورولتای‌دیرلار قیرمیزی باغدان / قونقا باشینا / «قادانی آلیم» دئدین سنین دؤش‌لری‌نین اوستونه قارقا کؤلگه‌سی حرام دئییل                                                         (معصومه جبارپور، 1395: 63). قایناق: آذربایجان شعرینده مدرنیزم: همت شهبازی، (معصوم جبارپور حاقدا مختلیف صحیفه‌لرده اورتایا قویولان باخیش‌: باخ: صحیفه ۴۴۲، ۵-۵۴۴، ۱-۹۹۰) https://t.me/Adabiyyatsevanlar

معصومه_جبارپور چارمیخا چکیلن آغریلاریم تک قابارلی سؤزلریم کیتاب‌لاریمدا ایل‌لردیر یانیری بیر اوووج اورک گؤز یاشی بویلانیر قابارلاریمدا قلم‌لر، آسیلی بیر شهید کیمی اوخشاییر، سیزلاییر آغ واراق‌لاری کؤرپه اوشاق‌لارین اورکک خیالی اویادیر ایچیمده اؤتن چاغلاری کؤهنه یارالاریم آذر آییندا سیخیر اوره‌ییمی یئنی درد اولور 1324 اولای‌لاریندا بیری نامرد اولور، بیری مرد اولور! هله ده گؤزومده یانان ‌کیتابدا ایپ آتدی اوینایان اوشاق‌لار یانیر بیر جئیران بالاسی الینده کیتاب سیلاحلی عسگری بیر قارداش سانیر! قوروماز کسیلن دیل‌لرین قانی آخی وطن بویدا قفس اولارمیش؟ یاراشمیر اَینیمه یادلارین دونو وطن گول آچارمیش، وطن سولارمیش تکجه الیفبا یوخ، تکجه لوحه یوخ گئجه‌دن گوندوزه یئتن یانیردی تکجه معلّم یوخ، تکجه سؤزلوک یوخ تبریز آلوولانیب، وطن یانیردی... https://t.me/Adabiyyatsevanlar

بو سون شعیر دیر کی یاساقلار قیزی ادبیات سئونلر گوندرمیشدی. _ معصومه جبار پور"یاساقلار قیری" گونشی گؤزلرینده دوندوردو بیر یابانجی شاختا قوتسال کؤلگن یاواشجانا قیسیلدی بیر بوجاغا گؤرولمز اولدو آخی کؤلگه نی اوجالتماق اوچون_ یولچو اولموشدوق شاختالی گونده ! هاچان سنی ایتیردیم ؟ هانسی گئجه ؟ ایندیسه شه هرین پالچیقلی دووارلاریندا ایزینی آختاریرام بیلیرسن می؟ بوراداکی قاناری لار قارایا بویانیب سس لری شه هری تیتره دیر سن سیز یاشام هئی تیکرار لانیر خیاوانلاردا کؤلگه لر منی آلای ائدیرلر نه اولور گل کؤلگه نی یاپیشدیر بوتون دووارلار_ قالدیریملارا قوی بیر آنلیق اوره ییم دینجلسین! بیلیرسن می؟ رویالاریمین شوالیه سی اولموسان" سایه" گؤز آچدیغیمدا دؤرد بیر یانیمی کؤلگن بورویور اونودولماز بیر سیمگه سن _ اؤلومومه قه در کؤلگم! https://t.me/Adabiyyatsevanlar

باش ساغلیغی دونیا سندن کیم‌لر کئچدی ... ازلدن بئله دیر چونکی کاینات جهان دایمی دیر، عومور امانات الدن- اله کئچیر وفاسیز حیات بیز گلدی گئدریک سن یاشا دونیا آلدیغیمیز آجی خبر اساسیندا ادبیات سئونلر قوروپونون تانینمیش اؤیه‌سی یاساق‌لاری سیندیران "یاساق‌لار قیزی" معصومه جبارپور بو گون تبریزده قلبی "آنفارکتوس" اثرینده آرزی کروانی مقصد چاتمادان، قلمی‌نین چیچکلی وعده‌سینده حیاتا گؤز یومدو. بو اینانیلماز، آجی، دردلی خبر بیزیم هامیمیزی یاندیردی. ادبیات سئونلر بو آیریلیغی ایلک اؤنجه جبارپور عایله‌لرینه، سئون‌لرینه، شاعیرین قلمداش‌لارینا، قوروپداش‌لارینا آذربایجان خالقینا باش ساغلیغی وئریر. معصومه جبار پور 1368_جی ایلی‌ فروردین آیی‌نین بئشینده  تبریزه دونیایا گؤز آچمیشدی. یاساق‌لار قیزی حیاتی‌نین ان گنج گون‌لریندن ادبیاتا ماراق گؤستردی. اونون حکایه‌لری، جسارتلی شعیرلری مختلیف درگی‌لرده، گونده‌لیک‌لرده، ادبیات سئونلر قوروپوندا، کانالیندا، ایشیق سایتیندا دفه‌لریله نشر اولونوب. یاساق‌لار قیزی‌نین ایلک کیتابی "قار آدام" عنوانی ایله 1395ده یاشار قلم انتشاراتی طرفیندن باسیلمیشدی. شاعیرین ایکینجی اثری "من یاساق‌لاری سندیردیم"  1396_جی ایلده آیدین ساو نشریاتی طرفیندن ایشیق اوزو گورموشدو. ادبیاتدان باشقا  خانیم جبارپورون عمیدی جناب‌لاریله بیرلیکده بیر ترجمه‌سی ده "متابولیسم سلول  سرتولی، متابولیسم اسپرم سازی "  عنوانی ایله 1397ده انتشارات خسروی طرفیندن ائلمیزه یادیگار قالییب. آدی قالارقی، اونودولماز شاعیر معصومه جبارپورون توپراغا تاپیشیرما مراسیمی دوشنبه گونو ساعات 12/30 تبریزین وادی رحمت مزارلیغیندا قیداولاجاق. ائلیمیزین سئویملی قیزی‌نین شام غریبانی دوشنبه گونو 1403/08/21 ساعات دان 20/30 - 18/30 دک تبریزده مسجدالنبی ده( خیابان آخونی روبروی پامچال قید اولاجاق. عزیز شاعیرین روحو شاد، توپراغی یونگول اولسون. ادبیات سئونلر 1493/08/29 https://t.me/Adabiyyatsevanlar

آجی خبر معصومه جبار پور"یاساقلار قیزی" بو گون1403,8,21 تبریزده حیاتا گوز یومدو.

سحر_خیاوی اونون طالعی "هانی او آخار- باخارلی، ذیروه‌سی قارلی، یاشیل اته‌یی چشمه‌لی-چایلی اولو داغلار؟" دریندن کؤکس اؤتوروب، گؤز قاماشدیران گونَشدن، -سُوروشدو جسور قارتال. چیمچه‌شیردی قوخوموش-لئهلی باتلاقلاردان ایرگَنیردی شوبهه‌لی باخیشلاردان داریخیردی قانادلارینی باغلایان قانداللاردان آلتون شهپرینی اَسدیریب، قاققاناق چکدی قارقالارین قورولتایینا، گولدو آیاق ایزیندن، اوزونده ایینه آتماغا یئر قالمایان، مین‌لر کره فتح اولونموش، تاپتالانمیش تپه‌جیک‌لره، قاققاناق چکدی آزاجیق موردارلارا سئوینن بؤر- بؤجک‌لره، شیره قوخوسونا اوچوشان کور میلچک‌لره. ایتی باخیشلاری، آیاق دَیمه‌میش قارلی- قیروولو ذیروه‌لره دیم-دیک باخدی، ذیروه‌نین دوز باشینی توشلادی، نئجه ده خوش خوشلادی! دئمیشدی او دَلی‌قانلی فیلوسوف: " سنین طالعین میلچک قووماق دئییل"* *نیچه: سرنوشت تو مگس تاراندن نیست. https://t.me/Adabiyyatsevanlar

اوره‌ک ایشیغیندا شعر :  حسن ریاضی ( ایلدیریم) ترجمه:"ابراهیم اسماعیلی" سوزوله – سوزوله کئچیرم فصل‌‌لرین، ایل‌لرین ایچیندن ساچیمین رنگی، سؤزومون آهنگی- دئیشه- دئیشه ایچیمده ارییب ایتیر زمان. بیر قوم ساعاتی کیمی یاشانیر عؤمور- بو تاییندان ، او تایینا دوشه- دوشه گؤزلریمده گونو، گوندن بؤیویور دونیا حقیقت‌لر، سیرره دؤنور بیلمه‌جه‌لر چوخالیر، اینانج‌لار اینجه‌لیر رؤیالار یوزولماییر، آرزولار چین اولماییر... آنجاق اوره‌ک! سئوگی‌یه دولا – دولا دؤیونور دورولا- دورولا بوللورلانیر ایشیق ساچیر. اوره‌ک ایشیغیندا- آیدین گؤرونور منه هرشئی! اوره‌ک‌له باخیرام- یول‌لارا، آدام‌لارا باخیرام، سنه، اؤزومه باخیرام اولوما ، اؤلومه و بیرده … ترجمه:"ابراهیم اسماعیلی" در روشنای دل نرمک نرمک گذر می کنم از میان فصل ها و سال ها. با تغییر رنگ مو و آهنگ صدا زمان در درونم گم می شود. عمر به سان ساعتی شنی در نشیبی معکوس می گذرد و دنیا روز به روز در چشمانم بزرگتر می شود. حقایق ، راز جهالت ، وافر باور ها ضعیف می شوند. رویاها ، ناتمام اند و آرزوها چین بر نمی دارند. باری ، قلب می تپد کماکان لبریز از عشق بلورین می شود از صافی ها نور می پاشد. در روشنای دل هستی را نورانی می بینم. نگاه می کنم با دل بر راه ها ، آدم ها نگاه می کنم بر تو ، بر خویش نگاه می کنم بر ماندن ، بر مرگ و دیگر ... https://t.me/Adabiyyatsevanlar

ترجمه کتاب «جهانهای معرفتی متفاوت» اثر پروفسور گابریل واکاریو و ترجمه ایلقار موذن‌زاده با نشر #نظامی_گنجوی و در ۳۹۰ صفحه منتشر شد. =» از مقدمه مترجم: کتاب گابریل واکاریو علاوه بر بحث پیرامون مسائل فلسفی از جمله هستی‌شناسی، معرفت‌شناسی، فیزیک و متافیزیک، از دیدگاه فلسفه، روانشناسی شناختی را هم مطالعه و آنالیز می‌کند. واکاریو در این کتاب یکی از اصلی‌ترین دغدغه‌های فلاسفه از عصر باستان تا به امروز یعنی بحث «اتحاد ذهن و بدن» را از دیدگاهی جدید و منحصر به فرد بررسی می‌نماید؛ دیدگاههای قبلی فلاسفه را به چالش کشیده و ایده جدیدی در این زمینه پدید می‌آورد. 🌱کتاب طی روزهای آینده در کتابفروشی دنیز (جلیل مقدسی) در مشکین‌شهر و کتابفروشی شریعتی و منصور جدی در اردبیل در اختیار علاقمندان قرار خواهد گرفت.

نبی خزری سنی شفق بیلدیم بو جهاندا من بعضا شیمک اولوب غضبله چاخدین ایلک دفعه دونیایا گؤز آچاندا من قلبیمه گونشین اؤزیله  آخدین آنا گؤزلریندن سوزه ن نور کیمی هوپدون اوره یمه سن گیله – گیله هر کلمه ن ، هر سؤزون بزنمه ییب می مهربان آنانین تبسوم ایله اوجالیر باغچادان بولبولون سسی چای سوسور، اسمه ییر چمن ده یئل ده نه قدر دوغما دیر اونون نغمه سی بولبول ده، ایله بیل، اوخور بو دیلده https://t.me/Adabiyyatsevanlar

    بررسی تاریخی-تطبیقی زبان های «سومری-کنگری» و «ترکی»      رحمان پوراکبر خیاوی(روشن خیاوی)        فیلولوژی-Ph.D     ۲- در مرحله ی دوم، ضمن اینکه هجاها بهم می پیوندند و تشکیل یک واژه میدهند، در عین حال در زمان نوشتن، هجاها به صورت مجزا، یعنی جدا جدا(جدا از هم) کتابت شده اند. مثلا: همان واژه ی «دینگیر- dingir» با سه و حتا گاها با چهار هجا، که بین هجاها خط فاصله گذاشته شده، نوشته می‌شده است، به صورت زیر:      دی- ائن- گیر - di- en- gir، یا      تی- ائن- گیر - ti- en- gir، و چند صورت دیگر. همین کلمه در پروسه ی تاریخی و بسیار طولانی، اینک در گویش های زبان ترکی به شکل های زیر دیده می‌شود:      ت. خاکاس- tıgır :T. Khk- تؽگؽر      ت. شور- :təgrə :T.Şor- تگره      ت. اویرات-təgri : T. Oyrt- تگری      ت. چوواش- tora, tura, tara :T. Çvş- توْرا، تورا، تارا      ت. یاقوت- tangara :T.Ykt- تانگارا      ت. دولقا- tangara :T.Dlq- تانگارا      ت. تووا- dər, dərə :T.Tuv- دره، در      ت. قیرقیز- təngir :T.Krkz- تنگیر      ت. بالکار- tejri :T.Blkr- تئژری      ت. قارا قالپاق- təğri :T.Krklpk- تغری      ت. سالار- tanru :T.Slr- تانرو      ت. باشقورد(باشقرد)- təngəra :T.Bşkrd- تنگه را،(D.U.T.D.p: 3)      ۳- در مرحله ی سوم، هجاها بدون فاصله گذاری، کاملا به هم می پیوندند و تشکیل کلمه- واژه میدهند. الواح کشف شده از زبان کنگری-سومری در این مرحله، نشان میدهد که بین هجاهای یک کلمه یا نام، هیچگونه فاصله گذاری نشده است، به همین علت، قرائت و خواندن الواحی که در این مرحله نوشته شده اند، راحتتر و فهم معنای آن‌ها سهلتر است. این مرحله را در کتیبه ها و نگاره های سنگ نوشته های بیستون(کتیبه های دوران هخامنش ها)، می‌توان به راحتی دید. البته این کتیبه ها به زبان‌های خود هخامنش ها(آقامنش ها) و ترکی سکایی و زبان آکادی- اکدی، نگارش یافته اند، و نه به زبان کنگری-سومری. سخن ما اینجا به این معنی است که، بین هجاهای یک کلمه هیچ فاصله ای گذاشته نشده، بلکه تنها بین کلمات علامت «واژه جدا کن» گذاشته شده است، این علامت «واژه جدا کن» در متن هخامنشی به شکل یک خط عمودی(|) و در متن ترکی سکایی به شکل یک خط مایل(/) گذاشته شده است. با این علامت ها، خواننده یا قرائت کننده ی کتیبه، به راحتی می‌تواند تک تک واژه ها را از هم تشخیص بدهد. این علامت ها، قبل از زمان هخامنشیان در زبان کنگری-سومری به وجود آمده بود و سپس توسط سایر ملل از جمله آکاد ها و ایلامی ها از مردم کنگر-سومر اخذ و اقتباس شد.  این ها در حقیقت نشان دهنده‌ی تکامل کتابت و جمله بندی در زبان کنگری-سومری است.     زبان کنگری-سومری، به عنوان یک پدیده ی بشری، مانند همه ی پدیده های بشری دیگر، همواره از پیچیدگی رو به سادگی نهاده است. مثلا «نون غنه»(nasal, palatal)، در زبان کنگری-سومری وجود داشته و تا امروز هم در بعضی از گویش های زبان ترکی به صورت نخستین خود، همچنان ادامه یافته و مشاهده می‌شود. این مورد یکی از مهمترین دلایل نه تنها خویشاوندی این زبان ها، بلکه حتا دلیل مهمی بر این مدعا است که زبان های اورال-آلتای و مخصوصاً زبانهای آلتایی شکل تکامل یافته و دگرگون شده ی زبان کنگری-سومری است. ما برای اثبات مدعای خود، دلایل بسیار محکم و قانع کننده ای داریم که، یکی از آن دلایل وجود همین نون غنه در همان زبان و زبان‌های آلتایی است. این نون غنه امروزه روز، در تعدادی از گویش های زبان ترکی، مانند ترکی ترکمنی و ترکی قازاق و ...مشاهده می‌شود.      میدانیم که زبان کنگری-سومری حداقل دارای دو گویش- لهجه بوده است، نون غنه به مرور زمان در یکی از گویش های همان زبان، با دگرگشت هجای«آنگ- ang» به صورت «آم- am» و همینطور «اینگ- ing» به صورت «ایم- im» تحول یافته است. در حقیقت در این تحول فونتیکی تنها فونم «گ- g» به فونم «م- m» تحول یافته است.(Begmirat Gerey, Berlin, 2003, p: 74).      قایناق:آکادمی مشکین https://t.me/Adabiyyatsevanlar

. شاهین‌_مرادی گونش، آی و اولدوزلارا تاپینماق ۲ یاکوت میفولوژی‌سینده، بعضی محقق‌لرین توپلامالارینا گؤره گونش، یوخاری دونیادا اولان  « Ürün Aar Toyun»  (ان بؤیوک اولو تانری)ون آروادی « Gün/Kün Kübey Xatun/Hatun»دور ( Ürün Arılı Hotum). دونیانی ایسی‌دیر، تمیزله‌ییر و حیاتین فانی اولدوغون سیمگه‌له‌یر‌ ( Y.Vasilyev. Saha Türkleri, s.7). آنجاق میرچا ائلیاده، آروادی‌نین دئییل ده گؤیون دوققوزونجو قاتیندا اوتوران گؤیده‌کی تانری و روح‌لارین باشقاسی‌نین قورولوشونون گونش اولدوغونو سؤیله‌مکده‌دیر ( M.Eliade.a.g.e. s.219). بورادا چؤزولمه‌سی گره‌کن بیر مسأله اورتایا چیخیر؛ آما عصرلره و دؤرلره گؤره هر ایکی دوشونجه ده ایفاده ائدیلمیش اولا بیلیر. یاکوت‌لار، گونشی و آیی قارداش ساییرلار. بعضی قهرمان‌لارین اونلارین ایسته‌یی ایله تؤره‌دییینی ایفاده ائدیردیلر. بو سبب‌له شامان گئییم‌لری اوزرینده دمیر حلقه‌لر یئر آلیردی. یاکوت‌لار، بلکه ده مانی‌چی‌لیک میفولوژی‌نین تأثیری ایله، گونش و آی‌لا ساواشان و بعضاً اونلاری قارانلیق دونیاسینا حبس ائدن خبیث روح‌لاردان سؤز ائدر. اونلارا گؤره گونش و آی توتولماسی‌نین سببی بو ایدی. اونلار، آی و گونش توتولمالاریندا، عیناً تورک دونیاسی‌نین باشا-باشیندا اولدوغو کیمی طبیل چالاراق، گورولتو کیمی سس چیخارداراق آی و گونشی خبیث روح‌لاردان قورتارماغا چالیشیردیلار ( Ü.Günay ve Ü.H.Güngör, başlangıçtan Günümüze Türklerin Dini Tarihi, s.45). آی و گونشه تاپینماق، مختلف تورک خالق‌لاریندا اولدوغو کیمی قازاق‌لاردا دا یایغین‌دیر. بیرچوخ قازاق افسانه‌سی و البته دب‌لرینده بو موضوعویا اؤرنک اولان سندلر واردیر. بیر قازاق افسانه‌سینده اسکی‌دن گونش و آیین ایکی گؤزل قیز اولدوغو آنلادیلماقدادیر. بونلار بیر-بیرینی قیسقانیرمیش‌لار، گونش آیین اوزونو جیرماقلامیش و بؤیله‌جه آیین اوزونده‌کی لکه‌لر عمله گلمیشدیر‌. باشقا طرفدن آی دا گونشه یاخین‌لاشماییر و اونو اوزاقدان گرگین‌لشمه‌یه چالیشیرمیش. یئنه موضوع ایله ایلگیلی اولاراق آختاریلان باشقا بیر سندده، هون‌لاردا اولدوغو کیمی نوروز گونونده قازاق قادین‌لاری گونش دوغونجا اونا اَییلَرکن سلام وئریرلر ( Ş.Ibrayev, Kazak Folklorunda Nevruz, "Nevruz ve Renkler Türk Dünyasında Nevruz, İkinci bilgi şöleni bildirileri, haz. Sadık Tural ve Elmas Kılıç, s.190) https://t.me/Adabiyyatsevanlar

مریم پاییزی طنز يئنه تلگرامدا اوز اوزه گلديك(1) نئينه يك گؤروش چون داى يئريميز يوخ سن گل اينيستادا شعرينى پايلاش سنه لايك ووروم گونده میندن چوخ هر گون ده يهويى بير شكيل يوللا آمما فتوشاپ لا اوستونده ايشله ساده جه لايك لار چوخالسين دئيه ناز ايله، لاپ ياواش قلمی ديشله ائله ياز ميلچك لر(2) هئچ دوشونمه سين "یاکاموز یارادان قارا دنیزم"(3) کیمسه ده نقد ائتسه دئسه بو نه شعر؟! سؤيله پست مدرنم، معنا گريزم ائله باشلا سؤزو، اوج سوز، بوجاق سيز فلسفه، منطقى بيترميش كيمى بير پيشيك يوماق لا اوينايان زامان كَلَفين اوجونو، ايتيرميش كيمى شعر اوچون اَن مدرن مانيفيستى ياز " شعير دوداغيمدا قويدوغون ايزدى" يادا كى تولكونون آجليق دردينه "قارقا ديمدييینده آغلايان چيزدى" (4) مثلا ياز سنى یاشام گئيينير قارلارین اوستونه داغلارى اَله توز، تورپاق سَپه له يار گلن يولا آنلامسیز يازماقلا، شاعير اول ائله راميز_روشن (1) یئنه بو شهرده اوز اوزه گلدیک ، نئیله یک ، آیريجا شهریمیز یوخ ، بلکه ده ، بیز خوشبخت اولا بیلر دیک ، بلکه ده خوشبختیک ، خبریمیز یوخ ، (2)ميلچك لر، ماكسيم گوركى نين روايتينه گؤره، آنتوان چخوف منتقدلرى ائششك ميلچه كيمى بيلير كى آتين اوستونه قونورلار.و يئرى شخم وورماغا اَنگل اولور لار. من دئميرم ها!! ماكسيم گوركى دئييب كى آنتوان چخوف بئله دئييب.گوناهى ماكسيمين بوينونا ائششك ميلچه يى وزنه سيغيشمادى.منده ميلچك يازديم . (3)یاکاموز :دولون آیین تصویری سودا (4)تولکو و قارقا حئکایه سینه اشاره گیومه ایچینده اولان مصراع لاردا اؤزومدن دی. https://t.me/Adabiyyatsevanlar

"زنوز" گوروشو  ادبیات سئونلر کانالیندا زمان:سه شنبه1403,8,22 ساعات 9 https://t.me/Adabiyyatsevanlar

علی_چاغلا سس‌سیز اوچوروم  سس‌سیز اوچورومون اوجوندایام، گئرییه باخدیغیمدا قانادی یولونموش قوشلاری گؤرورم دمیرلری پاسلانمیش قفسلرین آچیق قاپیلارینی چئوریلیرم، باخماق ایسته‌میرم. یاشیللیغا اینانمادیغیم اوچون، بوزاریر اؤنومده‌کی منظره! آغرییا سوروکله‌ییر منی قارانلیق‌ دوشونجه‌لر و اؤلومون سس‌سیزلییی لال-دینمز‌ دایانیب یانیمدا. گؤرورم، بیلیرم بیلیرم، گؤره-گؤره چوخ شئیلری یئنه ده گؤرمورم. بدنیم پارچا-پارچا، روحومو دلیب کئچن گوللـه‌لر سویومور و سس‌سیز اوچورومون اوجوندا بو سون نفسیم اولسون دئیه چالیشسام دا ساییسی یادیمدان چیخیبدیر نفسلریمین. هئچ بیر شئی قالمادی، هئچ بیر شئی اوستومدن قاطار کیمی کئچمیر آرتیق قوش اولوب اوچماق‌ دویغولاریمی قارا دیوارلار پوزدولار اوتاغیمدا دویغولانا بیلمیرم هئچ بیر شئیه... من بیر شئیه اینانا بیلمیرم، بیر شئیه. بلکه ده آسیلی قالدیغیم «بیر» سؤزونون اوستونده‌یم سؤزومون اوستونده‌یم، آسیلی قالمیشام. آسیلی بیر، بیر آسیلی بیلیر بیر سؤزومون اوستونده «بیر» سؤزونون اوستونده... دونیانین حبس‌خانا اولدوغونو بیلیرم بیلیرم، آسیلدیغیمدان سونرا حبس‌خانانین قاپیسینین ابدی آچیق بوراخیلاجاغینی دا بیلیرم. بیلیرم دونیا موحاریبه مئیدانی اولسا دا بئله آیاقلاریمی سئوگی مینالارینین اوستونده بوراخدیغیمدان سونرا صلح بیان‌نامه‌سی امضالایاجاقلار حؤکمرانلار - دیکتاتورلار، بیلیرم. سن ائوده اوتوروب قزئته اوخویارکن، خبریمی ائشیده‌جکسن... موغایات اول... چایین سویوماسین... هر شئیین سونو قاپ-قارا قارانلیقدا یوخ اولور یوخ اولور اوّلدن اولمایان «بیر» سؤزو، یوخ اولور. یوخ اولور، اولور، یوخ اولور، آسیلمیر، آسیلیر... بیر سؤزونون اوستونده آسیلی قالیرام بیر سؤزونون... سؤزونون بیر-بیر بیر سؤزونون آسیلیرام اوستونده اوستونده‌یم بیر سؤزونون سؤزومون اوستونده دایانیب آسیلیرام. اومودلاریم بالیق اولماق آرزوسوندایکن سیزین حیطینیزین ماوی حوووضوندا غرق اولدولار. ایندی پاسلی قفسلرین آچیق بوراخیلمیش قاپیلاری، مینالارین خنثی اولماقلاری و سنین سطیر-سطیر قزئته اوخوماغین، دامداکی پیشیکلرین بالیقلارا شورگؤزلوک ائتمه‌یینی گؤرمه‌مه‌یین گؤیلرین ابدی‌لییینه دالیب آغلاماغین فوتوقرافچی‌لارین ایشینه یارایار ساده‌جه، بیلیرم. گله‌جه‌یین اولمادیغی سون نقطه‌ده گئرییه باخا بیلمه‌دیییم سسسیز اوچورومون اوجوندا بو سون نفسیم اولسون دئیه چالیشسام دا سون سیقارئتیمی آلیشدیریرام... یانیرام... بونو سن گؤرمه‌یه‌جکسن... https://t.me/Adabiyyatsevanlar