ادبیات سئونلر

همین ایشیقلی گونلر ✍یازان:«جاوید زئیناللی» کؤچورن:«سحرخیاوی» حاضیرلایان:«ادبیات سئونلر گؤیلر خبرسیزدیر کی، هومای پنجره‌نین آغزیندا دایانیب غوصصه‌لَنیر. خبرسیز اولماسایدی ایندی یاغیش یاغاردی: اوّل چیسکین سونرا گورشاد. یاغاردی کی، بو نیسگیللی آدامین اوره‌یینه‌ سرینلیک، جانینا توختاقلیق گلسین. هر ایل بئله اولمازدی. نویابر کوله‌یی اَسیب- جوشاندا ائولرین دامیندا، آغاجلارین باشیندا اویمایان کولک اوّل چیسکین، سونرا گورشاد یاغیشدان ایسلانیب توختایاردی. گویلر قویمازدی نه پیشیک‌لر اوشوسون نه آغاجلار. نه ده یارپاقلار اورتالیقدا بوش- بوشونا یورغون دوشسون‌لر. باکی‌نین بو بالاجا کوچه‌سینده ده نه چوخدور پیشیک‌لر، نه چوخدور آغاجلار، نه چوخدور اَر- آرواد قان‌قاراچیلیغی. اَری یئنه زنگ ووراجاق. هومایین همیشه‌کی یاریمجان کلمه‌لری او طرفده پیس ائشیدیله‌جک. همیشه‌کی هئیسیز سوزلر دیلینده بورخولاجاق. - سالام، نه وار نه یوخ؟ آللاه سن اوز جاه- جلالین‌لا شاهیدسن کی بو نه وار نه یوخا نئجه نیفرت ائله‌ییر، نئجه چیمچه‌شیر، نئجه اورپشیر! نئچه دفعه اوره‌یینده دئمیشدی کی، آی مئشه اودونو، کیشی اوز قادینیندان جان دردی نه وار نه یوخ سوروشماز‌. دئیر " بیردَنَم"، " عؤمروم- گونوم"، چاغیرار " گؤزلیم"، دئیر کی اللرین اوچون، هَنیرین اوچون داریخمیشام. بو غملی نویابر آخشام‌چاغیندا سسینده فرح گتیرر، سئوینج گؤندرر. - آلو... - ائشیدیرم... - نه اولوب یئنه اؤله- اؤله دانیشیرسان. چوره‌ک وار؟ - یوخ. - باشقا نه آلیم؟ - پیشیک اوچون... - پیشیک پ...خ یئییر، قوی آج قالسین. مورادا دئه، یوز‌اون‌یئددی‌یه قدر اوره‌یینده سایسین ائوه چاتاجام. واخت گئتدی. -ائشیتمیرسن؟ - موراد یوخدور. - یئنه قونشودا سوله‌نیر؟ یاخشی، اوندا سن سای. - اوفففف.... هه، هومایین یاخشی یادیندادیر کی، اری‌نین هر شئیی اوره‌یینده سایماق خسته‌لیگی نه واختدان باشلاندی. اوندا هله مهربان ایدیلر. بیربیری اوچون داریخا بیلیردیلر، گؤز یوموب اوزون- اوزون اؤپوشه بیلیردیلر. همین ایشیقلی گونلردن بیرینده اری‌نین ایش یولداشی شاماخیدان چاخیر گتیرمیشدی. آدی دا یادیندادیر: مئیسری. گؤره‌سن نه دئمک ایدی؟ سوروشماغا اوتانمیشدی. سونرا اؤیرنمیشدی کی صفوی اوردوسوندا سول جناحا مئیسره دئییرمیش‌لر. همین آخشام ایچیب خومار اولموشدولار، بیربیرینه اوشاقلیق خاطیره‌لرینی دانیشمیشدیلار. خاطیره‌لر سئیره‌لنده ساغوللاشیب بیربیرینه قیسیلا- قیسیلا ائوه گلمیشدیلر. ائله نه اولموشدوسا همین آخشام اولموشدو. حیس ائتمیشدی اسماعیل اوّلکی آدام دئییل. - داغینیق دیر، فیکیرلی دیر. بئله آداملارا " دَوه‌سی اولموش عرب" ده دئییرلر.هنیری سویوق، ایسته‌یی اؤله‌زیمیشدی...! هارا غیب اولموشدو او قاینارلیق، او احتراس؟ هاردا یوخ اولموشدو او جوشوب- داشان هیجان؟ هر شئیی تئزبازار، تلسیک اولموشدو. - بیر، ایکی، اوچ... نه اؤتن گئجه‌لرده کی حظّ واردی، نه او شیرین خومارلیق. ائله همین گوندن چئوریلیب اولدو آرشیو سیچوولو. قالاق- قالاق سندلری اوّل ائوه گتیرمه‌یه ایجازه وئریردیلر، سونرا تزه مودیر قاداغان ائله‌دی. باغیشلایان و گؤزل آللاه مرحمتینی تزه مودوردن اسیرگمه‌سین، اونو شرری- شئیطاندان، قورو بؤهتاندان، بَیلر غضبیندن اوزاق ائله‌سین. ایلاهی آمین! یوخسا کیم دؤزردی سحره قدر توکنمه‌ین رقم‌لرین تکرارینا؟! گوندوزلر اوره‌یینده، گئجه‌لر دیلینده، اوجادان، آز قالا چیغیرا- چیغیرا... - اوچ مین دوققوز یوز یئتمیش بئش...‌ احسن منه! بیتدی! بو سندی ده تئزدن ایشله‌دیم. 1926- جی ایلده آذربایجان ssriده اهالی‌نین ایلک سیاهی‌یه آلینماسی آپاریلمیشدی. بیلیردین؟ - کارسان آی قیز؟ - سوزونو دئه. اؤیرن. او واخت آذربایجاندا 2 میلیون 314مین 571 نفر یاشاییردی. 1 میلیون 212 مین 858نفری کیشی، 1میلیون مین بیر‌ یئددی‌یوز اون ایکی نفری قادینلار ایدی. 649مین 557نفر اهالی شهرلرده، 1 میلیون آلتی مین بئش یوز اون دؤرد نفری کندلرده یاشاییردی. - بونو بیلمه‌ییب گؤر نه‌لری ایتیرمیشم! - سن نه قانیرسان بو نه دئمک دیر؟! منیم اولو بابام دا اهالینی سایان آداملاردان اولوب ائی، تیفلیس‌ده سمیناریا قورتاریب. - هه، تفلیسده بوتانیکا باغی‌نین یانیندا بیر آی کرایه ده یاشاییب. - آی ساغ اول. یعنی کی بالاجا آدام اولماییب. - بیر دفعه ده صابیره سالام وئریب. - صابیر کیمدیر؟ - میرزه علی‌اکبر صابیر. - هه- هه... آمما صابیره یوخ میرزه جلیله سالام وئریب. او دا سالامینی آلیب. - یعنی دئییب کی، علیکم سلام؟! - بلی. دئییب، بئش ده آرتیق! - اؤزو ده ایکیسی ده بیر یئرده بوتانیکا باغیندا گزیرمیش، رحمتلیک بابان هر ایکیسی ایله سالاملاشیب.

« علی جنگجو خالط آبادی» (مختصر بیوگرافی) ۱۳۲۲/جی ایلده آبان آیی‌نین ۲۳-نده «اورمو»نون «عسگرخان» محله‌سینده،  دونیایا گلدی. ایلک و اورتا مکتبینی همین شهرده بیتیردی.  او هله یئنی‌یئتمه‌لیک یاشلاریندا ایکن آتاسینی الدن وئرمیش و ائوین بؤیوک اوغلو اولدوغو اوچون عایله‌نین بوتون مسئولیتی اونون عهده‌سینه دوشموشدور. ایکی ایل عسگرلیگینی اردبیلده کئچیردن سونرا،  آناسی و باجی قارداش‌ و باجیلارینی گؤتوروب،  اورمودان تهرانا کؤچموشدور.  اورادا ایلک اؤنجه قدیم مکتب دوستو جمال آغانی (دوکتور جمال آیریملو)نو تاپیب،  آز سونرا دا شاعر حسن مجیدزاده(ساوالان)ایله تانیش اولموشلار.  بونلار سورکلی حالدا بیر-بیری‌یله گؤروشوب، دانیشاردیلار بو گؤروشلرین نتیجه‌سینده علی خالط‌آبادی او زماندان اعتبارا آنادیلینه، ادبیاتینا و وطنینه اورکدن باغلانمیشدیر. علی خالط آبادی ایلک اؤنجه بیر مدت تولیدارو شرکتینده،  کارگزینی رئیسی کیمی چالیشمیش،  سونرا فرهنگ و هنر (بوگونکو ارشاد اسلامی) وزارتینده رسما استخدام اولموش،  تهران و زاهدان شهرلرینده ایشله‌میشدیر.  نهایت انقلاب عرفه‌سینده تبریز شهرینه ماموریت آلاراق،  همین اداره‌نین مالی-اداری وظیفه‌سینده ایشله‌میش و ۱۳۸۰-جی ایلده امکلی (بازنشسته) اولموشدر. علی خالط‌آبادی تبریزه گلندن سونرا،  «حسن آذربایجان»لا تانیش اولموش و عؤمرونون سونونا کیمی اونون کناریندا اولموشدور.  سونرا دکتر «محمدتقی زهتابی»نی تاپیب اونون بیر چوخ کتابلارینا مجوز آلماقدا موثر نقشی اولموشدو.  همین ایل‌لرده «ائلدار» آدلی بیر انتشارات ثبته وئرمیش و اونلارجا دگرلی کتاب نشر ائتمیشدیر. او، ح. آذربایجان، مهندس ی. تقوی،  دوکتور م. ت. زهتابی ایله بیرلیکده «آذربایجان مدنیت اوجاغی»نی قورموشلار.  «مدنیت اوجاغی» وقتی‌یله تبریز محیطینده ان اؤنملی کولتورل و معارف‌پرور اجتماعی تشکیلات کیمی چالیشمیشدیر. علی خالط آبادی ۱۳۸۳-جو ایلدن اعتبارا دیلماج درگی‌سی‌نین اجرایی مدیری اولموش و همین ایلدن باشلایاراق بو گونه کیمی دیلماجین امتیاز صاحبی اولان مهندس علیرضا صرافی‌نین ان یاخین یولداشلاریندان اولموشدور و صرافی ایله بیرلیکده «ائل بیلیمی مؤسسه»‌سی‌نین قوروجولاریندان اولموش و بو گونه کیمی ده بو مؤسسه‌نین ثابت و داییمی عضوو بیر چوخ وظیفه‌لری عهده‌له‌میشدیر.  او کؤنوللو اولاراق عؤمور بویو آنادیلینه و آنا وطنینه منت‌سیز خدمت ائتمیش و خلقی‌نین ادعاسیز خادمی کیمی چالیشمیشدبر. نهایت ۸۰ ایل‌لیک ثمره‌لی عؤمرونون ذیروه‌سینده سئودیگی دوستلاری و سئویملی عاییله‌سینی ترک ائده‌رک، آذر آیی‌نین ۱۴-نده ایشیقیلی دونیایا گؤز یومدو. یولو گئدرلی اولسون. قایناق: ائل بیلیمی https://t.me/Adabiyyatsevanlar

آجی خبر ائشیتدییمیز آجی خبر اساسیندا آذربایجانین سئویملی، صداقتلی، مئهریبان و چالیشقان اوغلو علی خالط‌آبادی بو گون سه‌شنبه خزل آیی‌نین 14 ابدی اولاراق حیاتا گؤز یومدو، دونیاسین دییشدی. بو آجی آیریلیغی حؤرمتلی عایله‌سینه، دوسلارینا، سئونلرینه باش ساغلیغی دئییریک. ائل عاشیقی، وطن عاشیقی علی خالط‌آبادی عومور بویو یورولنادان وطنه، خالقا، آذربایجان ادبیات و مدنییتینه خیدمت ائدیب. ،توپراغا تاپشیرما تؤره‌نی اعلان اولاجاق. ادبیات سئونلر https://t.me/Adabiyyatsevanlar

مهندس «علیرضا صرافی»  ادبیات سئونلر گوزگوسونده  1402/9/14 چکیلیش: «مرجان منافزاده»  ایکینجی بؤلوم7 آپاریجی: «کریم قربانزاده» https://t.me/Adabiyyatsevanlar

مهندس «علیرضا صرافی»  ادبیات سئونلر گوزگوسونده  1402/9/14 چکیلیش: «مرجان منافزاده»  ایکینجی بؤلوم6 آپاریجی: «کریم قربانزاده» https://t.me/Adabiyyatsevanlar

مهندس «علیرضا صرافی»  ادبیات سئونلر گوزگوسونده  1402/9/14 چکیلیش: «مرجان منافزاده»  ایکینجی بؤلوم5 آپاریجی: «کریم قربانزاده» https://t.me/Adabiyyatsevanlar

مهندس «علیرضا صرافی»  ادبیات سئونلر گوزگوسونده  1402/9/14 چکیلیش: «مرجان منافزاده»  ایکینجی بؤلوم5 آپاریجی: «کریم قربانزاده» https://t.me/Adabiyyatsevanlar

مهندس «علیرضا صرافی»  ادبیات سئونلر گوزگوسونده  1402/9/14 چکیلیش: «مرجان منافزاده»  ایکینجی بؤلوم3 آپاریجی: «کریم قربانزاده» https://t.me/Adabiyyatsevanlar

مهندس «علیرضا صرافی»  ادبیات سئونلر گوزگوسونده  1402/9/14 چکیلیش: «مرجان منافزاده»  ایکینجی بؤلوم2 آپاریجی: «کریم قربانزاده» https://t.me/Adabiyyatsevanlar

مهندس «علیرضا صرافی»  ادبیات سئونلر گوزگوسونده  1402/9/14 چکیلیش: «مرجان منافزاده»  ایکینجی بؤلوم1 آپاریجی: «کریم قربانزاده» https://t.me/Adabiyyatsevanlar

مهندس «علیرضا صرافی» ادبیات سئونلر گوزگوسونده  زمان: بو گون سه شنبه: 1402/9/14 ساعات: 10 طراح: «تانیش» چکیلیش: «مرجان منافزاده»2 آپاریجی: «کریم قربانزاده» https://t.me/Adabiyyatsevanlar

گیلگمیش داستان‌لاری ادبیات سئونلر کانالیندا آلتینجی بؤلوم زمان:بو گئجه  1402/9/13 ساعات: 21 ناغیلی حاضیرلاییب سویله‌ین: «ریضوان حاجی قاسیملی» جانای طراح:« تانیش» https://t.me/Adabiyyatsevanlar

✍:«رامیز_روشن» بیلمیرم هایاندان تاپدی عؤمرومو بیر دلی آت کیمی چاپدی عؤمرومو داغلارا داشلارا چیرپدی عؤمرومو قدریمی بیلمه‌دی بو آدام منیم ایلاهی، آل منی بونون الیندن! کاش منیم عؤمرومو بو یئر اوزونده بیر اؤزگه آداما توش ائله‌یه‌یدین لاپ منی آدام یوخ قوش ائله‌یه‌یدین لاپ بئله بیر قارا داش ائله‌یه‌یدین منی بو آداما سن نئجه قییدین ایلاهی، آل منی بونون الیندن! آل منی، وئر منی، اؤزگه‌لره وئر قیریق آینالارا، گوزگولره وئر بؤلونوم، یوز تیکه، مین ‌تیکه اولوم بو آدام اوزومه باخا بیلمه‌سین منی آینالارین قیریق‌لاریندان توپلایا ‌بیلمه‌سین ییغا بیلمه‌سین ایلاهی، آل منی بونون الیندن! بؤلونسم دردیم ده بؤلوندو بلکه هر دردیم یوز تیکه، مین تیکه اولدو بیر دردیم قالمادی اؤزوم‌دن یئکه بوتون دردلریم‌دن من یئکه اولدوم بو یئرین اوستونده، گؤیون آلتیندا بؤلونسم، هر تیکم بیر یانا دوشسه هاچان‌سا کئفینین خوش ساعاتیندا ایلاهی تزه‌دن یادینا دوشسم تزه‌دن توپلاسان قیریق‌لاریمی سینیق ال‌لریمی آیاق‌لاریمی آغزیمی بورنومو قولاق‌لاریمی ایلاهی تزه‌دن جالاسان منی دونیانین اَن گؤزل گوزگوسو اوللام تزه‌دن دونیایا یوللاسان منی بو آدام اولمارام اؤزگه‌سی اوللام ایلاهی، آل منی بونون الیندن!.. https://t.me/Adabiyyatsevanlar